藍鳥葡國餐廳

街坊平价葡国餐厅边餐厅同葡国餐混合最令人深刻印象系炸马介休新鲜炸出来热辣辣味道不比澳门食差点做意粉味道同买相真系好麻麻地无味道送左西汤味道比较淡隔离台咖喱牛腩饭好似比较正常D焗猪扒饭大家乐出色D个人觉得😆…查看更多

蓝鸟嘅葡国鸡（$38）绝对系街坊价钱、餐厅质素！每日优惠唔同，今次撞正招牌葡国鸡，虽然冇跟饭，但姐姐惊我哋唔饱，主动送多碗餐汤，真系服务一流！葡国鸡份量足，鸡肉嫩滑，椰奶咖喱香浓带微甜，仲有薯仔同红萝卜焖到入味，捞饭食简直绝配。 另外试埋牛扒薯仔，虽然唔系高级牛柳，但以呢个价钱绝对收货！牛扒煎得香口，肉质唔会韧，黑椒汁够惹味，配埋热辣辣杂菜，饱肚又满足。 整体嚟讲，$38葡国鸡性价比超高，加上姐姐热情又贴心，难怪街坊都成日帮衬！下次要再嚟撞吓其他每日优惠～ **推荐指数：★★★★★** **必试：** 葡国鸡（记得问清楚当日优惠！） **贴士：** 午市可能多人，可以早少少去避开人潮！…查看更多

我平时都有同屋企人过去食饭，昨晚我同老公两个去食晚饭，等咗半个钟头先至有得食都算啦，我老公用支付宝俾钱跟住出门口，我回头唔见咗我老公，原来个职员话支付宝过唔到数，叫我老公返去，我入到去𠮶阵佢屈我老公话我老公揿咗支付宝过数即刻熄咗数据，所以佢舖头收唔到钱，但系我老公手机显示我哋已经过咗数，佢喺舖头入边大大声话我哋冇俾钱，当时入边都有好多客人，最离谱系佢同我老公讲认得我老公上一次食嘢都系冇俾钱，都系扮嘢用支付宝俾钱跟住熄咗啲数据，叫我老公再俾钱，我老公拒绝！因为事实上我老公真系俾咗钱，我哋就叫佢报警。跟住舖头负责人返到嚟，同我老公了解左件事之后，再check咗佢嘅银行户口已经收到我老公嘅钱，老板同我老公讲对唔住，其实舖头嘅数据有延误，但系个职员唔应该未搞清楚件事之前，就大大声同店内其他客人讲话我哋冇俾，仲要话认得我老公上次都系用同一手法冇俾钱。老板证明已经收到我哋嘅钱之后，佢先至同我老公讲对唔住。但系之前嘅态度非常之差同嚣张，佢话好肯定认得我老公之前系冇俾过钱。我老公就话件事搞清楚就算，基于佢喺现场咁样侮辱我哋，所以我决定以后都唔会再帮衬佢！…查看更多

成日经过都无食过，呢日心血来潮第一次入去食个lunch呢度比较先进 用qr code落单嘅，但咁啱我哋被安排系一个入啲嘅转角位，我由头到尾都收唔到讯号，然后餐厅入面又冇wi-fi, 呢个位有啲kik后尾我哋见隔离枱走咗，我哋就直接换位坐咗过去，d staff 由头到尾都好好人，全程好好招呼，都好有礼貌但我叫咗个葡国鸡饭 就真系伏到唔识讲佢个menu其实都好多嘢拣嘅但我见佢标榜系葡国餐厅所以就心郁叫咗个葡国鸡焗饭，谂住差极有限，点知上到黎 先知原来佢系分开咗只有葡国鸡拎去焗，饭就只系一碟白饭咁直接上，唔够热最惨系个葡国汁，从未食过咁难食，基本上只到淡咗嘅椰汁味，只鸡无味，叫做唔算好鞋/好肥，但真系一啲鸡味都无，我自问要求算低，但呢个葡国鸡真系不可一不可再......另外因为佢内部装修可能为咗靓，用咗好多磁砖砌啲蓝色雀出嚟，啲声系咁反弹，成餐饭都嘈到不得了，虽则啲人讲嘢唔系特别大声，但下次都系去返对面静静哋食个安乐茶饭好过…查看更多

平日约左屋企人喺沙田食饭，由于新城市D餐厅价位较高，所以行远少少去禾𪨶商场，呢边较多平民餐厅。今次试葡式餐厅，晚餐包汤或餐饮、无加一、自助落单同斟水。上菜快，食物份量大，性价比几高。马介休炸薯球$58/6件话明葡式餐厅，又点少得呢款经典小食呢?!😏 马介休球新鲜炸出嚟，外脆内有一丝丝鳕鱼同薯蓉，食落味道唔错。东望洋芝士鲜茄焗猪扒饭$60炒饭底，猪扒厚薄适中，肉质唔韧，屋企人好中意。不过，个茄汁偏甜，所以整体我麻麻地😅。脆皮咸猪手配薯条$108猪手如其名，猪皮食落似食紧薯片咁脆!! 😋胶质好高，好痴嘴唇😆 猪手本身唔系好咸，唔点酱汁可以食到原味。薯条系热辣辣炸出嚟，整体唔错。BBQ酱烤猪肋骨配薯条$82猪肋骨份量唔少，有两排骨!! 如果喺其他餐厅食，一定过百蚊!! 不过BBQ酱唔系英式/美式口味，味道偏向中式烧味。肋骨无煮到骨肉分离，食落依然有肉嘅口感。香煎纽西兰牛扒配薯菜$68本身对呢个价位嘅牛扒无期望，切落要用少少力度，加上见到全熟，已经做好心理准备。点知，食落又唔差㖞!!?😮 牛扒居然食得到牛味之余，入口唔会好韧，亦无梳打粉怪味!! 食得过㖞!!😏系个薯差D，普通烚薯仔😅餐汤有红或忌廉汤供选择，不过自助落单无得拣口味，职员话如果要红汤就同佢地讲，如果自助落单嘅话会系忌廉汤。我地四个人，四款主菜加一款小食，无加一，合共$382，非常抵食!!🤓 不过商场冷气较弱，天气再热D嘅话，应该唔会嚟呢个商场住。🙈…查看更多