蝦麵店 (蘭杜街) (已搬遷) 新店位置

上次朋友介紹來，剛聽聞結業。 好彩最終能做下去。 這裡有別於其他店，主打蝦湯，馬來風味。 值得保留。 每个客人都是匆匆忙忙，食完麵走， 亦是這店特點，我今次也是。 入門口已聞到蝦湯味 好香點左蝦海鮮油麵，是辣味蝦湯底。 唔敢挑戰，只要少辣。 青口及魷魚都新鮮，腐角吸左蝦湯，好入味。 蝦係冰鮮，如果用新鮮蝦就完美。 但蝦除了頭尾，中間已除殼，加分。 下次要改吸湯的河粉或米粉，應仲好味。

數年前，馬來西亞之旅俾我的印象不甚特別，唯一刻骨銘心的，是一家地道小店的蝦麵。無意中揾到呢間位於灣仔的蝦麵店，於是就襯今日中午去開果頭，撞下運費睇下多唔多人。都幾近地鐵站，行10分鐘左右就到，門口都幾多人，可能我得一個人，等左5夠5分鐘就入得。好彩其實等位時喺門口見到呢張都已經食指大動了，已選定好要蝦肉麵。一有到去就點左碗鮮蝦肉蝦麵，等5分鐘就有得食了，賣相不錯，聞落不太大陣蝦味我試左個湯先，味道不錯，但同馬來西亞那間用真蝦肉同蝦膏蝦殼淆湯果間真係差幾遠，但不覺太大味精味，稍為清。我認為沒有蝦麵的神緒。麵質ok, 蝦肉都好味的值得讚是店員咁忙都幾有禮貌

今天去了灣仔的蝦麵店吃喇沙，店鋪位於灣仔小街，因店鋪在晚上燈火通明，所以很易找到。雖然是接近7時，但人流並不算太多，所以不用等候就直接入座。店內所賣的以麵食為主，我點了一碗海鮮喇沙油麵。店員將麵送上，熱騰騰的，單看外貌就知湯味濃郁，賣相亦很吸引。我比較喜歡將麵連湯一起放進口，果然湯底非常濃郁，似是熬了很長時間，也有濃濃的鮮味和花生醬味，微辣。我雖然今次點了油麵，但我相信米粉應該會更夾個湯。至於餸方面，有蝦、青口、腐皮、豆卜、蟹柳等，算很足料。整體味道不錯，店員服務亦友善，而且有兩個細心位，第一是有個小碗你放殼，第二是蝦身的殼幫你剝咗，淨番蝦頭、蝦尾，所以吃起來較方便，但卻容易令蝦煮得過熟，如可改善，效果更佳。

某日係網上見到有一個POST，寫"一個人係灣仔食咩好"就見到介紹呢一間餐廳，是日放工好空閒，就突登去試一下～選左一陣就決定叫咖喱海鮮喇沙個湯係幾好飲的～飲完成晚都無好口渴，應該無味精的～油面份量岩岩好～但米粉好似多D（偷睇到隔離食客果碗）有一隻蝦同青口，兩樣都係新鮮的，兩樣都好食～仲有魷魚，但除左係彈就無其他味道了～

食完乳酪先去食晚餐，唔想行得遠，記得上次來呢度嘅蝦湯好正，又帶肥髀來試，去到半滿，肥髀有四人枱都唔坐，要坐面壁位，食物好快揀好，但河粉賣晒（我同肥髀都喜歡河粉）落單後好快到！辣味蝦湯底海鮮油麵（$65）今次無叫少辣，辣度都接受到，剛剛流啲鼻水，又唔會蓋過食材啲味道！湯底一樣咁濃香惹味，不過油麵索湯能力唔及河粉，所以味道唔及河粉好味，幸好油麵多了嘅彈牙口感，各有特色，海鮮包括：彈牙魷魚，仿蟹柳索晒湯好味、開邊連殻蝦，開邊可以索湯，不過要除殻都要啲技巧，青蕹菜索湯又爽口！正！豬骨雞湯底魚蛋米粉（$47）肥髀揀米粉，湯底奶白，佢好喜歡啲彈牙魚蛋，好味！凍檸茶（$9）夠凍茶味清爽，唔太甜好味！班蘭千層榚（$38）店員推介話新出，本來覺得貴，不過肥髀想食就試下，來到打個突，同想像有出入，本來唸住係切塊嘅淨榚幾件，而家有淋上椰汁，椰汁極濃，有椰絲，個人唔喜歡食椰絲，呢度嘅幾香，無平常椰絲咁粗糙，榚身彈牙唔乾，不過無乜班蘭味，食到椰汁嘅香濃，榚同醬汁味道都夾，只係突出唔到班蘭味！食物好味，店員有禮有比意見，上菜收碟都會問一聲為個辣湯值得再去

