蘭芳園

营业中

休息中

今日去咗大館呢邊參觀，完咗之後就同朋友嚟呢間係香港都算出名，位於中環結志街2號地舖噶蘭芳園，遊客同本地客都幾多下，開頭都要搭檯，之後再轉細檯，侍應姐姐都幾好，肯比轉，入來當然不能錯過區噶奶茶啦！於是倆人即刻點左奶茶，再加倆個蔥油雞扒撈丁。招牌絲襪奶茶，茶味香濃唔澀，奶香絲滑，要左茶走，奶茶來到就可以直接攪勻入口，真係好滑，真心推薦。蔥油油雞扒撈丁，蔥油超香，喜歡吃蔥噶朋友仔，呢個就唔好錯過啦！雞扒煎到焦香，好惹味。香港老字號

經過中環，終於試下，大部份都係遊客，食物質素普通，但以做過飲食既概念就會覺得貴同埋唔係呃遊客，令遊客覺得我地香港地道茶餐廳就係食呢啲野。比較下，紅茶好好多。情懷又唔係特別感受到。鬼佬鴛鴦飯 $68白汁蟹柳 加肉醬蘑菇 一隻煎蛋淡口冇咩味，肉醬有點稀奶茶又唔係特別好飲蔥油雞扒撈丁 $68佢用出前一丁嘅 雞扒有啲鞋味道可以，不太差唔想遊客覺得香港食物係咁，仲要2樣都係推介，其實係店賺最多既項目而唔係真心推介。可惜，好多普通茶餐廳都好過佢😢

聽就聽過呢個名好多次，食就真係第一次。諗住咁出名，應該唔會差得去邊😅於是叫咗個蔥油雞扒撈麵，個汁係滷水汁加薑蔥，有啲普通，屋企都整到，同埋雞扒有啲乾，啲菜唔新鮮。之後再叫鴛鴦鬼佬飯，白汁同紅汁都冇乜味，似係罐頭開出嚟加水，個肉醬紅汁真係好唔掂！無味之餘，又冇乜配菜，加少少紅蘿蔔都好。煎蛋，係冇蛋黃，隻蛋凍冰冰，似係整好咗好耐。配咗杯熱奶茶，一啲茶香都冇，茶味一啲都唔濃，差過好多茶餐廳🤮🤮只此一次

今日同女朋友經過中環 見到呢間喺中環都幾出名嘅茶餐廳 就去咗試吓我嗌左個心多多撈丁 裏面有雞翼五香肉丁加隻太陽蛋 雞翼夠入味👍 估唔到呢個配搭有幾正另外一碟就係蔥油雞扒撈丁 雞扒夠厚肉 煎得又唔會過燶👍另外仲加咗杯凍奶茶

去过了，知名店铺，也就是去过了，嘛嘛嘚。奶茶，还是味道不错，比起其它店，香些，特别一点点，其它东西，一般般，超级一般般，没有来第二次的想法。这样的老字号，在外面拍个照片，就OK。

呢間嘢真係垃圾，下午三時半，兩個人啱啱喺一樂燒鵝食完午餐，諗住飲杯奶茶，都加一個奶油包，佢話唔夠數，要每人$40要有最低消費，我啱啱食完飯，點可能叫咗個包啦，環顧四周，全部遊客，佢係咪諗住淨係做遊客，唔做香港人生意。有冇諗過，香港人不嬲都幫襯你，你今日竟然咁樣對香港人，香港仲係好似你咁樣做生意，遲早冇遊客，睇你哋做得幾耐。所以經常啲人話香港服務態度差係真係差！

馳名絲襪奶茶，絲襪奶茶始祖，終於嚟朝聖了。以前經過一直都喺大排長龍，一直都好想試下有幾特別。果然一啖飲落去，茶香奶滑，用茶特別有少少回甘味，點都好都真喺要嚟試一試。絲襪奶茶（熱） $25絲襪奶茶（凍） $28蔥油雞扒撈丁 配熱飲 $66港式大排檔口味，麵身有啲硬，軟啲會更好，雞扒煎得脆脆的，出面比較少喱個配搭，所以一場嚟到麵要一試，記住要襯熱食。咖央西多士 喱樣喺最好食的，一上嚟熱辣辣，切開就喺咖央醬，外皮脆脆的，內裡鬆軟鬆軟。

下午4:30入座，再晚一點就要等位了， 放眼望去去， 80%外地人， 韓國話馬來語普通話聲聲入耳， 看來香港旅遊業復甦， waiter說＂這幾天韓國女仔好多， 今天的女仔特別靚＂三個人點了招牌的豬扒包 ，西多士 ，豬扒撈丁，三個奶茶， 盛惠$153 ， 食物質素OK，奶茶我覺得中規中矩，和我心目中的好茶是有點差距呢。 西多士要彈，面上的牛油好細件， 有圖為證，同menu比較下。百年老店我都係希望店家長做長有再做百年。 食飽一出門口，哇，街對面輪候的人已有二十多人，我記得一年前仍是門可羅雀的，希望香港真的由昏迷中甦醒下啦。

