薩莉亞意式餐廳 (大河道)

营业中

休息中

跟同事簡單去食個lunch😀😀😋試了新出的：鯷魚魷魚pizza🍕🍕鯷魚好咸。。但我好鍾意佢個味😁😁 鍾意食咸魚就鍾意食佢～個配搭都唔錯😀😋👍🏻好味道：⭐️⭐️⭐️⭐️.蕃茄吞拿魚意粉🍅🐟🍝🍝好味道：⭐️⭐️⭐️都幾多水同味道有點淡～但意粉口感適中，所以都ok~.原味雞翼🐔🐔好味道：⭐️⭐️⭐️如果有反辣味雞翼就好了。。辣味好食好多😁🙈.另外都好多選擇👍🏻.午餐menu 😀😀😋

今日去荃灣Staycation 到夜晚疫情關係 夜晚冇堂食 就唯有睇吓有啲乜嘢可以買返酒店食 但係無奈我住嗰間酒店附近冇咩食肆 咁就行咗過去荃灣廣場睇吓吉之島有咩可以買返去食 點知比我望到原來樓上有間薩莉亞 雙眼發咗光 終於可以食返啲正常嘅食物 今次我哋眼闊肚窄 叫咗好多嘢食 比平時堂食叫多左小小 食物拎上酒店都仲係熱辣辣 呢方便佢哋做得幾好 我決定 如果去呢間酒店再住 我都應該會食返呢間

每一次到薩莉亞都一定會叫雞肉闊通粉。我個人覺得這一道菜是全個薩莉亞最好吃的東西。😂另外點了新推出的芝士薯蓉，可惜薯蓉好像沒有調味，要自行加點鹽。下次還是吃多莉亞比較穩陣。

今日口痕想食焗薯，黎到高質抵食既鞋薩莉亞☺️真係又平又有滿足感。呢個芝士煙肉焗薯角真係不得了，雖然簡單平凡既款式又好好味😋咸香拉絲芝士真係無得嘆！抵佢開到咁多分店同成日都咁多人食！

今日同女朋友出咗荃灣窮遊一day話明窮遊當年去搵啲cheap cheap嘢食啦直接嘢食真係離唔開呢一間薩莉亞咁呢間都唔係出名好食㗎同埋衛生麻麻但係都唔緊要因為一去到已經要等位等咗成半個鐘先入到去錯佢仍然有佢一定嘅受歡迎程度卡邦尼意粉$34我仲走出去我去拎緊嘅芝士粉入嚟我覺得其實味道都算OK唔錯嘅同埋$34係叫做我都算幾抵食蒜蓉包$10心血來潮好想食蒜蓉包呀所以就叫咗個蒜蓉包黎食喇我識咗佢唔係好脆口啊但係味道OK啦一般般咁都算叫做過下口癮雞肉野菌薄餅$34比較單一嘅味道唔算太突出味道比較淡雞肉多利亞$29邊個焗飯味道都算唔錯嘅同埋重點係$29囉$29真係抵到爛呀同埋都有焗飯個味道同埋嘅焗到有少少燶燶哋咁我覺得唔錯原味雞翼$32我覺得黎到薩莉亞最好味就係呢個原味雞翼呀我都係整得非常之好味嘅同埋都算幾抵食嘅充滿油漬嘅汽水杯不過實在佢哋呢度嘅衛生欠奉囉如果貪平黎食下都無妨嘅性價比算係高 只係衛生情況欠佳

星期六要返工開會, 開咗幾個鐘之後, 又支力, 又餓!放工相約老公食LUNCH, 但又諗唔到食咩好!途經灣景AEON, 咁不如去食薩莉亞啦!平平哋, 可以點勁多嘢又唔會太貴。等咗大約10 分鐘就入座。見到有新MENU - 青醬意粉, 就試下青醬蜆肉西蘭花意粉啦! 另外仲叫咗8 隻雞翼同埋黑椒汁燒雞扒加白飯。青醬蜆肉西蘭花意粉青醬撈得平均, 唔會一撻撻。但本身個醬好鹹, 食到一途都要飲水抖抖。西蘭花得幾舊, 蜆肉都算多, 不過呢個意粉偏油, 最後都冇食晒。我諗我下次唔會再叫。黑椒汁燒雞扒雞扒都幾大塊, 老公加咗$6 要個白飯當係$38 一個餐咁, 都幾抵食! 性價比高! 我哋有叫咗雞翼, 但太餓唔記得影相雞翼入味, 皮唔脆, 似半煎半炆。薩莉亞CP 值真係好高, 而且食物質素都越來越好。如果諗唔到食咩嘅話, 都可以去薩莉亞呀! 

