薩莉亞意式餐廳 (馬鞍山廣場)

营业中

休息中

食物同其他分店一模一樣，食過既都會知係抵食夾大件，好評。但馬鞍山呢間，杯真係好有問題，用不銹鋼杯，裝汽水已經唔係咁好，而且d杯係100%有污積！問侍應佢盡搵都只係搵到隻比較少d積⋯⋯⋯另一個問題係排隊好耐，之前試過兩次7點拎飛，排200張，最終放棄，去第二度食完返去睇，都仲有50張！今次5點半拎飛（4人台），都排50張，結果7點先埋到位！最後，呢間野只收現金！好似間間都係，但幾時先可以進步一下呢？

馬鞍山出左名美食沙漠，新開一間特別多人，今日下畫6點半到，等左一個鐘（可以行下街先），用QR code間唔中check住到未啦，基本上呢間食物質素同其他分別無咩大分別，但最大問題係D碟好多都未洗乾淨，有污漬，10隻有10隻杯都有料，好多漬同埋 粒粒唔知咩黎，D杯真係係好大鑊，估計係洗碗碟同埋杯洗得求其，要讚係侍應都有禮貌既，如果唔係碗碟杯咁污漕，都會比高分D, 去食就要有心理準備，驚污漕準備一隻杯吧！

發夢都冇諗過薩莉亞會喺馬鞍山開分店，聽人講好抵食所以點都要試下，等咗半小時終於入到去。餐牌選擇超級多，有湯、沙律、前菜、扒類、烤焗類、意大利粉、薄餅、甜品，而且價錢亦好平，重不設加一服務費，真係唔知佢點賺錢。😂 😂兩個人叫咗脆脆蝦、甜粟脆薯煙肉焗蛋、蒜蓉焗田螺、白汁雞肉菠菜、墨魚汁意大利飯、明太子魷魚蝦仁意大利粉，另加 $13 蚊無限任飲汽水。脆脆蝦 ($19) : 大概有 8 至 9 隻，不過炸醬比較厚身，而味道只屬一般。甜粟脆薯煙肉焗蛋 ($22) : 焗得幾好，而且內裏幾滑，同埋味道亦不錯，誠意推介。👍🏻 👍🏻 👍🏻蒜蓉焗田螺 ($28) : 田螺雖然不算大隻，但上面放上大量蒜蓉去焗，香噴噴之餘食落重好惹味。白汁雞肉菠菜 ($25) : 芝士焗至呈金黃色，而且配上大量白汁，菠菜份量亦好多超級正，誠意推介。👍🏻 👍🏻 👍🏻墨魚汁意大利飯 ($29) : 賣相唔系咁討好，一堆黑色物體，味道一般而且有點膩。明太子魷魚蝦仁意大利粉 ($34) : 有魷魚，有蝦，味道唔錯，而且重係呢個價錢，無野可挑剔，誠意推介。👍🏻 👍🏻

我唔明白點解會無外賣 其他間間都有 由5月中開張開到6月 都唔係咩都準備好 非常差！n特燈搭車黎空手而回 心情非常差 想食薩利亞既心情都無埋。員工態度也不是很好 忙不是藉口！

每間舖既食物質素差不多就唔評論呢間都算大但每次都要等好耐 侍應服務態度扺讚好快手又冇西面衛生有d劣杯有積痴住餐具好似只係過左水咁好多上手芝士積仲係度要自己再洗好油 其實諗返起有d想嘔

薩莉亞終於進駐馬鞍山由佢裝修見到個廣告等佢開張等左好耐所以一開張就諗住去食不過真係多人得太誇張想去食嗰日係星期日拎咗飛之後望一望竟然要等80張枱最後唯有放棄食其他嘢今次平日嚟食6:00攞位都要等半粒鐘明明鋪面都好大可想言之有幾多人呢多莉亞其實只不過係汁撈飯不過唔知點解又好鍾意食喎雞翼四隻同平時食Pizza Hut嘅味道有得比不過呢度食就平好多煙肉菠菜其實成個感覺好似係滾水淥出嚟不過勝在夠平就有得佢啦墨魚汁意大利粉墨魚嘅份量比較少墨魚汁嘅顏色方面比起餐牌嘅亦都淺好多味道亦都只係一般總括嚟講薩莉亞嘅食物味道雖然一般不過價錢就非常之平

又有連鎖餐廳開到入馬鞍山，雖然蕯莉亞開咗好多分店，但我又未曾吃過。 聽同事講話好抵好抵吃，俾幾十蚊可以吃到飽飲到飽。 既然講到咁正，真的要感受一下。價牌放在每張枱底，方便隨時加單再柯打。 除了正價大menu 外，更有lunch menu 。柯打唔夠10分鐘就到，中型size 餡料份量也可接受，但餠底就不夠脆，口感有點似吃菠蘿火腿包，絕對不似pizza，吃了1/3 也感到有點乏味。 看到旁邊枱柯打雞翼，今次就等見到佢哋吃完ok 先柯打。這個雞翼也焗得不錯，原來是辣味但就吃不出辣味。

SAIZERIYA arrived Ma On Shan with good services, clean environment and up-to-standard food quality; worth to revisit!!! 🥤🥓☕️🍕well, as you know what are they giving but definitely you can gains even more at the branch, probably just opened on this Tuesday (5/21) thus better looking forward to next visit......

一路我都好鐘意食薩莉亞，又平又好食，份量唔多，岩哂想食多d款既人～ 係馬鞍山未開之前都係去石門，今日馬鞍山開左，下午四點幾時見到完全無人排隊都幾意外，畢竟馬鞍山美食沙漠，一有新店大部分人都9秒9衝過去食⋯我同我朋友兩人四點幾入到去，侍應好多，諗左一陣後我地就落單。只係㩒左落單，明明好多人手，但個個都好似唔知做緊咩游緊雲緊等左陣先有人望到過黎落單。我地叫左個甜粟薯角煙肉焗蛋、芝士蒜蓉包、雞翼。因為朋友唔餓，所以我一個人食哂lol 咁因為無加飲品吧，所以只係諗住出去拎杯熱水，點知我朋友出完去無幾耐返返埋位講d杯唔係有可樂漬就唇膏印 搵左幾隻杯都有漬最後佢就返返埋位，水都唔拎。我問係咪睇錯係放污糟杯而唔係拎新杯啊？佢話無睇錯，因為經理見到我朋友隻隻杯都望，都有走過去望望d杯，拎左兩三隻去洗，有d只係用毛巾擦一擦⋯⋯以一間岩岩新開黎既餐廳，唔係繁忙時段，但咁樣會令人有d失望。 野食黎到有d少少太焦，可能係新爐既關係（？）總結，野食都係差唔多，只係太焦，但清潔方便要改一改善。