薄餅博士 (已結業)

又到叫外賣時候，PHD提供多款手拉薄餅、烤雞、派對美食、意粉及焗飯、蒜香包等小食。價格超值，又有多款套餐。啖啖肉，芝士非常豐富，配料十足。餅皮煙韌，芝心口感一流。

訂單好快送到黎，食物夠熱。買夠200蚊好多野送，可以加1蚊大大塊蒜蓉包，又有免費紅豆美祿，又可以加錢換小食同甜品。肉食大王pizza係必叫，多料多餸，芝士都好多。葡汁雞皇焗飯好鬼抵食好大碗，白飯焗過煙韌，葡汁小小甜好送飯，雞肉大大舊，仲有洋蔥🧅青椒🫑等配料。唯一唔好既係佢做promote 既喇沙炒意粉同忌廉雞湯無晒。白濃湯都無貨？唯有飲汽水。加左個榴連芝士撻好過癮，超濃榴連味，可以encore。

基於方便，兩三個月都會叫一次phd，pizza就正常水準，嗜辣嘅人我幾推薦食火熱墨西哥，不過家人都唔好辣，今次就叫左phd珍寶，乜都有啲咁啦，有菜有肉有菠蘿，呀哥通常都會話轉芝心批，好似圖中脹卜卜嘅芝心，不過芝心偏膩，每次轉芝心都必有部分變成早餐🤣Phd嘅雞👍🏻👍🏻👍🏻一定要叫，高質!每次都好juicy，黎到都仲係脆嘅！忌廉湯，正常野，有菇有粟米~小食叫過得去咁~主食冇影添，我會推介叫葡汁雞皇意粉😀

心血來潮同屋企人叫PHD外送！今次全程用網上落單，方便快捷！Order左PHD 3人套餐，另外生日送左個焗肉醬意粉，另加蒜蓉燒汁雞扒意粉！3人餐包一個大批，意粉或飯1客，小食雞翼8件，飲品（3客）千島海鮮Pizza：海鮮偏左係一邊，不過最重要係醬汁夠！心血來潮同屋企人叫PHD外送！今次全程用網上落單，方便快捷！Order左PHD 3人套餐，另外生日送左個焗肉醬意粉，另加蒜蓉燒汁雞扒意粉！黑糖雞翼：入口唔覺有黑糖味道，只有咸咸既醬油味咁，味道一般，下次都係叫番柚子雞翼比較好！肉醬意粉：最重要既肉醬夠多配料蘑菇都唔少，食落唔會乾爭爭！蒜蓉燒汁雞扒意粉：個汁較杰身，雞扒份量多，入口唔算好重蒜味！意式蕃茄海鮮飯：海鮮唔算多，而醬汁雖然夠，不過可能焗到過火左，搞到d飯完全乾曬，而且有d硬！加左$1加購蒜香包：蒜味唔夠，同Pizza個邊大同少異，一試就夠了外送時間快，齊單，價錢抵食！

晚上與N君宵夜想吃Pizza，記得有朋友提過PHD，打了電話過去，聽電話的接線生並不太熟悉公司產品，選了一個「夏威夷風情」，外賣員準時送到。打開盒子發現薄餅有一點倾斜，不過問題不大。這個13吋的薄餅，薄批餅底是薄批中比較厚的，不脆。蕃茄醬及芝士味道比較淡一點，配料份量不多我不介意，但是芝士是我在不同品牌同Size薄餅中最少的。薄餅省芝士我就不喜歡了！一個$138的薄餅要省芝士，真有點過份。