薩莉亞意式餐廳 (黃埔天地百寶坊)

营业中

休息中

又係探訪時間完左一個朝早 緊係要lunch 然後坐下休息下最後搵左剎利亞 剎利亞一直係平食 意底餐廳 小弟同同學仔分別叫左 雞肉多利亞菠菜煙三文魚意粉同埋一個pizza 個pizza 名唔太記得叫咩 不過就係有2隻味， 一隻係雞肉 另一個係田園風味 可以一次滿足多種味道 由於太肚餓 同呢到水準一直都ok 又唔太油 不過分量唔算太多 但還可以叫做飽飽 雞肉多利亞好好食 雞肉都幾多 醬汁幾野味但如果大份啲就好了 意粉又係好好味 菠菜夠淋 煙三文魚咸咸香香 最後食埋pizza 好滿足 材料都豐富 啖啖口感好正 總結 每次開sem 都會食一次 好開心 豐富

自己一個人諗唔到食咩既時候，除左快餐店同茶記，我通常都會去薩利亞食個平價西餐。每次食都覺得好抵，選擇又多而且水準都屬於中上。今次又食最愛既雞肉多莉亞，其實姐係芝士白汁雞肉焗飯。雞肉其實已經被焗到乾哂，但就係咁會有少少脆口，撈埋d白汁會有多d口感冇咁漏，個人黎講係幾中意。唯獨飯量真係比較少，真係肚餓既時候單點一個飯真係唔夠，但價錢咁平，可以叫多幾款，食飽哂人均消費都唔貴，完全係窮人恩物，薩利亞萬歲！

晚上7:30到已好多人等位~食了鮮蝦粗管麵，熱辣辣加少少醲芝士好好食另一驚喜係天使蛋糕。底層有脆脆同朱古力碎，加埋cream好正服務好，食物性價比高，一定會再黎！

好幾年沒有食薩莉亞， 今日同大同出去紅磡， 終於有機會再嘗廉價西餐， 呢餐成功令我對薩利亞改觀。第一次幫襯薩莉亞嘅pizza， 質素比我想像中好， pizza上鋪上不少鮮菇片,芝士,蕃茄醬， 上面再灑上一些香草和胡椒碎， pizza新鮮泡製，咬落去餅底相當香脆， 美中不足的是芝士雖然多，但不太有芝士味，令人失望🙁 呢個意粉賣上唔算吸引，但味道值得一讚， 番茄醬用新鮮番茄製作， 沒有假假的茄膏味， 當中有混合了不少吞拿魚碎， 之前冇食過吞拿魚蕃茄醬， 估唔到呢個配搭又幾清新。商會講道我畀細妹傳染咗， 開始鍾意食辣嘢， 見薩莉亞有Tabasco， 一於試下加啲落意粉度， 估唔到額外的酸辣味會令意粉增色不少👍至於啲個忌廉意粉就一般般啦， 菠菜芝士係零失誤配搭， 食落去都係一般忌廉意粉嘅味啦...😂

港島區得北角同小西灣有薩莉亞, 讀中學嗰陣要等到返半日嗰陣先可以同同學去食~當年考完dse LS都係去食"殺死你呀"雞肉×雜菌雙享比薩一半雞肉一半雜菌, 茄醬底, 芝士量多~重點係薄批焗得香脆, 散發烘焙香~波菜配煙三文魚忌廉意大利粉對比其他分店賣相明顯比其他分店差。但味道絕對係一貫地好。欣賞佢嘅意粉~煙韌且幼身, 冇發大呃秤吞拿魚香辣意大利粉有驚喜~日式餐廳好少真係夠辣~配搭帶酸嘅吞拿魚極之恰當~ *注意輪候須時

下晝3點3夠鐘食下午茶！今日我哋選擇麗薩莉亞食下午茶。平時佢係有lunch set由12點至到下晝嘅五點，set就送汽水吧，汽水包除咗汽水之外仲有咖啡、茶、美綠等等嘅嘢飲選擇，由於我哋唔飲汽水所以就選擇左散嗌食物。今次嚟到就嗌左雞翼同肉醬多莉亞。焗好嘅雞翼加埋秘製既辣粉十分惹味，雖然啲雞翼唔係好大隻，但＄30有八隻來講算係10分抵食。肉醬多莉亞嚟到嘅時候熱辣辣啱啱焗起，肉醬好多，撈哂成碟飯都仲有，加埋芝士粉食，一流！食咗咁多野都係40 零左右，絕對係平民嘅選擇！