早 2 個月前，聽到呢間店要關閉，覺得好可惜，因為每個月都會食好幾次。當昨晚在網絡上得知店舖會繼續經營，確實是一個喜訊，所以帶新同事去試試。今次只是等了大約 5 分鐘左右，便找到坐位，於是我二話不說便點了辣味蝦湯底蝦魚片麵。麵送到了桌面，已經聞得一陣陣的辣香。先飲一啖湯底，辣味只有一丁點，但感覺全身很暖和。其實蝦同魚片本身的味道只屬一般，但配合個湯底就可以食哂成碗，食完之後係會流鼻水。

在同事推介之下，公司放飯時到了灣仔另一間人氣食肆覓食。今次的目的地係蝦麵，據聞呢間蝦麵店曾經傳聞結業而吸引不少人光顧。好好彩虹12:15 去到，唔洗等位就有位，再晏少少來可能要排隊。先睇一睇menu, 有3款湯底可選擇 － 辣味蝦湯，咖哩叻沙湯及豬骨湯，一場來到當然要試下馬來亞風味的食品，當然係選擇辣味蝦湯加墨魚丸。侍應奉上熱辣辣香噴噴的蝦湯麵，我也急不及待立即品嚐，蝦湯鮮甜，不算太辣，辣的程度係可接受的範圍，墨丸也爽滑彈牙，麵質也煮得恰到好處，軟硬適中。很滿足的一餐，美中不足的是吃完後要不停地喝水。

真係非常一般 唔需要刻意食其實平時閒日 lunch hour經過見到排晒隊都食唔到，咁見佢話唔做la, 就親 weekend過黎食la, 點知好失望。蝦墨魚丸麵同蝦貢丸麵都係同一個湯底咁就一齊講la, 湯底唔濃，得 d味精同蝦水味。完全無濃濃既蝦膏味。d蝦似係frozen既，墨魚丸有陣怪塑膠味，貢丸一般。laksa d湯都唔夠香，好稀，配料又係一般frozen野咁囉

去灣仔同同事晚餐，因為口痛，好苦惱食乜，又唔想食粥，佢介紹呢間麵店，門面簡單，店內方枱圓櫈，裝修唔算精緻！因為四人枱都有客，店員安排我哋坐面壁位置！食物以麵食為主！好快落單！食物好快到！辣蝦魚蛋河粉（$54）望見啲湯好多辣椒皮都幾驚，好在只係微辣，湯底清，味道濃香！又唔會好油膩，濃得清爽！蝦仁切片，口感彈牙！味道正常唔腥，魚蛋係潮式白魚蛋，不規則形狀，彈牙爽口，芽菜爽脆，加啲另上嘅魚乾碎，味道更鹹香好味！河粉又薄又滑！所有材料索晒啲湯！好正！辣蝦魚片油麵（$61）朋友食！加了豆卜！不過佢話油麵啲鹼水味太勁！食物好好味，我食晒（真係一條都無剩！）阿姐店員豪爽，我哋怕啲麵會太辣，佢都叫我放心，幫我哋落少辣！天氣凍，上嘅水係暖水，幾窩心！收碗前都會問一聲！態度幾好！下次要來試喇沙！要讚廁所好乾淨！

