薄餅怪獸

营业中

休息中

要發掘小店，一定要去未有地鐵通車既地方，今次由黃埔散步黎到土瓜灣，就見到呢間外表引人注意既monster pizza，餐廳唔算好大，但坐位都幾舒適!餐廳裝修有d工業風路線，牆身係水泥色，另外再有用唔同既size 既pizza 木砧板做裝飾，簡單得黎亦好突顯到食物既主題~星級夏威夷-細批 （$62）~細批係cut到心型size, 2個人食岩岩好，夏威夷pizza有洋蔥、菠蘿、水蜜桃、火腿、香草腸，表面焗到夠晒脆海鮮白汁濶條麵 （$57）~ 什錦海鮮份量夠晒足料，白汁味濃而不腬，每條濶條麵都好掛汁台式辣味炸雞/招牌炸雞 （$17ea）~2款炸雞，1款辣1款唔辣，雞肉嫩滑，外皮好脆，亦都保留肉汁，個人比較愛辣，覺得台式比較惹味!

餐廳的名字很特別，路過一次便記得了😆 難得放假在家，便和媽媽來吃午餐‼️ヽ(✿ﾟ▽ﾟ)ノ▫️小店的好處就是餐廳可以自己控制到食物的份量👌🏻 就算一個人來，也有一人份量的套餐‼️👍🏻▫️$𝟲𝟮 夏威夷迷你批🍕 很特別的愛心造型❣️ 夏威夷薄餅的餡料主要有菠蘿、芝士、蕃茄醬及火腿‼️它的餅皮是我喜歡的鬆厚批👅 外酥內軟的餅皮是很實在的澱粉質😆 菠蘿很Juicy，配上濃濃的芝士、酸酸甜甜的蕃茄醬，好吃👅▫️$𝟯𝟰 烤雞x2 (檸檬蜜糖味)🍗 烤雞的外皮是充滿亮澤的金黃色✨ 皮脆肉質鮮嫩多汁，就算是雞腿肉也很滑嫩‼️🤤 我們怕會膩所以選了檸檬味的醬汁，檸檬加上蜜糖那酸酸甜甜的味道不但中和了烤雞飽足感，還愈吃愈開胃‼️😆😆▫️ $𝟱𝟰 白汁吞拿魚長通粉🍝 吞拿魚的份量不少，差不多覆蓋整個通粉😋 熱騰騰的長通粉吸收了香濃的醬汁，我還私自加了芝士粉，好邪惡‼️😈

今日星期日同呀妹去左屋企附近搵野食，土瓜灣區一向係文化沙漠，我地又唔想幫襯連鎖舖頭，咁岩行到小學舊校附近，發現有間pizza店幾有人氣，等左5-10分鐘先有位最出名一定係6吋心型pizza，pizza 餅底係小店每日新鮮手製；我同呀妹要左最經典既星級夏威夷pizza($62)，pizza新鮮熱辣辣，調味十足，而且係厚皮，食落香口鬆脆，份量適中，兩個人食岩岩好！不過全場最驚喜一定係小食檸檬焗雞($32)，加左檸檬汁落雞件度食得出烤肉鮮味，不會太油膩 ，推薦！海鮮闊條麵($57)白汁豐富，食落唔乾，每條麵都好掛汁

薄餅好食之處，就係饀料、醬底，按食材配搭而有所變化，而且又係即叫即做，新鮮出爐的薄餅，焦香香氣，真係會讓人饞涎欲滴 今日行經土瓜灣馬頭圍，見有間門面相當吸引，價錢亦算親民的薄餅店，就決定入去試下 「薄餅怪獸Pizza Monster」雖然鋪頭細細，但呢度的pizza餅底，係手製同每日新鮮製造，對煮食的認真，真是一啲都唔「馬虎」怪獸多寶6“批～有洋蔥，青椒，辣肉腸，火腿，蘑菇，菠蘿，牛肉，豬肉，配蕃茄醬底心形厚底薄餅，餅面鋪滿芝士，餡料，夾起有拉絲效果，口感中間非常軟綿，而餅底就好脆口，有焦香香味，全部饀料一啖入口，有芝士、辣肉腸、火腿、肉的咸味，磨菇獨特香味，再加上菠蘿、蕃茄醬的甜酸味，層次豐富，非常美味 檸檬蜜糖雞翼～雞翼表面焗得焦香，檸檬味唔重，入口肉質嫩滑 juicy

