蔡記重慶小食

营业中

休息中

我家人係21/2去藍田分店買海帶絲但因為當時家人身上冇現金，去到之後發現淨係可以俾cash，所以就同店員唔買住，下次先店員就同家人講可以用支付寶轉帳去佢地自己既私人支付寶，佢地再向公司俾錢家人就話好，點知店員出示支付寶付款金額個陣顯示既係$30，而一盒海帶絲只係$28家人就問店員點解支付寶俾貴兩蚊？店員表示支付寶齊頭俾再轉帳返俾公司方便啲跟住家人就話支付寶俾$28有咩問題 支付寶唔係禁幾多俾幾多咩店員回覆：你想俾$28就俾$28囉後尾俾錢個陣店員就西口西面😅😅希望貴公司可以正視問題…

呢間涼皮嘅辣味好正，味道剛好，香辣並兼，不會太辣也不會太鹹。涼皮更加有韌度，但又不會很難咬開，韌度剛好，口感極佳。食過幾間重慶小食，呢間味道最好，服務質素都好高，就算好忙都唔會對顧客態度好差。好難得，而且好注重衛生，對我潔癖患者好好。最作為喜歡吃辣嘢小食嘅人，想搵到啱口味嘅舖頭真係好少，希望呢間可以一直做落去。極度推薦！

剛剛我喺藍田買咗兩碗，一碗小辣，一碗BB辣，姨姨很好，我手上拿着很多東西，自己拎得不好，所以導致，嗰袋外賣，跌倒在落地下，姨姨即刻問我有冇爛，我即刻執上來，她幫我查看一下，發現最底碗爆咗個底，佢重新幫我再更換過碗，在加番啲汁，碗嗰啲膠袋同埋筷子，真的很好，她的好，令我有少少少，而家香港仲有呢啲服務，真的很少，因為過失係我，不關佢事，但是她真的很好服務，我真的要讚揚他

食過藍田分店三次，因為地方最近我。第三次將會係最後一次第一次食已經覺得菜既份量好少，個阿姐仲要笑嘻嘻懶好人比多一舊青瓜，多謝曬。第二次食份量比第一次多，算正常，不過不失，因此有了第三次回購。第三次食應該同第一次係同一個阿姐$12白肉得三四舊，海帶絲一夾份量重要夾翻d出黎，cheap嘢都唔捨得比客。省果幾蚊走幾個客，實在明智。我朋友一直話呢間嘢係菜多過麵，以為講笑，直到自己真係食過第二d分店，原來真係自己唔好彩。黎食藍田店真係一個錯誤選擇，永不再黎呢間分店。

買咗觀塘東廣場嗰間好多次，之前用膠兜時，個兜次次都係裝滿，無論係一個餸兩個餸定係三個餸都係好滿，滿到個蓋要壓落去先刪到。之後轉咗紙兜今日第一次再買，個紙兜竟然係以前膠兜一半嘅高度！我攞完問老闆係咪縮咗水，點解有啲人係高嘅紙兜？老闆話三餸或以上先係高嘅紙兜，又話個份量冇減少。Ok信佢，返到屋企一打開個蓋就見到分別，麻辣牛柏葉差唔多得返以前三份一嘅份量，以前有好多，滿晒，而家連個兜面都鋪唔平，仲話個量冇變！粉嘅量好似真係冇變，但所有餸嘅量只係得返以前嘅一半或三份一！但價錢完全冇改變，非常呃錢！食完今次真係唔想再幫襯，以前食完會好飽，就算兩個餸都好飽，而家食完簡直只係覺得食咗個杯麵咁嘅量，但要$58！離譜！我以前好鍾意食，差唔多隔兩三個禮拜就想食，多謝佢幫我戒咗！

16蚊買唔到三隻雞腳，仲要夾返返去， 次次畀嘅份量都好少叫到成100蚊都得好少，收費又貴，好耐先會食一之，呢個份量，實在太貴，成日計多錢，仲要扮傻話自己岩，我用手機計埋俾佢睇，我都無出声話佢，佢仲要唔計唔好意思，刻意收多又扮傻

今日晚飯 唔太肚餓 所以隨意搵小食比個胃郁下基於本人鍾意食重慶酸辣粉就去咗呢一間蔡記重慶小食呢張重慶小食最大嘅優點係佢隔離有多個舖位可以比食客買完個外賣坐喺嗰度食，不過講真環境就可圈可點啦 係乾淨既 不過佢啲位置好似圖書館對住幅牆食嘢咁今次就點左重慶酸辣粉 有湯版本（佢係有分涼拌同埋湯版） 而有好多唔同嘅小食可以配搭我就選擇左配酸辣蓮藕 麻辣大腸 蒜蓉雞絲 都係同普通嘅重慶小食一樣 係比左錢先再拎餐 買單接近$80 比起平時嘅酸辣粉偏貴味道都係一般 突顯唔到重慶酸辣粉嘅味道所以總括而言，評分唔高，環境一般，唔太建議！評分4/10

