藤之宮誠太郎商店 (已結業)

永光中心有許多的日本料理店，而這家亦是餐飲界朋友特別推介的。工作日的夜晚過去食飯，客人不多，有一位客人獨自坐在吧台那，慢慢飲清酒，等候廚師即場切刺身。一夜干是我很喜歡點的食物，本次叫的赤魚，鹽味剛剛好，經過浸泡後，肉質非常緊實，食到最後，骨頭都沒有放過刺身拼盤自然是必點。海膽特別鮮甜，每次吃一小片已覺得好開心啦，價格好似係188 for 2，種類亦非常豐富。我一向唔鍾意食蛋卷，但這裡的比較特別，加入黑松露，最外面一層有小小脆，新鮮出爐，特別暖胃，蛋香十足。圖片是否特別誘人？如果飲酒，可以試下呢款炸蝦，焦脆啖啖肉，補鈣之選。…查看更多

Book左星期一18/12晚食飯，上到去竟然休息，推門入去有個日本人喺廚房,佢不停話冇可能，星期一係休息，但我book時已講得好清楚係18/12星期一，比埋電話紀錄佢睇，不知所謂的服務，破壞左我原本幫朋友安排好的生日飯，咁嘅服務，永遠唔會幫襯。。。…查看更多

珍寶雞肉串配上葱花生雞蛋十分好吃，份量亦大。雞軟骨亦炸得剛剛好，脆而不膩。魚斧飯味淡，帶鮮味，愛濃味的人可能覺得不好吃，在bar台看著廚師在火爐前慢慢從煲水煮米開始做起，也可以是一種享受。清酒選舉不少，可以點120ml，選了惣誉 辛口 特別純米酒；銘柄帶中度菓酸及旨味，aftertaste 長，柔和的酸味留在舌的兩側。酸味剛剛好，平衡度高，特別純米酒類別中的高水準出品。惣誉 辛口 特別純米酒惣誉酒造產地 栃木県芳賀郡市使用米 特A地區山田錦精米歩合 60%酵母 --Alc 15%日本酒度 --酸度 --飲用時温度 冷飲…查看更多

這 一家位於 銅鑼灣樓上舖日本人主理的居酒屋。 名叫藤之宮 誠太郎商店。 有一個很特別的名字。 到那裏吃是為了幫朋友慶生。我們點了一支 日本酒和一杯梅酒， 味道都很可以。他的海鮮供應量不是太多 所以 賣完就沒有了。像我們本來想吃的岩蠔 最後只有一顆可以供應， 我們就給了 生日的那位了。那岩蠔煮法有點奇特 ，他是放在一個鐵盒內 用石油氣爐煮的。岩蠔出品很鮮甜亦很大隻。 我們點了四人份的魚生拼盤，份量很大! 有上等貨式， 非常值得因為這四人份魚生意再度光顧! 枝豆和平常的差不多沒特別。點了 一個炆煮牛脷，牛脷非常嫩滑。 另外點了 網燒牛脷心，雖然很香很好吃但份量有點少。 炸雞軟骨 粉有點多。 整體上 因為魚生拼盤 加燒岩蠔的 分數被拉高了， 所以這還是一家很值得去試試的餐廳。 地方有點細，去之前記得預訂喔。…查看更多

