蝦麵店 (粉嶺中心) (已結業)

一入到去個舖位其實都相當潔淨。餐廳入面冇紙巾提供，去食嘢嗰陣記住帶多包紙巾。餐廳落單其實係用電話掃QR code跟住入去佢個網頁度落單。但係餐廳本身都有自己嘅自製餐牌去比客人瀏覽。整體來講圖片同實物相符。我選擇左幼麵，配一杯馬來西亞白咖啡。咖啡唔需要落糖，本身都已經好甜。麵本身係唔跟飲品，呢一杯飲品要加$16。我叫嘅湯底係豬骨雞湯，特色係幾有特色，魚片本身冇乜鮮味，個湯落多咗調味料同埋蒜蓉，所以其實有啲鹹。…查看更多

約左朋友交收兼食飯，佢話帶我去食啲好野，原來係主打馬來西亞嘅蝦麵同喇沙嘅小店，雖然有排未有得去旅行，但都過下口癮試下！一坐低，店員就提供Qr code 方便客人手機落單。我就叫左湯底係辣味蝦湯嘅蝦肉肉片麵，揀左摻摻，有油麵加米粉，一次食到兩款口味，個湯底有好濃嘅蝦味，非常足料，仲有唔少蝦肉同豬肉片，細心嘅係蝦肉無殼，仲有好吸味嘅豆卜，正呀！朋友就食咖喱喇沙湯底嘅海鮮麵，都好惹味，湯底好香，仲有唔少海鮮，例如青口、蝦肉、魷魚，仲加左魚片同蟹柳，加埋摻摻嘅食法都幾唔錯。馬拉雞拼盤，有4川沙嗲雞肉串串燒同4 隻雞翼，雞串燒用雞髀肉，啖啖肉，沙嗲好多花生碎，口感好豐富，雞翼都幾香口，入口脆卜卜。白胡椒肉骨茶配油條，有好多件大排骨，好大啖肉，肉骨茶湯底幾香。最後仲叫左凍飲，分別係冰糖薏米水同青檸梳打，都好清新，呢餐食得幾滿意。…查看更多

今日係我地一個大學朋友嘅好特別嘅日子黎到粉嶺聚舊 食晏時間到粉嶺中心揾野食行左一圈就決定試下蝦麵店呢度套餐有一份主食+一份小食+一杯餐飲1. 榴槤咖央多士（半份）可能我本身幾鐘意食榴槤所以覺得份多士真係唔錯雖然榴槤味唔係好足 不過都收貨2. 亞參脆多士（半份）個人覺得好山楂味 甜甜味份多士冇話特別脆 同榴槤央多差唔多同榴槤央多比嘅話 輸輸地3. 馬來沙嗲雞脾肉串燒（2串）食左兩啖之後先補返相係幾好食嘅 陣沙嗲味幾香不過就完全蓋過雞肉味4. 辣味蝦湯蝦肉雞絲麵（細）呢碗蝦麵真係比較失望冇乜蝦味 雞絲又碎除左個油麵底 都冇其他野係滿意5. 凍檸茶餐飲比較出色 有檸檬味 唔太澀不過細杯左d就份量而言 單點一個細蝦麵都要5X - 6X蚊 轉配套餐再加廿蚊所以一d都唔抵食同埋入黎食野 都係想食個靚蝦麵但偏偏就係個蝦麵做得唔好食…查看更多

交完中一學位申請表，見到蝦麵店有午市折扣優惠(中午12:45前離座88折)，就去試試看。點主食後，可加$14享小食及飲品(特色飲品再+$10)，我就被那椰漿斑蘭飯配馬來炸雞脾吸引著，以新鮮斑蘭汁拌椰漿煮成，味道幾好，又不會太糊口，跟飯還配有江魚仔、花生、滷水蛋、青瓜、參巴醬；雞脾好大隻，用香茅、蘭姜等香料醃過後再一併炸至金黃色，好香脆入味，而且吃得飽飽的。小食就選了脆香魚皮，入口鬆脆不油膩。老公點了馬來西亞咖哩蝦飯，份量比想像中小，蝦隻也不多，可能咖哩才是主角，香辣帶點微點，拌飯確係一流。另外，小食選了馬來香炸雞翼。飲品嘛，青檸梳打可以解辣，我就想貫徹馬來西亞的風味，點了檳城焦糖咖啡(熱)，杯身及咖啡都滾燙，黑漆漆的以為好濃郁苦澀，原來味道也不錯，香滑微甜。…查看更多

