影片
食记 (44)
其实呢间餐厅同椰林阁系同一集团, 质数应该都系差不多, 所以期望唔高, 只求填饱个肚, 果然不出所料.................星期日晚六点半, 晚饭时间开始, 呢度已经坐咗1/3有多, 但仲有几张卡位, 我地咁啱坐响睇到佢地整餐包同餐汤的范围, 望落都算干净.............叫咗2个set dinner转特饮, 但要额外加$8/杯, 其实冻饮本身已经要加$2, 我地加多$6就有特饮, 计落条数好似好抵, 其实餐厅老板就最抵.......... 餐汤为咗唔想咁饱, 所以选择咗红汤, 佢唔系好辣, 都有好多什菜, 但只饮到茄膏味......... 餐包上枱前系会叮一叮, 令佢暖暖地, 好似新鲜d, 其实咁样都好, 叮一叮又可以杀菌, 又林d, 而佢d牛油因为就咁放响度, 所以溶溶地, 不过咁样仲方便涂落个包度tim~~~ 酥皮龙脷柳拼吉列虾配薯菜见到个名好似几特别, 所以就叫咗呢个餐, 但所谓的酥皮龙脷柳, 其实系煎好块龙脷柳, 然后铺块酥皮上面再焗, 只系得面果层, 仲以为佢会用块酥皮包住哂成旧鱼tim~~~ 块酥皮又唔酥, 林的, 只系比旧皮的质地实少少..............点埋个忌廉汁真系好漏.............. 鱼已经得半条, 估唔到虾都系得1只................只虾其实本身好细条, 只系炸粉厚, 望落好似好大只咁, 应该系食寿司果d甜虾, 好彩佢个吉列炸粉都唔错, 炸得几脆............ 薯条反而唔错, 热辣辣, 脆卜卜 伴菜都ok, 有炒过, 有调味, 唔系白焯............... 红酒什菌汁西泠扒配饭 唔系好记得个名系咪咁, 类似系d咁嘢, 其实即系茄汁...........个西冷本身好细块, 而且切走埋d筋同肥膏, 其实系冇乜嘢食到, 佢个肉质唔知点解硬系怪怪地, 切落似用苏打粉之类乸过, 但食落又好un, 好似咬紧旧胶咁, 咬咗好耐先吞到............ 个饭竟然唔系白饭, 而系有茄汁炒过的, 不过炒得唔匀, 好多白饭lor~~~ 其实佢炒完同白饭冇乜分别, 都系冇味, 冇饭香............... 冻焦糖特浓朱古力唔觉佢特别浓朱古力味, d焦糖一定要搅匀, 如果唔系饮到底就甜死...........成杯嘢饮感觉好似哈根大师新出果只雪糕咁味, 只系溶咗咁解~~ 冻香橙热情果梳打又系唔系好记得个名, 因为唔系我点的, 反而呢杯几好饮, 好解渴, 唔会好甜, 有d果肉同椰果粒, 梳打又够气, 爽呀~~个餐纸上写明话珍惜食水, 所以唔会主动比水d客人, 但当然你可以要求啦~~ 唔好以为d待应唔比水你系唔理你呀!!
继续阅读
星期日夜晚唔想煮, 落街求奇揾间食~其实蕰莎都系我同家人经常来吃下午茶的地方, 贪佢近,方便, 坐得又舒服~ 平时星期日晚都要等位, 唔知点解今晚咁少人等, 直行直入~ 冇乜特别, 但都好足料~难饮到爆~ 好似超甜药水+啫哩粉味~ 酥皮如果可以再脆D就好D啰~ 薄饼系脆, 鸭胸好多汁, 夹埋一齐食, 好味~ 再加埋烧烤酱仲惹味~ 不过要小心食, 汁会滴得好紧要~ 呢份系老公叫, 蚝我冇食, 试左少少牛柳, 牛柳比起DADDY'S KITCHEN好味, 最起码呢个都有牛肉味, 而且软滑稔~ 炸软壳蟹冇乜特别, 都脆, 但油左少少, 牛柳都稔, 都有牛肉味, 但唔够铁板果块咁稔滑~ 食物就冇乜问题, 以前侍应都会等你坐低后, 放好餐纸及餐具, 但而家每枱都会有个小篮放刀叉匙, 客人自行拎来用~ 又见到洗碗姐姐走出餐厅楼面, 拎住个大盘收拾碗碟刀叉, 到底系咪政府要实行时薪$28, 令餐厅炒左人, 每个员工工作量就多了呢??! 呢个问题漫延到生活中边个阶层呢??!
继续阅读
11点几,同BABY一齐0黎依度食野.BABY话两三年前成日0黎食,好耐冇0黎依度,哈,当陪佢0地嗌0左个LUNCH SET 有汤有餐包有杯野饮芝士白汁龙利柳饭,有好多芝士,但点解同我上次食果个什菌意粉差唔多= =''个饭SET本身就$43 ,因为叫0左个特饮,所以盛惠$48,其实我上次0黎0左之后都冇打算再0黎,但其实0的野食味道都唔错的希望下次再0黎时,会更好啦^^
继续阅读
同家人谂住转下地方食野~点知...星期日预左等位...好彩都唔系等左好耐...不过带位既姐姐口upup兼黑晒面咁带位..已经唔系好顺眼﹗三个一..一人嗌一个set...点餐举手示意系无用既(因为..d待应焦点只得一张台...锁定左第二张台既野行过就算, 当见唔到)要在待应经过加重d既声线佢先会应你﹗我同妈咪都系嗌黑椒鸡扒配牛肉肠..只系一个跟饭一个跟意粉﹗先讲跟饭果d配菜...有"叔"味...到跟意粉..d意粉冻既又硬...好彩daddy个焗饭正常d..点餐饮...三柸热茶、啡可以等成十分钟？搅乜呀？.天气已经热...竟然响入面食野可以一路流汗既...妈咪忍唔住对某位待应妹妹说︰lee度咁热既，食到出晒汗...待应妹妹回应︰系呀~中央冷气丫嘛﹗心里面爆出一个字"顶"...lee间野完全要bad list呀﹗
继续阅读
本身自己系住马鞍山果头.因为系学生出街都唔系太多钱食饭.大约每日饭钱$30-40左右.1直见温莎个样ok高级.以为好贵.但系原来唔系学生餐$30埋单.又大份wo.自己1个食唔晒-,-"我食左龙x柳饭.ok好食又饱-33-值得1试.
继续阅读