薄餅怪獸

营业中

休息中

一向都鍾意幫襯小店，今日去開新蒲崗，放工梗係要周圍搵下咩小店好食。 黎到呢間薄餅怪獸，食下pizza都唔錯，就入黎試下。 佢舖面中型，鍾意佢既光猛同親切感。 平日套餐仲有8折，超正。佢menu真係好多唔同既pizza選擇，我就簡左個細既夏威夷，有波蘿，蜜桃同辣腸。 佢地細pizza原來係砌做心型架，好得意。 涵料出乎意外既多，芝士仲要多到可以拉絲，真係好好食。 件檸檬惹味烤雞算幾大件，啖啖肉冇肥膏，比連鎖既好食好多。 佢今次係比上脾肉我，唔怪之咁好肉地。檸檬汁都好開胃。 最後忍唔住叫左心太軟配雲呢嗱雪糕，果然都好唔錯。 黎到賣相好靚，仲有蕉糖汁係面，好睇又好味。 心太軟朱古力味濃，流心得黎唔會太熱，配雪糕食係一流。 呢間pizza 小店果然冇簡錯。

Pizza monster 每日都有優惠呀原來！！路過先知😂好抵咼！今日星期三就係堂食套餐8折😱抵食呀我地2個人食個4人餐都係每人唔洗$150😂😂😂千島海鮮大批厚批！好多蜆肉磨菇蝦肉蟹柳菠蘿魷魚😍好足料好colourful!!賣相吸引！芝士味唔算濃，所以感覺唔會好油膩！明顯係人手切割，所以每塊有大有小，啱哂有時想留翻大塊俾人食嘅我😂(可以食多啲其他野)法式蒜蓉包有6塊！仲要砌到好靚好有美感👍🏼👍🏼超脆口，又唔會熱氣，蒜蓉味唔會太重，唔怕口臭了😂招牌炸雞(4件)炸粉唔厚仲好脆添👍🏼略略覺得雞好似咸咗小小，否則都真係好高質啦！！有雞髀㗎☺️意大利海鮮焗闊條麵本身係焗飯，不過原來有得揀意大利粉/闊條麵 😍梗係闊條麵啦！！好好食🤤又係超多配料呀~~睇番同pizza好似😂😂笑死！！即焗熱辣辣🤤餐湯係好似羅宋湯咁！辣辣地，好多菜係入面，有薯仔，椰菜，西芹，蕃茄！有心機呀🤭

這一天我哋嚟到薄餅怪獸-新蒲崗食午餐呢度嘅食物好多元化，pizza亦都有唔同嘅大細，就算我哋兩個人也可以試到唔同嘅嘢食$73 曼克頓薄餅 （豬肉，辣肉腸，洋蔥，青椒，蘑菇）餅係心形😂好有心思餅底好香，唔會好似連鎖店個啲咁油膩，我好鍾意個餅底另外佢哋都好貼心，手機點餐嘅時候可剔除你唔想要嘅材料, 仲可以自己加配其他餡料。另外　，佢哋都有芝士粉提供,芝士愛好者可為pizza再加芝味$63 芝士焗西蘭花西蘭花分量都幾多，同芝士好配合$20 招牌炸雞1件佢哋嘅炸雞都炸得幾好，外皮鬆脆，沒有油膩感$21 檸檬烤雞1件酸酸甜甜嘅檸檬，配合埋雞俾肉非常正！$48 心太軟心太軟上枱嘅時候熱辣辣😊 香口嘅朱古力蛋糕裏面有濃郁嘅朱古力漿，好好味上邊配搭脆嘅曲奇雪糕都好好食，甜度適中，曲奇碎增加口感$38 窩夫雪糕呢種係偏鹹嘅窩夫，新鮮做好熱熱的。上邊嘅海鹽雪糕好好味$26 凍檸茶食咗重口味嘅嘢食，飲凍檸中和一下好好😊開心嘅午餐

呢度係主打Pizza嘅舖頭大中細表露無遺 可以因應自己嘅胃口點我就叫咗個比較特別嘅麻辣烤鴨pizza另外再加燒烤醬麻辣口味嘅烤鴨都幾惹味個Pizza 嗌左細嘅 就變咗一個心形餅底都幾脆 仲有大量芝士同埋配菜跟餐已經配嘢飲仲可以加多啲小食輕盈油醋沙律 份量都幾多 沙律菜新鮮柚子梳打 係自己落梳打水，再加柚子，真材實料是日餐湯 蕃茄湯芝士雞翼 熱辣辣新鮮焗出嚟有勁多芝士汁 嚟到嘅時候都眼前一亮嘅感覺我仲將啲芝士擺埋落啲沙律度食食得好滋味