本身都係諗住醫吓肚😂😂不過有位店員服務態度超級好，就覺得一定要post黎讚下佢🤗🤗非常有禮貌，而且好貼心，例如熱飲會提醒你隻杯熱要小心，其實係簡單嘅事但好少人會做到👍👍非常warm都講下嘢食，叻沙湯底夠濃，咖哩味重少椰奶，飲左少少亦唔會口乾，唔錯，配料同價錢都正正常常啦叫多左一個榴槤咖吔多士(半份)少少咖吔少少榴槤味，唔太夠香，普普通通啦，不過價錢唔貴咪當點下心囉熱奶茶一般，香味還可以，但唔夠滑…查看更多

想平平地咁食個晚餐，有時一啲望落唔太起眼嘅小店反而比到驚喜我 今次食嘅呢間蝦麵店就係其中之一。餐廳以馬來西亞菜為主， 店面望落非常低調。晚餐$100內就可以食到一碗蝦麵、小食同野飲，都幾抵食。✨辣味蝦湯蝦肉肉片麵（晚餐$80）餐廳叫得蝦麵店，當然要叫佢地招牌嘅辣蝦湯喇😋麵底選擇都幾多，油麵、河粉等等都有，今次我就揀左濛粉。湯底飲落蝦嘅鮮味突出又唔會太咸，材料豐富，食到好多蝦肉同瘦肉片，味道唔錯。✨沙爹魷魚翼（跟餐＋$20）推薦大家試呢款小食😋魷魚煮得非常彈牙爽口而且完全唔韌。魷魚本身冇咩味，夾埋店家特制嘅醬汁味道就好唔錯。✨馬拉雞拼盤（$75）雞拼盤包左4串雞肉串同4隻雞翼，味道都唔錯。特別鍾意佢地嘅雞肉串，上面加左大量沙嗲汁同花生，食落甜甜地非常香口。✨白胡椒肉骨油條（$62）胡椒湯都係馬拉特色之一，湯底飲落微辣帶酸，非常暖身。入面加左排骨同油條，味道都ok.…查看更多

喇沙蝦湯麵得兩隻細蝦仁仲要開邊，用土魷魚，所謂海鮮喇沙湯麵，青口仲細過淡菜，又係用土魷魚，蟹柳細細條差啲搵唔到。蝦多士細到好似麻雀，多士又唔脆。永遠不會再光顧。…查看更多

首先我想講,呢間分店啲侍應服務好好,有禮貌,但係問題係出咗喺佢哋啲食物度...當其時我入去粉嶺呢間分店其實唔係食蝦面而係想食佢嘅椰漿飯（Nasi Lemak),因為佢喺出面窗廚貼曬椰漿飯啲production shot,睇到好吸引,點知一入去坐低佢哋就話賣曬冇得食,叫我試下其他,咁我都係第一次試佢哋分店,冇乜所謂,於是我就叫咗一個M1五香滷肉配檳城辣醬菜同埋V5是日油菜 - 香爆蝦油馬拉盞通菜煲點知兩款菜式都中伏馬拉盞炒通菜喺個煲入面一開蓋就有一陣好攻鼻嘅魚露攻出嚟,啲菜嘅份量得嗰幾條嘅通菜,一隻手掌掌心嘅份量,若果就咁烚嘅就收20蚊轉馬拉盞就加32蚊.成碟嘢非常之咸,但起碼仲入到口,我呢個都算數啦. M1滷肉配檳城辣菜就真係離譜,喺佢菜單Menu入面影嘅production shot係用一個大嘅原木碟裝住一大個拼盤入面裝住鹵肉同支竹,但結果走出嚟嘅係用一個大概15cm長方形點中式點心碟裝住一條剪碎咗六塊嘅腐竹春捲滷肉,下面只得一塊生菜加兩條酸菜,再用三格碟裝住啲醬,啲腐竹好明顯炸完再返炸,咁樣就收咗68蚊.坦白講,衡量成個晚市用餐嘅經歷,120蚊總數,性價比非常之低,菜淨係靠鹹,滷肉又返炸,真係過唔到合格.…查看更多