薩利亞係人少少食平嘢嘅好地方。佢啲嘢食平得來又幾好食，有啲日式洋食嘅感覺。叫咗個雞翼，意大利飯，漢堡扒。佢啲雞翼有Pizza Hut雞翼嘅感覺，經典嘅味道。而意大利飯都煮得非常入味，兩個人食晒啲嘢啱啱好。

好多年前已食過一次, 但好似係香港消失左一段時間, 而家又活躍返。今次一行2人來到, 見到個餐牌選擇都算多, 唔同種類的野食都有, 同埋最重要係價錢真係好平, 係香港食野來講, 呢個價錢真係抵到爛, 叫到成枱野食都係百几蚊, 但感覺已經好豐富。本來以為價錢咁平, 點野份量應該都會好少, 但又唔係wo….起碼個意粉都有一碟, 唔係2啖就食完個種…..同埋味道都算ok la…. 性價比都ok….我地叫左脆焗香味雞球($24), 半份焗香腸($19), 三文魚塊($19), 雞肉野菌pizza($32),野菌肉醬意粉($29), 另外再加一個甜品-榛子脆餅冰雪蛋糕($18),好似叫左好多咁, 但都係百几蚊, 仲要唔駛加一…….haha..真心覺得好抵食雞肉野菌pizza普普通通, 芝士味唔夠香, 味道整體較淡, 唯獨係個菇味好出..都ok脆焗香味雞球 -> 呢個好味, 食落夠香, 又唔會好油, 入面點雞肉又嫩焗香腸 -> 脆皮腸好好味, 入面好juicy野菌肉醬意粉 -> 呢個都好味, 肉醬味好香, 意粉又軟硬適中三文魚塊 -> 炸得夠脆, 入面有少少芝士流心

薩莉亞出名走平民路線，今日想平平地食一餐，又唔想太頹，於是決定去薩莉亞用餐。兩個人點左四款食物，平均每人$50，算抵食👍🏻辣味雞翼($17):雞翼雖然細細隻，但香辣惹味，而且唔會太油膩。雞肉嫩滑有汁，食落香口，唔錯！鐵板燒魷魚($28):原隻燒魷魚，抵食👍🏻呢個係我ge至愛，魷魚燒得好香，外層帶焦香，內裡仍軟熟有汁，爽口而且唔會太鬆散😋唔需要點蒜汁都好夠味。蒜汁就稍微咸左d。海鮮燴意大利飯($32):個飯略微稀左d，番茄有d酸，而且飯稍微硬左d，唔太合個人口味。雞肉粗管麵($29):好"芝''味，芝士份量足，熱騰騰，真係平平地都可以食得津津有味😁

嘩！揾左好耐先揾到呢間， 雖然 位於黃埔站附近，但係佢 匿埋咗喜條好神秘嘅 後巷度囉，Google Map亂咁指，搞到我地行哂成個紅磡區，去到仲要禁飛等好鬼耐...好彩入到去之後點菜都好快，我哋嗌咗好多嘢食，有菠蘿火腿pizza啦、炸雞球喇、仲有三文魚沙律、仲有兩個好好飲嘅周打魚湯，有人嘅pizza不停落芝士粉落到見唔到個pizza呀。我哋揀左任飲汽水之後，仲沖咗一杯凍嘅美綠呀！不過都凍美綠好鬼難飲㗎！嚇死我喇炸雞球味道一啲都唔喊，仲幾香呀！個pizza就因為多芝士粉，其實都好惹味㗎！不過少少熱气三文魚沙律，個周打魚湯就好有忌廉味嘅。總括嚟講啲味道都算可以呀，不過呢間嘢真係偏僻咗少少囉！