平日放假就最開心，唔洗同人逼之餘，可以他他條食個lunch，Chill下，忙還忙#metime都好緊要的，約埋閨蜜一齊放假嚟嘆個滋味既下午😌🌟田園沙律配蒜蓉包 $51🌟先食個沙律開下胃先😋沙律揀咗日式芝麻醬，麻味香濃👍🏻蒜蓉包熱辣辣的，香脆可口，先墊墊個胃，之後再食main course😌🌟炸雞肉醬意粉 $53🌟上枱時，忍唔住就先食炸雞😅要襯熱食先好食，炸雞皮脆肉滑，配埋肉醬意粉一齊食，口味不會過於單調乏味🤩🌟肉丸拼香草腸 $58🌟再叫多碟肉丸香草腸，同朋友嘆住杯凍即磨咖啡，傾吓計咁過咗一個輕鬆愉快既假期😍下次放假再嚟要試埋佢哋既招牌Pizza先得🤩

今次嚟到土瓜灣搵嘢食，呢間真係土瓜灣街坊小店，可以幫襯下架😗😚·✨夏威夷心型薄餅🍕 $62薄餅尺寸分三種，6寸、9寸同12寸，但心型就只係得6寸選擇呀，心型pizza連盤都係心型呀❤️夏威夷🍍🥓姐係菠蘿火腿（我諗唔洗講掛🤣）Pizza底夠厚，芝士🧀夠多，不過餡料可以再豐富啲·✨煙鴨胸焗意粉 $54煙鴨胸有六塊到，都算多嘅🤓意粉份量多煮得適中😚意粉唔夠多汁，汁都冇咩味，食落較乾🤔·✨惹味檸檬烤雞🍗🍋 $17一隻一上碟就熱辣辣，識食一定食埋雞皮，好惹味，檸檬汁唔太酸，甜甜地幾好，雞髀夠哂嫩滑😝烤雞除咗檸檬味，仲有麻辣味架🌶另外炸雞望落都好吸引🤤烤雞需時30分鐘，但實際10分鐘左右啦，比其他食物等耐少少🤏🏻·🌟住土瓜灣嘅街坊可以食下呢間小店，味道質素ok，價錢算公道，推介薄餅同埋烤雞😆😆

土瓜灣咩美食都有，連鎖店又有，小店經營嘅都有。今次同屋企人試吓呢一間難得唔係連鎖店嘅Pizza店：怪獸薄餅。之前已經同朋友試過㗎啦，都覺得好抵食，而且都好多後生同有小朋友嘅家庭去幫襯。入到嚟，疫情期間，呢間餐廳都做好防禦措施，有量體溫，而且都有隔板，亦都有酒精提供。令人食得安心，食得放心。我哋叫咗一個意粉，一個pizza，兩件炸雞，一湯，一飲品。兩個人來講啱啱好，仲好豐富，都只係一百幾蚊，真係超值。Pizza好軟熟，而且材料好足，餅皮唔會覺得太乾，好鬆軟。仲要係做咗心形，好有特色！炸雞方面，同平時連鎖店嘅好唔同，睇落好新鮮炸皮，唔會太厚。識落熱辣辣超正，調味唔會太重，剛剛好。仲要係$17一件真係好抵。至於意粉方面份量都好大，滿滿嘅芝士鋪咗係面然後拎去焗，煙鴨胸都好夠厚，好香。兩個人食真係好飽啊！以後喺土瓜灣我唔會叫連鎖店Pizza，一定會幫襯呢間小店，因為又夠抵，仲要好食好多😋大力支持！

