蟹慶 (已結業)

路經銅鑼灣，見到好大隻蟹，喺個門面有樓梯，咁行咗落去望一望，見地方或好正呀，坐低兩個人，叫咗個二人套餐。 冇幾耐好快趣就想上菜，先嚟一個海蟹肉沙律，沙魚軟骨盤，青瓜牛蒡漬物，跟住精選廚師發版嘅刺身 ，帶子大大粒，池魚金目雕，牡丹蝦，啲蝦好大隻，帶子大大粒，真係大到 一開四，都仲係覺得佢大粒唔在講，更加好味道好新鮮，跟住呢個蟹肉蒸蛋，熱辣辣蛋滑蟹肉香， 愈食愈想食，不過得一碗仔 ，蒸毛蟹好大隻呀 ，食完砌番成隻蟹出嚟，侍應唔夠收，以為我地重未食。濱燒 松葉蟹腳 ，隻蟹腳又粗身喎，雖然燒賣係收咗水，但係依然係咁紮實好味，再嚟過濱燒鱈魚蟹腳，一樣係咁鮮甜好味呢個蟹宴係值得再試呀，蟹甲羅味噌燒，蟹膏香滑燒烤香味濃，買相好別緻，蟹腳天婦羅成盒 ，包括蟹腳，蝦，南瓜，蕃薯 ，炸得一樣咁鮮甜可口，跟住呢個松葉蟹釜飯 ，侍應走埋嚟同我哋要將啲蟹鉗蟹肉， 三色芝麻仲有黑松露，加到入過石鍋飯，嗰度攪拌一路燒，燒到乾水啦，先至舀出嚟，石頭飯，淨係嗰啲黑松露味，都已經夠吸引啦，仲有個甜品一個綠茶啲大豆粉茨餅，煙煙韌韌濃郁軟骨大份啲，就更加好添。

Jingle Bell Jingo Bell Jingo all the way......聖誕節請家姐食好嘢，不過就請佢食我最鍾意嘅蟹。位於銅鑼灣嘅蟹慶有個勁正的聖誕大餐，食物非常高級及豐富。最正嘅係六點前去食會有七五折。而家六點後停晚市，唯有提早食晚餐。聖誕套餐包括9道菜：前菜係鴨胸沙律、香煎鴨肝多士 及時令刺身四款 另外個黑魚子海膽蟹肉蒸蛋超鮮甜美味，黑魚子帶少少咸香，正！ 大隻厚肉毛蟹一隻，鮮甜無比，仲要拆開曬，好容易食到一梳梳的蟹肉。主菜仲有煎鹿兒島A5和牛 ，真係好味到冇朋友，煎得剛剛好，外面香脆，肉質入口即溶，滋味非常。雪場蟹鍋好食到成鍋湯都飲曬，蟹的精華盡在湯中。最後係松葉蟹肉蟹膏炒飯 ，個飯炒得好乾身，粒粒靚飯。飲到蟹肉味噌湯巳經飽到上心口，不過甜品係芝士蛋糕又點可以唔食呢？聖誕佳節梗係要對自己好d，食返餐好野！今次真真大滿足！

以前食過蟹慶，一直掛住佢既每一種蟹，今日特登約朋友再回味一下。叫左二人前會席料理 ($1776)，價錢合理。入到餐廳，見多左個sake櫃，啱曬啲sake愛好者。先來前菜 （3點）：即是有3樣菜，有蟹肉蟹籽沙律、好爽口，較酸的係柚子醋鯊魚軟骨、和非常健康的青瓜牛蒡，牛蒡味真係好似人蔘味。另上精選廚師發辦刺身 (4點)：建議先食油甘魚腩較淡味、再食劍魚腩好香滑、牡丹蝦鮮甜嫩滑、新鮮帶子夠鮮味。蟹肉蒸蛋：面鋪了多粒三文魚籽，與滑溜的蒸蛋好夾，面也鋪了蟹肉，材料還有菇和蔥花。蒸毛蟹：上枱時依然感覺震撼，全隻上，蟹膏好濃郁，味道像大閘蟹的蟹黃味咁香濃，拆蟹腳估唔到蟹腳會咁肥美又多肉，好鮮甜呀！蘸上甜甜的蟹醋更可突出鮮味。到燒鱈場蟹腳，帶有海水鹹味，唔洗點任何醬已非常鮮甜，鱈場蟹腳多肉，用蟹叉挖出，蟹肉一梳梳，好多肉呀。另上了蟹甲羅味噌燒及海鮮天婦羅，甲羅燒向來都很喜愛，可以自己將自己喜愛的蟹膏份量搽在餅上，今次好新穎，配了一口蝦餅，估唔到咁夾，天婦羅有大蝦、蟹柳、南瓜、蕃薯，炸得好酥脆。吸物，原來係指湯，唔會好咸的味噌湯。再來松葉蟹釜飯，面放了兩隻松葉蟹鉗，又有蟹肉，醬料包括黑松露醬、彩色芝麻飯