標題有點過時，因為同址的上一手餐廳「香港烏賊中心」結業已經一年多；諗返轉頭，有點後悔當初沒有去「香港烏賊中心」一試，始終是香港少數的鮮活魚貝海鮮刺身專門店。因為需要從日本進口鮮活海鮮，來貨價錢貴人一截，餐廳取價不可能便宜，另一方面，又沒有食正大熱的高級鮨店及廚師發板的潮流；即使開業初期受到熱捧，但支撐不夠兩年，還是結業收場。霎眼間轉了手，變成「藤之宮誠太郎商店」。廚房班底是否原班人馬唔肯定，只不過餐廳名字很大機會就是現任老闆（或者是總廚）的名字。又從餐廳門口的牆壁裝修仍然繪上了一隻隻烏賊，相信現任老闆接手後也沒有做過大規模的裝修，保留了當年「香港烏賊中心」的模樣。再睇睇餐廳的內裏環境，與日本當地橫街窄巷的小型個體戶居酒屋沒有什麼分別，甚至有點似日本漁市場內的食堂。如此普通的街坊裝修格局，當年「香港烏賊中心」卻走高價路線；以大部份香港人的心態（包括筆者在內），就會覺得「唔抵食」，相信這也是「香港烏賊中心」結業的原因之一。午市定食共有五款，一律 $100，另有一個較貴的刺身定食，也只是 $158，還要免加一服務費及免費添飯；在銅鑼灣區以這個價錢可以食日本菜午市定食，都幾難以置信。每個定食都奉送沙律、漬物、茶碗蒸、味噌湯及白飯，全部都是基本款式，味道普普通通、沒有驚喜之處。茶碗蒸比較差。三個定食的茶碗蒸外觀都不相同，椎茸粒有多有少，還要全部外露在茶碗蒸表面，見唔到滑溜的蒸蛋。掏起一匙蒸蛋，更加見到因為放了太多沒有必要的香葉而引致大量的氣泡殘留在蒸蛋內，再加上雞蛋及木魚清湯的比例不合適，蒸蛋不夠滑溜。海鮮丼（$100）沒有刻意擺設，三款魚鮮吞拿（赤身）、鮭及池魚碎切隨意堆砌在一起兼大小不一，顏色全部偏紅、缺少了白身魚，丼面又放了一小撮青瓜絲 ⋯⋯ 非常典型的漁市場食堂風味。尤其是碎切刺身表面的那一隻生雞蛋黃，更突顯了食堂特色：抵食、飽肚及營養充足（提供足夠的蛋白質）。雖然這一碗海鮮丼睇落去唔夠高級，但夠多料、各款魚鮮也算夠新鮮，那一隻生雞蛋黃混和白飯一起吃，味道絕佳（申報：個人口味實在十分喜歡雞蛋黃）。午市餐牌上本來列明刺身(5品)定食（$158）只有五款，估唔到竟然有六款、每款兩件，還要加多兩件日式蛋卷，這個價錢可以說是超值。六款刺身有八爪魚、鯖魚、縞鯵（深海池魚）、吞拿魚腩蓉等等，望落去色澤鮮明，似乎幾新鮮；但也睇得出稍為欠缺了水份及油光，可能已經在雪櫃內放了一段較長時間。由於刺身較海鮮丼的碎切大件很多，更加容易品嚐魚鮮的質素。每一款的新鮮程度都只是一般而已，食落去缺少了那種綿密、黏身、帶油脂的口感，而且魚肉溫度偏低，印證了曾經放在溫度設定較低的雪櫃內，以作較長時間的保存，自然影響肉質及鮮味。話說回頭，以這個價錢來說，質素也可以接受。只不過吞拿魚腩蓉實在太差，欠缺油香不特止，更加完全沒有應有的黏口軟糯，甚至食得出開始變硬，部份魚腩蓉的水份可能已經變成冰沙！藤の宮小丼(2品)定食（$100）可以在五款迷你丼揀兩款，選擇了天婦羅小丼及南蠻炸雞小丼，其餘三款是吞拿魚腩蓉、鰻魚及 toro toro 海鮮。天婦羅小丼包括一件蝦、一件魚及兩三款蔬菜。唔肯定係廚師忘記了抑或是刻意，帶甜的天婦羅醬汁好似只淋在飯面，而不是淋在天婦羅上面的正統天丼處理辦法。只不過，餐廳又沒有另外附上天婦羅汁及蘿蔔蓉。莫非廚師已經添加了天婦羅醬汁，只不過份量太少不能察覺？天婦羅的脆衣太厚、唔夠鬆化；蝦肉唔夠爽口鮮甜，魚肉唔夠結實鮮味。這幾件天婦羅的質素同一般港式日本料理差不多而已。南蠻炸雞小丼的炸雞份量相當多，與白飯的比例差不多是一比一。炸雞表面夠香脆、中心的肉質又夠嫰滑，只可惜稍為欠缺了肉汁。淋在炸雞表面的 Tartar 醬用洋蔥、熟雞蛋碎、醋、蛋黃醬混和而成，味道則調校得相當不錯。整體來說比較天婦羅小丼好吃。其實也很容易理解，炸雞的烹調技巧一定較天婦羅容易得多。只不過，這幾件炸雞與天婦羅都有同一個毛病，就係唔夠熱辣辣。味道中規中矩，唔叫得好食、又未至於難食；但真的非常抵食。…查看更多