呢間餐廳幾好食，我食過兩次，第一次食有驚喜，第二次食就唔係幾好。我第一次食雜菌意大利麵，感覺唔錯，菇味好濃。第二次食墨汁意大利飯，一擺落口就覺得好鹹，應該加咗好多味精。如果想食健康啲嘅朋友，就唔好去啦。

自從grad左之後，就好耐無食過Saizeriya啦🥺😭今日第一次黎呢個灣景廣場，見到Saizeriya就諗都無諗就禁左張飛等位，雖然等左廿幾分鐘左右，但都係絕對值得既🥰我地今日兩個人叫左總共6樣野，本來諗緊會唔會清唔曬，但原來最後都係啱啱好無晒野🤤6樣野裡面，我好推介原味雞翼、莎樂美腸薄餅、雞肉多利亞同蒜香法包碟雞翼真係好抵食，四隻先係$17，平得黎仲要好入味，正！多利亞係食Saizeriya必叫既菜式，無論你係叫邊款，都一樣唔會令你失望，佢既份量拿捏得啱啱好，兩個人食絕對唔會覺得濟，簡直perfect蒜香法包新鮮焗起，熱辣辣，蒜蓉味好香，個法包又好軟熟，食落去一D都唔會覺得確口，味道口感相當讚食左咁多野，都只係$141，抵到爛，仲要係好味食到飽肚，仲要不設加一服務費，簡直Ichiban

呢間日本既意式餐廳，相信好多港人都食過，佢性價比實在非常高，野食質素亦交足功課。甜蝦沙律好似廿四蚊，甜蝦既份量超級大方，沙律菜好爽脆，清爽。原味雞翼就最唔好食，好淡，無乜味，一般，雖然只係講緊十幾蚊，但係以前辣味既雞翼，相對地會比較出色啲。羊架幾十蚊就有三件，厚肉，羶味好重，正，羊架無做過多既調味，所以更加突顯到個羶，而且佢熟度剛好五成，呢個價錢，真係贏曬。水牛芝士比薩，幾正，餅底感覺有啲餅乾感，芝士份量好夠，好香。第一次係呢度叫甜品，點不知，都幾有驚喜，甜品到之後最好攤陣，等佢褪左少少冰先食，朱古力果個口感順滑，朱古力味好香濃好正。榛子果個焦糖底太甜，唔食底果層就好好味，十幾蚊就有呢個質素，真心係平民既恩物黎。

薩莉亞無理由未聽過掛，真係由細食到大，細細個啊媽帶去叫到成張枱滿曬，真係好滿足🤣重點係價錢好平，任點好似唔洗錢咁，唔洗慳住個荷包🤑**********<明太子魷魚蝦仁意大利粉> $34真心依個意粉嘅性價比真係幾高，明太子嘅份量其實唔少，每一啖都好重明太子味，而且仲好多魷魚圈好抵食啊！**********<温泉蛋肉醬多利亞> $32肉醬多利亞係必食就唔洗多講，個醬好creamy，同飯嘅比例差唔多係一比一，味道好濃郁有少少膩，兩個人share黎食就啱啱好🥰**********<蒜蓉焗田螺> $28田螺本身就無咩味，主要都係靠個蒜蓉醬去調味，個size都幾大粒下，口感尚算嫩滑，不錯不錯！