蟹蟹蟹蟹慶每次食蟹都會諗起哩間嘢，無他因為真係多嘢食同食得開心，今次就lunch 去食餐大嘅蟹宴。主要先食返個刺身，最愛食牡丹蝦，鮮甜好味大大隻，另外魚肉嫩滑唔會腥。跟著就食返個蒸蛋，最重要係蟹肉都滿曬成個蛋。今次食咗甲羅燒，每次都覺得好惹味同精華所在，配上脆餅更有唔同口感。仲有個天婦羅。仲有就係個飯，食到最後最飽嘅一道菜，鮮味集中係一個飯渡，每啖都好香好夠蟹肉，愈食愈過癮。今日每道菜式都好啱口味，過咗個新年，希望快啲有晚餐食。

臨近年尾，食餐好嘢獎勵自己也可順道出外抖吓氣～冬天係食蟹嘅季節， 夠曬當造。揀咗去『蟹慶』擦蟹！期待已久嘅全蟹宴🦀😍 ［午市蟹慶會籍］估唔到中午過後入座率也很高， 始終拆蟹都會很花時間一定要慢慢品嚐～三款前菜各有特色， 蟹籽蟹肉沙律， 味道清新， 蟹子 脆卜卜和 蟹肉嘅調味恰到好處。牛蒡漬，青瓜爽脆入味。另一款鯊魚軟骨以柚子調味，夠酸也醒胃，有特色!廚師發板4點刺身油甘魚厚切，鯛魚刺身味道較清，肉質結實，北海道帆立貝鮮甜， 赤蝦新鮮啖啖肉 ～清蒸毛蟹看見毛蟹嘅膏～即時兩眼發光😍😍蟹膏極甘香， 保留原汁原味蟹嘅精華， 鮮甜到入心～ 蟹腳雖然唔係主角， 但也不容忽視， 肉質細緻鮮甜， 口感和味道也是頂級滋味！浜燒松葉蟹腳及浜燒雪場蟹腳二人前當然各選一款。 經過烤燒後的蟹腳蒸發多餘水分味道特別濃郁鮮甜。 鱈場蟹腳較粗較長， 肉也特別多， 味道方面個人覺得松葉蟹肉更為鮮甜！ 蟹味更為濃郁~三文魚籽蟹肉茶碗蒸一份完整嘅會席怎能缺少美味的茶碗蒸～ 冬日之下茶碗更能保溫， 滿滿蛋香， 加上不少嘅蟹肉和 鹹香嘅三文魚子， 味道更添層次更鮮味!蟹甲羅味噌燒吃畢原汁原味嘅蒸蟹，燒蟹， 也來一客混入味噌 嘅

