薄餅怪獸

营业中

休息中

係土瓜灣想食pizza真係只有phd或者pizza hut我地成日2大1細去食變左叫左食1個pizza已經試唔到其他野食Pizza Monster呢度可以揀6” 9” 12” size就番唔同人數去食2個人可以揀2個6”或者1個9” pizzaPizza款式超多選擇👍🏻但我地第一次試，所以打算試多d唔同小食千島海鮮Pizza餅底唔乾，厚底pizza好足料麻辣雞翼焗得唔錯，但麻辣醬唔太夾雜菌焗長通粉抵食之選都有好多款焗飯同意粉，唔貴仲包埋野飲我掛住食，有個青口薯蓉唔記得左影🤣1個pizza, 1個焗意粉，2個小食，2杯野飲埋單只係$200😌

當年係青洲街一次都未幫襯過，依家搬咗黎屋企樓下，又睇睇質素點先！睇睇個餐牌，提供嘅食品菜式同芝脆雞，芝味鳥等等相近.未講食品好唔好味之前，先要讚一讚店鋪係門口打咗盞燈，整咗個公司 Logo 照住店鋪門口不停轉，用風水學嘅剎吸引顧客，醒目！點咗個雜菜湯，怪獸多寶薄批，雜菌露荀長通粉，炸雞同磨菇焗薯蓉.欣賞：1, 小妹妹職員對產品好了解，我發問多多仍然耐心清楚解釋，服務態度唔錯，大讚！2, 我叫外賣自取，唔洗等太耐，十令分鐘完成.3, 自取有優惠.4, 唔係只有條狀意粉嘅單調，另有長通粉提供. 長通粉彈牙入味，唔錯.5, 磨菇焗薯蓉係最滿，外表系花型，入口唔會太濃太淡啱啱好，份量無偷工減料，滿意！6, pizza 薄餅底夠香脆，用料亦足夠.7, 俾街坊多一個選擇.有待改善：1, 無白湯或粟米湯等我中意嘅湯提供.2, 餐廳唔夠闊落.3, 飲品選擇太少.4, 炸雞最不滿！ 外表唔夠粉槳，太薄，所以唔夠脆, 雞脾肉乾身咗少少唔夠嫩滑.5, 依家好多餐廳都中意將雞脾下方D雞肉挑走，只要將D炸粉外皮移開就原形畢露！有無偷工減料一望就知！哩個情況同樣出現係薄餅怪獸，有相有真相.6, 雞上脾 size

見有新店開張，就去試下，原來都開左兩個月左右。內在環境裝修簡約且有西餐廳風格，位置距離恰當，都坐得舒服。下午茶餐算抵食，迷你批怪獸至尊都係$35配埋餐湯。見佢供應時間係星期一至五下午2:30至6點。論味道就好難比得上大連鎖店的Pizza，但都不過不失，食得到肉粒的香烤味道。仲可以任落芝士粉。$35咁抵，仲想點。非常飽肚！當埋晚飯都仲飽緊！雜菜湯都好足料，勁多蔬菜🥬！仲叫左個是日飯 - 蕃茄肉丸飯，都唔錯，都係$35。如果d飯唔太稔身就更好。見有其他食客食肉醬意粉，好大碟，下次可以試下。員工服務態度好好，好有禮貌，同埋有笑容，令客人食得舒服，值得一讚

曼克頓薄餅大批🍕$78 (下午茶)土瓜灣之友介紹咗好幾次☺️今日終於可以試吓啦😛但我決定拎返屋企食😉下午茶時段😎12吋大批，優惠價$78😜個批味道唔錯👌用㪵都足夠👍係略嫌覺得嗰底厚咗啲😁薄餅怪獸 (土瓜灣)土瓜灣馬頭圍道418號樂意居地下2號舖

見新開張，叫左外賣自取，屋企路程都無5分鐘，返到去食pizza係暖既，意大利菜湯難飲過罐頭，炸魚薯條無味既……自己整都好味過佢....唔係唔想支持小店，比番D心去做啦！

呢間之前都有係紅磡青州街開過當時覺得幾抵食 味道又唔錯😋今次我叫咗千島醬底 夏威夷薄餅🍕入面有菠蘿🍍蜜桃🍑清新開胃😂薄餅幾鬆軟😍BBQ雞翼 食落去味道甜甜地 上面有BBQ醬 幾好食😋意粉中規中矩 肉醬味道幾濃郁 仲食到一粒粒肉碎🤤

試業試吓新野點之奶嘢！一開始未抹枱叫人坐入去唔緊要但抹枱啲汁彈到我！？！算然後嘢食難食到不堪Pizza冇Pizza味意粉完全好似小學雞冇味嘅意粉（蒜蓉大蝦意粉）拼盤垃圾到全部野可以喺自己超級市場買跟住就咁炸完就算夠竟有冇用心去煮去買食材？！？！不可一不可再🤬🤬🤬🤬🤬🤬🤬🤬🤬垃圾到不堪唔使再試完！

見到新開張就入黎試下, 裝修乾淨企理. Order左個pizza同埋豬手拼香腸. Pizza水準真心一流, 豬手香腸啖啖肉, 會再返啅.最少80字. 打埋呢句就岩岩好夠數.

土瓜灣上路一向冇pizza食， 知道有間新pizza店開，立刻一行六人去幫襯。去到已經覺得不妙， 坐滿人之外仲有好多外賣員等緊攞食物， 見到店員做到頭暈暈。既然嚟到，即管坐低order食物， 總共叫咗四個小食兩個pizza一個意粉， 等咗大概45分鐘，第一個嚟到嘅係千層麵， 之後兩個pizza都到。 味道可以，又夠熱，份量足夠， 算係唔錯。四個小食包括焗雞翼，蒜蓉包，田園沙律及 炸蝦， 三催四請之下， 終於喺order食物後大概七十五分鐘後到齊😭。近門口一台客，突然之間和侍應理論，話到了一個鐘水都冇得飲。其實呢間餐廳好明顯係廚房出貨能力不足， 仲要接咁多外賣， 當然係順得哥情失嫂意， 結果大部分客人都是等好耐才有得食。總括而言，這間餐廳食物不錯，價錢亦算平，坐得都舒服，但係要等咁耐就真係有啲令人卻步。