影片
相关文章
身体好返，第一时间当然要食好西喇！友人今次专诚带我来食蒸气海鲜，话试过几次觉得唔错，而且有职员协助烹煮，岩晒我呢d懒人😂青蟹多膏肥美，味道鲜甜😍我既大爱龙虾唔算好大只，胜在新鲜爽弹，肥美有虾膏鲍鱼火候控制得岩岩好，鲜嫩弹牙，好有口感青口同贝类都好新鲜，而且无沙，新鲜鲜甜，就连麻麻地贝类既我都觉得相当唔错。另外仲有蚝同鱼，同样新鲜无腥味。蒸煮完海鲜既汁仲可以用来煮粥，一滴都唔好浪费。将芋头粒、粟米、葱粒同菜甫加入粥底煮滚，几香几鲜甜最后餐厅仲送咗每位客人一碗椰汁雪蛤甜品，清甜滋润，好香椰汁味，有甜品既晚餐真系完美☺️整体食物质素同服务都几好，值得推介
继续阅读
就到母亲节，亲戚又山长水远过嚟香港玩。特登research左一间看似几好嘅蒸气火锅同佢哋食。点知成餐食到不知所谓，贵得黎又唔值。<用餐时间长，等多过食>预约咗晚上时段用餐，八点准时入席，食完已经11点，足足3小时。餐厅环境又焗又迫，座位都坐得唔系好舒服，所以我哋食完食到个人都好攰好眼瞓。最后我哋仲要外卖菜篮同粥底，先可以11点走，如果食埋起码12点。<食材overcooked>承上题，等多过食。分店员工人手明显不足，都见到好忙，做到佢哋个个好攰好辛苦。食过其他蒸气火锅，会有张提示每样食材所需的时间，可供客人自行处理。但系依度完全冇，必须要等到员工协助。食材Overcooked，完全唔系因为员工调校时间嘅问题，而系煮食时间过后仍要等一大段时间等员工过嚟开盖先食得，喺焗嘅过程已经令到啲海鲜过熟。10道已有8道有依个问题，其余就系刺身/丸，唔会过熟。我哋试过唔等员工，自己开盖自己食，但系因为盖摆放嘅位置有啲危险，所以我哋唔再敢自行处理。<员工人手不足>见到𠮶日应该系爆场，员工只有四至五位。一开始坐低冇人落单，冇人介绍Menu。要我哋自己问先至介绍，催咗两至三次先再落单。上咗咩，漏咗咩亦都冇人知，最后我哋自己影低Menu自己记低有冇漏上。原因过程中上错咗道偏贵既食材，明白员工都系无心之失，最后食咗亦都负责任俾返钱。但价钱值唔值就有待商榷，一开头话收我哋1200之后再入嚟又话收我哋900再之后又话收返来货价(个$$就唔讲了)，最后又话800，咁到底系明码实价？定当我地水鱼？不过都系因为员工不足嘅问题，希望老板可以好好改善。<食材任佢讲>如果有人想去试嘅话，我必须建议你当日再打去问清楚𠮶日嘅食材。因为佢个Menu系有几款食材俾你拣，但系当日去到佢会话食材今日唔靓，所以冇攞货，其实任佢讲。所以大家执生。不过值得一赞嘅系，食得出餐厅系海鲜部分既食材都真系好新鲜。员工都好努力协助，亦感受到佢地既歉意。但蟹黄青瓜啲蟹黄食到r哂头，蟹黄咁既味，唔鲜㗎㖞???不过6个人食，成咗$4800。自己谂下依个价钱值唔值得，如果依个价钱出边一定有更好嘅餐厅，甚至唔使呢个价钱。
继续阅读