放假出銅鑼灣逛逛，現時晚間沒有堂食，今日午餐食餐好嘅，上次經過崇光附近已經好想試蟹慶。《午市蟹慶會席》好豐富啊！前菜(三點)~ 包括醒胃蟹肉蟹子沙律菜，特別的是鯊魚軟骨配柚子醋，鯊魚軟骨脆卜卜，骨膠原豐富，牛蒡及青瓜，這個前菜很精緻呢。精選廚師發板刺身(四點)~ 兩款魚刺身，帶子甜美，蝦也新鮮。蟹肉蒸蛋~ 熱辣辣打開蓋便聞到香噴噴蟹味，舖上蟹肉及三文魚子，蒸蛋又香又滑。蒸毛蟹~ 整個蟹蓋盛滿蟹膏蟹黃，眼見已經令人垂涎欲滴，食落超甘香勁美味，正呀！蟹腳肉好豐滿，廚師好細心，已經幫忙剪開蟹腳殼，可以徒手打開，非常方便，有需要可沾蟹醋進食，個人認為毛蟹本身已經非常鮮甜。浜燒鱈場蟹腳~ 浜燒是另一種日式海鮮食法，蟹腳鮮味更突出。極品蟹腳天婦羅盛合~ 蟹腳啖啖肉，天婦羅蝦爽口彈牙，甜美小紫薯及南瓜熱辣辣香脆可口。松葉蟹釜飯~ 賣相已經相當吸引，店員會幫忙加入芝麻、黑松露及蔥花撈勻，份量剛夠兩大碗，仲有蟹鉗及三文魚子呢。吸物(湯)~ 熱辣辣香濃麵豉湯。甜品~ 最喜歡紅豆抹茶奶凍，抹茶味非常香濃，黃豆粉蕨餅也不錯呢！這一餐蟹宴好豐富好滿足。

這個聖誕假期，雖然不能外遊，就連晚市也不能堂食，不過佳節當前，還是要慶祝的。晚市既不能舒舒服服地在外面吃頓好的，那麼便把晚餐改成午餐，在假期剛開始的一天，開開心心地吃頓豐富的吧！這天吃的，是銅鑼灣吃蟹名店「蟹慶」的「午市蟹慶會席」（$788/一人前，$1,576/二人前）。這會席料理的價錢雖不便宜 ，但可一次吃到北海道的數大名蟹，偶一為之，也不太過份吧！餐廳環境不錯，放在卡位上的紅色和粉藍色螃蟹公仔得意可愛，放在桌上的玻璃瓶內的澤蟹，配合餐廳的主題，也甚有心思和有趣。前菜（3點）：「青瓜配牛蒡」爽脆可口、「漬物」味道頗酸，十分開胃、份量甚多的「日式蔬菜沙律」下了大量蟹籽和蟹肉，為這沙律增加不少吸引力。精選廚師發辦刺身（4點）：這魚、蝦、貝俱備的廚師發辦刺身，牡丹蝦爽甜、帆立貝大粒飽滿、金目鯛與深海池魚都是厚切，肥美新鮮。「蟹肉蒸蛋」：材料豐富，絲絲蟹肉與少許晶瑩的三文魚子舖在內有青蔬在裡面的蒸蛋上，悅目吸引，味道也不錯。「蒸毛蟹」（半份）：吃的是鮮味，清蒸的毛蟹，身體早被餐廳細心地分拆開，毛蟹爪亦已被剪開，只需稍稍用力把蟹爪的外殼分離，裡面的清甜蟹肉便可享用。雪白清甜的毛蟹肉固然可喜，

朋友介紹喜愛食蟹嘅我必不可不來"蟹慶"品嚐蟹的滋味~~午市蟹慶會席( 二人前) $1576前菜(3點) 有蟹肉沙律，鯊魚軟骨，涼拌青瓜牛蒡漬物。蟹肉鮮甜醒醒味蕾先😀😀精選廚師發板刺身( 4點 )厚切刺身牡丹蝦 帶子 池魚 金目鯛大大件好鮮味鮮甜。蟹肉蒸蛋~ 小心入口係熱辣辣㗎， 蛋好滑蟹肉好鮮味，食完身體有微暖感覺好舒服好好味。蒸毛蟹 (半份 )好大隻蟹，蟹膏濃郁，濃膏看似滑蛋，食落啖啖肉好鮮味，慢慢拆肉食好滋味，其實廚師已經細心將蟹腳微微拆開，讓客人食得舒服，讚👍哈哈😁我哋食完整隻毛蟹，玩玩遊戲還完整隻毛蟹呢！侍應生經過幾次還以為我哋還未食呢！唔好意思添。冰燒松葉和鱈場蟹腳~蟹肉較粗身，微微焦香味，可能是乾身，蟹肉很結實，入口熱辣辣味道鮮甜。蟹甲羅味噌燒~蟹膏濃郁配埋蝦餅仔好味道好夾呀。蝦餅仔爽脆有蝦嘅鮮味，又唔影響 蟹甲羅嘅濃味，一小塊一小塊入口，太滋味了，好快食完添。😁😁極品蟹腳天婦羅盛合~ 有蟹腳 蝦 南瓜和蕃薯仔外層薄薄炸至金黃色，微暖入口小小甜味，好開心暖烘烘感覺。松葉蟹釜飯~ 侍應生會在客人面前番番煮將三色嘅芝麻配料及黑松露倒入器皿中攪勻，好快已散發濃郁陣陣黑松露味，而且