平時出街都食飯都係食開日本嘢、西餐韓國菜，,老開始覺得悶悶哋，今日就試試馬來西亞風味～入到去有少似茶記mix東南亞裝修，店員亦都好親切話可以用app落單，或者叫佢哋幫手落都得。睇menu都見到唔同選擇同湯底嘅配搭，又有小食選擇，都幾吸引。仲有個抵食嘅二人餐，就緊係叫二人餐喇～二人餐首先我同娘親分別叫咗蝦肉肉片麪同蝦肉魷魚麪，兩個都係配叻沙咖喱湯底同檬粉，其實本身對叻沙味麻麻哋，因為好怕椰油味會太重，不過呢個剛剛好夠惹味 ，檬粉仲幾掛湯，啖啖風味。蝦肉同豬肉片都夠新鮮，魷魚爽口唔會過老，唔錯！小菜就叫咗炸魚皮同雞肉串，炸魚皮好新鮮無油溢味，點落叻沙湯度味道意外地好夾！雞肉串夠啖啖肉唔柴口，好味道！白胡椒椒肉骨油條係真係有件油炸鬼，浸落湯索晒味，唔錯！豬肉夠淋夠入味~之後就係甜品喇！ 難得係二人餐梗係試唔同嘢！分別叫咗亞參脆多士同摩摩喳喳，亞參睇返介紹係一種叫羅望子嘅果實，食落酸酸哋有啲似西梅味，都幾解膩。摩摩喳喳食落有啲似椰汁西米露，仲加咗啲香蕉，都幾有東南亞風味，西米控覺得如果西米再多啲就好喇～二人餐整體嚟緊好抵，份量亦都足夠唔會浪費食物，店員態度亦都誠懇有禮。想轉下口味醫下肚都係值得推薦～…查看更多

喺粉嶺想食到有東南亞特色嘅餐廳其實都好少選擇，咁啱上網見到有一間好似幾好特色嘅蝦麵，所以一於嚟呢度試吓睇吓好唔好食。呢間餐廳有個好處就係佢嘅食物有分辣同埋唔辣，所以就算你同啲唔食得辣嘅朋友嚟到呢度，都可以有好多唔同嘅選擇，呢樣野係值得一讚嘅。叫左呢度嘅招牌面，佢嘅材料入面有好多，而且面量都唔少，所以食完面都好友飽肚嘅感覺。仲有佢呢度都有唔少小吃，都整得唔錯。我哋亦都叫做呢度一啲特色嘅飲品，價錢尚可:)整體來講如果係份量呢頭想食到東南亞嘅嘢，都可以嚟呢度試下。…查看更多

