蓮香樓 (已易手) 新餐厅

一到週末某人就會吵著要嚟蓮香樓，個個星期都咁嘈著我，太煩啦。。。位於中環惠靈頓街附近，店鋪本身唔遠，不過行起身都幾攰。朝早8點到，等咗10分鐘就有位啦。都係公公婆婆過嚟飲早茶嘅多。蝦餃可以話系最具人氣嘅點心，皮薄蝦夠厚，一啖要落去真係好滿足。馬拉糕好大一舊，內餡有少少肥肉，個人真係好唔鐘意食到少少肥豬肉，見到都會覺得反胃··蒸排骨口感軟軟地，肥瘦啱啱好，而且用雞汁淋過蒸嘅，味道有滲入去。牛肉燒賣口感彈牙。

今年我生日選左呢間同佢地食晚飯，因為實岩佢地胃口,順便比佢地懷舊下～八寶鴨早兩日訂定，好多蓮子同豆，鴨肉好入味，好淨，淋到連骨都淋，唔使點咬，食左都唔知！好濃味，送飯一流！焗魚腸- 唔腥，超多魚腸，好足料！香蛋味！面焗到好煙靭～魚咀- 第一次食，啖口既～食落似花膠～高骨膠原，岩晒我　～湯-唔記得名，但佢地既湯唔會溝水，所以每款都好濃～八寶鴨夠4人食～記得要訂

好耐都無來蓮香樓飲茶喇，都幾掛住呢度D點心，等我都來寫下我嘅感受先]我係第一次飲早茶嘅時候叫咗飯來食，因為連續兩日無食過米飯喇，好想食白米飯，就叫咗嘅排骨飯，但係真係好好食吖！D排骨汁比米飯吸收咗，飯香同肉香真係絕配吖！排骨又好嫩滑臘腸好味！]鳳爪好入味，真係骨都有味吖。仲有重點是我摯愛嘅蝦餃大人……講真，呢籠蝦餃我真係搶番來嘅:up手喇，每次都未來到我想台度就俾搶曬喇，終於逼到我都去搶了一輪，哈哈，蝦餃好嫩滑，麵皮好有韌性好爽口，入邊好大嘅蝦仁好新鮮彈牙，正！無辜負我不顧形象去搶吖！叉燒包一如既往嘅好味吖，汁好多，叉燒好香包又鬆鬆軟軟嘅。馬拉糕好正吖！香味好濃，好鬆軟好好食！

難得可以單獨同細佬來飲茶吖，以前都係一家大細一齊來嘅，今次我地兩個靜雞雞來歎下早茶，更難得嘅系禮拜六嘅八點我竟然唔使等位真係太lucky喇！蓮香樓作為一家老字號D嘢一如既往嘅有水準，蛋黃蓮蓉包好正，我鐘意嘅鹹蛋黃同甜甜嘅豆沙融為一體，甜鹹啱啱好！豉汁排骨肥肥D，豉汁味好入味，細佬鐘意到爆吖。仲有糯米雞都係佢心頭好吖，糯米嘅香，荷葉嘅香，雞肉嘅香，仲有腸仔同香菇。。所有的香味加埋一齊真係口水都流吖。我最中意豬潤了，豬潤腸真係食過返尋味吖，腸粉皮薄又有點韌韌地，加上豬潤嘅嫩滑，正！馬拉糕我唔系幾鐘意，不過都夠曬鬆軟，奶味十足，仲有好多好像嘢都未食倒就飽曬喇，睇來下次要繼續加油先得

蓮香樓嘅位置比較偏僻，搵咗都幾耐...環境就同一般嘅茶樓差唔多，檯同檯之間靠得好埋，燈光比較光亮~~~啲waiter都好nice，好有禮貌，如果點嘅餸太多，仲會提醒我地點得太多，順便再推薦佢覺得啱我地嘅菜式。 #醬燒排骨#講真上菜嘅時候發覺真係同我想象中嘅好唔同，因為我一直以為醬燒排骨應該系排骨嚟，點知竟然系呢種連著皮嘅排骨，好似東坡肉，就係下邊多咗兩塊排骨。味道系酸酸甜甜，排骨睇落去好肥，不過食落唔會好肥膩，好軟好糯。 #燒鵝#我地要咗半隻，燒鵝肉比較老，燒鵝皮脆脆地，同酸梅醬一齊食就唔會覺得好肥好油啦。 #麻婆豆腐#豆腐好嫩，比較入味，肉碎一般，唔會太多