雖然係老字號，員工的年紀都有返咁上下，但係態度絕對沒有馬虎，完全感受到好有禮貌，食物質素方面都好好，識咗個牛扒飯，牛扒肉嫩，雖然有少少根，但係沒有影響整體質素。奶茶香滑濃郁。

中環確實空間很小，只有幾張圓桌，加上樓底偏低（從天橋上往下看也能看得出來），里面用餐體驗沒有很好。尖沙咀的店坐得舒服很多。但是我朋友說，來就是要體驗一下當地特色。

蘭芳園可以話係香港歷史最悠久嘅茶餐廳之一，見到佢哋嘅門面仍然保留最初嘅設計，充滿着時代嘅痕跡☺️.入邊可以食到好多經典嘅茶餐廳食物，可惜質素實在比較參差，好似都係偏遊客去嘅居多😬.其實平時經過開嘅話可以買一杯奶茶拎走，始終佢哋嘅奶茶的確係正宗絲滑又好飲嘅👍🏻.但嘢食方面，其實香港仲有好多高質嘅茶餐廳選擇，除非想食下個氣氛，否則嘅話可能會喺食物方面有啲失望。.始終都算係香港嘅名店之一，都推介大家嚟試一試佢個奶茶🧋

去咗中環，諗住個食午餐，又喺instagram見到間幾受歡迎嘅餐廳。環境都唔算差，幾乾淨。我哋嗌咗兩個西多士、一個雞扒蔥油撈麵同3杯嘢飲，就已經$200幾，成$60一個餐，又唔連埋嘢飲，嘢飲又要加多$20。講真真係垃圾，份量都係細細碟，連MX 仲好食過佢，啲嘢食又普普通通。奶茶冇奶茶味，雞扒都好油膩，其他大排檔仲好食。真係唔明點解會咁多人會嚟，太overrated. 好失望………..唔推薦，唔會再嚟。

午餐不太期望，食飽就算。本打算嘆一杯𢇁襪奶茶醒醒神，但竟然差過連鎖店那杯，再見到碟义燒煎蛋飯，胃口即刻減退，至於服務態度，更加不用多說。歷史悠久，但難食到嘔。

今日同朋友去咗食下午茶 叫咗三個包同一個雞扒蕃茄湯套餐整體來講都幾扺食 套餐入面包埋兩個奶油豬同+3就加到多杯奶茶所有食品全部甜度都恰到好處 下次會再去食🤍雞扒煎蛋蕃茄通粉湯底十分鮮甜濃郁 塊煎蛋都幾大塊 而且雞扒係都係特別醃過 🤍奶油豬十分推薦 個包烘得外脆內軟 夠香又有有咬口🤍西多士同菠蘿油不過不失啦 本身兩個包都唔會話好甜 西多士就另外上糖漿俾自己落

【中西區】【蘭芳園】呢間嘢我估喺香港都冇乜邊個唔識，就算係嚟過香港一兩次嘅遊客，好可能都會食過。不過我想講呢間蘭芳園呢，我係一次都未食過嘅。反而之前佢哋喺信德中心開過一間分店我又食過喎，冇人排隊嘛，過咗一排就殯咗。咁今次又無啦啦去嘅，事緣係有位識咗十年，對上一次見面係七年前喺挪威嘅朋友，佢嚟香港玩喎，咁我梗係要同佢去呢間。先叫個 $38 嘅「香脆奶油豬仔包」飲「凍奶茶」，杯嘢佢飲，個包就麻麻哋，以奶油豬嚟講好一般。跟住叫 $47 嘅「傳統咖央西多士」飲「茶走」，呢杯係我嘅，佢試飲完都話唔錯。而西多士絕對係香港名物，夾咖央醬係幾新穎，不過朋友話中意夾花生醬多啲，識食呀吓。佢話其實之前都食過，今次嚟係想回味一吓嘅。跟住叫咗 $68 嘅「蔥油雞扒撈丁」飲「鹹檸七」，杯嘢係我飲嘅，因為天氣真係好熱，唔飲杯凍嘢真係唔得。個麵就普通咗啲，我哋都食唔晒。埋單 $153，雖然我係一個中意乞飲乞食嘅 foodie，但點都要一盡地主之誼嘅。。。（地址：中環結志街2號地舖）#1amfoodie #foodie #hkfoodie #thatfoodiething #hkfood #food #instafo