太耐無去旅行，唯有周圍食下啲唔同國家風味既餐廳解下鬱悶啦～  今日突然好想食馬來西亞野回味下疫情前去當地旅遊既快樂，所以過左黎蝦麵店試下，店內都好有馬拉特色，牆上畫滿壁畫 有位戴眼鏡短頭髮既店員好好禮貌，對其他食客都好關心，感覺好親切！讚！ 全日百搭套餐 蝦肉肉骨摻摻 配 辣味蝦湯底 好香濃既蝦湯味，最喜歡係有我最愛既炸蔥碎，肉骨都好有胡椒味，食得出係餚左好耐先咁入味。蝦肉好特別，因為將一隻隻既蝦切成一小片所以好容易吸左湯底既味道！ 唔小心已經將成碗湯底飲到7788 豬骨雞湯 蝦肉肉骨麵雞湯底係清清地既，而且好香白胡椒味，2款都有獨特，呢個湯底好岩鐘意食胡椒味較重既朋友！ 肉質一樣好林，好入味！ 係略為有小許油 套餐可以加購唔同類型既小食，款式都幾多馬來脆炸雞翼雞翼都好入味，唔算太大隻，所以好快就食晒！味道係同一般炸雞翼唔同，醃得不錯！ 馬來沙嗲雞脾肉串燒 （2串）沙嗲醬唔係好傑既醬，而係加左一粒粒爽口既野，口感好得意，加上馬來西亞特製既沙嗲味，配搭好清新 但美中不足就係雞翼同雞脾肉唔夠熱，如果唔係，會更加好食 摩摩喳喳馬來西亞獨有既糖水，用椰汁煮成，有香蕉，小芋粒，紫薯... 好有風味！ 下次要再黎食先得，店員話呢個好快就賣晒，所以要試既要早喇！ 蝦麵店特製亞參脆多士（半份）見到好多枱都有叫呢個多士，我又好想一試！原來係用一種果既肉整成醬再塗上多士度烘，雖然好特別同好香脆，不過小妹覺得都係有啲酸！ 難得有心既食店，希望都可以繼續做落去！！…查看更多

店面已經show晒餐牌出嚟，見到都係以麵食為主，當中比較吸引嘅係特別嘅蝦湯！果然冇改錯名！二人餐以呢個價錢嚟講包咁多嘢真係非常抵食！用QR code下單非常方便！飲品都已清爽為主，凍青檸水、薏米檸檬🍋雞翼非常香脆入味，而雞串肉質幼嫰而醬汁非常惹味！五香脆炸豆腐豆卜～內外香脆加上調味粉更加令人欲罷不能！如果鍾意酸甜口味，旁邊有個醬汁可沾，都係非常夾～蝦肉魷魚（喇沙湯底）～湯底非常濃郁，每一絲麵條都掛滿湯，蝦肉、魷魚更加新鮮爽口。魚片三寶（蝦湯底）～湯底非常鮮味，絕對突出到蝦特有嘅香氣～配搭牌Q彈嘅魚蛋魚片，一絕！五香滷肉配檳城醬菜～脆炸嘅腐皮包裹著丰厚嘅餡料，外脆內鬆化，本身已經夠晒入味，沾了酸甜嘅醬汁，會更有特色。榴槤咖央、亞參脆多士～香濃嘅榴槤醬，店家絕對唔吝嗇，非常足料！榴槤愛好者必點！亞參酸酸甜甜咁，非常有特色！…查看更多

🌟辣味蝦湯海鮮麵 $88🌟餐牌有幾款湯底選擇，例如咖喱喇沙湯底、豬骨雞湯底、福建滷麵等等；我都係始終鐘情辣味蝦湯底🤩見有配料可以加就加咗豆腐卜(+$8)、蝦肉 (+$20)🤤蝦湯湯底果然係鮮味十足，個湯底明顯係用咗好長時間熬煮先煮到咁鮮甜，辣度就剛好，辣度係固定的，但不會太辣，反而有啲辣會更加惹味👍🏻🌟白胡椒肉骨茶 $80🌟肉骨茶又係馬來西亞菜不可缺少既一道菜式，呢度既肉骨茶係用白胡椒製成的，有別一般傳統中藥藥材口味既肉骨茶😌味道係好香濃胡椒味帶輕微既辣，裡面仲有原粒既蒜頭，飲落係份外甘香😋🌟腐乳通菜 $20🌟是日油菜揀咗腐乳通菜，份量十足，仲有一提既係呢度落單方式係用QR方式，可以按自己需要，揀多醬/少醬，非常之貼心同方便👍🏻🌟馬來香炸雞翼 (3隻) $25🌟雞翼炸至金黃可口，裡面肉質好嫩滑🤤小食嚟講3隻份量恰好，止下口癮之餘又唔怕食唔曬🤩…查看更多