最愛 永遠 最後這些詞彙就似學了 但永遠不知甚麼是最愛記得在這年我把眼淚都哭光記得我都把最愛這字掛在嘴邊記得愛你 就毫不保留地付出你卻一句陪伴最後的那個才是永遠最不最愛 不到最後也不確認這不就是道出了真相他不愛你 才會這般多廢話你也不要深究了突然夢醒後才發現愛上一個人不易吧.前菜漬物用上柚子漬，微酸醒胃，沙律菜爽甜。刺身帶子牡丹蝦各類也新鮮。蒸蛋蛋嫩多汁，蟹肉鮮甜。蒸毛蟹蟹膏早準備在蟹殼內，鮮甜多汁，蟹肉白晢一梳梳，海水味濃，開肉附上小叉子，可以方便拆肉。浜燒鱈場蟹蟹肉燒過更帶焦香味，肉質彈牙更紮實。松葉蟹釜飯加上黑松露更加香，米飯是軟腍的，三文魚籽更帶出鮮味，蔥花更突出香氣。

最近經常去銅鑼灣澳門逸園食嘢，上次經過見到樓下有間專食蟹嘅蟹慶，今日特登約埋好姊妹黎食返餐，懷念下我哋上年喺日本食嘅蟹宴一落到去有隻大蟹掛喺上面好有氣勢，啲感覺即刻返晒嚟，裏面裝修以木為主，日式設計地方寬敞舒適，門口仲有個大缸養住啲蟹。呢度都有清酒機呀,而家仲做緊優惠$50就有$100 token ，大約換到三杯Sake，可以試吓唔同口味我哋揀咗兩個蟹嘅晚市定食，極蟹御膳，蟹御膳，大約$300一個餐真係一d都唔費鰹魚高湯伴蟹膏蟹肉豆腐，有驚喜，蟹味非常香。松葉蟹雜菜鍋，啖啖蟹肉，個湯好清甜。而另一個set既蟹肉蒸蛋，松葉蟹甲羅都超正鍾意食佢蟹嘅一定要黎試吓

疫情下無得去日本旅行食好野，好掛住大板既長腳蟹，於是相約好友到銅鑼灣蟹慶晚飯。地點相當方便，就在Sogo隔離，不用搭電梯上商廈，只需要行落幾級樓梯就有大大隻長腳蟹迎接！環境舒適乾淨，我地坐在卡位，有兩隻可愛蟹仔公仔同埋真既小蟹仔陪食😂😍我叫左個蟹御膳，好多野食，有蟹蓋、蟹肉炸物、蟹肉蒸蛋、烏冬、甜品、麵豉湯。蟹肉新鮮又好味，食晒成個餐飽到郁唔到😂最後忍唔住試埋新穎既清酒機，飲左兩杯同好友傾下計真係大滿足😚

