蜀府川鍋 (已結業)

秋風起，最啱就係打邊爐架喇！好耐無同呀媽食飯，難得同呀媽食飯緊係要食好d架啦！恰巧有朋友介紹油塘有間不錯的粥底火鍋吃，就即管試試看吧！來到門口，一對城門，一種兵臨城下的感覺，格離放住個大魚缸，今晚有生猛海鮮食喇坐低睇餐牌先知呢間食店唔只打邊爐，原來有川菜食架，不過今次來嘅目的就係打邊爐，川菜留返下次先試。我地先叫咗原隻大蜆龍蝦粥。醬料有鹹丶甜豉油選擇，還有我至愛的芫茜。個鍋未到，前菜先到！個皮蛋唔係我地平時食開黑色果種，而係金黄的！呢種皮蛋無普通果種咁重鹼味，令人平時唔食的人也容易接受！加埋個辣油及尖椒十分惹味，令到食慾大增！加咗板海膽送粥。份量夠曬多！粥底嚟到，真係嘩咗一聲！d蜆巨型又有肉地！龍蝦係本地龍蝦，大大隻好肥美！我地就放海膽入去煮，食落啲粥好鮮甜打邊爐又點少得牛！手切牛頸脊牛味濃郁肥膏偏少使怕肥又愛牛的老婆食咗好多。安格斯牛肉就較多肥膏，有牛味，深得我心。海生蝦既大隻又爽口，好新鮮！黃鱔片唔多地方有得食！都幾爽口！桶蠔就好肥美！熟咗都冇縮水，好驚喜！大連活鮑魚：嚟果陣真係仍然郁緊，唔韌且彈牙，調味也冇點就咁食夠曬鮮味！除咗鍋物，另叫即燒大扇貝。其實還有很多燒物和熟食可以嗌。

一直以為油塘無野好食，無意中發現呢間幾抵食嘅海鮮粥底火鍋。星期二收工七點左右，餐廳已七成滿座。一望到餐牌就決定點呢個，十點後仲要有半價，會唔會太抵食呀？！尖椒皮蛋 ($38)非常開胃嘅小食。用咗糖心黃皮蛋，尖椒大大塊，個汁唔算好辣，充滿麻香！原隻大蜆蟹粥 ($198) 有成十幾隻蜆，大大隻好新鮮，隻蟹好多羔，蟹肉鮮甜，令成個粥都好鮮，未落其他料已忍唔住食咗兩碗美國安格斯牛肉($128) 活鮑魚 ($32/隻)到落鍋時都仲郁緊！真係好鮮甜，口感軟嫩，必點！脆炸響鈴 ($36)每次打邊爐都會點嘅邪惡食物花螺($68) 鮮甜爽脆唔小心點得太多，加上係粥底，食咗三個鐘，真係飽到不行了。總括來講，真係好新鮮好抵食同好飽。

話說跟男人講開，我未吃過粥底邊爐，這天是我們的每月紀念日，他便帶我到老遠的油塘找食！但路程有點遠，但意想不到這家點有這麼多類型的食物，比較新奇！一到門口便看到一大個魚缸，行幾級樓梯便進店內了。店鋪大大的，不算很舊式，但有點像去鯉魚門吃海鮮的感覺！其實這餐廳是有蒸的，燒的，火鍋的選擇，由於一早選了粥底邊爐，便叫了原隻大蜆龍蝦粥！坐了一回，先吃過前菜～尖椒重慶皮蛋 ＄38皮蛋跟平常吃的有點不同，但這個不會很辣，是很好的前菜，令到胃口大增！原隻大蜆龍蝦粥 ＄238我既第一次粥底邊爐就咁比了蜀府川鍋了個鍋比平常邊爐鍋大，內有一隻大龍蝦及多隻大蜆一上枱已滿有鮮味，店員介紹先品嚐鍋內海鮮、貝類等食材，令鮮味溶入粥內，才加湯加放肉類及丸類，當接近尾聲，一鍋精華海鮮粥做大成告成了紐西蘭蟶子皇 ＄28隻原本想叫新鮮活蟶子，但沒有貨，所以改了吃蟶子皇！很大隻！很新鮮！熊本一口和牛粒 ＄128一口和牛粒好彈牙，味道較濃！即燒大連鮑魚 ＄76/2隻想想又想試試他們的燒類！便點了飽魚試試看！鮑魚上有蒜蓉一起燒，味道惹味，而且鮑魚厚肉，有口感得來又新鮮，值得一試四川鍋巴 ＄32不知道為什麼男人會叫這個，我們把它當