前排同朋友仔去食海鲜蒸气锅，大约一个月之前已经打去Book位。店员先将各样餐具消毒，食物夹一共有两个，一个夹生嘅海鲜，一个夹熟食物，几细心。。同朋友仔点咗一个「尊贵海鲜套餐」，每人大约五百蚊。因为朋友仔升职加人工，所以豪一餐。。第一转嘅海鲜嚟到了，卖相几丰富，总共有五款：大赤虾、珍珠蚝、大元贝、九孔鲍鱼、野生青口。食海鲜蒸锅，海鲜本身一定要新鲜。第一转嘅五款海洋，整体鲜甜，而且蒸嘅时间都啱啱好，所以肉质唔会好韧。。最欣赏嘅菜式就系日本大元贝（Japanese Scallop），好大粒，一啖摆入口最满足，塞满晒成个口，啖啖肉，而且味道几鲜甜。。第二转嘅海鲜有三款：琵琶龙虾、馒头蟹、野生膏仔蟹。朋友仔好钟意食蟹，整体来讲，蟹肉都几鲜甜，而且蟹膏几多。。最后，店员会奉上海鲜粥，作为晚餐的尾声。 粥底能尝到海鲜嘅鲜甜，而且仲有芋头、粟米、姜等配料，令海鲜粥味道更加丰富。
继续阅读
位于新蒲岗仁爱街50号地舖的蟹仙海鲜蒸气锅（仁爱街），主打用蒸气锅吃海鲜，用蒸气去蒸熟海鲜，更能吃到海鲜本身的鲜味。因此，海鲜本身一定要够新鲜，这间餐厅也颇为令人满意。今次点了每位$419的尊贵海鲜套餐，加一后连酱油费，每人大约$500。。海鲜会由淡味吃至浓味，确保浓味海鲜不会盖过淡味海鲜的味道。店员也勤快又热心，当计时器鸣响时，也会把海鲜夹到食客的碟上。。第一批的海鲜上桌了，新鲜又丰盛。。～日本野生大赤虾 （Japanese Wild Red Shrimp）赤虾为刺身级的赤虾，虾肉味道弹牙又鲜甜，虾头的味道也颇为浓厚。。今顿晚膳特意点了一壶清甜的竹蔗茅根，解暑又解渴。。～台湾九孔鲍鱼 （Taiwan Abalone）鲍鱼蒸得刚刚熟，肉质不会过韧，咬不开。而且事先已将内脏去除，颇为贴心。。～韩国斧山珍珠蚝 （Korea Baby Oyster）珍珠蚝已清洗干净，肉质饱满，味道鲜甜。笔者在这顿晚餐也没有点太多酱油，想品尝海鲜最原始的鲜味。。~日本大元贝 （Japanese Scallop）大元贝的口感相当紥实，而且尺寸巨大，吃起来满足又过瘾。顺便一提，餐厅提供一个小抽屉，可以将所有吃完的贝壳丢到小抽屉内，干净又方便。。～大西洋野生青口 （Atlantic Mussels ）野生青口的肉质也是颇为饱满，选材新鲜，能尝到少许海水的味道，仿如在海边与朋友一边嬉水，一边漫步。。～野生琵琶龙虾 （Wild Lute Lobster）琵琶龙虾比一般的龙虾更为厚肉，而且肉质更为鲜甜。。～太平洋馒头蟹 （Pacific Ocean Box Crab）馒头蟹蒸得刚刚熟，肉质鲜嫩。这款蟹主要栖息地为深海区域，繁殖期间才会去浅水区域。。～野生膏仔蟹（Wild crab）膏仔蟹的蟹膏颇为饱满，但整体味道正正常常，不算十分突出。
继续阅读
高质海鲜蒸锅😉😉之前食过一间海鲜唔新鲜嘅蒸锅，朋友推介有几间分店的蟹仙海鲜蒸气锅舖头，价钱唔算好贵，亦唔算特别平，但嘢食就好高质😗😗日本野生大赤虾，店员话大赤虾平时系食刺身先会食赤虾，但系蒸过后，肉质更爽，味道鲜甜大西洋野生青口青口劲大只🤩🤩🤩店员提醒我哋，青口唔需要加任何调味料，因为本身有海水已经比较咸，咬一口，好似置身喺海洋入面😚😚😚龙虾都好正！蟹🦀️大大只，肉质柔嫩😗😗鲍鱼虽然细细粒，但系都好好食☺️☺️有机蔬菜篮有多款时令蔬菜🥬，清一清肠胃😗😗仲有个海鲜粥，吸收晒所有海星的精华，就算饱都要食多两碗，简直系完美的结局值得一提嘅系，店员会全程帮我哋蒸同夹𩠌，可以唔洗落手🤪🤪🤪
继续阅读