最近見到大家都係到食蟹我都唔執輸！去蟹慶食反餐我同朋友一人一個餐蟹御膳同極蟹御膳好啦上菜啦講真一上枱有少少尷尬 因為我哋2個餐d野食放埋一齊。完全唔知邊個打邊個餐 要自己睇幾次餐牌先知！可以係因為枱面比較細掛好彩我同朋友係share 食所以冇所謂！以下就講下食物質素呢個係蟹蓋，入面有肉啦，少少膏，少少海膽汁同三文魚子撈勻食都幾好味，感覺冇咩刻意調味但都有果種蟹嘅海水味同鮮味個人都幾鐘意呢個大蟹棒天婦羅！好肉啊佢唔係假蟹柳！同埋真係幾大！配埋呢個烏冬！個烏冬面身軟咗d 不過還好幾鐘意呢個蟹肉可樂餅 夠creamy,！都食到d蟹肉最後黎個邊爐！清一清佢，講真個湯底幾清甜架！我幾鐘意佢d粉絲同菜入哂蟹嘅鮮味！埋單先啦喂！

第二次黎蟹慶，不過今次唔係食2人套餐，而係食定食。叫咗今期人氣推介同埋新款推介呢兩個餐，價錢都唔平架可能我地一次叫兩個餐佢地expect我地share食，所以就加埋一次過上菜，睇落好似好豐盛咁，加埋有烏冬、粉絲、天婦羅、天婦羅飯，吸物、蟹膏豆腐、蟹肉薯餅、松葉蟹甲羅等。雖然每樣睇落都唔係好多，不過每樣都食d咁，最後真係幾飽肚，而且可以食到好多款野食蟹肉薯餅唔錯，炸得好脆，而且炸粉薄身，入面好creamy其中最好食一定係個松葉蟹甲羅，入面啖啖肉，而且有海膽，撈埋食好香蟹膏豆腐我真係第一次食，幾得意，睇賣相以為係甜品。蟹膏味道香甜，混入豆腐鮮嫩美味，加埋出面嘅蟹子，口感幾豐富個天婦羅飯賣相好似普通咗d，畢竟之前食過嗰d天婦羅丼睇落好華麗。但呢個食落味道真係唔差，個甜薯真係香得好緊要，我自己一個食曬，而最出色係個蟹肉天婦羅，咬落蟹肉好厚身埋單價錢其實唔平，不過食物真係好有特色，偶爾放縱下啦😂

踏入冬季，又是吃蟹的好時節，大閘蟹、日本蟹味道各有千秋，兩者佳愛的我，今晚約了朋友到銅鑼灣蟹慶 ，淺嘗日本蟹。一隻超大蟹模型 凌空掛在餐廳門前，頗有玩味。蟹御膳 $258蟹膏豆腐蟹膏的鮮甜味道、豆腐幼滑的口感，真是有心思的製作天婦羅蟹棒烏冬軟滑彈牙的烏冬配清澈的海帶湯，味道淡中帶鮮；天婦羅蟹棒沒有加多餘的調味，真正吃出蟹香，海帶湯入面還放上蟹造型的蘿蔔片，卡哇伊呢！蟹肉蒸蛋最愛熱辣辣的茶碗蒸，加入高湯一起蒸的蛋口感幼滑，今趟還加入了絲絲蟹肉、香菇、大粒三文魚籽、香菜，吃到底還有很多蟹籽，材料豐富忌廉蟹肉薯餅薯餅外層的炸漿皮薄稍硬，薯蓉則細滑富蟹肉鮮味，蘸上酸酸甜甜的醬汁，十分醒胃松葉蟹甲羅松葉蟹肉絲加上原隻蟹鉗、蟹膏，海膽及大大粒魚子，伴以水雲蟹醋一同吃，雖然份量不多，但每一口盡是蟹的精華極 蟹御膳  ＄298鰹魚高湯伴蟹膏 蟹肉豆腐驚喜之作，豆腐的口感、濃郁的蟹膏味，加上底下是柚子啫喱，配撘新鮮，難以想像柚子的清甜與蟹膏的鮮味如此合拍， 令蟹味更突出松葉蟹肉玉子燒看似平凡不過的玉子燒，咬第一口，不禁嘩一聲，蟹味相當濃郁，鮮味直撲味蕾，正!松葉蟹雜菜鍋秋冬季節， 特別想念熱騰騰的火鍋，