蜀都川菜 (裝修中)

老闆態度很好，四眼男職員態度欠佳，把食物放低時照大聲，又或只放桌邊。我經常光顧，都算是熟客；可他只對個別熟客態度好，兩種態度，他仍然可以係度工作，真的要多謝老闆的器量！…查看更多

之前都主要係買佢啲外賣，今日終於第一次入舖頭食lunch，我發覺佢嘅性價比OK高喎，嗌呢一份係星期二嘅lunch set，包凍飲品，其他嘅可能就要另外俾貴幾蚊，就咁睇個名，酸豆角肉碎飯，好似唔係好吸引，我貪佢起碼有啲植物纖維，但係上碟嘅時候佢又整得幾靚喎，而且味道OK喎，啱晒我病病哋又冇乜胃口，佢有少少辣，不過連我唔食得辣嘅人都接受到👍店舖範圍唔係好大，好多時都要搭枱，但係客人質素都OK嘅，唔會講嘢好嘈好大聲呢個係2023年7月嘅Lunch Menu …查看更多

有時懶得煮飯，就會去屋企附近呢間川菜開飯！有湯（好飲 飲唔出味精 真材實料 ）、有恰菜（夠健康）、小菜同飯都唔錯。今次叫呢個「雞絲涼麵」仲好大碗，足料，調味岩岩好，好抵食！…查看更多

蜀都川菜位於屯門海珠路2號海典軒商場地下12及15號舖,位置非常方便,只需由豐景園巴士站行兩步便可到達. 食店提供午餐及晚餐,當中每每會安排兩三味傳統麻辣菜式,如口水雞,麻辣雞,回窩肉等,回窩肉又有好幾款,如尖椒回窩肉, 椰菜回窩肉等, 味道是正宗四川麻辣, 麻辣香味撲鼻而來, 加上花生芫茜肉粒, 絕配也.個別菜式可選不同程度辣味,個人認為必需叫大辣, 否則便不夠過癮, 辣味直衝頭殼頂, 再直落肚腩, 甚至感覺落到腸, 人生至高享受. 推薦$52冷盤拼湯麵中的滷水拼盤,配麻辣米線, 兩者皆選大辣, 第二度食唔到. 可惜的是回窩肉不能選大辣.…查看更多

冬天的時候吃辣🌶️的東西真的使人溫暖，川菜當然是不可或缺的，這間店鋪內裡雖然不是很大，但味道十分出色，鄰近住宅區，做街坊生意，大家一定不可錯過😆擔擔麵麵質彈牙可口，濃濃麻辣香味，爽🍜涼麵撈麵配合青瓜絲，簡直是絕配，加了麻醬辣醬，好吃🍜口水雞這個可加錢轉無骨，更容易吃🐔鹽酥雞香脆可口，配飯一流抄手這個抄手不知為何那個汁很惹味，醬汁是重點😋🤣蜀都川菜屯門海珠路2號海典軒商場地下12及15號舖…查看更多

光顧了蜀都好多年，一直都係好喜愛食它們的食物，有風味之餘，店員也很好，不時就會幾晚就叫一次。一段時間無去食，今天晚上既外賣經歷令人覺得非常失望。一方面食物無左以前既風味，煮法調味唔同咗。最重要係男職員態度差勁，打電話去問有咩食，已經搭多句都廢事。去到店拎餐，態度更差，收完錢就懶理話：「張枱最遠嗰份應該係你㗎啦」睇人手，好似轉左人。咁既服務，幫襯不了。注： 食物（麻婆豆腐，蒜蓉土豆絲，蒜泥白肉）味道不同了，雖然唔難食，不過無左之前既，麻香。以上純粹個人睇法。可能有人覺得好好味，又好有禮貌。…查看更多

朋友介紹有間食川菜的小店整體味道質素不錯，環境寬躺，而且價錢親民，於是我們便去試試這間餐廳的午市。酸菜海鱸魚片飯 $50酸菜魚份量至少有5、6塊，而且都是大大片，厚薄適中沒有魚骨，魚肉香滑幼嫩，湯底不油膩。雞絲涼麵 (可選辣度) $48材料包括有雞絲、青瓜絲、花生、芝麻及蔥，油麵配搭醒胃麻醬，味道超級惹味。涼拌牛展 (可選辣度) (例牌) $45 牛展肉嫩滑，加入不少香料增加層次感，而且份量不少。留意到餐廳很多客人都點口水雞，想必一定是餐廳的主打菜式，下次一定要試試看！…查看更多

2個人快食午餐時間,一小時用餐,黎個快快午市套餐6種任選都係賣$46 蒜泥白肉 口水雞 麻辣豬耳 回鍋肉 麻婆豆腐 蒸魚川菜風味,環境乾淨 態度有禮仲有好多小菜例如涼拌菜式可以點 下次有機會再食過濃濃一層蒜泥蓋住白肉 白肉即水煮肉片,係用五花腩片,入口甘香辣油香而濃重辣勁強,包夾蒜汁一齊撈食極開胃飲品可選檸茶檸水,另加3蚊屯門海珠路2號海典軒商場地下12及15號舖平均消費$46評分7/10…查看更多

平時打波經過呢間餐廳，都見到好多人幫襯，一直都好想入去試吓好唔好食。今日打完波終於入左去食下午茶。食物：今次食左涼拌牛𦟌（中辣），蕃薯粉（小辣），牛𦟌好好味，辣得黎，帶少少酸味，愈食愈想食，蕃薯粉比譚仔三哥腍少少，幾易咬。略嫌味道欠缺一點香味👍👍👍環境：無論地下，餐枱，座位，都乾淨，坐得舒服👍👍👍服務：職員態度都好友善，見職員同啲熟客都好親切。👍👍👍價錢：下午茶黎講稍為貴左少少🤏食完呢次想繼續幫襯，見仲有蒜泥白肉，口水雞，好多野都想食😋…查看更多