今晚老爺CALL食飯, 話去蓮香樓, 家人舉腳贊成, 呢間都有成百年歷史既既中菜館, 原來媽媽稱佢未去過, 好啦, 等小妹帶佢去見識下啦~老爺係常客, 一坐底 (我同男友遲來) 就已經留哂餸, 因為會賣哂架. 呢度今晚都滿, 連老外都識黎喎.識食就緊係要食八寶鴨啦, 好有家鄉味, 第二度真係食唔到八寶鴨裡面好足料, 有我最LIKE既蛋黃, 荳蓉, 蓮子等, 當然仲有鴨肉啦, 呢度炆到隻鴨連骨都食得, 真係好味呀, 食落有D似咸肉糭, 呢度菜一定要多人食, 如果唔係都幾膩架繼八寶鴨要留定之外, 另一個要預留既菜係紅燒石斑翅, 我初頭以為係去飲個D翅, 原來係咁的, 係斑背部位置, 好多肉, 魚夠新鮮, 個底仲有好多油麥菜, 索埋個魚汁, 好惹味呀~驚唔夠食再加左個蓮藕炆腩仔, 不負眾望, 腩仔肥瘦平均, 用南乳炆得夠香夠腍, 好好味!!!長輩們嚷著要食, 雞蛋焗魚腸, 坦白講, 小妹不太懂欣賞, 呢砵野用左魚腸, 魚膶加蛋一齊焗, 一聽就知勁腥, 我沽且試一口, 唔得, 要勁落糊椒粉, 我睇佢地咁鐘意食都係因為有佢地"那些年"的味道, Well, I am out~黎到無理由唔試下呢度既

下午三點鐘 走進食堂剩下的菜不多了看到什麼就拿什麼上了普洱茶1. 豬腳第一口吃下去覺得豬的味道很重、有點肥，但是第二口開始就覺得好吃。很彈牙、肥美、嫩滑、入口即化。底下有炸豆皮，吃起來好好味，跟豬腳有合。骨頭帶筋，我覺得很好。慢慢吃，吸吮骨頭裡面的氣跟營養。2. 蓮蓉包 第一口覺得過甜，但皮跟裡面的甜餡配得不錯。裡面的甜餡有點多，所以要自己配好包和餡在嘴裡的比例，入口即化的吃法，最好。蓮蓉裡面有芝麻、蓮蓉、蛋黃，很像月餅，要配著茶喝。吃完蓮蓉包，什麼也吃不下了，本來想吃馬拉糕的，因為目前為止 這家店 我覺得最好吃的，還是馬拉糕。但是吃完蓮蓉包四點了，他們都收起來了。

我早上10:50到的 一個人裡面還有空位 點了 一壺普洱茶1. 燒賣大大粒的，蝦很彈牙，香菇很大，味道溫潤，很家常普通，質地一般家常式的粗糙。2. 雞爪豆皮芋頭肉片雞肉片有酒味 配上蝦和燒賣的東西，還有芋頭泥濃濃的味道 外面裹著豆皮，令人驚豔的好吃3. 有鳥蛋的燒賣 鳥蛋很細很滑，又彈牙，裡面香菇很大片，也有蝦跟燒賣的東西，裡面所有成分都很大粒，我嘴巴小，無法一口放入，所以分部分一點一點吃，因為份量大，所以很抵食。4. 奶皇飽餡不會太甜、適中，有奶粉味，甚至有一點鹹味。皮有點厚、料比較少，而且皮有點鬆軟 空洞。不好吃，我吃了一個，剩下兩個就沒有吃完。很普通。覺得不好吃。不推薦。 5. 馬拉糕質地很鬆，蒸得濕濕的軟軟的，有彈性，滿好吃的，只是有點偏甜，熱熱的時候吃尤其微微過甜，但是冷掉時候吃，甜味就剛好。

中上環返工一定會黎朝聖嘅地方就梗係蓮香樓丫~傳統格局與口味嘅港式茶樓，雖然吵鬧擁擠，但又別有一番老香港風味！記得要睇實點心車幾時出黎，慢一秒可能已經冇唒嘢食＞＜叉燒腸，落左好重手芫茜...皮滑但都偏厚身豬膶燒賣，出面已經冇咩茶樓有得買，雖然罕有但味道麻麻。豬膶好乾身同埋仲有內臟嘅腥臭味蛋散＞＞＞非常好味，徇脆可口，配上蜜糖一齊食，YUMMY真係好鍾意食呢度嘅蝦餃，皮薄餡多，鮮蝦大大粒非常新鮮～鴨腿湯飯，唔係次次黎都有幸有得食。湯底鴨味足，配上陳皮八角去煲，好滋潤嘅感覺

