薔紅宅急便

营业中

休息中

家人介紹九龍區嘅烤雞好食，原來元朗都有分店，特意嚟試吓，先講結果，後繼冇想像中咁好食，可能之前食過更好食嘅烤雞，這家的烤雞就不是新鮮去國際，因為相信時間成本都不用去，係有做到保溫的，亦都有提供手套方便享用。不過烤雞嘅味道就冇乜味，相比雞胸，雞腿會比較滑，對我來講，試過一次就夠啦。另外叫咗手打雀屎檸檬茶，感覺有啲似維他紙包裝的雀屎檸檬茶，我就不太討好。反而朋友叫嘅炸腩仔配咖喱汁係幾好食，呢個就真係值得推薦👍🏻可能係啱我個人口味，朋友都覺得好食。

位於灣仔的極具名氣的燒雞店終於在新址元朗開店，終於唔洗過海先食到！店內名物主打平價脆皮燒春雞，一樣有質素！Menu主食都有頗多選擇！脆皮燒雞選用3斤重的三黃雞，即叫即整，經過配料醃製及燒烤後雞皮外皮酥脆，肉質是爆出來的；而且都十分厚肉！上枱時雞味香氣撲鼻！燒雞亦可加配白飯，茄汁意粉/薯條；加配後的價錢都十分合理，每個餐$88左右，好抵！金牌咖喱牛腩飯咖喱醬濃郁，帶有微微辛香，完美融合港式風味與日式咖喱的，配飯一流！牛腩炆得軟硬適中，值得一試。

😍環境簡潔乾淨，座位唔算太多，見到有好多外賣單！今次同朋友試佢哋嘅招牌菜，真係驚喜連連！✨金牌脆皮燒雞 🐔枱枱必點！三黃雞皮脆到「啪啪聲」，肉質嫩滑多汁，仲有肉汁流出！🤤配粗薯條熱辣辣，超滿足！脆炸酥皮牛腩🐮牛腩外皮炸得金黃酥脆，咖哩汁香濃唔辣，牛腩軟腍入味，配日本飯好有中西fusion嘅快餐風味！🍚飯粒軟硬適中，吸晒汁超入味！薔紅嘅燒雞同牛腩快餐級數但有驚喜，夠快夠抵！💖日本飯配牛腩真是一個絕配！想即刻食好嘢，呢度啱晒！

🍗 元朗篇 · 薔紅宅急便（Rose Food Delivery）🔥做完gym醫肚首選！夠飽肚又好味，平靚正之選！同老婆放工後去完健身，兩個人都餓爆，搵到呢間喺元朗好近嘅高性價比小店。叫咗脆皮燒雞＋豬扒炒滑蛋包＋肉醬意粉＋兩杯手打飲品。成餐食到飽晒，重點係每樣嘢都出乎意料地好味！🍗雞隻皮燒到脆卜卜，金黃色超吸引，惟我哋健身中，只好含淚走皮食雞肉🥹 幸好有提供泰式辣醬，少少辣味啱啱好，調味一流！🍝意粉係驚喜位！肉醬夠濃郁，茄香足又唔死鹹，麵質彈牙，唔係求其貨！🍔豬扒蛋包脆卜卜，炒蛋滑，配埋芝士香口到癲！🧋手打香水檸檬茶同無糖可樂都有少少特別調味，飲落唔死甜，解渴一流。📍餐廳資料：店名：薔紅宅急便（元朗店）日期：2025年7月7日消費：💰$157 / 2人🍽 餐點：•脆皮燒雞（配沙律）•香脆豬扒炒滑蛋包配肉醬意粉•手打香水檸檬茶•手打香水檸檬無糖可樂💑 情侶位推薦指數：🌟🌟🌟🌟夠飽肚又夠滋味，做完gym拍拖醫肚啱晒！#元朗 #元朗美食 #脆皮燒雞 #香港情侶 #放工必食 #元朗餐廳 #開飯熱店 #性價比之選 #拍拖好去處 #香港打卡 #香港餐廳推介 #肉醬意粉 #健身後醫肚 #食得飽 #e

上年去過灣仔本店食，燒雞即叫即炸，一來到熱辣辣皮脆肉滑又juicy，所以見到元朗開左即去幫襯！可惜事與願違，我地QR code 一落完單 ，個雞就即時比到我地，堂食嘅我地，以為可以食到鮮炸嘅雞啦，點知個雞皮凍嘅… 灣仔嘅係戴住手套撕雞都熱到辣手架… 而元朗依間，好明顯雞是一早炸定，而且都放左出來幾耐下，無保溫。雞皮韌而不脆，只有油沒肉汁，加十蚊要嘅薯條仲離譜，係又凍又硬架！ 其實咁樣收我$88，我無諗過水準會咁差，差過一般茶記，人地至少食隻炸髀都會熱，而佢同大家樂大快活嘅做法一樣，一早炸好晒夾比你… 但人地起碼薯條唔會無保溫擺到掉得嘅程度都夠膽$10賣比人，性價比好低哦！我就一定唔會再幫襯，元朗太多好嘢食啦，搞到我亦都唔敢試其他薔紅嘅分店，伏一次永記於心，食炸嘢quota 有限呀，不想隨意浪費…

表弟介紹去食烤雞，等了接近半個鐘才有得食，一家四口叫了五份食物。咖喱炸牛腩，薯仔只有兩塊，但味道很好。炸牛腩很脆一點都沒有肉膻。烤雞半沙律不錯，肉質細嫩。肉醬意粉做得比預期好，沙律菜沒有黃，豬扒炒蛋包的豬扒不肥，炒蛋不算超滑，入邊有脆瓜生菜蕃茄樣樣齊，調味不俗。點了麥精紅豆冰不太甜，豆亦淋。涼粉奶茶很大杯冰，維他奶紅豆冰少冰也大杯冰。吃到最後吃不完，要叫外賣飯盒打包，一個女生根本吃不完一份包餐，下次去可能會點雞。環境坐得很窄，食物OK，外賣更便宜。

好耐之前已經聽聞灣仔薔紅出名脆雞。近期薔紅不斷開分店，方便左好多。今次黎到元朗分店，當然要嗌最出名既脆雞，係半隻雞加少少沙律菜伴碟。一上枱真係好熱，要小心燙手！雞皮好脆，肉好滑唔乾唔鞋，果然名不虛傳，食晒半隻都已經好飽。有膠手套不過都易穿，呢間分店無紙巾抹咀，得濕紙巾抹手。關門時間都比較早，可能太受歡迎賣晒。店員話可以提早打去問同埋留貨。

我昨晚第2次再食薔紅宅急便，早兩天都想叫外賣送到家，可惜都不成功，於是昨晚男朋友就外賣自取了。最後買了半隻燒雞加沙律、香脆豬扒炒滑蛋豬仔包配肉醬意粉、一口西多士。*西多士第一次食，我覺得挺好吃的。*燒雞買回來皮都不脆了。希望日後有機會送到家裏是脆的。沙律我每次必點，好吃😋*個包味道都不錯，肉醬意粉都是可以的。整體來講是可以的。我還有其他野未試過，有機會再試試，如果元朗分店都未豬手賣，我都想試試⋯可惜沒有。合共$170多元