今天同家人來吃晚餐一進門口見到有好美的壁畫,好有機會是店主自己畫,覺得好西利阿!-然後今天叫了酸菜魚, 干窩茶樹菇腩肉,蒜泥白肉DINNER SET-酸菜魚叫了原條好似都係hkd118真係好抵你出去食一定食唔到好足料, 佢本身跟粉絲,而家我地加埋薯粉去吸味,真係好好食,D湯真係可以飲多d因為食落係無味精感覺似係真材實料的feel*魚都好fresh, 酸菜都好多, 好好味!-干窩茶樹菇腩肉,好好味好乾身同埋好香,炒到小小辣同埋d腩肉入哂味,送飯食真係一流一定要叫-蒜泥白肉DINNER SET有送有飯有菜有野飲簡單來吃晚飯的人真係岩岩好好多蒜, d辣油好香, 腩肉好薄, 包埋d蒜來食好正<3唔會太厚好硬ge feel…查看更多

過往偶爾會係度食午餐，呢度既口水雞都算係我頭幾位鍾意食！呢類麻辣食物間間口味唔同，各有做法。份量都算大，對女仔嚟講，我會少飯～啲麻辣都幾香，小麻辣剛剛好，有香又唔會食得好辛苦～佢應該係揀左麻辣程度之後，落幾款配料撈撈撈～有啲配菜一齊撈，例如芹菜、芫茜等等，好香！我會用呢堆野撈飯食都好正～雞個份量都多，一定夠食呀！不過今次有啲可惜係佢比得比較多骨，我冇乜肉食🥲🥲🥲就差左少少～味道好似冇以前咁好，不過都值得一試的！午餐凍飲加$3…查看更多

弟弟最喜歡吃辣的食物，所以今天我便來到這間川菜餐廳外賣一份口水雞和夫妻肺片和他品嚐一下，並挑戰自己選了大辣，希望大家都可以過一下口癮，可惜最後出來的味道卻不太辣，讓人感到有點失望頂透...No.1【口水雞飯】$46午市套餐有口水雞飯，而且只需 $46而已，所以我便點了一份來嚐試一下。可惜口水雞基本上只有雞皮和骨頭，雞肉部位簡直少之又少，並且都只是雞胸而已....我寧願它售賣貴一點，都不希望這樣將貨就價...重點是即使我叫了大辣，而且賣相看起來好像十分辣的樣子，可惜口水雞實質上並不太辣，感覺上只是少辣而已，略為缺乏了麻辣鮮香的川菜風味:(No.2【夫妻肺片米線】$50夫妻肺片是四川名菜，傳統上是以牛頭皮、牛心、牛舌、牛肚、牛肉製作而成，不過今次這份夫妻肺片，我大約只看到牛肚、牛舌和牛頭皮而已，牛心和牛肉卻沒有了，而且它和口水雞一樣，即使點了大辣，但是味道依然不太辣，簡直讓人大所失望不過米線的味道卻相當有驚喜，雖然它的質感偏向淋身一點，但是吸湯能力卻相當出色，清雞湯底的精華能完美滲透進米線中，所以每一條米線都變得五味俱全，有滋有味，餘味在嘴中久久不散，讓人吃得不亦樂乎，箸如雨下No.3【凍檸檬茶】$3由於檸檬質素都算不錯，所以並沒有苦澀或者酸溜溜的味道，而且走甜的關係，味道一點也不甜膩之餘，更嚐到淡淡的紅茶氣息，最適合在炎炎夏日飲用了價錢方面，口水雞飯 $46，夫妻肺片米線 $50，兩杯凍檸檬茶額外加 $6，外賣另外加 $4，餐廳不設加一服務費，兩人總共 $106:)總結來說，之前我亦嚐試過這間川菜餐廳，那時點了幾款大辣的小食，簡直「辣到冇朋友」，但是今次的大辣食物，味道卻不太辣，個人覺得這可能是為了迎合大部份香港人的口味，但如果是鍾情吃辣的朋友，便可能會感到失望了…查看更多

兩個人來食晚餐，點左個乾鍋、麻婆豆腐同口水雞，個口味幾正宗四川風味，辣得來夠麻，價錢適中，服務態度良好，值得一試再試，下次會來試吓個酸菜魚！晚市來有機會爆，所以最好預先訂座…查看更多

而家周街都係連鎖店，有得揀就去食下小店，呢間小店個小鋪面無乜特別既裝修，但入面既職員同老闆都好nice, 我地同阿b去食野，佢地都好開心咁阿b玩。野食都幾好味，我叫左夫妻肺片紅薯粉，辣味適中，最驚喜湯底係有新鮮嘅肉碎，感覺上好似新鮮啲。 得閒大家都幫襯下小店，小店嘅好處就係充滿着人情味，食嘢除咗食物質素外，服務同人情味都令人食得更開心。…查看更多

今日同阿b去左附近playhouse, 就黎左呢個川菜食辣野😌😌，因為同阿b玩到3點先食野，已經係下午茶時段。 我同老婆大人分別叫左麻辣雞翼米線同口水雞米線。雖則係下午茶茶餐，但餸都有唔少，麻辣雞翼有4隻，口水雞都唔少。我地都係叫左小辣，唔算好辣，可以挑戰中辣😛😛口痕仲叫左泡椒鳳爪，我好鍾意爽皮雞腳。下次同b黎玩可再食。…查看更多