蘭芳園

营业中

休息中

在中環返學的其中一個好處就是方便緬懷以往在中環的美食，今日一站正正是蘭芳園。早起的鳥兒有蟲吃果真沒錯，我只要等三分鐘已入得，沒想到食完一出門口已見大排長龍，蘭芳園依舊人氣鼎盛。今天，坐下想都不用想，我叫的依舊是蔥油雞扒撈丁，配熱奶茶。時間上有點失準，奶茶先到，原以為撈丁好快有得食，點知都要等一段時間，還好今天唔趕，可以慢慢嘆。蔥油雞扒撈丁炒得依舊乾身，雞扒也依舊煎得香而不肥，配少少豉油蔥油，依然令人回味。不過今天蔥油稍嫌淡味了點，要知蔥油可說是這撈丁的靈魂，不然我可能會叫心多多撈丁。熱奶茶是這裡的金漆招牌，味道依舊，但我其實不覺得這裡特別好飲，要數好飲的奶茶大有人在，但這裡唔難飲就是了。今天的蘭芳之旅，絕對滿足了我的「撈丁癮」，蘭芳園咁多年味道都無特別差到，但人心總覺得以前較好。下次再黎應該是同老婆黎的了，期待到時可以回到全盛時期的水準。

好耐冇去喱到食了,又咁岩唔洗排隊,就照去~!熱奶茶:出名既奶茶,唔重奶味又唔重茶味,又唔特別滑.個人覺得好普通~!蔥油雞扒撈丁:件雞扒唔錯呀,個皮有點脆,唔好既係有點膿,而個撈丁就太乾了,仲幾咸下呀~!基本上係得個出名,唔係話太好食,不過又唔係難食呀~!

難得去到中環, 總要試一試最出名既絲襪奶茶蘭芳園裝修古舊, 但很有特色, 我非常喜歡餐牌上選擇不多, 正合我意, 不用左諗加諗但餐飲必然係最出名既奶茶, 朋友介紹呢度既奶茶又香又滑, 令我十鈕分期待奶茶隨即送上, 香味不錯, 喝下有點兒失望....雖然都幾好飲但本人有位同事沖的奶茶, 比這裏還好喝呢.....食物普通, 失望的一趟

幾個同事相約嚟蘭芳園食晏, 試過奶油豬, 蕃茄蛋豬扒麵&牛脷喇沙...先講食物... 奶油豬 - 咁晒脆, 熱辣辣! 蕃茄蛋豬扒麵 - 茄味ok, 仲有薯仔, 不過如果隻蛋係半生熟, 有蛋汁就更好 牛脷喇沙 - 喇沙偏淡, 牛脷亦相當麻麻, 不過都ok嘅但係...凍飲勁甜, 都係少甜為妙!之前都試過尖沙咀的分店, 不過原本的陳舊比起硬來的扮有情懷簡直有天壤之別!

食完早餐後去既，雖然已經飽了，但都係想飲杯絲襪奶茶食個豬排包。奶茶除了冰塊外還有些碎奶茶冰，賣相不好。但其實呢D冰渣是有奧秘的，很多奶茶店做凍奶茶為左速度將剛煮好的熱奶茶加冰塊，這樣雖然可以快速降溫但茶味就被冰塊沖淡了。而蘭芳園為了保持奶茶的純度所以選擇把奶茶放進冰箱雪凍，雖然有些冰渣但純度被保留了，值得稱讚。 豬排包裡的豬排肉香多汁，麵包柔軟，還加了一片番茄用於刺激口水分泌，即使唔飲水亦唔會覺得口渴，上品。環境和其他茶餐廳一樣迫左少少。不過服務無咩問題。

這次又回到讓我朝思暮想的蘭芳園當然是給他點我最愛的絲襪奶茶$18嚕~這次也給他嘗鮮的點了叉燒汁豬頸肉撈丁$22蔥油雞趴撈丁$22我們比較偏好雞趴撈丁~醬汁很特別豬頸肉的反而還好不過讓人覺得有趣的是牆上的報導寫到「以前蘭芳園老闆覺得中午用餐時間的OL很多，所以推出吃不飽的雞扒撈丁，沒想到大受歡迎，搞的日日排長龍，光是中午用餐時間就賣出兩百盤的撈丁麵....」真的是命中注定要爆紅

九時多，本來想去北海道牧場餐廳吃早餐，不過因為時間所以趕不到。勝香園未開，又經過很久沒去的蘭芳園，便進去吃個早餐。到了舊店，意外地不算很多人。愛吃多士的我看見有豬仔飽餐，就要了個醬占豬仔，加熱奶茶。熱奶茶是蘭芳園的招牌，質素自然有保證。第一，溫暖夠熱，證明水滾茶靚；茶色是完美的褐，不會太深或太淺；喝下去很順喉，不會苦澀或太乾身；茶味和奶味很平衡，這點明顯和瑞記的不同，那裡的較淡口和輕身，這裡的相對很實淨。醬占豬仔上桌時是燙手的熱，外皮有點燶，咬起來香脆；但飽芯軟淰又煙膩，這和勝香園的脆脆不同；前者比較陰柔，後者是率直的乾脆。裏面一面塗上花生醬，一面抹上應該是杏桃果占的東西，比其他茶餐廳用的沒那麼甜和嗆喉，味道還真不錯呢。放下十多元，繼續趕路去。

