藍屋 (已結業)

很久未試過放星期日了，今日想過得遊閒又帶點西式feel的，所以就在家附近選擇了西餐。說到西餐；自從藍屋開張至今，在天后炮台山至北角一帶，她必是我唯一的選擇價格性比非常之值，味道配合適中，(最怕果啲調味太重手而蓋過食物原本味道)，要說不太好的是晚了點去的話，很多想要的餐都沽清了說回本題，今晚我2公婆點了猪仔骨＆羊鞍扒餐，1白1紅湯，雖然食物不是很特別，但勝在味道如一，一樣咁好食，不過今日羊鞍熟了點點但今日很開心，過了平靜又如一的美好一天，晚餐由她作結尾真的很不錯。下次食牛脷＆羊配再下次要食銀雪魚＆牛柳扒配諗起都開心，快啲再放假啦

搭巴士經過見到，咦，新開張喎！上網睇佢 TEA MENU 相比之下唔太貴又多款揀，而且2點已開始，就索性和父母去試。呢度裝修得好骨子，藍色白色好希臘 FEEL，場內光猛愜意。略嫌門口直入右邊靠牆的四人檯有滴水。我和爸爸試佢個焗飯，媽媽則試湯烏冬。整體黎講，即叫即焗，焗飯D飯較林 (未致於爛)，唔會起焦食到牙頂頂！(由於父母年老，牙齒不大好；如果太硬的食物會UN牙，和頂到牙痛！所以佢地好怕食到飯焦和炒到又趣又硬的中式麵) 我個蒜容雞扒焗飯好入味，D雞已切件，方便顧客大啖食。爸爸的燒汁魚柳焗飯，D魚夠腍唔腥，炸漿唔太厚，食得出它唔係再翻炸的！以下午茶時段焗飯黎講，份量夠多，熱溶的芝士好均勻好輕軟、唔太羶，就連一向怕芝士陣除的爸爸都覺得OK。至於媽媽的湯烏冬，也算大碗！湯底幾清唔太味精，有小紅蘿蔔等配料，雙拼只係 $28，比北角和鰂魚涌的茶仔便宜！呢間可以翻炒！

開開心心上跳舞堂前 梗係要食返餐飯。樓下就有呢間小店。藍屋。本來想訂位 但話冇得訂。好在係星期一都應該有位卦⋯我地五個坐入去 已佔了半個餐廳。旁邊黑板有當晚套餐套餐用鐵板上（吾係齋放上普通碟） 不過吾係燒熱果隻 看到小店都注意上碟心思。料理吾錯。我一見到有牛脷 我嘅至愛 吾使諗就叫左。都冇失望，好味道同學仔有位穩陣啲 叫左雞扒。有位就豪啲 叫個三文魚扒 賣相都吾錯。餐湯吾淨係紅湯 白湯 仲有洋蔥湯 呢個大家先有驚喜因為我地都趕趕地時間 食物不用等太久 食完仲有時間吹下水。今餐吾錯。可以再黎

外觀以藍色燈光及白色低色作主的藍屋，有點像在轉角的七重天影子。白色的牆和枱面令人感覺醒神。這天比較早食晚飯，但店內已經差不多滿座。是日晚餐也有十多款選擇，除晚飯還有其他小食的，不過我們簡單的點了3客晚餐。可以選配 飯/意粉/薯菜今晚有羅宋湯 及 野菌牛尾湯 忌廉蘑菇湯羅宋湯的配料相當唔錯有牛肉、紅蘿蔔、洋蔥、椰菜、香葉等，味道豐富。而野菌牛肉清湯味道有點像中湯。出餐以一塊大黑色板放上主菜由廚房攞出來比較特別。C 牛脷煮得夠軟腍，入口即刻嘴嚼到，唔會有渣。牛脷沾少少醬汁（濃郁）食顯得更香。B 羊扒這次配薯菜，羊扒份量適中，唔會過份多或少，香草淹得夠入味，煎得剛好熟，肉質唔錯，有少少羶味，配醬汁食可減低羶味，薯菜未出餐時會以為係炸薯條蔬菜，出來了！見到係原個焗薯有點驚喜，細細個像食飯的份量，焗薯內已加上少少牛油、沙律醬及煙肉碎，先拌勻少少油醬和肉碎一起食，感覺良好。F 西冷扒，點了5成熟，其實出來熟的程度唔平均，一邊比較熟一邊比較生，有些地方嘴饞唔到部份有根，牛肉味淡淡的。整體來說今餐不過不失，上餐時間唔會等好耐，食物出來係熱的，職員也比較爽快了！