好食係好食，啲餸好夠味同埋個麵特別好食。但佢哋夾嘅份量次次都唔會多，而且阿姐心情唔好嘅時候夾得勁少！同樣嘅價錢真係有好多選擇，而且食個飯都要碰運氣就冇必要啦！ - 九龍城店

經常看到這間重慶小食的餐牌，看來上來相當貴，因為如果你當車仔麵咁吃，一個麵再加兩三個配料，動不動都已經要五$60 ，不過這次我不算極為肚餓，點了一個涼皮，然後加白肉和木耳，怎料少女看漏了我的木耳，那麼就成了單拼的涼皮，好像下午茶一般， $38 ，其實分量都不算太少。涼皮闊身，不算太過厚的質地，不過夠闊夠大，非常之彈牙，有點兒辣，有點兒麻香，另外仲有些炸豆、酸菜等等，味道相當不錯吧；反而蒜泥白肉，沒有看到蒜泥，肉都多，不過只是帶少許脂肪的肉，質素相當普通。

每次嚟買人都唔係好多，唔使話點排隊，服務態度OK。其中有個姨姨人幾好，每次都儘量同我滿盒或者送幾條青瓜，但係好睇運氣，有陣時啲份量真係少到爆。味道都OK嘅，幾好食，食唔到辣可以要bb辣或者叫佢直接唔落辣都得，而且都幾新鮮，尤其是青瓜，賣得好快。銷量好到有陣時中午想去買盒青瓜都冇晒。😢做嘢好快手，就算要排隊前面都係排2到3個人左右，等都唔會等好耐。基本上除咗份量嘅問題，要睇運氣之外，其他嘢都做得幾好。

以前好鍾意喺藍田搵嘢食 依家真係不了…向來都好鍾意重慶小食 今次叫咗個涼皮真係麻麻 調味爭啲亦都唔夠辣 冇咩特別 份量都好細碗 手撕雞都好齋 食完一啲都唔飽 呢個價錢我可以食更好嘅野

今日係度買左份涼面+手撕雞+涼麵之前都食過呢間好多次之前每個配菜至少都會夾2-3次唔知咩事今次每個配菜淨係夾左一次😡😡😡少到好似無夾過咁我同返個阿嬸講話之前都係夾2-3次點解你依家淨係夾一次佢就話不嬲都係咁哇嗰下真係嬲到…咪玩啦明明之前都唔係咁 講大話都唔眨眼🤬仲要收我$35 😡你話公司指引改左都叫可接受啊…至少我覺得會合理D lor🤣🤣😡大大聲咁話不嬲都係咁喎⋯我真係唔知佢呢啲係咩態度🤬🤬買完之後我覺得完全唔值得食😡簡直想退返畀佢佢咁嘅態度同解釋真係完全不能接受！我唔會想再幫趁

因為鍾意食辣，所以重慶小食好幾間分店都有幫襯過（葵芳，大圍，觀塘，藍田）而藍田呢一間分店對我嚟講地點係最方便。喺第一次幫襯藍田分店嘅時候都覺得好奇怪點解涼皮加配料魚皮$16，返到屋企打開入面只係得三四條魚皮咁少呢？仲以為係姐姐唔記得幫我加。所以之後再買決定買一盒剩魚皮$52（如圖）然後🤣我見到姐姐嗰個夾喺度夾空氣入外賣盒度味道真係好好㗎，但係份量比喺觀塘分店少2/3，而且價錢都比起觀塘分店貴添。我諗下次都唔會貪方便喺藍田買，寧願行10幾分鐘去觀塘店好d

食開大辣多辣既 要特別叫姐姐整架 因為第一次買果陣唔夠辣 呢度啲姐姐好好人 又會問你路途遠唔遠 驚索哂啲湯 整體黎講 味道係好食 薯粉唔會煮得太林 佢仲有涼皮可以揀 不過我個人鐘意食酸辣粉未必會試 餸既種類都好多款 而且價錢公道 就算叫淨粉都得以前匯景2樓有一檔美味樂園開既酸辣粉 食過幾次都會火燒心 佢用啲唔好既原料 有疑問可以自己上網查 呢間蔡記係葵廣食開 依家藍田都開一間真係太好 可以唔駛再去咁遠 睇到有留言話食完肚痛 我自己就未試過 食咁多次飲哂湯 其實呢食辣野不嬲都關事 因為會刺激腸道 食太辣個人受唔到都會出事 就未必關衛生事 😂😂😂大家可以放心 亦都可以話你食得辣就預左 我就算大O都會燒菊花啦

喺觀塘東廣場發現有間叫蔡記重慶小食賣四川涼皮，叫咗一份小辣涼皮加五香豆腐絲同麻辣鵝腸，整體味道幾香蓋過芫荽味，連我平時唔鍾意食芫荽都可以接受，小辣唔會好辣，鍾意食辣建議叫中辣或以上，配料有花生青瓜絲芫荽等都幾豐富。推薦五香豆腐絲唔會好幼，有口感又入味，可惜鵝腸唔夠爽脆又唔辣，同想像中唔一樣。