去新蒲崗前一日我已經研究食咩好，一大一細其實好難叫嘢食，一人份量唔夠，二人份量又太多，又要👦🏻細細啱食肯食，卒之就鎖定咗pizza Monster。一入到去大半間餐廳坐滿，睇真啲係差唔多20人gathering。我哋叫咗個超級夏威夷Pizza餐跟餐湯，再加半份小食拼盤。揀完Pizza都仲可以自選醬汁，又可以揀唔要邊啲topping，額外加toppings又得，好貼心。Pizza即叫即焗，大概等咗15分鐘就有得食。👦🏻見到心型Pizza忍唔住「嘩」一聲，食落好多餡料好多拉絲芝士，批底好鬆軟，👦🏻勁讚批邊唔硬，好好食👍🏼。跟餐嘅羅宋湯超級足料，小食拼盤半份每樣有兩件，跟少辣甜酸汁，有雞翼、炸洋蔥圈、春卷同咖哩角，炸嘢應該係現成買返嚟，都熱辣辣香脆，雞翼大大隻，而且醃得好入味。睇返佢哋每日都有優惠，星期五六日係做雪糕買一送一，我哋叫咗芒果味同曲奇味，估唔到雪糕球上仲加埋焦糖醬同薄荷葉，$18買一送一真係超值，過吓口癮👍🏼。埋單冇加一，店員哥哥同姐姐都好nice，呢啲小店真係值得支持。

同朋友路過新蒲崗，見到呢一間裝潢都幾靚嘅pizza店，於是決定一試。餐廳嘅裝修風格都幾有特色，裝飾用咗好多neon light，又吸引眼球又時尚👍🏻餐牌有好多唔同嘅選擇，例如焗飯、意粉、pizza等等熱蜂蜜薄荷茶 + 凍檸茶跟餐送野飲，好抵👍🏻甜辣雞翼(6隻)烤到香脆嘅雞翼，加上惹味嘅泰式甜辣醬，味道一流芝士磨菇焗薯蓉口感creamy，芝士一定要夾薯蓉🩷招牌肉醬焗意粉果然係招牌，意粉掛汁，食落啖啖都係肉醬。入面仲有辣肉腸，食肉獸嘅天堂辣肉腸中批見到賣相已經流哂口水，大量嘅芝士佈滿係薄餅上，每一塊pizza 都有四至五塊辣肉腸。雖然好邪惡，不過味道出色。薄餅嘅軟硬程度控制得好好，香脆但食落唔會太乾整體而言，性格比高，會再幫襯👍🏻

餐廳裝修幾特別，牆上除咗有PIZZA字眼，仲加入咗一啲香港獨特嘅元素🫶🏻🫶🏻而且座位幾闊落，坐得好舒服，完全唔洗同人迫~餐廳選擇唔少，Pizza有唔同Size、醬底同配料揀，基本上可以迎合晒大部份人嘅口味😍😍而且仲有限量供應嘅心形pizza揀！除此之外，仲有炸雞、小食、意粉或飯等，掃qr code落單就ok，好方便千島海鮮（細）$73 加芝士$20第一次見心型Pizza🧡🧡未食但睇到已經令人好快樂，雖然係細size，但2個人都好夠食，配料好豐富，整得好夠味，推薦！黑松露芝士焗啡菇（兩隻） $96推薦！！😍😍啡菇好大塊，每塊都充滿芝士，焗到啱啱好，咬落好鮮甜，仲食到濃濃黑松露，正！！芝士煙肉焗薯蓉 $42比預期中足料同大份😋😋😋煙肉好香口，薯蓉超級creamy，食落口好綿好細滑，配埋芝士食一流！蝦兵蟹將 $88份量幾多，有齊炸蠔、炸蝦、炸蟹鉗同洋蔥圈，各3件，炸出嚟熱辣辣好香脆，而且擺盤唔錯，幾抵食👍🏻嘢飲叫咗熱蜂蜜薄荷茶$19同跟餐檸檬水，薄荷茶比想像中好飲，淡淡嘅薄荷清香，配上甜甜地嘅蜂蜜，好fresh🌿🤤