同事請客一行9人試新店, 聞說是日本人開的. 已訂枱但有點混亂, 終於安頓在張長枱. Menu 選擇不算多, 坐位因為近open kitchen, 所以油煙味多.即叫即製所以上菜慢, 同事的套餐miss 了沙津要再提點才上, 但是其他人也差不多吃完. 而上來的沙津又跟我們8人的不一樣, 待應又沒提. 我set lunch 的tempura 認真嘛嘛, bit overdone. 好似用舊油炸咁. 掛住傾計，只映咗一張相😅…查看更多

一黎到，waiter 比左既餐單我地 其實選擇好少 仲要有d野已經冇 咁只好是但啦 叫d刺身叫d菜叫d飯就算我知道星期五係會忙，但我真係諗唔到要等足足45分鐘先有野食⋯為表示唔好意思，比左個小食 但已經嬲到唔想食之後終於係48分鐘之後上左個刺身船，都係新鮮既 但得最左上既魚係好食 其他都一般 魚身暗淡 冇咩光澤 海膽算甜哇 以爲等得耐 個刺身船都okok 好啦 期待之後既野食啦 點之⋯伏野黎菜 好咸！！！！炒飯 一舊舊 似蒸飯 但我係叫炒飯呀 係炒 唔係蒸 難食到完全食唔落！係完全夾得起一舊飯最後先發現,原來得1個廚師。 星期五呀⋯ 其實如果唔夠廚師就唔好開咁多枱啦！安排極差好～失～望！！！估唔到第一個既食評係比左呢間⋯⋯⋯…查看更多

個人認為良朋共聚最愛嘅選擇係大家一起去日式居酒屋 ～ 藤之宮誠太郎商店暫時係個人係香港首選之一。因為人未齊，所以先嚟一杯 Suntory 生啤配日式炸雞打個底先，炸雞油溫掌握得宜，真真正正做到皮脆肉嫩的效果，係銅鑼灣區賣 $48 一碟有咁嘅師傅用心機去做真係感恩。跟住師傅送咗碟燒三文漁腩同燒明太子鯖魚俾我地送啤酒，呢D係小店留客嘅窩心招數。終於人齊開始點刺身盛合（2人份）同3 隻岩蠔～大路貨式，勝在新新鮮鮮，份量同價錢相對坊間合理。珍寶鷄肉丸 ～ 一般、、、 鷄肉應該係自家制及調味，但肉質有點粗嚡，而且用嘅係非專業串燒爐、溫度唔夠、鎖唔到肉汁。。。好在勝在低食大大件，3個人分，送吓酒、吹吓水好快就清哂。燒牛舌~ 一般可以、、、原因又係使用非專業串燒爐、溫度唔夠，做唔到想要的效果（皮脆肉嫩有肉汁）。結尾加個炸牛蒡同炒雜菜，開開心心又一日！支持小店！…查看更多