蝦麵店有咖央多士和亞參多士，係我最鍾意的東南亞食物之一，今天特地約朋友，留肚去食個豐富午餐。粉嶺分店有幅特色牆，畫了馬來西亞人在餐廳飲食的畫面，令我回憶起當年去檳城隨街覓食的風味，很有feel! 我們早餐加午餐一起食個夠，先來兩份開胃多士加飲品，扮檳城旅行早餐。蝦麵店亞參脆多士半份$19, 亞參即是羅望子果醬塗在烘底多士上， 味道酸酸的，像吃酸梅，很醒神又開胃，只是簡單的果醬多士，但卻充滿馬來西亞風味！榴槤咖央多士$19, 味道甜甜的，又有榴槤香，吃著脆脆的多士更香，又想起在馬來西亞旅行，處處榴槤飄香呢！這裏連飲品的杯，都是馬來西亞的餐廳常用的不銹鋼漱口盅形小杯，完全體驗到當地風味！我們點的全日二人套餐$258，食物款式多，也包括了飲品的，點了檸檬西洋菜蜜，很喜歡菜蜜的香味，甜度適中，加上檸檬更清新。豬骨湯蝦肉肉片檬粉，豬骨就像我們吃魚蛋河的湯味道，檬粉爽口，蝦肉片切薄片，這就是蝦麵店的特色之處，有蝦加在湯粉麵裏，味道更鮮甜，豬肉片新鮮爽口，不消一會已吃完一碗湯粉了。福建滷湯蝦肉魷魚檬粉，這個湯就像碗仔翅般的濃稠湯羹，味道本身是不酸的，會另上一碟陳醋給你，我喜歡加上醋後，味道更香，酸酸的很開胃。 而且老湯掛湯力強檬粉 黏著湯羹一起吃非常好味， 蝦肉魷魚有嚼勁，就像在湯羹裏加海鮮點綴。馬來香炸雞翼兩件， 雞翼微微鹹香，炸得好靚，外面皮脆，裏面雞肉醃得入味。沙爹雞髀肉兩串， 呢個小食最鍾意，沙嗲醬真係好好味，有少少花生，食落香口又有口感，雞髀肉燒完有BBQ風味，值得一試。沙爹醬雜錦魷魚秋葵樂樂，這個小食味道比較淡，靠沙嗲醬拌勻才好味，秋葵和魷魚切粒，爽口又煙韌。脆香魚皮，魚皮夠脆夠爽口，像食薯片，吃不停。吃完主菜和小食，就上甜品啦，摩摩喳喳，是熱糖水，好好味！很喜歡有椰汁香甜味道，竟然加上香蕉和一些雜果，還有豆類，雖然可以說是椰汁味的喳喳，但卻充滿著東南亞色彩。桔子香茅凍，是水果啫喱配金桔味的糖漿， 酸酸甜甜很清新，食完咁多嘢，清新口腔，喜歡吃酸甜味的人最適合。這個豐富的二人餐，加上我最愛的亞參多士和榴槤咖央多士，真的超滿足！這個套餐價錢食到這麼多款式的食物，性價比很高了，一定會再幫襯。…查看更多

今日收工經開粉嶺，見到有間蝦麵店，因為喺灣仔都食過一次，所以今次都要拜訪下先。我同個friend一人嗌左一碗麵，我就嗌咗喇沙海鮮檬粉，個湯底能夠保持濃郁，而且十分之多海鮮，有海蝦，魷魚，青口，個湯底濃味得黎食完唔會好頸渴。而朋友仔就揀咗清清地嘅豬骨雞湯四寶面，湯底雖然清清地，但都非常之入味。因為呢個係一個套餐嘅關係，我哋都加咗$25去加個肉骨茶，胡椒肉骨茶非常之香濃，油炸鬼索哂胡椒湯真係非常好味。另外我哋都嗌左個小食係沙嗲魷魚秋葵，呢個菜嘅配搭非常之有特色，魷魚好惹味，而且秋葵點埋沙嗲醬亦都十分之出色，另外嗌多份雞翼就真係啱啱好10分滿足。…查看更多