早起的鳥兒有蟲吃從佐敦爬來上環吃早餐 真的要很早起身避開了尖峰時間來到蓮香樓的時候快8點了一進去就坐滿了叔叔嬸嬸 不過幸運的事位子還有很多 馬上有師傅指位就坐下來了坐下後看見熱呼呼的點心車經過就趕快把大姐叫著迅速拿了5樣點心就開動了「蝦餃&燒賣」香港點心基本款越是基本的東西要做的好吃就越難燒賣用了肉碎和香菇去釀肉碎很新鮮 沒有騷味 細嚼還有淡淡的香菇香比起其他家機器做的燒賣 好吃太多了!!蝦餃顧名思義就是蝦子包成餃子大只又彈牙的鮮蝦包在裡頭 怎麼可以錯過呢~「其他」腸粉點的也是鮮蝦口味的哈哈 因為很愛吃海鮮 所以蝦餡無誤XD腸粉入口即化 醬料不像是一般的醬青死鹹味（吃了幾口就會膩的那種）還帶有些許的麻油香愛吃豬腸粉的朋友可以試試看~原本想吃鹹魚肉片盅飯 因為點心車推過的時候沒有只好難了滑雞盅飯 令我意外的米飯都是粒粒分明 原以為會比較濕 結果完全不會 雞肉用的是雞腿肉 很滑很嫩 還有姜戎的香味 一個人吃一盅會太飽 就吃不下其他東西嚕蜜汁叉燒包甜甜的叉燒肥瘦適中包皮也不會太厚 內餡份量也剛好相信無論是小朋友還是大朋友都會很喜歡這包點最後附上最新蓮香樓的餐牌 （發現很多網上的資料差好多 漲

今日一大清早就同老公去左中環蓮香樓飲早茶。舊式酒樓係香港真係買少見少。我地首先左個馬拉糕，等別之處係要我地自己出去叫個姐姐由一大個馬拉糕逐舊切出黎，老公仲話記住叫佢切中間果舊，因為中間先係最鬆軟。果然冇講錯，中間的確比邊皮鬆軟香滑，而且食落有很重的黃糖味。再者，我地叫了一個鴨腿湯飯，因為數量有限，所以一坐低就即刻叫定先，個湯飯不但用上鴨肉整，而且還有陳皮香味，相信是用黎吊起鴨既鮮味，鴨腿湯飯在香港已經很少地方有，好食更不用說。之後，我地叫了牛肉腸粉，腸粉皮不但很薄，而且香茜味令牛肉帶出另一重層次。總括來說，咁有特色酒樓真係買少見少，回憶好比金錢真貴得多!

LUNCH TIME, 同同事一齊去古式茶樓嘆下茶3個懵盛盛, 淨係叫左要香片, 原來呢度係每人一盅茶葉架=P呀叔見到我地ONON居, 主動幫我地轉左一盅做水仙XD香片好濃好濃, 濃到好苦, 咁我地就試下個水仙啦, 點知個水仙好香~好清~~好好味!!我下次黎會識嗌水仙架啦!!!野食係舊時果種呀姐推車仔, 所有野都係車仔度, 好得意~係咁要追住d呀姐~問佢有咩食, 唔知d呀姐會唔會嫌煩呢!拎左個魚肚紮~魚肚索哂d汁, 成舊食好juicy! 豬潤 (賣相好.....-.-")牛肉燒賣... 原來係牛肉球ge化身-.- 我係個唔食牛肉球ge人~ (佢同牛肉球跟本就係孖生兄弟)仲食左個叫魚翅餃ge野....舊餃就幾好啦... d肉幾好味, 我覺得好味過燒賣, 不過主角...即係條翅...好硬!!!!硬到唔想食!滑雞臘腸潤腸飯...個飯幾好食, 不來仲諗緊呀姐落得唔夠多豉油, 點知撈埋真係剛剛好! d雞煮得剛好, 好滑, d臘腸潤腸汁流左落個飯度~好香~~爭住食~成個食清光燒賣一般般啦, 冇乜特別~