今日同爸爸媽媽去咗油塘大本營附近搵到呢一間食蒸氣鍋嘅餐廳。呢間餐廳係工廠區裏面不過就好近地鐵站，喺A2出口一出行一條斜路就到。喺餐廳外面掛咗好多個紅色燈籠，好有中國嘅氣息，配合返佢餐廳係食川菜嘅主題。但意想不到呢度嘅海鮮蒸氣鍋都好出色。我同阿爸阿媽點左一個四人海鮮鮑魚雙層蒸氣塔＄499， 而𥚃面已經包含咗每人半邊龍蝦，一隻鮑魚，顯，石斑，元貝，大蜆，花雕醉雞，已經非常之豐富價錢亦都好抵。未食海鮮之前首先送咗一疊花椒皮蛋俾我哋，個金色嘅皮蛋非常之好食，個心非常之滑同埋軟林林同埋嗰個麻辣汁亦非常之香，仲要係免費嘅。海鮮鍋到啦，非常之豐富海鮮亦都好新鮮。龍蝦非常之大隻睇吓佢隻鉗已經知。鮑魚好新鮮好鮮甜，嚟到嘅時候都仲係識郁嘅。元貝非常之大隻，我哋加埋啲龍躉一齊落去蒸，要食到海鮮嘅原味。好靚嘅龍躉。花雕醉雞非常之嫩滑，係黃油雞來，非常之嫩口隻雞好重雞味。我哋再叫咗啲嘢飲，唐山菜同埋響鈴，而成餐飯都只係660幾蚊，三個人可以食到咁多海鮮真係非常之抵食。

無意中發現到呢間食蒸的海鮮粥底火鍋，今日翻凍就當然要去十下十下啦～黎到門口見到海鮮缸好多游水海鮮，咁生猛實好新鮮～既然海鮮咁新鮮，一定要食啦！揀左海鮮鮑魚雙層蒸氣塔 同埋 原隻大蜆蟹粥底未食正餐前....叫左個小食-尖椒皮旦呢間餐廳用金皮旦，有別於以往食開既個汁辣辣地好香麻香，中間既尖椒都幾辣～主角黎....第一次見呢個雙層鍋上面蒸野食，下面煲緊粥～海鮮拼盤D海鮮好新鮮！鮑魚仲郁緊除左海鮮拼盤，跟餐仲有魚 同 蟲草花雲耳雞火鍋配料加左一碟珊瑚蚌 同 一板海膽，用黎最後加落粥底食海鮮逐樣逐樣落去蒸.....食完一樣蒸一樣，樣樣海鮮都新鮮，蒸出黎鮮味十足！龍蝦啖啖肉、蒜蓉粉絲扇貝同係酒樓食冇分別，一樣咁好食～去到最後....將成板海膽放入粥，粥本身有蟹、蜆、珊瑚蚌既鮮味，加埋海膽...呢碗粥係名副其實既海鮮粥！最後甜品係芝麻綠茶芋茸餅店員話係四川師傅親手做，餅的確好鬆軟！

油塘呢個地方對我來講實在係太遠喇, 不過朋友話好食咁就去試吓啦.好彩間菜館都近油塘MTR, 唔難搵.諗住咁遠都唔會有太多人, 點知唔係喎, 全場九成滿座.自動送上一碟開胃前菜, 如果食得辣就好, 因為係麻辣來的龍蝦大蜆粥底, 個粥底好足料, 都未開始朋友已經飲咗兩碗, D 大蜆好新鮮龍蝦好肥味, 啖啖肉九孔鮑魚上枱的時候仲識郁架, D 肉好軟蟶子皇, 有一隻唔新鮮另一隻就爽口帶子切得太薄, 厚返D 會好好多.廣島蠔我覺得唔好食, 叫返美國桶蠔會好D手打四寶丸, 牛肉好似茶樓個D 山竹牛肉, 蝦丸同墨魚丸合格的

上次食完個海鮮蒸鍋之後一試難忘今次突登屋企人黎提早做節!首先必推大家黎個小食: 尖椒重慶皮蛋($38)唔辣但非常惹味! 十級開胃!等緊主食既時候點番個食下就very perfect!主菜推介大家可以試下原隻大蜆龍蝦粥($238)龍蝦超大隻 肉質非常鮮甜彈牙二百幾蚊真係抵其實~粥底火鍋當然唔少得要叫配料啦~手切牛頸脊($188)見到D絞路都已經流乙哂口水!厚薄切得非常恰當岩岩好10秒倒就食得~入口即溶!花雕滑牛肉 ($58)估唔到咁好食 真係超滑 好好咬口六十蚊都唔洗真係推介大家叫番碟西班牙黑豚肉($98)薄薄的一片絕對唔怕太肥望到已經知係靚野牛豬都叫左做節當然唔少叫番隻雞啦鮮雞件半隻($78)真係好滑而且刀工好好 唔會有任何碎骨半隻都好多肉 一定要叫最後當然係食埋個主主菜粥底啦超鮮甜 綿度岩岩好除左食物新鮮抵食服務態度都好好會主動埋黎幫手睇下個粥淆成點千其要keep住攪一焦左真係冇得救嫁！