探朋友後在黃埔周圍遊，途中看到這店，作個新嘗試啦！餐廳地方寬敞，環境乾淨，感覺舒適悠閒。餐牌裡選擇不是太多，種類每樣有些，各式其色。經看完一輪後，點了挪威煙三文魚、甜蝦多利亞、卡邦拿那意大利粉、菠菜配煙三文魚忌廉意大利粉、意式洋蔥蒜蓉燒雞，等了大約十分鐘食物就來。香草碎的挪威煙三文魚，大大片，加幾滴檸檬汁，味道鮮美。甜蝦多利亞是焗飯，粒粒蝦放在芝士和忌廉醬汁上面，這些全部蓋過底部的白飯，熱辣辣，香濃惹味！濃濃忌廉汁的卡邦拿那意大利粉，將煙肉、芝士粉同意粉攪拌均勻，是我喜歡的忌廉汁，香滑美味，不會過鹹。這款菠菜配煙三文魚忌廉意大利粉的忌廉汁較濃厚，有菠菜和煙三文魚，兩樣都幾夾，煙三文魚的鹹香，再吃菠菜就剛剛好，亦有芝士粉灑上，多重味道，很不錯。撲鼻四溢的意式洋蔥蒜蓉燒雞，濃濃蒜蓉鋪滿整塊雞扒和醬燒汁配備，香嫩肉滑的雞肉，很美味呀，而香脆粗粗的薯角，很有美式感覺，鐵板邊有粟米做配菜，鮮甜帶橄欖香。初次光顧印象不錯，份量幾多，價格實惠。

今日係趕時間同肚餓既情況下，我沖入意式餐廳薩利亞入面，食左果肉醬多莉亞。本身都無咩期待，未係大型連鎖餐廳一間，不過發覺入面既野食水準唔錯，價錢又唔係太貴，只係$27。所以下次如果諗唔到食咩，就食薩利亞啦😂😂

復活節假期嘅第一天，與朋友相聚吃了一頓 悠閒嘅下午茶。經朋友介紹去了是一間又平又抵嘅西式餐廳， 去到已是三點多但整間餐廳也座無虛席！ 一打開餐牌就知道原因了真的很久沒有見過咁平， 好似返到大學的canteen一樣！ 一般餐廳要HKD50以上的食物, 在這店舖只需HKD 20多元就能吃到...... 超抵！沒有修飾的煙肉菠菜，味道也不錯HKD 32 有八隻，你都冇話唔抵HKD 19 有一碟蜆， 真係平過街市簡單的蒜蓉包超好味的pizza，非常濃郁的芝士味。最後當然唔少得甜品呀，朱古力泡芙。

久久未放過假，這天一家人想好好吃一頓大快朵頤，又想吃意粉，又想平靚正，又想自己吃到飽不用就阿仔叫菜？看了看餐牌，30多元有意粉，10多元有湯！甘抵？立即入座！孩子的爸隨便筆者叫，筆者就毫不客氣地將寶寶合適與自己想吃的都點了。另外也加了每位任飲汽水吧，爸爸能喝可樂，媽媽可選雀檸，寶寶有美祿，非常細心。餐廳出菜很快，首先就試試周打湯。一般罐頭湯的美味。沙律正常，尚算新鮮。蒜茸包有驚喜，焗得軟熟，蒜茸味香不乾身，一家都很愛吃。筆者誠意推介！田螺沒有味道，只有焗的醬汁有味。菠菜很嫩，寶寶吃了很多，屬營養均衡的親子之選！pizza芝士味尚可，筆者是芝怪覺得不夠濃，爸爸要加芝士粉同吃，寶寶吃兩口就丟掉......焗薯角有驚喜！煙肉味滲進薯角，配合芝士同焗，很美味，極速清碟！卡邦尼夠味，筆者喜歡，但賣相很一般。鱈魚飯主要為寶寶而設，魚有微腥，但白汁遮蓋了魚味腥味，伴飯吃尚可。

又係一個人搵入得口的晚餐😂之前食過，諗住試多次，發現原來呢間野款款便宜，但真係ok 架喎👍點左白汁雞肉菠菜加白飯：菠菜無口'鞋鞋'的感覺👍 雞肉略少。可能芝士白汁差極有個譜，所以整體不錯。31蚊餵飽自己算係咁啦😂