薔紅宅急便

营业中

休息中

薔紅宅急便今次要介紹一間喺紅磡崇志街有一間開咗差唔多有五個月嘅排隊王餐廳叫「薔紅宅急便」，入到餐廳入面見到人山人海，門口就有好多等著禁點餐機嘅人，呢間餐廳最出名就係金牌脆皮燒雞，幾乎每枱都會叫一隻嚟食！餐廳門口有一小級，輪椅人士如果要入去食嘅話，要自備斜板，入面大約有50張枱，只要有時間等入座嘅話，就會有啱你嘅枱坐低食啦！1.金牌脆皮燒雞$68+日本米飯$10+凍奶茶$13+羅宋湯$8（9.5/10）呢隻金牌脆皮燒雞係原隻上，一切開入面肉質流哂出嚟，佢哋係用咗三斤重嘅三黃雞，平時出面買一隻三黃雞差唔多都要接近$60，仲要係未煮，依家燒埋比你真係抵好多，咬落肉質非常嫩滑，仲可以加$10配埋日本米飯，加$8一碗羅宋湯，羅宋湯入面牛肉非常多，味道唔會太酸，只係牛肉有少少韌，飲品揀咗加$13一杯凍奶茶，奶茶好滑，茶味濃咗少少！2.香脆豬扒炒滑蛋豬仔包$30+凍紅豆冰$15（10/10）呢個香脆豬扒炒滑蛋豬仔包入面配料真係好豐富，入面有豬扒、炒滑蛋、芝士、蕃茄、生菜、酸瓜等等，飲品揀咗加$15一杯凍紅豆冰，紅豆冰冰識食一定食紅豆淋唔淋，呢間餐廳煮紅豆煮得好夠淋，無一粒紅豆係生，非常正！3.雪花六

始創店在灣仔的烤雞餐廳,平民化是這餐廳的角色,開始在其他地區有分店是食客的福祉,在紅磡的工廈寫字樓區開店,正是平民食堂,相比份量,價格一點都不貴,重點好食,雖然今次只是試了烤雞,嫩滑多汁的烤雞,加埋薯條及香水檸茶,雖然93蚊,但真的很大份很飽,旁邊有食客點其他餐點都絕不稀場,份量唔野少,很想知道點解OL,寫字樓人都可以食得晒😅😅但要提提,平民餐廳,服務自助,自助落單,自己攞餐,茶水自便,唔可以叫無服務,係服務的重點不同,午市要排隊等位,唔趕時間的自由人可以揀午市後段過來幫襯,另外值得一提,下午茶價格更吸引!呢家除了紅磡有分店,好似係元朗,佐敦都有分店,想食前搜尋一下有冇一間係你附近!

薔紅於紅磡開近四個月，終於與朋友一起去試下。原來下午茶至5點半，5點到的我們一定不會錯過呀😂!  當然，出名的燒雞亦一定要試😍，原來最近做特價，半隻雞原價$88 ，現特價$68👍。另外，亦叫了鐵板美式雜扒。餐很快出場，原來自取的😅。雞吸晴，看了皮脆肉嫩，果真是招牌菜😋😋😋😋😋，juicy; 惟額外加的沙律就.....，最怕沙律醬一大pat 的那種，該店的正是這樣😅😅😅😅😅，朋友捱義氣啃掉。至於鐵板美式雜扒最不及格的是雞扒，既乾又柴😖。配的黑椒汁其黑椒味道亦不夠香濃，反而近似燒汁。出奇地豬扒不錯，厚身亦不硬👍。原來免費不甜的檸檬水很不錯，香👍，下次不用加$買飲品了😆。下次試下豬手和香脆豬扒滑蛋豬仔包🙋‍♀️，期待😄。

一去到，店員叫我哋入去搵位坐住先，點知原來搵完位，要出返去舖頭出邊嗰部點餐機嗰度點餐比完錢再入返去舖頭等叫籌號。 咁點解唔直接比張QR code人哋用電話落單呢？呢樣野已經令人感覺好奇怪。等到叫籌號又要自己出去捧餐同拎餐具，總共叫咗脆皮牛腩，豬手同埋燒雞。牛腩同豬手都有啲乾，係個燒雞都還可以幾嫩滑。不過價錢都唔算平，$88半隻雞跟一份主食。嘢飲同湯都要額外加錢買，加咗$8要個羅宋湯。羅宋湯都幾大碗質素正常。不過$88都唔跟湯同嘢飲，服務又係得快餐店嘅質素，總而言之，試過就算。

黑色燒雞 又濃 未食過咁差 成隻燒到黑色 過哂火 冇下次 垃圾 外賣就可以咁？都忍唔住開番個陳年A/C黎出post 真係衰到冇人有 建議要食既都堂食 可以即換 D垃圾頭頭尾尾下欄比哂外買

紅磡薔紅， 一路食開灣仔總店都幾好，見紅磡開左分店就想試試。剛開時68蚊優惠無了，點單等5至10分鐘就有得食。個樣幾靚，皮夠脆，本來有點期望，但食落同灣仔總店爭d，感覺調味爭少少，又唔夠灣仔嘅嫩滑，不過整體算合格嘅。跟餐意粉直頭係難食，灣仔個意粉本來係我必點的。見好似無黑椒豬手，下次可能試埋個炸豬手，雞就未必了

見紅磡開咗就去試吓，自助排隊買飛時見到必食推介鐵板至尊牛肉眼扒，反正灣仔就成日食燒雞，一於試新嘢，取餐後坐低試吓點樣係必食推介，首先張相明明鐵板上兼有隻蛋，但冇囉，而且不是一塊完整嘅牛肉眼，一嚿嚿咁，切落去生嘅兼且係微暖，食幾啖已經放棄，一句講晒，不會再食鐵板至尊牛肉眼扒，都係食番燒雞算把啦😫

