薯仔屋 (已結業)

花左半個月Call左大半班中學同學出黎食飯畢竟有D都三四年冇見面,所以決定七月一日國慶假期搞大佢先前係呢度玩過Party所得好玩所以Book左呢度不過今次係分店....試下先晚上七點半十七人上到去，個場都ok大呀廿個人都可以咁我地成班男仔當然即刻去哂打機啦,呢度都有張足球枱過下癮叫左一個set A十三個餸超多呀~多到即係我呢班男仔都食唔哂最後上場既意粉還有一半就放棄了不過真係真係好好味沙津，薄餅，意粉，雞翼，一D都唔麻虎仲有幾十種野飲俾你選每人兩杯~~Party係人頭計加一之後200有找，久唔久黎開一次大Party，真係唔錯既選擇!

前陣子,我有個朋友生日,打算同佢開個birthday party。經過朋友極力介紹, 我選擇o左黎呢一間small potato 開birthday party。一入門口,見到幾個小朋友般既COOK & waitress,開始好質疑係咪真係好似我朋友講得咁好架。但經過一會兒,我既質疑全部消失晒。waitress 會問一大輪既問題。初時我覺得關佢地咩事呢,原來佢地只係想了解一下,去盡量配合我地。E.....都幾細心喎!!!!玩O左一大輪,又唱K,又玩足球機,又打機,大家都好肚餓,係時候食野,嘩.... D食物,老實講我真係唔相信係頭先見到個個小朋友般既COOK整架。真係...好好食。仲要份量多多,驚死我地唔夠飽咁。我地成廿幾人,都食唔晒。我已經好盡力架啦......想叫杯野飲下,抖下先,點知有成2百幾種,點算呀!!!於是我叫Waitress 比D推介我,好好飲喎,味道特別,用新鮮菠蘿整既,你出面一定飲唔到。去到重要時刻,就係佢地竟然會幫你安排集體遊戲。大家一齊玩非常熱鬧,連一D好文靜既朋友仔都玩到好開心。我好鐘意佢地既安排。令到大家能盡興。最美中不足既係時間唔夠玩,不過加鐘都抵既。YEA

早排.....去左尼間薯仔屋開生日PARTY...原本都諗唔到點攪嫁..不過因為之前去過食野..野食都唔差..仲有個WAITER比左D開PARTY D 資料1我睇..咁咪打電話問下囉..^^,哈哈~價錢唔貴...就決定左去攪生日..嘻嘻~當日已經係同我女朋友過第三年O既生日..好開心.完完全全比哂驚喜...開頭打下機..跟住野食出黎啦...完全係好味..因為之前有朋友都去過其他CAFE攪PARTY.但係野食一係唔夠食.一係就唔好食..最後仲唔會幫我地攪GAME...是次最後幫我玩埋GAME..令我地氣氛推高到爆啊..當然我女朋友就開心到爆啦~我都好開心..不過可能我地遲左成半個鍾至到..所以唔係太夠玩..最後要攪到加鍾...>.<~~~~成$350...嗚..但除番開..咁多人都唔係太貴O既...但係我就要比兩個人錢了...^^但女朋友開心..無計.YEAH~~~~希望可以分享比其他男士因為女朋友生日而感到煩惱問題令一推介^^

平時去開舊舖，今日特登同男友去新舖參觀，順便食lunch。我倆都認為新舖沒及舊舖有feel，裝修亦較平凡，建議去番舊舖。我們是member，餐牌內的所有食物都獲半價優惠，我點了咸牛肉焗薯，男友點了雞扒意粉。我的焗薯非常唔錯，焗薯保持濕潤，炒香了洋葱粒和咸牛肉亦十分惹味。雞扒意粉則非常一般，雞扒細塊，味亦太咸，意粉又太腍，原價$52蚊，個人認為不值，半價咗就還可以。

各位好!近來收到各位意見, 經過煩忙混亂的八月, 十月開始我們已作出以下改革, 希望大家可以歡天喜地在薯仔屋玩: 環境方面: 1) 有別於某些無牌樓上cafe, 薯仔屋均已申請合法經營牌照, 保障客人安全及環境衛生. 2) 本店已然作出部份裝修, 電線修理等等避免停電問題. 3) 分店早前冷氣壞了, 現已換了3部新冷氣, 更改抽風功能. 4) 每日會有基本清潔, 每星期均會大清潔, 保持衛生. 服務方面: 1) 小心接booking, 如果當日人多要提早作出提示及停止接客. 2) 主動與客人溝通, 特別在包場及遊戲時要一再了解客人需要. 3) 全部員工大革新, 一些沒禮貌或沒規矩的員工我們已經沒有了, 現在全體員工都有新的整齊制服, 有姓名牌, 每位都要親切地對付客人. 食品方面: 1) 由薯仔屋開業以來只有老板及一個part time助廚, 到十月已有5位全職廚師, 4位服務生, 令薯仔屋有不僅是樓上cafe的水準. 2) 九月份更高薪聘請了澳洲藉大廚顧問maichael 協助, 統一各廚師之水準, 全力改善品質之餘, 更製作大量全新菜式, 要令大家一試再試!!!! 3) 自己開發特

同朋友聚舊...見到有機到, 好似好正喎, 點知3個手制得1個用到, 無隱, 唔通所有人睇住一個人玩咩?跟住order dinner, 其他fd果D意粉長通粉半個鐘頭到, 我order ge 豬串骨配薯菜過左成個鐘先至黎, 佢話無材料所以即刻去買, 你早講我唔叫啦! 最慘ge係豬串骨變左炸雞, 明明成塊雞皮響度!D服務又差喎, D waiters成日坐響度唔知做乜, 叫佢地十萬次先至應!總之, 超唔值!