薩莉亞意式餐廳 (Mikiki)

营业中

休息中

今日嚟到saizetiya mikki分店食晚餐,我哋17:45就入座,所以完全唔洗等位,不過職員好忙,睇得出完全人手不足。見到餐牌有兩款新野,意式瘋狂水煮咁嘅價錢真係超的魚,這個唔知點要等好耐,差唔多等咗30分鐘 ,中途有問過有冇漏單......口感唔係好滑,試一次就夠了,另一款新產品係佛卡夏,喺一款類似麵包嘅產品,中間空心可以自己放啲有醬嘅食物落去夾住食,口感都唔錯,跟住再嗌咗溫泉蛋黑松露忌廉意粉,黑鬆露味好香濃,好好食～蒜香法包都係每次必叫嘅產品

薩莉亞係一間耐唔耐經過就會想食嘅餐廳🍴中學時期已經好鍾意同同學一齊食 成班人一齊食可以嗌好多餸大家一齊share除返開個價錢都唔會好心痛😚所以薩莉亞都算係一個好經典嘅回憶繁忙時間排隊有陣時都差唔多要25-30分鐘不過環境係幾舒服同friend子兩個人食-原味雞翼（8隻）$38-蒜汁燒魷魚$30-BBQ醬烤豬肋骨$58覺得喺薩莉亞雞翼係必嗌之選，同埋每人最少要食返四隻先至可以夠喉😋可惜冇咗辣味🥹不得不重點講吓呢一個醬烤豬肋骨 覺得$58一份真係好足料同埋啲肉都唔會好韌 不過個人覺得醬有啲多🙈

阿仔要求去譽港灣薩莉亞晚餐。以前呢個鐘數都大排長龍，而家都有好多空位。原嚟係因為換咗個撲街老女人店長 我哋食完飯，阿仔等唔彻咖啡凍餅，就走去補習了。我等咗陣仲未有住，就出去買單，買單時又冇人話要我對返張單。找完數佢俾張單我唔經意望吓發現未上到咖啡凍餅，要求佢退返錢，穿著黑色馬夾嘅老女人就唔制喎，要同我打包添。我話唔得時佢都未打算退返錢俾我。仲話如果佢出去食，餐未上時，係唔會同餐廳攞返未上嘅餐錢哦！ 跟著好似教訓細佬仔咁教訓我，今次就算了！冇下次 我真係懷疑，香港冇曬人啊！呢間食肆用呢種德性衰嘅人，遲早執笠🥲

今日做到好夜，啱啱經過商場竟然冇人排隊因為一個人即刻安排入座職員立即比QR code我自己落單今日人數不多，可能我到舖頭已經差不多九點了掙扎緊一個人要唔要點自助飲品$13，因為一個人拎住手袋去拎嘢飲。我一向都會拎一杯冰再整一杯熱茶。兩個碌落去就變咗冰茶啦。點咗必食嘅薩莉亞雞翼，好喜歡佢皮脆肉嫩四隻啱啱好一個人份量。跟住就嗌咗蔬菜類叫咗芝士焗菠菜，份量太多一個人食唔晒。再嗌咗一個雞肉長通粉，估唔到雞肉肉嫩我一個人將成碟清晒

之前吃過很多次，現在無聊寫一下食評……主食方面，點了seafood pizza，有滿滿的海鮮（魷魚及蝦子），而且只要38元，物超所值！飲品方面，點了杯白葡萄酒，因為菜單上推薦海鮮配此酒，而且只要10元！整體來說：好酒！（溫馨提示：未成年人請勿喝酒！）最後點了個著名的意大利甜品：意大利咖啡凍餅，去意大利不可錯過的甜品，口感細膩飽滿！

今日係新年前最後一日朝早晏晝都忙住辦年貨午市時間周圍全部都係人想食餐飯都要排勁耐最後臨尾就係揀咗呢度可能太耐冇食過大鄉里出城唔知道呢度原來有酒飲好驚奇 支白酒仲要味道唔差都係$48沙律抵食 份量足整體嚟講好企理炸雞球 魷魚 送酒一流之後再加兩個意粉味道食咁多年都冇變喚起好多童年回憶最重要係佢意粉軟硬度適中好彈牙 水準全部keep到講真呢間分店服務OK 又好坐座位又乾淨同其他分店好唔同同以前細個食感覺差好遠抵讚會再幫襯

