蜀客 (已結業)

K11 musea已經成為左我最喜愛既新蒲點之一無他 貪佢就腳 地方新又靚 又未有太多人黎 就算假期黎都唔會話太迫第三次黎蜀客 餐牌比第一次黎多左選擇地方坐得舒服 happy hour掋飲 室外食煙海景又靚 但食物不過不失啦 食開川菜既你可能會嫌野食唔夠香唔夠麻唔夠辣 但性價比尚算高又飲又食 人均都係5百至8百蚊

試左4人套餐，係幾好味！個景不俗，食物算中上，有幾味直情係出色（牛肉乾，蒜泥白肉，水煮龍蝦 ）服務普通，要叫先嚟，但好過叫都唔嚟會再嚟，可能兩個人，同想chill吓個海景先～好可惜無二人餐

K11Musea食市林立，然而，有無敵海景的，就沒幾間。 蜀菜是這裡僅有的中菜館，卻又有酒吧和海景配套的餐廳，即是你既可以在這裡吃晚飯，同時又可以好chill地和朋友們飲杯cocktail吃佐酒小食，欣賞美麗的維港景色。食景之餘，這裡的菜式也是不錯的。水煮菜色比較出色，很有當地的風味。當然這也從價格反映了出來😊不便宜的定價，卻物有所值。例如水煮魚，要$4xx。這個菜很有特色，鴨紅配上水煮的汁非常合襯，好入味。紅酒抄手，味道一般，皮厚了一點。鮮椒海鮮匯好清新的涼菜，夏天吃好舒服。豉油王炒麵，味道好適中甜品：擂沙湯圓文昌雞鮮嫩，和配汁挺搭和三五好友相聚看著這個景色吃飯，嘗心樂事。

同好耐無見嘅朋友聚首,落雨最好不過係留喺室內,一同午餐,睇戲,之後大家意猶未盡,起初話食班戟,途經呢間食肆,見有酒吧,裝修又唔錯,又唔多人,所以改入去,可以慢慢傾.呢間食肆區分咗室內/外. 室內亦分酒吧同用餐區,再加廂房. 酒吧又有3種座位:吧檯,高檯同低檯. 低檯嘅小圓櫈好特別,喺布圓桶放滿竹子,坐落又無”桔”.平時佐酒小食都係花生,不過呢度比較細心為配合番食肆主題,所以加麻椒乾,好味. 椒乾辣度,連唔辣得嘅朋友都接受到.期間侍應出室外時,見雨停了,確認了可以出去後,個景好靚呵.

星期六下雨天☔️，行商場就最合適，與老公逛逛我最喜愛的K11 Musea ，行吓影吓相就到食飯時間啦，K11 Musea好多食店都幫襯過，剛剛路過4樓有間叫做蜀客，在門口放出來菜牌是四川菜，望入來面環境OK喎！價錢又不貴！決定入去試試！星期六少有午餐供應，而每個餐都是百多元，有甜品、主菜、小吃，好豐富。點餐🍴四川口水雞🌟🌟🌟少少辣，份量算多蒜汁素燴🌟🌟🌟青瓜、黑木耳蒜香開胃文昌雞糙米飯🌟🌟🌟🌟雞肉嫩滑，不肥不瘦鍋肉炒飯🌟🌟🌟🌟炒飯粒粒分明，飯面鋪了回鍋肉，香口好吃四川冰粉🌟🌟🌟凍的粉面鋪了提子乾及山渣餅，開胃解渴薑汁湯圓🌟🌟🌟湯圓是黑芝麻餡，浸在薑汁水中，令甜度減少個人評分食物💙💙💙💙服務💙💙💙環境💙💙💙衛生💙💙💙抵食💙💙💙💙回頭率💙💙💙💙

K11 Musea 有唔少高質素嘅餐廳，今次過到黎，咁啱見到訂位網站做緊七折優惠，就黎試下呢間四川菜😂入到去會見到一大塊落地玻璃望著維港夜景🌃枱同枱嘅距離都好闊落，裝修比平時啲中式餐館更高級，未叫野食已經覺得好正🤣**********<蒜泥白肉> $128賣相好有fusion菜嘅味道，無諗個蒜泥白肉可以整到咁，不過味道比較濃同辣，就咁食可能就會覺得咸左少少😅**********<金沙蒜香骨> $188蒜香骨好入味，再包上薄薄嘅脆粉同炸蒜，呢個食到停唔到口，要黎送飯一流😊**********<綿陽米粉 - 豬腸> $68睇落以為會好辣，點知食落又唔算辣🤣米粉煮出黎仲有啲彈性，豬腸洗得幾乾淨無異味😝**********<乾鍋手撕包菜> $158依道係四川菜其中一個鍾意食嘅菜式，份量都幾大份，不過比較多油，如果少油啲就幾好食🤤

因為訂位網站有半價提供，所以同幾位朋友一齊分享了一頓豐富的四川菜。以前經過這間店子幾次，覺得裏面的裝修很高貴，而且氣氛很不錯。今次的飲食體驗也很好，雖然食物是偏貴，但以這個店子所提供的服務來說也算是不俗。

Lunch去一間比較安靜嘅餐廳食飯，價格唔算太平$128 再加一。呢度嘅食物主要比較重口味，偏鹹嘅。我點左一個set lunch 有一個炒飯一個口水雞同埋一個豆腐花，都不過不失，不過份量超級少，所以如果肚餓嘅話建議額外再點一樣嘢食。