土瓜灣舊區隨住地鐵站發展，愈來愈多高既店開系呢區，選擇又多左👏🏿。【星級夏威夷】$62/6”有千島醬既pizza都吾會差得去邊，呢到既pizza都系厚底，勝在即叫即焗，好香脆。有菠蘿、蜜桃、洋蔥、香草腸同火腿，菠蘿都嚇怕意大利人，今次仲加埋蜜桃，吾知佢地有咩反應呢？我就覺得菠蘿蜜桃同千島醬勁夾，加埋鹹香既香草腸，超級match。【檸檬蜜糖雞翼】（半份）$29/4隻檸檸酸中帶少少甘澀，加埋蜜糖，吾會好甜好溜，好開胃。【海鮮焗闊條麵】$57份量勁多，兩個女仔食叫一客意份一個細批就好夠

難得有個空閒既星期二🤣黎馬頭圍行陣街同隻朋友仔嘆下Cafe啦☺️田園沙律配蒜蓉包沙律夠哂新鮮爽口之餘🤤🥗爽口之餘配千島醬拌食亦增添Creamy口感☺️而配襯焗到香脆既蒜蓉包🤩🥖啖啖蒜香濃郁🧄🥖葡汁海鮮焗飯芝士海鮮夠哂足料之餘🧀🤤配上濃香葡汁亦係幾好配搭😛有埋炒飯底既配合味道亦係幾夾😋檸檬烤雞 & 雞翼雞燒得好香夠入味之餘🐔🤤唔會燒到太乾身😆🔥肉質夠滑嫩之餘亦夠哂惹味☺️配檸檬汁一齊食亦係好好配搭🤤🍋

今日嚟土瓜灣，一落巴士行見到呢間餐廳有Pizza食, Lunch set好抵，一於試下。揀咗肉醬意粉, 大大碟，連肉醬嘅份量都好多。旁邊仲有沙律菜😍「招牌炸雞」真心推介．超好食，外皮勁脆，熱辣辣...重點係雞肉又滑又juicy👍🏻👍🏻👍🏻迷你pizza,好靚，心心型，舖滿厚厚嘅芝士，好鍾意食呢種厚厚口感嘅pizza🥰連餐湯都好香濃足料，食完埋單，外面已企滿人等位。真心推薦...好食過出面連續式經營嘅Pizza店及炸雞快餐店好多👍🏻

早幾日睇咗電視介紹牛棚藝術村，於是約朋友行吓，咁行完之後都要搵嘢食嘅，沿住馬頭圍道行行吓，就被『薄餅怪獸』個名吸引到，而朋友係喜歡食pizza嘅，二話不說入咗來。鍾意Pizza嘅朋友就叫咗個62蚊『星級夏威夷(細批)，同平時嘅圆形pizza唔同，佢係個心型pizza，外型好靚，好吸引，因為從未見過，亦好彩唔係同另半來，否則一定唔捨得食，材料也多，有火腿，菠蘿，洋葱，蜜桃，仲有好味嘅香草腸。炒意粉套餐就有『辣海鮮炒意粉』同埋普通炸雞食。一隻雞脾唔够2人食，又嗌咗17蚊一隻嘅『辣味炸雞』，幾實惠，外皮炸得好香脆，入邊仲係好juice的雞肉，再加D辣粉，yummy.