一到下雨天， 就唔想周圍走，就在mikiki中的薩莉亞是我常去的店， 皆因想食原型食物，加上盡量減少吃澱水化合物。薩莉亞絕對是我心中首選， 因為又經濟又夠飽。通常我會叫雞扒鐵板，還有大量蒜蓉、 粟米和薯仔粒 。加上餐廳有自助水吧，在月尾要 落緊褲頭 、沒有太多資金時，結帳就$35今天即使人很多 我也 只是在門口等了十分鐘左右 迅速經qr code落單後 十分鐘，份雞扒就上台了，非常有效率即使你一個人 去食， 都不設搭枱。 通常會先開放 近入口的枱，大概12張枱， 之後有人手的話，就會開落地玻璃那邊。 之前坐到入去，以為可以睇到繁忙的車道街景，但下了太陽簾，所以其實什麼都看不到

忌廉芝士菠蘿薄餅配意大利牛奶忌廉雪糕（限定分店）勁好食😋1. 周打海鮮湯 $14價廉物美，料多，忌廉重，易入口4🌟2. 原味雞翼（四隻） $20薩莉亞嘅雞翼一直都係誠意推介，雖然比以前細隻咗好多，但係都同pizza hut一樣好好食3.5🌟3. 肉醬多利亞 $30每次去薩莉亞都必定嗌，因為佢嘅意大利飯焗得啱啱好，軟硬適中3.5🌟4. 煙三文魚菠菜忌廉意大利粉 $42份量都夠嘅，不過呢三文魚呢就偏老咗少少2.5🌟5. 忌廉芝士菠蘿薄餅配意大利牛奶忌廉雪糕（限定分店）第一眼以為係一個好奇怪嘅食法，但係食落去又幾好食㗎喎，個餐牌上面有推薦食法呢，就係切一塊小型嘅薄餅再放上個牛奶雪糕，咁我試完都覺得ok好食嘅，但係其實佢兩個分開呢都very good 勁香牛奶味4.5🌟

🔸野菌芝士Pizza蘑菇食落無調味芝士有拉絲!薄餅好脆身👍🏻5.8/10🔹白汁雞肉意粉白汁濃雞肉粒正常意粉軟硬適中6.9/10🔸香煎三文魚三文魚無調味但煎得幾香配菜係粟米同薯粒7.1/10🔹辣味雞翼CP雞翼👍🏻好味😋JUICY 嫩滑8.8/10🔸雞肉多利亞必食雞肉多利亞～雖然份量吾多但味道世一8.8/10🔹檸檬雪芭雪芭有驚喜檸檬味好香食落酸酸甜甜👍🏻👍🏻👍🏻👍🏻9.1/10

星期日黃昏六點幾，諗住早早地唔使等位與家人在屋企附近搵地方食個簡單嘅晚餐，揀咗呢間嘢。去到門口無人帶位無人排隊，場內六成滿，於是自己搵位坐。坐落發現無自助落單紙於是問侍應。問咗等完一輪，突然有侍應來嚟要求我哋出去撳飛、等佢哋再安排至可以入嚟！當時門口的確有兩位客人，但場內仲有好多吉檯，而且門口嘅客人仲係我哋入座後至出現。我問點解唔可以照坐﹖你哋唔係無位喎﹖侍應堅持要我哋再出返去撳飛等佢哋帶位入嚟。呢間餐廳本身已經係半自助，客人自己落單自己拎飲品，侍應人數已經少兼無客人煩佢。佢哋嘅存在原來係「座位風紀」。咁嘅「服務」我哋唔再幫襯；亦唔好怪咁多人北上而唔留港消費！飯都未食就一肚火。飲食業請自省。

