蛋撻王 (宏開道)

营业中

休息中

去工展會掃街, 食左雙皮奶蛋撻和葡撻. 雙皮奶撻好食D, 奶味好香. 葡撻焗得唔太香. 兩個撻都唔太熱, 扣分.

去換身份證, 經過見到有蛋撻王, 平時睇食評印象都唔錯, 所以就買左件牛油餅底蛋撻試下!!!個底真係幾好味, 好鬆化, 個蛋都唔錯, 好滑, 但我就覺得唔係好香蛋味! 食個時都有啲曖, 算係過得去~~但係唔會刻意買黎食, 呢個價有好多地方都好味過佢~~

一向我都只愛吃牛油皮蛋撻,不過亦都想試試酥皮,所以兩款都買下.沿途回家時,都聞到好香的蛋撻香味,仲熱辣辣的.牛油皮蛋撻個牛油皮好脆,好好味,仲好有蛋香,好滑溜.但酥皮就好易散,我都係鐘意牛油皮多點.

今日一早想食腸粉就去蛋撻王度買一碗$7既豉油皇腸粉...點知回公司食時就有d後悔...好油呀...食每一條都油"林林"....不過好彩佢地d腸粉唔會一pat pat唔係又油又一pat pat就真係食一條都唔願.

我在2006/6/2日下午約4:30到此店購買"紅豆蛋撻", 那位售貨員收了我3.50元, 但當我食到最後一啖, 發覺仍不見紅豆, 便拿那個只餘一啖的"紅豆蛋撻"到店跟那售貨員理論, 怎知那店員問我"想點", 我便說"紅豆蛋撻"內沒有紅豆, 叫她退回"普通蛋撻"與"紅豆蛋撻"的差額, 她不應允, 還黑著口面, 你們說在這時代公司還可容納此員工, 不知此公司的高層怎樣看此事件.

今日去買左個排骨鳳爪飯($19). 味道都唔錯, 幾多料架. d飯都唔會一pat pat, 唔錯唔錯.

最喜歡買佢地既丹麥條做早餐. 事關佢地用好多牛油做個酥皮, 食落好香牛油味同好鬆軟.

本人和公司大部份的同事每朝早上都會去觀塘大業街協發大廈附近哪間蛋撻王買早餐，每當進入舖頭內一刻，都見到有一位員工站立在收銀機前（近大門口附近）露著一副醜惡樣子目怒每一位入內光顧的客人（當正每位客人像賊一樣地仇視），每當客人選定了食物後，她的惡行便表露出來，不停叫．不停叫..不停叫．．．．．叫客人立即付錢，如客人付錢慢了一些，便已惡劣眼神和態度對待客人，直至客人付錢後才停止，當客人離開後更用些粗言談論該位客人；態度極為差。公司有一位同事因行動有點問題，即是一位傷殘人士，因她動作不能高速付錢而得到侮辱的下場，回來公司後更大哭一頓，實在令人痛心。香港目前經常鼓吹已好服務態度對待客人，相信不是這樣做。因此本公司上下員工一致杯葛哪間蛋撻王，希望你看了這評語後都可伸出同情之手支持我們。

自己無食過li度d蛋撻…次次都係阿媽放工去醫院探婆婆果時買比佢食…不過有時只係阿媽都會買d麵包第2朝做早餐gei…印象中我只係食過一個提子包…係pack好左gei…一大個…cut到一塊塊好薄gei…個包都ok…第2日食都仲好軟熟…阿媽會搽d牛油花生醬…但我就prefer就咁食…好似話$6一大個…都ok抵食…不過嫌佢cut得太薄…無乜口感jei…

其實蛋撻王有成十間分店, 唔知WHY 板主得2間, 我去鴻圖道果間!佢地既車仔麵$12 有2再加都係$4 !蒸飯都平! 仲有LUNCH TIME 有免費豆漿派! (有限數量) 你12:45 PM 買都仲有!蛋撻未至於最好食, 但都唔差, 反而豆漿正D , 不如改名叫豆漿王呀!

鴻圖道都有間分店! 佢地D 三文治即叫即整! 係工業區黎講, 冬天好受歡迎..$7.50...另佢地LUNCH D 飯同車仔麵好平, 好多送貨佬都幫襯....

酥皮唔油好鬆化, 咬落去散哂咁滯.蛋好滑好滑, 蛋味唔香聞唔到又食唔到3.5一個都幾貴.

朋友請食野,買左蛋撻.自己一向都不太好酥皮蛋撻,主觀性覺得好油,但食過呢度d蛋撻,都令我改變左呢個諗法.個酥皮好鬆化,一d都唔油.絕對唔比牛油皮差.而且d蛋蛋都好滑.甜味岩岩好.真係好掂~

我都好鍾意這裡的蛋撻，除九龍城豪華外，這裡的蛋撻算數一數二了，但麵包真係唔掂，所有麵包類的底部都係濕的，所以我幫襯親都只係買蛋撻，另外雞批都唔錯。

自從做左現在呢份工之後，一年入面食既蛋撻數目己經係以往廿年既總和，皆因老細動不動就請食蛋撻，而且每次都有多無少，基於有食德既前提下，"食多件"既重任都落於我身上。不知是否食得太多既關係，縱使蛋撻係新鮮熱辣，蛋香四射亦不覺特別美味，有好多時重覺得佢有辱撻王之名。不過某假日身痕到屋企樓下餅店買蛋撻食時即知撻王之名非虛，事關樓下既蛋撻真係難食得好緊要，撻皮死實如石，蛋漿似蛋非蛋，食左半件隨即放棄。自始之後再不敢再說蛋撻王半句壞話。