薄餅怪獸地址: 新蒲崗仁愛街48號地舖電話: ===================== 炸雞才是望角的pizza 店，又去了san po kong 附近感受民生，回憶兒時中小學生活的日子。好熱太陽烈日當士，就入去間餐廳食lunch 避開太陽同涼下冷氣降溫先。$66田園沙律，真煲太熱，要食份salad 要了柚子油醋在入店前見好多人都推薦呢度架雞，我一於一口氣叫齊3個味，原味炸雞$21，烤雞$21 同 $21 ，好嫩的雞髀仔，熱辣辣真係好好食。點埋杯凍檸水，維他命c 有助美白，夏天好易曬黑！ #keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

今晚happy Friday 所以帶孖寶食小朋友最愛🥶當然是炸雞同pizza.招牌炸鸡经过精心的腌制和炸制,鸡肉保持着极其润滑多汁的口感,外层酥脆酥脆的,让人忍不住一口接一口。调料也恰到好处,既不会过于咸,也不会过于油腻,而是恰到好处地点出了鸡肉的鲜美质地。千岛海鲜披萨,外层的披萨饼经过精心烘烤,呈现出松脆可口的口感。上面丰富的海鲜配料,包括新鲜的虾仁、蟹肉、蜆肉等,更是让人难以抗拒。特制的千岛酱汁为整个披萨增添了独特的风味,酸甜适中,恰到好处地衬托出了海鲜的鲜甜。肉酱意面绝对可以称得上是意面界的经典之作。意面本身煮制得恰到好处,既不会过于软烂,也不会过于生涩。而作为重头戏的肉酱,则是整个菜品的灵魂所在。经过长时间的慢炖,肉酱的颜色变得浓郁醇厚,口感绵密柔软,肉香四溢。

因為以前住土瓜灣嘅關係，所以一路都有食開薄餅怪獸呢一間店，估唔到咁多年之後喺新蒲崗都有分店☝️☝️一向出咗名大件夾抵食，而且價錢都好親密，而且仲有唔同嘅套餐😋😋輕盗油醋沙律有生菜、番茄等蔬菜,切成適當大小,口感脆爽可口。淋上清爽的油醋汁,清新怡人,開胃健康🍀香濃鮮茄豬柳焗螺絲粉豬柳肉幾香，有自家製的濃郁鮮茄醬汁一同焗烤。每樣嘢都可以改意粉飯或者螺絲粉，鮮茄醬汁的香甜濃郁，嫩滑的豬柳肉完美融合,層次味道豐富。食肉獸(pizza)主菜來了，餡料包括辣肉腸、牛肉、豬肉、雞肉、火腿和煙肉等,真係名副其實着食肉獸，聽講Pizza皮係店家自己整，所以外脆內軟，芝士放嘅量亦都啱啱好🤝

已經食膩咗大型連鎖店PIZZA尤其係依排一直落雨，每次都等好耐好想食熱焫焫既PIZZA!!! 炸雞Openrice果陣見到附近有間未食過既店除咗寫住新鮮製造仲有心型PIZZA! 本來係細定係中批之間猶豫緊但問完店員原來細批先有心型餅底就直接決定要細批 口味都有好多款第一次就試咩都有既怪獸多寶有洋蔥、青椒、辣肉腸、火腿、蘑菇、菠蘿、牛肉、豬肉基本上平時日常係PIZZA會見到既餡料都出現晒 而更好既係手機落單果陣可以客製化PIZZA除咗可以揀要唔要走特定配料，都可以加配料(但當然要加錢)仲可以揀醬底PIZZA都係中意蕃茄醬! 加$5可以加汽水/凍飲食PIZZA又點少得汽水 好貼心咁已經分好先上枱係心型!!!本來想拎上手同男朋友自拍影相但隻碟有啲熱大家小心唔好好似我咁興奮 打完卡就急不及待開始食係熱焫焫!!!勁開心 就算有好多餡料，每樣份量都無縮水面糰食落好鬆軟邊邊位焗到勁香勁脆加埋烤到恰到好處既芝士勁勁勁正 除咗PIZZA選擇好多之外飯/意粉/小食都有好多款但因為好多樣小食都想試就直接叫咗小食拼盤 有雞翼、洋蔥圈、春卷、咖哩角每樣都有4件雞翼有種特別既香料味，唔辣洋蔥圈炸都好香脆另外兩樣就