啱啱去咗呢間嘢食晚餐，二個人食叫咗份二人份量嘅雜錦刺身，共六款魚，每款得嗰兩片，仲有一啖就會食晒份量嘅海膽， 刺身唔夠新鮮，切得勁薄，根本食唔到味道，一盤咁嘅嘢，得個船身令你覺得好似好大，其實無肉食，咁就收成3百幾蚊:(另外仲叫咗個海鮮釜飯，超難食，無味道之如，得幾片魚塊，就叫做海鮮飯，完全有被騙嘅感覺，而且啲飯好明顯唔係日本米，煮到爛飯咁，最弊價錢好貴，食咗兩樣嘢，加碟枝豆，已經$500埋單一定唔會再去…查看更多

老友鬼鬼嚟聚一聚蜂蜜梅酒，甜甜的酒好味道。清酒也不錯，有米香容易入口。刺身很大盤，全都是日本直送，鮮味十足，必食推介！這是一條魚，牠的名稱不清楚，烹調前服務員給我哋望了兩眼，半小時後 上枱，是好味的東西。炒麵也好食，點一份夠了。枝豆，一束束的枝豆，用鹽水烹調，鹹鹹地送酒一流，食完一碟又一碟。炸蟹仔，迷你蟹仔經油炸後可以整隻食，香脆美味，少見的一道菜式。這是剛剛食刺身時餘下的魚頭，拿來給廚師烹調，難以形容的美味。我們點了很多食物，食物水準新鮮。不過店內待應招呼不周到，無水無人加，要叫幾次再有人理會，為了減少不便，最後叫待應直接給我一壺熱茶，好讓我們自行添加。炒飯烏冬等，在上菜時沒有提供食用餐具，跟他們溝通多次才遞上一只飯羹。…查看更多

I don’t know why on earth anyone would name their restaurant something so unwieldly and forgettable. BUT, in the ocean of decent-to-good Japanese restaurants that is Causeway Bay, Fujinomiya Seitaro Shoten (FSS) really stands out. I’ve tried a bunch of Japanese restaurants in CWB, and almost every one (Izakaya especially) produces edible, even tasty food. Few of them though, are really able, in a way that matters, to distinguish themselves from the others. There are a few exceptions that I’ve tried: - Rakuen for Okinawan food and tons of Awamori  - Tore-Tore Hamayaki for Grilled seafood- Ajitomi for their bizarre but tasty French/Italian Menu alongside traditional izakaya food- Tararan-ya for adding Mentaiko (which I love) in every dish (the restaurant isn’t great though)But the rest produce the normal standards – yakitori, noodles, riceballs, some sushi/sashimi, some fried dishes, drinking snacks, etc. They might have a specialty dish but nothing that sets them that far apart from all the others.FSS however, was memorable, and not because they served a different subcategory of food, but because every dish we had met or exceeded expectations, as did the price of the meal itself. How rare is that to say in HK. I wasn’t expecting it to be so good, so sadly no pictures, but here’s a list of what the three of us had:Homemade Pickles (cabbage, cucumbers and radish) Potato SaladTiny fried shrimp (drinking food)Sashimi Loveboat for 2Yellowtail shabu shabuChikuwa with seaweed Tempura3 steamed oystersGeoduck sashimiEverything was at least good, but among these, the humble potato salad, geoduck sashimi, and yellow tail shabu shabu were surprise standouts. Every izakaya makes potato salad but everything about this one was just right – texture, consistency of potato and mayo mixture… wonderful. The geoduck was sliced and prepared in front of us – just fresh and mollusc-y ; unusual to see such great geoduck at an Izakaya. And the yellowtail dish I’d never seen before – served alongside a boiling pot of sake and seaweed, to be dipped and eaten with Ponzu sauce. Interesting and tasty. We had an awful lot of sashimi – but it is very affordable. The loveboat (which was huge for 2 people) was less than $300!8 drinks total – beers and shochu sours/chuhaiTotal bill for the 3 of us was HKD 1500. If you look at the food and drinks we had, I’d consider this almost cheap – I can completely imagine going, having a slightly more modest meal and paying less than 300. Very surprising for the quality/amount of sashimi/food we had.A strong recommendation for a modest yet delicious Japanese restaurant that doesn’t cut corners on quality, despite its reasonable pricing.…查看更多