正正係屋企樓下嘅薄餅店，之前已經好想試吓今日唔想煮飯，同男朋友兩個落咗樓下間舖頭試吓，除咗Pizza之外叫咗一個沙律同烤雞件田園沙律都幾大份，沙律菜都幾新鮮，爽口之餘而且好多芝麻醬蒜蓉多士屬厚身麵包，焗得香香，食落麵包麵幾鬆，不過如果可以再燶啲會更好😆見到佢呢款檸檬味烤雞比較特別，原來配上嘅係檸檬片，先將檸檬片檸檬汁壓成汁烤雞皮薄而且整得都幾Juice，切開雞下髀仲有肉汁㗎，雞皮下面嘅脂肪唔多，而且用上檸檬汁關係，食起上嚟帶點小清新，估唔到感覺又唔錯啵最後介紹的款夏威夷薄餅，6吋薄餅細細個，份量唔多，啱晒兩個人份量，而且鍾意食厚皮嘅人一定會好鍾意，佢哋嘅薄餅係厚批，新鮮熱辣焗好嘅薄餅皮邊軟身，而且芝士份量剛好，食落唔會覺得太多好膩，真心唔錯整體而言呢間舖頭嘅嘢食都唔錯，特別係薄餅新鮮熱辣食，好有驚喜！鍾意食厚批嘅人千祈唔好錯呀

土瓜灣薄餅小店「薄餅怪獸」主打街坊生意，食物選擇多，價錢又親民，頗受附近的居民和學生歡迎。餐廳於午市時段提供多款特惠套餐，五、六十元便可品嚐各種組合料理，非常實惠。餐廳的手製薄餅餅底每日新鮮製造，誠意十足。加州風情迷你批餅底被塑成心形，蠻有心思。薄餅上鋪有洋蔥、粟米、火腿、菠蘿、千島醬，材料豐富，味道濃郁。另外，批底又鬆又厚，很飽肚。餐牌上標示烤雞需時30分鐘，但實際等候時間其實只有大約10分鐘，上菜速度快。烤雞有麻辣味、檸檬味兩款。今次點的雞腿上加了辣椒醬後香口惹味，同時亦吃得出烤肉香，好吃。

自從搬左之後就無返過去土瓜灣呢個充滿回憶既地方，今日lunch time我專登早左殊出去由九龍灣搭巴士過去搵個舊街坊朋友食飯🙊佢介紹左呢間製作好有誠意既Pizza小店～我地大約１２點半去到，差唔多坐滿晒，好多家長帶住岩岩放學既仔女黎食晏😀我同朋友叫咗一個蕃茄醬底既怪獸多寶，set lunch 肉醬意粉配炸雞，跟餐飲羅宋湯～Pizza餅底係舖頭自己每日新鮮人手製造👍 偏厚身得黎好鬆軟，條邊仲焗得好脆👏 雖然係迷你批但係好足料，啲料舖到滿滿而且有一定厚度😁Set lunch 勁抵食😮 $50都唔駛，有五六款是日午餐揀，仲跟一件薄餅/蒜蓉包/炸雞/薯條兼送埋飲品👍炸雞外皮香脆，裡面嫰滑，抵食兼好食😋意粉煮得啱啱好幾彈牙～ 羅宋湯入口偏酸，略嫌稀咗少少一般人食pizza都淨係會諗到啲連鎖pizza店，其實發掘下啲用心製作既小店都唔錯呀👏

有街坊報料的土瓜灣美食，是性價比高的批蕯、炸雞，這天，來吃頓下午茶。批蕯、炸雞絕對合襯。小店午餐、下午茶也有供應。心型批蕯，本店馳名，具話題性。當然，也有意粉、焗飯、小食炸物，滿足不同食量、口味的食客。下午茶，來一客熱狗薯條。肉醬熱狗🌭️麵包烤得香脆，沒隨時間流逝而軟掉。芝士與肉醬調味得宜，恰巧能鋪滿整根熱狗。炸薯條🍟金黃誘人，略嫌軟稔。雞翼控，必點雞翼，吃雞翼是另一個胃。來半份，甜酸雞翼。把雞翼煎香封肉汁，灑上檸檬汁與蜜糖。甜蜜蜜中帶檸酸，雙重的味覺刺激。店員私心推薦炸雞🍗台式辣味炸雞。果然，沒介紹錯。是一塊，令人感動的炸雞。炸得香脆可口，雞肉嫩滑，絲絲分明。炸雞上撒辣粉，適當調味。