蘭芳園

营业中

休息中

同事買左蛋牛治同茄蛋治share,d蛋唔滑又薄, 蕃茄又嫌生左少少.不過份蛋牛治幾好食, 「牛」都好難整得唔好食卦?!

話說勝香園要初七至開，朝早要飲奶茶咖啡又要搵第二度，有一朝就來了這裡幫襯。始終是出名的茶餐廳，朝早幾多人，照例是叫了熱鴛鴦走糖同奶油多。比起新香園及勝香園，呢度係好快有得食，事關佢多人叫多士，朝早茶檔出面係一路整，唔同勝香園係有人叫至整。多士不算厚，烘得亦不算透，奶油搽得認真，同檯的另一位食客要多奶的，真的是多到湧出來咁犀利。雖說是茶餐廳名牌，但以這件多士計，還是勝香園的勝一籌；杯鴛鴦當然有番咁上下水準，始終多人幫襯都有佢理由的。伙記是一貫的有效率，但感覺是冷漠的。至少尋日朝去番勝香園，兩位阿姐都輪流同客人講「恭喜發財」及寒暄幾句。埋單18 蚊，幾貴的，以此價錢計，食早餐會抵D。

抱住期望試下呢間茶餐廳的豬扒飽, 豬扒飽送到真係好熱, 豬扒亦已去骨, 食落覺得d 豬扒無醃過, 所以無味, d 肉質唔"鞋" 口. 剩係個飽好食-- 熱同脆. 男友叫了薑蔥雞扒撈丁, 佢話d 雞無味(無醃過) , 佢既評語係-- d 薑蔥令到d 食物好味而已.至於奶茶, 就覺得幾滑, 但我們一致認為金鳳好o的.

正當個個「早放」匆匆回家團年之際，我卻當值；除了幫不上「媽媽菜」忙之餘，亦來個「急件」，結果離開之際已是黃昏了。見亦是「紀念日」，繼上次「上海佬」之後，再一次大顯「喪傻」精神（笑話見專頁）。六點多，姍姍來遲為了兩杯奶茶少甜外賣，額頭冒著汗的我來說，無它的，只因喜愛她的「香滑」來孝敬雙親。多謝老闆的「熱誠」招待，今時今日的服務態度果真一絕，祝生意興隆。匆匆回家、匆匆吃團年飯、匆匆出外逛花市還是匆匆打番幾圈呢？！祝願大家流年開開心心、健健康康、事事稱心、團團和氣、滾滾財來．．．

行開呢頭, 順道一試招牌熱辣辣豬扒飽, 送到真係好熱, 仲辣口. 豬扒已去骨, 好鬆化入味, 不過個人唔鐘意d三文治醬, 麵飽係嘉頓漢堡飽, 仲有塊番茄, 好體貼, 個飽仲同你切開一半, $12個, 係中環講算抵食. 奶茶係好香滑, 不過我都係鍾意金鳳多d .

以前曾經响 附近上班，所以知道呢家係名店，至愛當然係佢個撈丁係加蔥油啦。不過同佬豆係食完午飯至來吃，所以只係叫咗下午茶餐。佬豆叫咗西多士，我就叫咗豬扒包。佬豆的西多士佢就話好唔掂，我都試了一口，又唔覺真係好食，只係佢哋唔會給你糖漿，而糖漿就係加咗入兩片面包之中咁囉！我的豬扒包好求其，個包已經唔多討好，啲豬扒卂只係得啲肥油。而我們最期待的咖啡，當然就係最失望啦，因為一啲 都唔好飲，又唔滑。

這裏的雞扒撈丁太出名，趁星期日人少少，中午同女友大長欣走去試下。大長欣唔餓，淨係叫左個奶油多，味道一般。我男丁就肩負試食雞扒丁的重責：煎雞扒加薑葱加出前一丁面，沒有產生意外的化學作用，而且分量細，幾啖就食完，唔知有無得加底嫁呢？當然唔難食，但亦無驚喜。雞扒丁加野飲三十幾蚊，響其他地方算唔抵，不迥響中環就差唔多啦。另外，侍應幾好禮貌，抵讚。

食完九記的牛腩之後,突然奶茶癮起,於是走過來嘆番杯先.這裡係老字號,又係聞名已久,自己又好想試的,要左熱奶茶,飲第一口,已知係我杯茶,有茶香,又夠滑,比起其他茶記更勝一籌,正! 這個似乎係我暫時飲過最好飲的奶茶,如果港島區有其他更好的,請報料,謝!