食開辣野梗係有種心癮會越黎越來食辣野，係一個星期入面食足四餐，今次去呢間係油塘工業區既四川火鍋，雖然唔係咩大商場入面，但係佢既用料既新鮮程度，絕對比出面好多海鮮火鍋好得多多蒜多辣椒，加返少少芫茜咁多野加埋都係148蚊一位，真係好抵食當佢上呢碟海鮮併盤上來我都嚇一嚇，有拳頭咁大隻既大蜆，大元貝，甜貝殻，沙巴龍，龍蝦半隻，鮑魚重係郁緊添就咁放落個蒸氣鍋度已經夠哂鮮甜，一食就知新鮮隻龍蝦都好肥美跟住梗係到個主角四川麻辣鍋，即使怕辣既人都可以用中間個蒸氣鍋，照顧埋唔食辣既朋友仔另外叫左碟手切牛頸脊，一啲雪味都無好新鮮，所以色澤先會咁靚食落去重啖啖牛味，肉質鮮嫩嗌個索辣汁既粉，咁食辣先夠過癮手打墨丸，配返麻辣鍋又係好甲要滾到佢小小紅色，入哂味就岩岩好爽口得黎又有川辣味豬天梯，唔係度度都有得食，夠爽脆唔錯唔錯甜殻本身都好大粒，又鮮甜，食落去重啖啖肉主角龍蝦終於都出場，因為有膏，食落特別香，龍蝦肉再配埋啲膏一齊食，極滋味千祈唔好睇小呢個南瓜餅，南瓜餅外脆內軟，食落個質感似麻糬，重有芝麻係面，你係估唔到佢有幾咁好食，一定要試估唔到會比到咁多驚喜我地

今日同老公去咗大本營行街，行到餓又想食川菜，係對面有呢間開正我地個飯！頭盤先黎個川式皮蛋，賣相得味道仲得，麻香辣既醬正去到不得不試，以下呢個超鮮既大蜆蟹粥，湯底濃濃既海鮮味同胡椒味，隻蟹仲有少少膏，蜆真係好大隻，最難得係湯底唔會過咸，個粥最後好綿之後唔夠喉，叫多個爆炒豬大腸，一句講曬有鍋氣多配料，不過再辣D就好啦另外見門口有報導讚佢個乾撈擔擔麵，叫個試，好正既花椒同好麻既感覺，唔辣，同出面既差好遠，似好味既麻辣撈麵咁補充埋粥底邊爐既餸，魚滑彈，餃子雲吞好鮮甜多汁，蟶子又彈又滑，配粥真係好夾，好健康叫埋回鍋肉，好中意佢好多菜，肉又唔會少咗最後食到勁飽

今日朋友仔生日，約咗去油塘食火鍋，心諗點解去咁遠呀😝有幾特別呢🤔雖然位於油塘工廠區附近，但晚飯時間都幾多人食，有七成客人🎊太肚餓關係叫住前菜食住先😜蒜泥白肉，$42辣度剛好，白肉包青瓜，食落口唔會覺得有肥肉尖椒皮蛋，$38好香口👍🏻皮蛋新鮮川北薯粉，$36呢個正呀，辣辣地，薯粉質地煙靭太好食既關係，叫咗兩轉😜草帽餅，$36好脆口，又似千層酥綠茶芋泥餅，$48呢個必食，香到呢又脆口，入面既芋泥又唔會好漏👍🏻👍🏻我地食大蜆蟹粥底打邊爐超多料隻大蜆真係好大隻架新鮮鮑魚，$32/1隻上檯個時仲郁緊架，洗得好乾淨記住唔好煮太耐呀，唔好浪費咗隻鮑魚😜花膠，$78/1碟都幾抵食，打邊爐食花膠，真係好高級🤣🤣食得超飽呀，食材新鮮，小食前菜水準高👍🏻