去食左2次，第一次係點完餐後，本來明明上面寫係米線，最後黎左米粉，問佢先話無！第二次去，叫左個餐後，過左陣又黎話無晒薯餅，問我轉沙律o唔ok，個人唔鍾意沙律，一定唔ok啦！我咪話轉餐囉，即刻黑住塊面，使唔使咁丫！係你地無，唔係我想攪到你再改單，仲有個d位都好窄下，坐得唔係好舒服，之後比錢果下都係黑口黑面，嘩！老細，食個野好似欠左你，下次唔會再黎受氣囉！講真我唔要求茶餐廳有咩服務可言，但係至少都唔好黑口黑面囉！食物方面真係茶餐廳之下，難食！

t-bone 牛排感覺比花x餐廳差，口感就是落左鬆肉粉，完全無牛味。檸檬茶完全沒有茶味，只剩丁點的檸檬味，連檸檬茶都做唔好，差得緊要。服務非常非常一般。唔會再去！

本月12日下午3時左右; 我和朋友前往北角籃屋餐廳食下午荼; 不知道這餐廳的服務員的服務態度招待客人＋分惡劣以最爛的服務態度款待客人似乎要趕客走一般 !  當日事情發生如下:當日下午一名服務員帶我和朋友坐一張近廚房的六人檯, 該檯已經坐有一位女顧客, 我們只好坐在貼近廚房的座位, 因為這處有油煙燻出令我朋友感到很不舒服, 剛好同檯的女顧客埋單走了. 我們便移向這空位, 我朋友便移坐我原本的座位, 根本我們冇離開過這張六人檯 (只是移位), 這時餐廳人客不多, 這時後有一位女服務員走近並用非常惡劣的態度及語言對我們說: 你們下次不能隨便轉換座位這樣會令我們入單好亂及要跟改…..!! 於是朋友叫她改單啦 ! …. 她用不滿意的眼神盯住我的朋友(好不滿的神態), 這時候午餐未到只來二杯噪架啡, 這時這位女待應不停說: 點呀………點呀………點呀….. (數多次) 好不滿的態度 !  最後她竟然對我們(客人)說一句 : 唔好食囉…!!!!  於是我朋友憤怒拍檯說: 好! 就唔食走…….!! 同時叫她店鋪經理出來, 這女人竟然不是老闆娘但對待客人就那麼這樣態度惡劣呢?( 是否同老闆倒米)**註:

4月12日一行三人行過天后藍屋餐廳，見细细間裝修簡潔，入去試吓，坐位很少，只好坐近廚房出菜口旳一張六人枱，發覺油煙味很重，剛好落了單，同枱另一端的一位女客離開，我們便移過一個位坐，有一位沒穿製服旳女侍立刻叫我們下次不要移位，因會上錯餐，我請她改單由Ａ位轉Ｂ位像酒樓搭枱的做法，她即怒氣地説吾會改，我話她態度差，她連講幾次（咁點呀），再話吾好食囉，我們只好聽話離去！

家門口最近開了這家，去嘗試了下。結果我們點了兩份早餐，等了20分鐘都沒來，再問點菜的服務員我們點的某某餐某某餐能不能催一下，被告知沒有下單，然後他就愛理不理地走掉了...走掉了！我們抱著正常情況下是去廚房重新下單解決問題的想法，繼續等，沒想到又空坐了整整10分鍾，叫了好幾次服務員之後，他竟然說沒有給我們補單！而且服務態度真的非常差，帶著一股氣空著肚子離開，到旁邊麵包店買了幾個麵包，發誓再也不光顧了，離家再近也不！

早排經過仲裝修緊,原來係3月20號已經開舖啦,一於入去試試,Wu...係超抵食嘅美味西餐…今次點咗個牛肉清湯,同埋羊架配焗薯…好嘢嚟嘅…牛肉清湯,有牛味得嚟唔咸,(好多時出面嘅牛肉湯都好重口味呢)羊架燒得啱啱好,咬落去有少少肉汁,超正點的!!!絕對可以多多幫襯!!!