薩莉亞意式餐廳 (馬田路)

营业中

休息中

一打開菜單，每道菜的價錢都平得十分驚人！沒想到「意大利餐廳」竟然會有$9的菜式於餐牌上。水牛芝士伴蕃茄－一份17蚊的頭盤絕對不能要求太多，簡單4粒水牛芝士已經平過去超市買。食落感覺OK，水牛芝士算香，如果以一片片蕃茄代替車厘茄會更好。白汁雞肉菠菜－呢道係我每次必點的小食，白汁唔膩口之餘上面撒上芝士粉焗得香香。整碟菠菜份量十足，雞肉為碎肉只作伴菜也不覺失色。個人覺得係最抵食又好味的菜式！黑椒雞肉比薩－一間主要食比薩意粉的餐廳，比薩竟然令人非常失望！首先餅邊非常之硬，像咬餅乾一樣！黑椒味蓋過了芝士的香氣，碎雞肉粒淡而無味，餅底與餡料同樣失敗！鐵板雞拼盤－拼盤有雞扒、炸雞件、粟米粒、薯角。炸雞件脆口且粉漿厚度適中，尚算不錯；雞扒算厚不過雞味不重；薯角炸不夠時候且又乾又硬。蕃茄海鮮意粉－意粉意外地爽口彈牙，2隻青口肉質亦爽口，魷魚圈是一般雪藏海鮮所以沒甚味道，整體來講還可以。5道菜包括頭盤、小食、比薩、意粉、鐵板雞拼盤，加上2人任飲埋單$177且無需加一！兩口子住附近簡單作個懶人晚餐已經非常飽又抵食，但如果招呼朋友的話還是另找地方吧！

感覺這兒的墨魚汁意粉味道沒那麽濃，但還是足以烏髒滿嘴。吃起來不太濃香，亦不太油膩，墨魚幾件，普普通通。兩件羊架，非常香濃，淡淡羊羶味，少許肥膩的羊架，小小的切，可以切成八小方粒，還挺滿足的。雞肉多利亞，比普通肉醬多利亞還要淺，好像鐵羹不能插進三份一已到盆子底部，即使吃半鍋也不會感到飽肚。結果每人也夾$50吃得三兩樣，似乎真是人多，如四五人，吃十樣八樣較划算及多選擇。

其實食過2次, 一次9點幾去唔使等, 一次一行10人8點幾去, 等左半個鐘有多~蕃茄水牛CHEESE: D 水牛CHEESE完全唔掂, 怪味!雞翼: 朋友們清哂, 話好食黑椒蜆: D 蜆細隻,不過份量都算多, 咁平 WOR, 不過好似好油, 同埋乾左D蘑菇芝士RISOTTO: 幾CREAMY, 漏就幾漏架, 食少少都OK GE....蕃茄蜆意粉: D 茄汁偏淡, 味道一般, 不過都幾大碟~蕃茄芝士PIZZA: 幾多CHEESE, 朋友話OK波羅火腿PIZZA: 配料份量OK, 餅底薄薄地, 細細件, 唔會太漏或太飽, 岩我呢D 食少少GE人墨魚汁意粉: 朋友們評價不一, 所以唔清楚~飲品係自己出去拎, 好似可以添飲? 有普通汽水, 而家仲有COFFEE同其他熱飲, 都OK WOR!

成日都想食呢間好耐，終放黎到，我們2人待應安排了1張可坐5-6人既枱，不過就窄到不得了，身體幾乎係貼住張枱，出得黎食飯當然要食得舒舒服服，便要求轉枱，好彩可以轉了1張2人枱，坐得舒服哂，即刻叫野食，點了三文魚沙律，很多沙律醬，好味，羊架2件，麻麻地，辣腸pizza,pizza底厚和乾，還是p字頭的連鎖pizza店好味好多，肉醬意粉，廚房師傅洒了很多芝士粉，我個不太喜歡，黑椒青口，冇黑椒味，但都夠鮮，每一隻都連肉，不會淨得蜆殼，意大利肉醬雲吞，熱辣辣，good,蒜蓉多士，外脆內軟，正！任品係12元1位任飲汽水咖啡茶朱古力之類既野，都ok架，最後當然要叫甜品，朱古力藍莓雪糕球，呢個真係超級好味，如果唔係怕肥又飽真的會encore 總共都係食左$199

第一次試聽朋友講過好多次過好抵食元朗終於都開啦~所以就約左朋友仔一齊去~呢個墨魚汁, 我就唔多like,因為好似油上去咁, 而且味道就好咸,但係我好好就好鍾意食~份量都唔算幾好~pizza就簡單好多~, 不過芝士既份量係我意料之外~拉住d芝士出黎~好爽~田螺真係好大粒~又陪油~好香~沙律就多菜少蝦, d菜仲要好大塊, 要cut開先容易食1個字快靚正~應該岩女仔食多d~

由於元朗新開左呢間平民意大利餐廳...所以都想試一試...因為N耐之前係屯門食過..但味道梗係唔記得左啦..所以就咁自已地頭, 冇理由唔試...先唔講味道住, 以$200 可以食到6樣食物+1杯 任飲 + 2個湯, 都真係好平..所以係唔可以要求佢既食材係100%上等食物或者有好靚靚咁去裝飾D食物..係冇可能既...但係咁, 呢間餐廳咁既價錢都起碼可以緩和下香港既通漲問題....大家都知, 係通漲情況下, 咩都貴晒...但反而呢間餐廳就一d都唔貴...是問一下大家, 有冇試過食dinner食意大利菜係唔洗一百蚊一個人落樓, 我自己就最平都要平均二百蚊一個頭啦...所以如果大家要求唔太高既時間, 又想食下意大利菜, 都可以考慮下呢到...講完小小info之後, 又係時侯講下d食物啦...先黎個湯, 叫左一個周打蜆湯 (no commend, 因為朋友飲) + 一個雜菜湯 (比較清淡, 用料好少, 估計佢真係全部到係菜...連dd肉碎都冇..有d煲湯都要有dd肉去調一調味...但呢個湯完全冇, 感覺似飲緊有蕃茄味既水)羊架 - 以$39 兩件, 味道都算唔錯, 雖然就肥左小小, 而且冇咩穌