聽朋友講油塘有間海鮮粥底店火鍋不錯，於是約埋幾個鍾意食海鮮既朋友一齊去朝聖火鍋店位於油塘近工業區，唔算難揾，店舖內地方算大，以中式川味佈置為主，人流唔算好多，但枱枱都見到有好多海鮮。我地坐底後，第一時間睇下有乜粥底order，我地揀左「原隻大蜆蟹粥」做粥底火鍋，再點左鮑魚、蟶子、花膠、蠔及其他打邊爐食材，等煲粥再鮮味d除左order火鍋配料，我地見到menu有川味前菜，喜歡食辣既我地，order左麻辣爽脆魚皮、川北薯粉。薯粉味道好有川味，夠麻辣，食到唔停得口魚皮夠爽配麻辣汁又好食，出面依家好少食到大約15分鐘，原隻大蜆蟹粥底到，窩入面有好多蜆，仲有一隻大蟹，加埋粥～十分足料鮑魚好新鮮，上枱時仲好生猛墨魚滑彈牙仲有一亮點，依間火鍋店既中式甜點好好食，尤其是依碟綠茶芋泥餅，上枱時熱辣辣，出面香口，入面芋泥軟滑配合價錢，服務，一定要再encore

成日留係新界食好西...都會覺得悶悶地...咁岩今日在九龍工作，順道約埋三五知己去食海鮮餐...首先係有大蜆蝦海膽粥....都好多隻蝦同蜆，而粥底好鮮甜對唔太喜歡食粥既我都食在兩碗..！值得推薦.....新鮮活鮑魚...真的活鮑魚...我見到還識郁本地手切牛頸脊...有香濃牛肉味全條龍躉起片都係$188...抵食即炸魚皮....好脆口、食落仲有小小熱熱地..！北海道大元貝：好鮮甜..！呢個黃金糕...友人話好少地方有得食..！工序都比較多...要先蒸後煎...味道都唔會太甜，有煙煙un un 感覺..！平均每人都係3百幾...我地覺得都抵食...！同埋海鮮CP 值頗高....所以值得推薦

是咁的，小弟未試過粥底火鍋。所以今日去試一試未上火鍋前，老闆先上了一板海膽，作為開胃前菜都是第一之入口幼滑一啲都唔腥，還是甜甜的。花螺無沙，用牙籤挑起螺肉，螺肉入口鮮甜，沒有泥味桂花蚌 值得推介，落水焯一焯 三十秒食得，入口鮮美無比，爽口彈牙反正煮粥，當然來一客豬潤，久焯也不硬，保持林滑，帶有甜味，粥的層次再一提升！最後一樣！豬天梯！極之爽，注意要多焯一會兒，但是時間不會影響爽脆程度飲品有不少支裝涼茶 氣水 乾淨衛生食物新鮮就全靠多個魚缸 養住鮮活的海鮮。包括頭先隻龍蝦注意：粥底火鍋多選新鮮材料，不要落雪藏食物 如：丸 會令粥底有雪味

今日到東九龍工作，難得準時收工，友人話想去食海鮮，一於去油塘，近近地鯉魚門，食得新鮮d先向門口見到有個粥底火鍋，就試下先，見到都有好多隻大蜆、大蝦，粥底鮮甜，我們決定向海鮮岀發，所以特意點了花膠、聖子、活鮑魚、大元貝，對大家好一點，食物材料新鮮爽口，有鮮甜味手切牛頸脊，地幾個牛魔都比較鐘意食牛頸脊，因為好香牛肉味，同有趙口沙巴龍𧄌全條起片 只需 $188，價錢可接受，食埋魚片粥最後成煲香濃海鮮粥已被我們清掃一空了

近排愛上左打邊爐， 其實有邊個香港人唔鍾意打邊爐啊！今日行去油塘食飯，點鬼知個大本營人多到呢！朋友推介行多兩步，落工廠區試吓呢一間，一是有驚喜！店內環境，都尚算闊落，唔可以話裝修好華麗，但勝在企理乾淨！豉油有甜同埋咸兩種，照顧周到抵讚！叫咗個四人餐，粥底火鍋，仲有蒸氣鍋係上面，啲嘢食多到嚇死人，$499，真心抵食！四個人一人有半邊龍蝦，而且仲要係新鮮、鮮甜，正！跟蒸氣鍋嘅海鮮，又多又新鮮，大家睇吓上圖， 499再加龍蝦，真係有圖有真相！除咗海鮮個餐仲跟咗一大碟雞，俾你擺喺蒸氣鍋嗰度蒸😱😱!套餐仲要跟甜品，唔可以話特別出色，但簡簡單單，為個餐畫上完美句號！套餐以外，我哋都叫咗一啲火鍋配料，整體尚算新鮮，而且價錢唔貴。最後我哋叫咗一板海膽，用嚟撈粥食，幾十蚊，老細般的享受！總評：街坊價錢，用料新鮮，比起大本營嘅餐廳，抵食多了！