蓮香棧 (已結業)

老實講。蓮香開分店係值得開心嘅事。 話晒傳統點心得以傳承。 星期三晏晝時間走落去試試，諗住唔洗每個星期走到去上環咁遠。好可惜 4個字形容（有形無實）。 對比起早幾日去上環蓮香嘅質素真係差好遠。1） 食物唔熱 - 腸粉可以就咁拎架無熱爐嘅車出嚟推。 啲腸粉凍哂。2）潮州粉粿- 上環店係熱辣辣 花生仲係脆口。 荃灣店係回咗氣花生林咗。3）麻容包- 上環店係咬落去啲涵仲有小小糖嘅脆口。 呢間係冇嘅。4）糯米雞- 時間蒸過龍。啲糯米糊晒。5）食物出品速度慢- 可能廚房細又或者蒸爐慢。 出品嘅點心永遠都係去到酒樓中間位置已經冇乜點揀。唯一保持到就係水夠滾，沖茶好。點都好，我唔會再諗住去幫襯荃灣店。晒小小時間去返蓮香居上環店好過。我亦好相信啲老師傅仲留响上環店。 同一個老細食物質素主店同分店簡直差天共地。

今天好興奮心情去蓮香棧食點心，由於開張人頭湧湧，每次點心一出即刻夾曬，水滾茶靚，普浬茶好滑，金錢鷄雖然好肥，點都要食下，尋回兒時回憶！一班朋友食一人一件，燒賣，馬拉糕，春卷好好味！今晚有朋友生日，當然唔少得主角壽桃包，蓮蓉蛋黃，聽說蓮蓉自加整所以不油，馬拉糕好鬆軟，彈下弾下，童年回憶返曬嚟！早茶有推車點心車一出籠已經搶住取，好熱閙晚市另外一晚去生炒排骨，蒸魚，牛肉炒蛋，三鮮骨髓，金錢雞燒味拼盤， 生煎蓮藕餅，川貝杏汁燉白肺湯，蓮香樓出名蒸魚和八寶鴨，必食😋😋

5月1日訂了8 pm14人，齊人準時到達，知客話頭輪客未走要等，唔知幾点先有枱，十幾人唯有响門口企住等，如是者等左20分鐘，未有任何动静。知客都係話唔知要等幾耐，無耐之下只有走去另一間。此酒樓營運模式獨特，等得先好嚟！

好幾個月前，這個店舖位置已經標示「蓮香棧」這間店舖即將開業，心想標榜住「蓮香」這個老字號，都有一定水準，而且是新開，令我更加滿心期待一試。但是一個月又一個月，一個月又一個月，足足推遲了好幾個月後，終於見到這間店在4月尾正式開業，與太太中午趁有空閒，便來飲茶品嚐一下，可惜換來的是一肚怒氣！從未試過飲茶由正式坐下，直至結帳離開，不消十數二十分鐘未食飽就速速離場！店舖新開業，環境屬於窄而長的長方形面積，内裏採用大少圓枱讓食客進食，牆身顏色、天花設置很多吊扇，均令人有少許懷舊感覺。但是入座進食，居然是採取古老的自己搵位坐自由搭枱形式，在現今世紀還採用此方法讓食客入座的酒樓相信已經買少見少，更可況是新開業的酒樓，實在令人驚訝！而且裏面出入空間狹窄，要讓食客自由搵位等位，實在令人厭惡！好不容易才找到2個座位坐下，我們坐的位置比較入，坐下才知道是靠近出點心車位置，因為此店採取推點心車形式讓食客選取，不設劃紙落單，此做法亦是此店舖最失敗之處！首先地方有限，長而窄！推點心車仔的路只是一條大直窄路，而且出點心車的地方，正正就在店內最入位置推出，當一有點心車從該位置推出，食客均會從四方八面衝前擠擁到手推車位

裝飾方面有點懷舊，一坐低就比天花板的燈同吊扇吸引，因吊扇係燈光下不停轉動，而枱是玻璃面係燈光反射下，令到我地有點頭暈，於是請伙計熄咗佢串燒金錢雞聽過金錢雞呢款出名燒味，當然要試啦！望落底層有點似我鍾意食嘅叉燒，入口時不過不失，沒有驚喜生煎蓮藕餅餅內蓮藕粒咬落爽脆香口，除此之外食不到其它味道招牌醬烤骨一放低原來係成舊肥豬肉，如果整得好食的話送飯一流，之後伙計幫我地切開，第一件事睇得出應該好諗，第二就係層肉真係好肥，入口感覺好油，相信大廚應該無先炸過將油逼返出黎就煮，雖然肉諗但唔入味菜膽上湯雞推介嘅菜式，先望雞肉已經好想食，入口雞肉諗得黎滑有雞味，不禁食多兩舊豉油皇蒸釀豆腐選用百福豆腐，蒸完都好滑，而面頭釀嘅魚肉入口有少量魚骨要留意，味道尚可馬拉糕聽聞馬拉糕出名，於是點一籠試下，分量比一般大同件數多，食落口感唔錯，但嫌食落無馬拉糕味章魚蓮藕排骨湯個湯味道唔錯，蓮藕煲得夠諗，但飲唔到章魚味椰汁芋頭西米露芋頭同西米都夠軟身，但冇椰香***留意，試業初期客人只可使用現金找數