早上11時入座，茶客大多是搭枱，老伙記要叫才開茶和加水，㸃心車一推出来，客人便蜂擁上前拿取喜爱的食物，真的鈎起我一股懷舊的情緒，感覺唔錯! 今天我選擇了普洱茶和用茶盅，水滾茶靚且滑，是一個好的開始。懷舊㸃心順序首推豬潤燒賣，豬潤三大件，有𡁻口，好鮮味，還有少許酒香，豬潤汁渗透入在底嘅免治豬肉里，入口齒颊留香，連汁都飲埋，無得頂! 蓮蓉包的蓮蓉香且滑，甜度適中，麵包皮也有㸃甜味且鬆軟，好有口感。魚肚扎有鮮肉香味，用的腐皮也好軟滑，如果多一㸃魚肚則便佳。雞𢇁粉卷的粉皮好滑，雞肉切粗粒，口感甚佳。蒸鯪魚球魚肉鮮甜，並混入陳皮，味道複雜，感覺良好。雞球大包，皮薄多料，還有四份一隻熟蛋，味道則較清淡。鴨腿湯米是今天唯一不太滿意的一道菜，鴨腿用的是上椿腿，肉又實又鞋，湯底不夠陳皮味，味淡唔香。

從前飲茶食點心，一大朝早又要起身排隊攞籌，千辛萬苦入到去，又要留心幾時有點心車出，今輪有否你想要的點心; “有靚蝦餃，有大大個叉燒包...” 姐姐的叫喊聲就是我們最佳的提示鈴聲。現今食點心已變得非常平常，周圍的點心專門店使我們連晚上都能解點心癮，點心紙的存在令我們可安安落落點自己想食的，不消十數分鐘，熱辣辣的點心就會出籠。儘管現今的安排使我們得到了方便，但它同時讓我的幼年回憶淡化，令我有時也會回味那時的懷舊味，因此有天早上七點，我決定要在這食回當年的味道。一大朝早爬上來，雖不用等位，但座位亦無幾。因此快快坐下，等伯伯沖個靚普洱，我就等我親愛的點心出籠。肚子餓得很，先去搶個 鳳爪排骨飯 ， 細細盅熱辣辣，香得很。先食鳳爪，很夠味又夠焾。再食排骨飯，排骨味很濃，肉唔會韌，而飯不會因蒸太久而糊口，加上滲了肉香同肉汁，很野味。食緊飯時，聽到我最愛的 馬拉糕，真是急不及待要搶一籠吃。見到它棕黃的，已滿心歡喜，再用筷子測它回彈力，像海綿般的感覺，一吃它就知它夠鬆軟。然而到了 蝦餃 ， 它是我到任何茶樓必點的點心。雖然它粒粒蝦肉，有夠味道，但蝦味很淡，皮有點太厚，但這價錢還算合格。最後一件我選擇了童

已開業一個世紀嘅蓮香樓，作為真香港人當然要去一去。到達後，蓮香樓嘅古舊建築已吸引著我。已停頓嘅古老大鐘，由真轉假嘅鳥籠，一張又一張嘅毛筆字畫...蓮香樓最為出名嘅係雞球大包，魚肚札，蝦餃，燒賣，馬拉糕。但因我轉遲出發，到達時2點左右，所以好多出名嘅點心已經冇哂，所以我只嘗試到馬拉糕，魚肚札，排骨，豬肚燒賣同蓮蓉包。一出爐，熱騰騰嘅點心加上古老嘅做法， 味道與連鎖酒樓嘅點心無與倫比。最為深刻的是魚肚札，魚肚吸收各種材料嘅香味，加上各種材料各有不同口感，令魚肚札嘅層次更上一層，所以最後點了兩籠。蓮香樓嘅蓮蓉包比其他食到嘅有所不同，外面的吃第一啖都有種腻嘅感覺，但蓮香樓的並没有，而且食起上黎有一種清甜嘅感覺，值得一試。馬拉糕值得一提嘅係比起外面的更加有蛋香同軟熟，但我覺得甜味不夠，但可能對於老一輩係最好的味道。蓮香樓最大特色是要自取點心，點心姐姐們一推車仔，就吸引一群跟随。車一停，人就馬上搶自己想要嘅點心，馬上遞上點心卡，只要慢了一步就要等下一次了。這様搶回來嘅點心，令到食物更加有味道。蓮香樓，人留，蓮香。