今日同朋友食lunch，平時對K11 Musea嘅感覺係啲餐廳會好貴，蜀客網上訂枱有半價就去試一試。環境相當唔錯，有無敵海景，服務亦都非常周到，茶壺放喺餐枱但都會不時幫你斟茶。食川菜當然要點口水雞同水煮魚，口水雞調味方面好夠花生味，幾特別。水煮魚嘅麻比辣更為突出，佢用油麥菜伴魚，食嘅時候就會黏住比較多嘅辣油，可能用薯粉或者傳統嘅芽菜會好啲。我地仲點左四季豆同紅油抄手，四季豆炒得幾香，紅油抄手就相對上普通。總括：這個程度嘅辣唔少人都應該接受得到，有得喺華麗嘅K11 Musea 食到每人$140左右嘅川菜真係超抵食！

晏就黎左k11搵食叫左一份水煮魚同一個lunch set環境唔錯 味道唔錯但佢最大的問題係好明顯偷工減料咁大碗水煮魚 得面個一層係水煮魚（$4xx)我數過 得10舊 下面油麥菜多到呢比起出面叫嘅抄菜都多 我同朋友兩人 每人食左佢地飯碗的3碗 菜即係6碗咁你應該改名叫做水煮油麥菜食完呢道菜 就即刻比張單我呢間餐廳午市同晚示之間冇休息當時又無咩客 而我地又入座左40分鐘做咩好趕咁 以一間這檔中餐黎講服務真係不敢恭維走左出門口 先發現 原來佢lunch set 個甜品無上到都廢事返去總言之可一不可再！千奇唔好試！

其實個用餐感覺都幾差一坐低menu 都未睇侍應就問我地飲meh 茶？有羅漢果、洛神花、普洱、香片可選擇！我聽到有洛神花/羅漢果就即刻問係唔係一樣價錢？佢話係！咁你咁問我就當係開茶形式架啦，點知來到先知原來係一人一杯！一杯42蚊！！原來唔係開茶形式，只不過係一杯飲品。。咁你個beverage list 咁多野選擇，你點解淨係講左羅漢果同洛神花啊？如果係一杯杯咁計不如我睇左beverage menu 再決定啦！我咁快決定吸引個侍應講到好似開茶，無得揀，一定只可以由四種茶揀一種咁。都算啦，只有有碟小食，charge 25蚊（我見其他review 原來之前係charge 40蚊，唔知係唔係負評多所以減左價啦）。都唔緊要。食到一半個侍應問我地係唔係開d 茶或者水比我地。咁正常中餐廳水都唔洗收錢啦，我地要左水。點知最後張單係收左我地40 蚊茶介。我話我無開茶wor，佢答我：我地茶同水都一樣價錢。你唔係玩野阿嘛？第一：你無同我講水都要收錢。 第二：我已經叫左兩杯洛神花茶，而且仲要唔係開茶形式可以加水，係得一細杯，已經覺得被你坤左。 第三：如果滾水都要收錢咁我係唔係可以揀要邊d 水？高級西餐都要分sp

酸菜桂魚片：酸辣湯底，魚片非常滑；瑤柱蟹肉豆花羹：非常多蟹肉，清甜！四川冰粉：冰涼、消滯，！加上維港夜景，可以食飯前後先係露台Bar飲杯cocktail, 跟住食埋夜晚飯，非常舒服！🤗

We spent more than HKD 800 for two girls. As local Sichuan people, the food is not authentic and the service is poor too. They charged us HKD 40 for hot water, and HKD 25 for the snack which we didn’t order at all. The price of one crystal jelly is HKD 38, which in Sichuan you can enjoy it within HKD 10 and with much better taste. I get it you could be more expensive, but at least make it tasty. In the end there was also service charge, when we questioned how come you have service charge when th

生日正日，好友預訂窗口枱，飽覽維港夜景，我們點了鼓椒蒸茄子做前菜，主菜有酸菜魚、香煎蓮藕餅及鮮蟹肉桂花炒銀絲，甜品是水晶粉喜歡店內裝修和柔和的燈光，配上美食、夜景，加上店員友善款待，送上蛋糕，唱生日歌難怪疫情下也全場爆滿。值得一提是餐廳隔離是酒吧，地方雖小，但露台位有幾張高枱，可供客人邊享著美酒，欣賞夜景，實在貼心

抗疫期間好多食肆都有做promo! 今晚來到這間餐廳都係比個價錢吸引! 四人套餐都係$780，三個頭盤，一個羹，四個主菜，仲有甜品，仲要喺K11 musea，有海景，有裝潢...... 好喇，好喇，所以就係咁來到這裡⋯⋯食物方面唔會有太大驚喜，但呢個價錢又算係咁! 瑤柱蟹肉豆花羹，味道清甜。宮保大蝦球，蝦嘅外層煎硬左少少，蝦唔算大隻。酸菜桂花魚，我覺得食落唔算地道! 唔酸又唔辣! 珍菌炒臘肉，怕肥、怕油、怕咸嘅話就唔係太適合你!乾鍋手撕包菜可以話係我必點菜式，但可惜呢款菜式同啱啱食完嗰碟珍菌炒臘肉太相似。一陣辣勁之後，最期待的就是來一碗四川冰粉了! 冰凉爽口Q彈滋味，爽。