以便宜嘅價錢食西餐飛薩莉亞莫屬，當然啦西餐廳通常都係呢好多油呀芝士呀嘅配套，如果追求健康或減肥可以嘗試於薩莉亞進食此類餐，好似我咁是鐵點了蘑菇忌廉湯配三文魚沙律食。當中蘑菇忌廉湯味濃，特別是蘑菇湯比例好似平日在超市買的金寶忌廉湯一樣未濃，可於店內取黑椒粉嬸上黑椒味道更佳。旗幟其次，三文魚沙律通常沙律往往是食都唔飽，食完好似一陣風咁樣，配以三文魚粒，有口感資源亦有新鮮的感覺，透過三文魚肉讓你感到溫飽以及滿足。

唔知食咩好，又冇咩胃口，經過見到薩莉亞諗起好耐冇食，入面又有好多唔同鍾類可以選擇，所以就入左去食啦！ 呢間餐廳係以前讀書的時候成日都去食的！冇咩胃口之際就叫左一配羅宋湯，酸酸地咁樣好開胃，入面都有好多雜菜係入面。一路飲湯一路食到小小的湯渣，感覺好好另外叫左個菠菜，佢地呢啲應該仔係雪藏菠菜黎，配埋啲火腿一齊煮，食到啲咸香味，唔會太單調冇味，仲會有啲肉食到添然後仲叫左個意大利粉，簡簡單單咁食左又一餐，呢個價錢冇咩挑剔嘅地方，同埋食的係回憶呀！

夜晚打算過去食，問左企係櫃台嘅員工（女人，戴住眼鏡）一啲問題，幾點last order 同收幾點，點知佢態度勁差，即刻吾想幫襯，勁垃圾。。。。。。。。。。。。。。。

相信冇人唔認同薩利亞真係好平😂平平地又有意粉🍝又有pizza🍕又有其他小食，岩晒一家大細去食😂不過食物質素就有啲變幻莫測，間間都唔同😂mikiki呢間都算係維持水準得比較好既一間🙊同埋屬新維修，乾淨企理粟米薄餅（+$6 double cheese🧀) $36唔好睇淨係得粟米好齋，原來加埋啲芝士食味道又幾夾，兩者互相中和，有芝士香之外又食到甜甜既粟米，感覺冇乜熱氣😂而且今次好好彩地個批邊唔太燶，係一個合格既pizza😆邦哥尼意大利粉$32正常發揮，意粉軟硬適中，偏乾身，冇水味，蜆肉好好彩冇沙😂都係果句，30幾蚊仲想要咩質素😂😂芝士薯蓉 $28黎到好熱辣辣，幾香既，不過份量偏少😂唔好睇佢個焗盤咁大碗，佢好有技巧咁岩岩鋪平啲薯蓉😂😂😂厚度都唔知有冇2mm🙊甜品時間🎉意大利布甸$18呢排睇得日本動漫多，好想食雞蛋布甸🍮仲要係呢隻樣🍮難得呢到平平地又有就試下，都唔會expect 太多🙈焦糖醬會偏甜左啲，布甸亦硬左少少，冇乜滑溜既感覺，普普通通啦😂Tiramisu $20呢個反而好食啲，因為有可可粉係面冇咁甜😂不如如果再雪凍啲就好，曾經食過有間雪到似雪糕既質地，幾得意架😂

還是下雨天的日子，唔可以戶外活動，便約朋友新在蒲崗食晚飯。在商場行咗一個圈大概五點半，便入去食意大利晚餐。因這餐廳每樣菜式都唔太大份，價錢平均$20至$30幾元一碟，如柯打了飲品，第二杯可以免費refill。我們共四個人用餐，素描QR Code落柯打共15 款菜式。有菜沙律、pizza、田螺、意粉、蜆肉、菠菜、羊鞍、週打魚湯、甜品等。特別是羊架和田螺，羊架充滿羊騷味加香草，肉質juicy，喜愛食羊嘅朋友係唔錯嘅選擇。 田螺雖然細粒味道唔錯。甜品、意粉、pizza、菜沙律等，都係出面餐廳一般嘅水準啦，咁嘅價錢算係唔錯。CP值：- 價錢5/5食物質素：3/5甜品：3/5餐廳環境好光猛整潔： 4/5