日本師傅兼老闆打理，其中有個唔知乜魚火鍋，令人一試難忘😋😋😋，魚質鮮美，有陣魚油香，伴一個酸酸地嘅西柚汁，冇乜地方有，價錢又平，加上店員服務好，好似去左日本咁…查看更多

餐廳環境尚可，不會太多人。大部分都係預先book 台食飯。但當日本人係walk in...因為時間尚早，由6點食到10點。哈哈雖然menu 食品種類不多，但如果喜歡食魚刺身的話應該有驚喜。更每日有不同廚師推介食品。酒類好多⋯⋯岩唒仲意燒酒既人去試，有單點一杯，300ml or 750ml, 價錢尚可接受。三人結果食左1300。平均消費四百幾蚊。我地飲左二支酒。一個二人剌身。幾款小食。可以一試⋯⋯但其實成層大廈有好多其他野食Tim ga...…查看更多

聽聞呢間日本餐廳出名烏賊船，唸住同同事午餐先試一試水準，大概1點到，日式餐廳裝潢，不太多人，感覺好舒服！午餐選擇不太多，但已經足夠，我們分別都點了魚生角切飯，仲可選擇生蛋或熟蛋，侍應親切解答生蛋會相對較滑。魚生非常新鮮，加上生蛋，真係好好味，會再相約同事來食！…查看更多

銅鑼灣向來都係foodie嘅天堂，而登龍街嘅永安中心更係美食嘅集中地，中日韓三地嘅美食通通都可以喺呢度搵到！小妹誤打誤撞發現咗藤之宮誠太郎商店，因而決定一試，無諗過竟然會有驚喜！一撘升降機去到22樓，見到門口嘅大menu就俾佢吸引，另外見到有鐵盒蒸生蠔食，咁誘人嘅蠔又點可以錯過呢，唔食真係對唔住自己！哈哈點知一食就食上癮，而家呢度就成為咗我嘅飯堂同埋見朋友的聚腳點。食物：呢度嘅lunch set係星期一到星期六都有供應，包茶碗蒸、沙律、漬物、味噌湯，唔收加一，白飯更係任添，每款$100。本人覺得以咁高嘅食物質素同服務態度而言，$100真係值得。小妹同屋企人額外叫咗鐵盒蒸生蠔 (每隻$38，最少叫3隻），店員哥哥隨即攞咗個好似月餅盒嘅鐵盒出黎，將四隻蠔放入去，再加少少聞都已經覺得好香嘅清酒調味，合埋個蓋蒸三分鐘就有得食！由於用嘅蠔係兵庫縣一年蠔，所以呢d都依然蠔BB，食落好嫩，好creamy，食完隻蠔再飲埋d汁，好清甜好贊。本人覺得清酒係提升咗蠔本身嘅鮮味，令呢隻熟咗嘅蠔變得比生蠔更加好食，絕對值得一試！至於另外喺大餐牌叫嘅（北海道產）燒赤魚一夜干亦非常不錯，鹹香鹹香，魚肉質感實得嚟又幾彈牙，配蘿蔔蓉同白飯／佐酒一流。半條價錢為$88。環境：餐廳採用半開放式的廚房，客人可以望住日籍廚師一手一腳咁燒魚、煮飯，感覺不錯。除此之外，由於餐廳喺22/F，所以景觀相對比較開揚，環境舒適，適合同朋友、屋企人傾計享受。服務：店員好親切，好有禮貌，同時亦好醒目，自動自覺加茶同埋解釋食物的做法，貼心得嚟又好專業。…查看更多