到荃灣西逛街打算將一萬元用來更換家具 新家具新心情 逛到累了 是時候吃晚餐 看到家品部同層有這又新又大的薩莉亞 回想今年還沒吃 便當刻決定拿籌 等了十分鐘左右便能入座這餐廳勝在價廉物美 二人享用亦可點5款 品嘗不同的菜《原味雞翼4隻》賣相很不吸引😅味道只有淡淡的醬汁味 失望《洋蔥蒜蓉焗青口》青口大小以$24/4隻來說不錯 表面舖滿了洋蔥蒜蓉一起吃 味道更佳《中華海草》只需$10 有壽司舖$2x的份量 質素相若 抵😁《水牛芝士薄餅》可分成6塊 表面滿滿的水牛芝士 一上桌便香氣四溢 愛芝士的朋友必點😍《菠菜配煙三文魚忌廉意大利粉》份量足一人吃飽飽 起碼4片煙三文魚 只可惜偏乾 如忌廉汁再多點 會更滋味$175/2人 又不用加一服務費 性價比高

放假同老婆行下aeon，shopping 前食返個lunch先有力行，就決定食薩利亞啦。呢間好寬躺下都，空氣流通幾下，唔會好侷促。點左兩份卡邦拿意粉，一份煎鯖魚，一份肉醬多利亞。先講意粉，有溫泉蛋，半生熟都幾juicy,督爆隻蛋撈意粉一流，卡綁拿個汁偏乾身，意粉熟度岩岩好，爽口彈牙，芝士夠香，份量都足，配上煙肉黑椒，十分惹味。煎鯖魚要讚下，冇骨魚肉厚身，甘香肥美，完全走腥，薯塊比較乾身，粟米普通罐頭料。最後到肉醬多利亞，姐係肉醬飯。芝士面係正，焗過黎，仲脆既，肉醬正常普通野，飯偏乾出，但撈埋肉醬同芝士一齊食就岩岩好，好食既，可惜份量偏少。最後值得一讚既呢間薩利亞幾乾淨，餐具唔會油立立，員工服務都幾好，食咁多野先百二蚊，有下次啦。

今日難得一家人去吉之島行街買野，累了打算找間餐廳食晚餐，公公問孫仔，你今日想食咩呀，仔仔話超耐冇食過薩利亞了，呢到咁近有間不如食啦！我自己不嬲唔抗拒去食薩利亞，因為去親都係貪佢抵食多款，但今次真係忍唔住要記錄下了。雞翼4隻， 魷魚筒， 炸雞件， 鯖魚， 明太子炒意大利粉， 黑松露蘑菇炒意大利粉， 野菌燴飯，辣肉腸薄餅， Terimisu。雞翼，魷魚筒， 炸雞件， 鯖魚依舊好味，但個pizza 就超多油， 意粉份量越來越小。

去個陣可能只係12點所以人唔太多唔洗排隊但今次個用餐經驗實在麻麻撳鐘好耐都冇人嚟但又見到有個別staff冇野做唯有直接叫佢地然後等咗差唔多3個字先上到第一個meal可能平時其他分店效率太高所以唔太接受到習慣會用紙巾抺下餐具點知！一拎起隻碟勁油，2隻都係⋯⋯個staff都好似見怪不怪咁⋯⋯講番野食甜蝦粗管麵水準係同其他分店相近的但份量好似比較少最近至愛 － 明太子魷魚蝦仁意大利粉個賣相同其他分店好唔同TT而且調味上冇咁惹味如果係第一次食，一定做唔到我係薩利亞嘅top pick加多個甜蝦沙律正正常常但總括來說，呢次經驗麻麻，短期來唔會再去呢間分店

每逢星期三都是永旺百貨公司的折扣日， 優惠商品特別多。這日我和朋友就約好在荃灣灣景廣場內的永旺買日用品，完成後在商場內的薩利亞餐廳用餐，非常方便。這裏最吸引我的是有自助飲品放題，熱朱古力可以不停飲，很高興。黑松露溫泉蛋卡邦尼意粉～半熟的蛋汁混入意粉中口感不錯，可惜沒有味道， 廚師應該忘記調味了。忌廉湯～濃淡適中，內裏湯料也挺多的。說說笑笑便過了愉快的時光。