之前在附近上班，經常會光顧這裡的喇沙，貪其夠地道。店面積不大，為快食的餐廳，今晚帶老公來品嚐。 小妹點了墨魚丸喇沙，賣相有點Hea，湯底味道淡，沒有誠意；墨魚丸沒有味道，口感硬；魚片和豆腐卜則正常，六十多元一碗，深感不值。 老公點的海鮮喇沙，賣相好一點點，但用料也是一樣，不新鮮，都不願多提了。 小妹很是失望，店內還有超多蚊，我吃到一半已經不能再繼續吃了，事關小妹的隻腳已被咬得體無完膚。 看其他食評得知這店快要結束營業了，難怪質素差了那麽多，唉.... 又是地產霸權令到這些小店難以經營，可惜。

Discovered that they are closing down in December so decided to dine here one more time.I used to be a regular customer but other new restaurants kept opening up so I gradually forgot about this joint.Normally when I come, the guy with grey hair (possibly the owner is there).That guy is pretty interesting because for the past 10 years, he hasn't changed a bit.Anyway, that day he wasn't there and the other staff had a very unwelcoming attitude so I wonder if this is the reason they are closing do

主要是叻沙蝦麵的小店，有3種湯底選擇：。海鮮蝦湯。叻沙湯。清雞湯我特別喜歡蝦湯底，味道香濃，感覺好似用蝦殼同洋蔥煲好多個小時，夠熱而且鮮味。食法有d似車仔麵，可自選餸同麵的類型。特別是有馬來西亞式的，2溝麵( 米粉＋油麵)另外，小店亦細心提供圍裙，唔怕整污糟靚靚淺色衫！值得加分不過美中不足是蝦肉都半邊上，令口感缺乏不少。但價錢合理，亦坐得舒適，令我經常想再去醫肚！還有，要注意收鋪時間比較早，是晚上8 點，不要摸門釘呀！

今天下午走到灣仔去一嚐此店的蝦麵。店面不太寬敞，位子亦不多。我們分別點了咖喱叻沙味海鮮油麵，淺啡色的湯底，透出輕淡的咖哩味，雖然不是太濃，但卻掩蓋了背後的蝦湯鮮味，海鮮有青口，魷魚，蝦及豆卜，麵身爽滑，味道大致不錯。另外點了一碗辣味蝦湯底的蝦魚片麵，雖然標示了一隻辣椒，但只有少許隱隱辣味，對於吃慣辣的人來說更是毫無辣味。此湯底所呈現的鮮濃蝦湯味，更是令人驚喜一吃上癮，非常美味，配料有蝦及魚片，伴上芽菜及少許蔬菜，更添美味，真不愧為新加坡地道美食。

前早去灣仔會展睇展覽，而朋友話想去呢間位於灣仔蘭杜街既小店食蝦麵，一行三人先醫肚。幸好假期中午相對不太多人，因朋友說平日lunch都擠滿上班族，而店內坐位唔算多，中午必要等位呢！坐下來已聞到好香，蝦湯味扑鼻！蝦麵店係以新加坡菜既特色麵食：咖哩叻沙麵，辣蝦麵，福建滷麵為招牌菜。幾樣我們都想食，而姊妹們也最終心有靈犀都揀選了蝦湯麵。蝦海鮮油麵 $65 - 碗蝦麵散發出濃濃蝦鮮味，湯呈紅色，但店員介紹說是輕辣，我先品嚐湯，果然辣度適中，且帶鮮甜，唔攻鼻，甜辣味刺激起味蕾感覺。材料分別是大蝦，青口，魷魚，腐角，蟹柳，通菜。蝦肉爽彈，青口亦夠鮮味。個人喜歡腐角 用新鮮魚肉做，非常Q彈！油麵底有咬口質感，幼度適中浸透了甜辣既湯一起吃，極為匹配，惹味！小店形式，食物做法正宗，蝦麵亦唔係隨處可吃，下次一定會再幫襯！Re姐推介指數：3.5/5

呢到雖然有好多麵類，但我每次黎都只會叫魚蛋蝦麵，湯底係紅色但唔唔以為會辣，個湯係又鮮甜又唔口渴，可能因為用鮮蝦煮既，魚蛋好彈牙，啲麵質地啱啱地，麵身唔會太軟，每次黎都要飲晒碗湯先走