昨日空降一張外賣下午茶紙，看看舖名頗為陌生，見「懷舊絲襪香滑靚奶茶」、「金牌辣口豬扒包」、「首創撈丁系列」作招徠，即管試一試豬扒湯丁餐跟熱奶茶有幾「哂家」先！預期湯丁發漲兼淋patpat，失去所有期望，但豬扒挽回不少分數，整體上除了丁麵淋一點，不失是一個下午茶之選，反觀豬扒包卻令在場抱著「金牌」人士失望，可能大家以為是澳門那些硬麵包，跑出卻是「嘉記」，味道一般，是否「金牌」見仁見智。嘆過丁麵，試試這杯奶茶是否「吹噓之作」先！打開杯蓋一嗅，香濃，雖涼了一點，唊一口．．．真的做到「香滑」，預先加了糖，甜度適中。說實話，食物可不試，奶茶卻非飲不可，食物名稱卻非常特別，如「叉燒汁豬泵兜撈丁」、「駌鴦鬼佬飯」，雖則未試過，至少夠噱頭哩！後話：今晚為了買蓮香五仁餅給阿毛，即管碰碰運氣找「蘭芳」；本來應是街市頭的一間鐵皮竇，擴充營業入了舖位，買了「熱奶茶走甜單走」，離開不遠，唊了三啖，啖啖香濃幼滑，略嫌「走甜」後欠些少「味」，非說笑，寒冷天氣下暖透身。忽來股傻勁千里迢迢運奶茶，超速回府之時，茶雖涼了，仍能換來老人家一句：「係邊到買o架，咁滑咁o既，你又飲丫．．．」，倒算值得。近來學習「施」之餘，「分

2點幾黎食下午茶, 本來想食撈丁, 不過下午茶平d.而且有個朋友死都話要搵日黎試下撈丁, 咁就等埋佢先食啦.個皇牌雞扒丁麻麻地, 雞扒好實, 麵亦較硬.見到麻油浮面應該係原味出前一丁啦, 不過湯底唔算濃,好似落唔夠一包粉.廿幾蚊其實唔係好化算, 而且又唔係好食.平d我都覺得過得去.依到d伙計幾好禮貌喎估唔到,隔離個女仔杯野飲唔知趺左隻咩生物落去, 佢未出聲坐收銀個亞生好主動幫佢換過杯.雖然今次唔好食, 不過下次會黎試下佢個振店之寶.

我最欣賞果度d 凍奶茶冰,一d都唔會溝淡d奶茶,好體貼呢~d夥計好nice,lunch人多都好好態度~不過同下面街d茶餐廳就貴左少少.

首推雞扒撈丁, 真係正到暈! 奶茶香滑....名不虛傳!聽到伙計話有味"富貴黃金飯", 係用咸蛋黃撈飯, 加上鮮炸雞翼同五香肉丁.....下次一定要試!

20041130 2pm做o野做到過晒鐘食飯, 2pm 先行, 所以當然連蘭芳園都有位啦, 平時爆到九彩o架嘛~我兩個朋友食下午茶餐, 我要荵油雞扒撈丁, 唔知係點解今日的薑荵好乾o的油唔夠勁. 削o左o的.好彩凍奶茶都仲係正. 係奶茶冰, 除灣仔金鳳外最愛呢度啦

專誠坐車來吃早餐。有腸仔煎蛋配厚多士。煎蛋太油，而腸仔好似係烚的，是煎的，味道一般而已。主角是奶茶，茶味夠濃，會太多奶而蓋過茶香，錯！

琴日係IFC 睇戲前黎飲左杯涷奶茶....涷奶茶都叫好飲....好多人都話呢度D奶茶係全港no. 1.......但個人還是比較太興的冰鎮奶茶....