10年前開始食灣仔薔紅，雖然由HKD68吃到現在HKD88, 質素也有所下降，依然不改它是我心目中性價比超高的燒雞之一。知道它開來紅磡，當然要來賀一賀。不料經營一改茶餐廳模式，一定要在門口點餐機點餐，等叫號自己取餐。也罷，點餐機卻連著一部很小的pos,幾個客人之後就沒紙了，連付款也做不到。 大家樂的表面，卻又做不到大家樂的精粹。8時半last order入座，很快我那不熱的脆皮牛腩就吃完了。一直等到8點55燒雞才上來。很大一隻，不是灣仔的春雞。還幸是薔紅水準，新鮮出爐，皮脆脾滑。惜9點關門，不可以太遲來吃哦。

聽聞紅磡開咗分店，開業期間$68就得食燒雞但今日去到已經變返$88🥹不過無阻我想食嘅慾望😂兩點幾去，等一陣就有位，但要去門口自助點餐有啲唔方便金牌燒雞$88燒雞熱辣辣好juicy會有少少油，所以都係配飯會好啲薔紅金牌炒飯$58炒得都幾香，粒粒分明，可以一試

叫咗個鐵板牛扒嚟都唔係鐵板，味道普通，牛扒鬆肉粉鬆到爛曬，似食緊老人餐大家睇圖片就會知道，68蚊貼返牛扒餐完全違反商品說明條例，食過幾次灣仔薔紅都係食燒雞，味道幾好味，睇嚟食呢間都係食燒雞，其他叫都係中伏。

土瓜灣區少有平價高質嘅餐廳，燒春雞好嫩口個皮好薄好脆，配搭嘅意粉加咗茄汁都唔錯，我老公就跟沙律，不過就話個沙律麻麻哋，但特別想讚下杯凍檸茶好好飲，檸檬味特別香，臨走先睇到個餐牌原來係叫咩爆香檸檬茶唔錯唔錯👍下次想試下佢哋D咖喱好似好正咁，就咁睇餐牌睇得出佢哋啲食物都用心製作，係會想再去食嘅餐廳，同埋喺土瓜灣區嚟講價格算係好平😂

今日難得大概4點9到鋪仲有豬手賣，即刻就撳啦，但完全唔理解，喺鋪頭撳完機，俾埋錢，喺門口等咗10分鐘之後，店員先慢慢走出嚟同我講冇晒豬手。吓？派咗俾堂食之後唔派俾外賣？廚房無貨出面唔知？每日入貨唔知賣到幾多？定係出面套智能系統唔夠智能定係低能？咁不如唔好用出面套系統啦，定係要店內整個系統要檢討一下？幾次嚟到都無豬手食，咁會唔會檢討下加多少少貨量？之後門口姐姐問我轉食咩或者退錢個陣，係咁sell我食燒雞，我已經好清楚答咗轉做酥炸牛腩飯，之後仲再問多一次我食唔食燒雞，想點？啲雞唔好賣咩？無下次，廢事買個外賣都要咁谷氣，反正周圍都大把選擇。祝你好生意啦。

以$68半隻燒雞價錢，燒雞算是很不錯的。至於隻炸豬手，皮微微脆，但肉質嚡到衰過煲湯肉，唔知點解d肉係黑灰色的，見到唔係好敢食，食咗兩啖就算了！黑椒汁怪怪哋，有孜然粉嘅味道；薯仔有炸咗好耐翻炸比我嘅感覺。朋友對羅宋湯有要求，飲咗一啖就唔肯再飲。見到隔離枱嘅脆皮牛腩，多口問了一句好食嗎？答案是「麻麻哋，食雞好d」總結而言，經過試吓燒雞無問題，其他嘢不要帶有太大期望。侍應態度良好的，可惜全部都要自己自助購票兼取餐，侍應態度幾好都似乎無乜作用！！

牆虹炸雞喺灣仔應該冇咩打工仔唔識，終於九龍區嘅上班人士都可以品嚐到新鮮脆口炸雞喇！新開嘅牆紅位於紅磡內街內，比較唔易搵到，但牆紅門口唔難搵新logo隻宅急便肥紅份外cutie、用粉紅+黑色做主題～平日嘅下午茶時段餐廳都唔少人，新餐廳走自助路線，喺門口點餐機買完就可以入內慢慢等食！出餐時間唔錯，3-5分鐘就有得食！今日試咗馳名炸雞餐外脆內軟滑～ 平時唔食皮嘅我都破例食埋雞肉超級juicy～ 但薯條略嫌炸得唔夠靚，可以改進埋就完美！雖然我飲咗熱檸茶，但見爆打檸檬茶都好吸引，下次必試

今天大約下午二時半吃下午茶，我們兩大兩小，叫了兩份燒雞和薯條。當時門口有少量客人排隊，等約5分鐘後有位。店面自助售賣機購買，類似麥當勞使用的售賣機，取得號碼入店等候，然後自己取燒雞，可用八達通信用卡付款。在店內等候約5分鐘燒雞完成。店舖座位乾淨，可自動添醬汁，提供手套濕紙巾。燒雞賣相吸引，外脆內嫩多汁，可自己添加咸度，有華鹽和泰式甜醬。套餐可選薯條，茄汁意粉或飯。基本上成人食完成隻雞都會好飽。唯獨飲嘢熱飲加$8，凍飲$13 。有點貴。