上次去食呢間新蒲崗嘅「薄餅怪獸」真係唔錯。首先,佢哋嘅「怪獸多寶」pizza加上特製嘅蕃茄醬,好味!餅底好脆,但又唔會太乾,加埋上面嘅各式料理,恰到好處,好好襯托出每一味食材嘅原味!蕃茄醬酸甜適中,唔會掩蓋其他食材嘅鮮味,好健康又好入口! 個人覺得醬汁可以再多d!!接下嚟,試咗佢哋嘅「麻辣烤鴨」pizza,配埋佢哋特調嘅麻辣醬,都好味!鴨肉係鴨胸,咬下去鮮滑嫩滑,醃料味好食，每一口都充滿濃厚嘅麻辣香氣,仲唔會太辣,剛剛好!另外,佢哋嘅「香蒜大蝦炒意粉」,蝦肉鮮甜,有蒜香味,配埋爽滑嘅意粉,健康飽肚之選!仲試咗「雞翼BBQ」,焗烤過後又香又脆,配埋佢哋自家醃製嘅BBQ醬,味道幾好。還有佢哋嘅「台式辣味炸雞」,炸到好金黃,遇到佢哋嘅辣味口汁後,香辣過癮!至於飲品方面,佢哋嘅「凍即磨咖啡」好香濃,比起普通餐廳咖啡好飲。「凍檸茶」,清新爽口,超適合呢種天氣喝! 總括而言,「薄餅怪獸」係一間滿意嘅餐廳!佢哋嘅食物質素高,價錢又合理,坐位都坐得舒服。

同朋友行行下新蒲崗，見到間pizza餐廳，見個名幾得意就入去試下。我地揀左2款炸雞同1款烤雞。炸雞揀左原味同台式辣味，而烤雞就揀左檸檬味。講左炸雞先，兩款炸雞都皮脆肉嫩，值得一試。台式辣味食到有台灣嘅味道👅。兩款炸雞都有沙律菜伴碟，感覺上食完冇咁膩，個人私心推介原味炸雞👍夠哂juicy。檸檬烤雞配合左蜜糖，酸酸甜甜，好開胃。另外叫左BBQ味雞翼，食落幾入味，肉質幾嫩，bbq醬汁唔算太咸，好食👍之後叫左一個拿玻里烤雞薄餅，依度薄餅有細、中同大批揀。佢地細批係❤️形，岩哂用黎打卡👍除左打卡靚之外，味道都唔錯。就算揀左細批都多餡多汁，餅邊又香脆可口，岩哂口味😋😋我地仲叫左芝士焗西蘭花同芝士蘑菇薯蓉。西蘭花唔會焗得太熟，熱度岩岩好，味道亦都夠味。至於薯蓉味道都唔錯，芝士份量都滿意，食落口都好creamy。總結黎講，今餐體驗唔錯，值得推介👍👍👍

小朋友考完試，應承佢帶佢食pizza，唔想去食到我口歪嘅pizza hxt，帶佢哋落仁愛街間pizza monster試吓，原本630坐咗入去但太太話730先到，於是同店員講晏少少再過來，好彩冇俾人黑面，而且730返去仲特登安排定6人枱比我，服務真係唔錯，值得嘉許，咁我叫4人set餐，中size pizza(怪獸多寶，薄批)，白汁海鮮焗飯，炸雞2件，再多叫小食拼盤。咁呢間個pizza底又唔錯嘅，咬落鬆化，夠多料，我之後仲叫多個細size芝士pizza，一樣都係好食，咁焗飯算合格，但炸雞同小食拼盤就真係差少少，特別係炸雞、春卷同咖喱角都比較失色，下次都係主力叫pizza算啦！

新蒲崗真係好多正野食😆呢間平靚正Pizza性價比勁高，尤其lunch set 簡直超級抵🤭🤭所以成日都爆晒場。。🥢Lunch Set : 怪獸多寶（茄醬）迷你批套餐 $60Lunch 自選Pizza只係$60。呢個套餐有Pizza + 飲品 ，一個迷你批都幾大個，份量足，餅底夠脆身，Pizza幾唔錯。。🥢Lunch Set : 千島海鮮（千島醬）迷你批套餐 $60：千島海鮮迷你批，海鮮幾多類，個人喜歡個千島醬底多啲，濃味啲再crispy啲。。🥢Lunch Set : 炒意粉套餐-黑松露磨菇炒意粉 $65：黑松露磨菇炒意粉🍝炒得惹味，黑松露香味+蒜片一齊炒，清清地已經好味，呢個餐仲配一款小食，我擇左辣炸雞🍗十分唔錯。。🥢招牌炸雞4件 $74：招牌炸雞亦係另一款招牌菜，外脆內嫩，味道香口，必點之選！