第一次嚟蘭芳園，嚟之前上網睇過大家的食評，普遍都說水準下降了。但始終都想親自嚟驗証一下食物的質數。首先，喜歡蘭芳園門口有一個茶檔仔，這種比較舊式的味道，好值得拍照留念的店。接著講食物，豬扒包用的不是硬豬包，而是類似芝蔴漢堡的包包，味道普普通通啦，來到就不妨一試。原本叫豬扒撈丁，但攪錯咗俾咗雞扒撈丁。雞扒皮煎得脆脆哋，可口的。丁麵加咗葱油，撈埋別有一番風味。但唔識青的朋友就享受唔到呢份味道。因為舖頭都好旺，食完就要急急走，而且地方淺窄，無乜可能喺間舖頭四圍影。

入到去, 原來裡面都幾大, 有一種別有洞天既感覺~係網上睇到人介紹, 話鴛鴦係由個創辦人發明的~ 所以帶女友黎試下 la~豬扒飽 $25 - 好貴, 而且好細, 不過都 ok 好味, 但就唔係好抵 lu~鴛鴦 - 唔記得左幾錢, 偷左女友一啖呢飲, 好苦~! 可以鴛鴦本身係甘既味~ 我平時唔飲咖啡的~ 奶茶 - 平時都有飲開, 我覺得 TST 間 花園餐廳 既奶茶好飲 d~環境都算幾得意啦~ 再黎就唔會 lu~

好耐都冇去蘭芳園, 其實我一直都覺得d野食同奶茶都係一般....今次同老婆再去...我以為去錯左第2間, 點解d野咁難食...又貴...叫左個蕃茄豬扒煎蛋通粉+脆奶油豬仔包 - $38 + $2凍奶茶, 價錢同品質唔合正比lor....個通粉好鹹, 奶茶竟然冇茶味....完全唔掂... 唔該d 雜誌, website唔再講到d野有幾"正"....如果想"老字號"一直繼續經營落去, 唔想變成"集體回憶", 唔該俾d" heart" 去做啦 !!

2010年4月20日 ( 蘭芳園 - 1 )中環之旅，公利之後，第三站的目標是蘭芳園，第一次光顧是09年3月，今次再度重遊，吃過九記及公利之後，肚子仍飽，來這裡目的是嚐嚐這店的奶茶，點了咖央西多士加凍奶茶。咖央西多士，跟普通西多士差不多，味道甜中帶點椰香，味道也可以。凍奶茶，茶味普通，奶味亦不夠香，普通一般的凍奶茶。上次飲熱奶茶，也不覺特別，今次凍的也不出色，去翠華喝的還更美味，難怪這裡不用排隊，翠華經常人山人海啦！這裡也許是名過於實吧！正如 Yan 姐話齋的確是 "過譽"了！

同朋友仔黎左中環影lomo本來想食勝香園又搵唔到所以又黎多一次蘭芳園今次食豬扒包同凍奶茶(餐)tea time優惠價: $27其實個包冇乜特別,太細個真係得拳頭咁大豬扒咬極都唔爛,要成塊食左佢先得凍奶茶叫左少冰,但好淡味好少奶味,值得讚的是茶冇咁重澀味價錢不太實惠,太貴!!

佛誕假期過左香港半日遊~哈哈12點左右都唔係想像中咁多人, 我o地一行3人去左呢到食早午餐叫左雞扒撈丁, 豬扒撈丁同豬dum兜撈丁同豬扒包, 當然叫左凍奶茶 & 熱奶茶啦.講返撈丁舊雞扒都幾嫩口. 不過 d 麵就乾左少少, d 荵油好少. 有 d 梗頸 ge 感覺. 不過個豬扒包暖暖地幾好食.杯奶茶就真係好飲過冠軍o個間好多喇, 凍熱都好飲過.哈哈 不過 d 價錢就唔值囉, 食撈丁要成$38-

真係唔想講xyzxyz呢啲字. 入去蘭記食早餐的原因是習慣; 近返工. 啲早餐質素一日衰過一日都算.不過,以兩日去食之前,望下個新餐牌,睇下攪乜q去挽回我的信心啦! 點知一看,原來係加價!係年初已經鬼祟咁加咗一蚊; 現在又加...什麼A/B餐減低$1蚊;不過其餘我想死嗰啲就加$3蚊呢?乜世界? 貼下此通告, 想話比啲friends知, 行落一條街,Wellington Street,新雅翠(環境係差啲), 不過食物質素都可以,埋單都係$20 - $22蚊; 想環境舒服啲往下走, 有間賣茶店, 裝修價錢比蘭記差不多, 不過,人地起碼無蠅;油煙味;服務好; 有粥食,都係$25蚊左右.從今日起杯葛蘭記,搵到錢;就開分店;再養名星; 不顧不民百姓.乜q世界

第一次去.與小豬兒及一群同學去吃.好像全體皆吃撈丁.我和小豬兒都雞扒撈丁.超級少, 如果唔係少少少少咁食, 應該好快就食完.荵油又得少少, 撈丁又真係得一個都可能冇咁少.雞扒就應該一塊細細塊剪開, 煎過下炸過下尚算不錯.但吃到底部超級鹹, 好在只係淨番少少, 夾生食埋算.否則要加d水先可以食, 如果唔係肯定食左一個星期 '鈉' 的應攝取量.小豬兒也說(鹹鹹~)凍奶茶又冇特別, 諗住試下有咩咁巴閉, 但天氣熱不想飲熱的.凍奶茶毫不出色, 與樓下的沒有兩樣.$38 一個撈丁, 加$2 凍飲.食左之後幾個鐘就肚餓.不平, 不好吃, 不方便, 第一次, 亦是最後一次