蘇記(茶檔)

营业中

休息中

第二個地點是蘇記(茶檔)，從前曾光顧了一次，嚐過了招牌的豬扒包，這次當然要試另外的食物。因為要預留一點位置給下一店的食物，所以盡量也不會吃得過飽。除了維記的膶牛通外，最常光顧的就是新香園(堅記)的沙爹牛系列通粉，這次姑且看看蘇記會不會有意外驚喜吧~從外表看上去，這兒的沙爹也是預先醃好再即煮的方法，好處是沙爹味道有足夠時間滲入牛肉之內，比起坊間醬牛分離的煮法，味道自然得多亦濃味得多。這兒雖然也是梳打牛，但是梳打的份量不算很多，牛肉仍然留有一點點原有的口感。老闆在特意在通粉上再多加一點沙爹汁，令到整個通粉充滿著濃香微辣的沙爹味，實在不俗。至於奶茶方面，屬於中規中矩之作，好此道者記緊下單時要求"溶"一點啊~

星期六早上，來這裡吃了一個豐富的早餐。豬扒面：好好食。豬扒有豬肉味，又唔淋又唔硬。熱奶茶：好滑，茶和奶的比例剛剛好。雖然價錢唔平，但個人認為，比維記抵食。

係我食過煮得最好的出前一丁,雞翼都唔錯同埋Ｅ到有支裝凍維他奶$16+6+20

小時候,吃大牌檔的公仔麵,多士,早餐就檔檔都有返咁上下,到而家,真係好食的,真係少之又少,仍未死心地找我最愛吃的沙爹牛肉麵,那一個很濃郁的沙爹湯底至今仍未找得著蘇記的公仔麵真係煮得好好食,多士烘得剛剛好,牛肉的咬口比其他的茶餐廳好得多,凍檸茶亦都唔錯我是老街坊吃的是回憶老闆娘真係好好人不過要有心理準備衛生環境一定係no good !

特登睇地圖專登嚟食佢既牛肉麵,加多件奶醬多,凍奶茶.試過後,好普通的一碗即食麵加幾舊牛肉.唉!普通!

慢遊到石硤尾,順手回到中學年代之打躉地- 蘇記.話說回頭,告別校園十多年以來,第一次在此吃早餐.今次不要豬扒,轉一轉要個潤牛麵,麵底為出前一丁.維記的潤牛吃得多,其他食店就未試過.沒有維記的洶湧澎拜的起泡豬潤水,湯底用回出前一丁的味粉加麻油.取向穩陣.牛肉為梳打牛,有點過厚兼肉味不足,反觀豬潤很不錯,片得幾薄,口感爽脆.連凍飲一杯,總共$29,並不特別便宜,再一次來,純屬吃開有感情.還是要同老細說聲比件豬扒我!)

真係唔係講笑,我因為腸胃唔好,食得好少嘢,但今早吃完個早餐,唔夠兩個鐘,路經此地,又食過。我叫了蛋牛麵(非一丁)及熱奶茶,牛肉真的好軟好入味,普通麵都好好吃,但我老伴話D麵生咗D...杯奶茶,嘩...好香,我狂飲!老伴叫了奶醬多及熱咖啡。他一向咀叼,只是默言地吃,也沒什麼評價,可能兩小時吃兩餐所致。

看到前面個食評話豬扒雞翼無得頂, 一去到就叫啦! 點知叔叔話佢地無雞翼, 我一望個牌, 又真係無喎!

雖然19蚊一碗豬扒麵好貴, 又無套餐. 二十幾蚊的大排檔早餐, 真係超貴. 不過真係超正超好味! 記得唔好叫米粉, 佢地D米粉好粗好鞋好難食.

本來我係想去附近第二間食店的，但唔知做乜鬼行錯路，舉頭一望見倒原來黎o左蘇記，因為非常肚餓，再加上橫掂好耐都無黎所以都係呢度食，上次個豬扒麵真係正到飛起，今次試下牛肉麵，不過可惜叫o左先知原來有分就咁牛肉同沙爹牛肉，食落味道就普通d，肉質都比想像中差，見倒人地隔離沙爹牛肉好似好味d，仲有可以散叫多塊黑椒牛扒，下次一定要再黎食過先得，不過原來個牛肉麵都只係14蚊，咁既話其實都還ok抵食。

尋晚三個人去食，叫0左個豬扒一丁，雞亦米同豬扒牛通。豬扒真係無介紹錯，軟林林，D肉醃得好入味，0岩0岩好，唔會太鹹。雞亦雖然係炸但係一D都唔油，出面好脆，入面D肉都好有鹽味，好難得。最威係十幾蚊一碗麵竟然有五隻雞亦，真係好底食。我提意最好分開雞亦上，唔好洒左甘脆0既雞皮。呢兩樣0既水準真係好得，會再返食！！

這裡的舊式鐵皮檔至出名就是一個用電飯煲殼加水泥做成的爐頭，據聞是老板親自製造，夠火候夠之餘亦是當年物資短缺下的香港人的拼搏精神的表現，煎豬扒或煮麵因夠火候而可減少烹調時間，現在似乎這爐頭反而是蘇記的表徵。來到，選擇了一個露天位置坐下，當然幫襯這裡的煎豬扒米；人客不多，但奇怪都要等幾耐；煎豬扒米上檯，講真賣想都幾失分，湯上滿佈膩油，而蔥花欠奉亦若有所失。豬扒味道還算可以，起碼嚐到豬味的味道之餘裡面的肉汁可算豐盛，想就是高速煎封的效果；而米粉沒舍好說，而湯頭亦可能只是加了些少鹽的清水而已。在鐵皮檔的地方，這碗簡單豬扒米收到差不多廿皮令加上這個食味可算一般可算不值，地方衛生不談吧，而招呼亦是快餐店形式，沒招待可言，但怎樣都算光顧過。

我有潔癖，但自從大舊帶我試過之後，我覺得可以再返去食多次！今次，我叫了鮮牛蛋麵～＄１４（出前一丁另加＄３，幾貴）和熱奶茶＄９。蛋是太陽蛋，又生又滑；牛肉片好嫩，麵身彈牙，份量小，奶荼香滑，不過我腸胃不太好，喝了之後幾粒鐘也滯住．．．我覺得好難分開逐樣評分，總之這些材料合併起來，就好好吃！其實地方的確．．．，但由落單至埋單只需１０分鐘，加上我叫自己只望住面前碟麵，時間好快過，污糟一陣而已！

呢條街幾偏僻, 一d 都唔近地鐵站, 但一連有幾個茶檔,全部都係好舊, 各有特色, 今次揀呢間, 食豬扒麵.豬扒- 其實係出面街市買到連骨豬扒, 但呢度就煎得好有心機, 整得好靚之餘, 又醃得好入味, 又真係唔錯wo!不過奶茶就好普通啦. 同埋我呢個大小姐, 都係怕地方污糟lor

因為要做中化既report,所以特登去深水既大排檔食。以前1向覺得好污糟,試都唔敢試,所以今次都係第1次去大排檔食。食左碗鮮牛肉通粉,1杯奶茶。牛肉通粉幾大碗,又多料,而且d牛肉好淋,通粉大大粒又唔會過淋,好好味。d食物黎得好快,落左order唔駛30秒已經有野飲,2分鐘之內個粉都黎埋。老闆娘好好人,知道我要做project就指我去d老顧客既叫我訪問佢地。有個伙記話畀我聽呢度1979年開,即係有28年歷史ga la。香港越黎越少大排檔啦,作為香港人1定要體驗下呢d就黎消失既香港特有文化。