蓬萊拉麵屋 (已結業)

今日去大澳行下, 搭車去到昂平順便行下食個LUNCH.見有間食拉麵都幾大碗都係$4X~5X, 就去試下....豚肉拉麵$54 - 中規中舉. 豚肉都淋但湯底淡左D.豚肉得2塊...太小炸雞亦拉麵$48 - 雞亦炸得幾香,唔太油膩, 雞肉都係嫩.湯底都係淡左D .炸薯餅 $28 - 好香好脆, 外脆內滑, 幾好選擇~~舖內有塊板好多人簽名~~~整體上可以一試, 係遊客區都唔算貴!

搭完NP360就搵野食 在無乜選擇之下 就入左呢間基本上都係做遊客生意白人, 泰國人, 日本人, 中國大陸人加少量香港人呢間食店都係主打麵食多種拉麵, 蕎麥麵 & UDON我地兩個不太肚餓 又打算行山 所以唔食太飽 叫左一罐sprite 另外...豬軟骨拉麵 $48個湯底幾好 豬軟骨幾淋 但唔夠軟骨加有粟米粒, 日本魚旦, 海帶 & 半隻蛋做配料煎餃子 $28餃子size比較細 一碟五隻雖然係新鮮煎 但好似唔夠熱質素似批發貨另另買4支bonaqua 500ml/$10 (有d貴... 之後先發現 再行入d有7-11!!!!!)食物質素好普通侍應服務態度幾好唔少遊客會問店主拎水筆向牆上留名

坐水晶車箱入大嶼山, 感覺真係好刺激, 特別係經過海中心一段, 真係個心都離埋入到去有少少肚餓了, 揀左入蓬萊拉麵食碗吉列豬扒麵不過味道只係一般, 拉麵唔彈牙, 有點梅的感覺, 湯底比較單調, 豬扒都唔係太好食唯獨是服務唔錯, 唔忍心比個喊面佢...不過可能都係做遊客生意, 好似我呢d玩到攰坐坐食少少野唔係太介意

我們一家三口今天去左昂坪360，見到蓬萊拉麵屋，故在此食午餐，我們食左(1)豬軟骨拉麵，覺得個湯底很妤，有香甜的豬骨味，各位可以一試! (2)煎餃子和照燒雞飯的味道尚可，但有待改善! (3) 服務方面，男經理和侍應都幾好，常常添茶，服務有禮，本人都幾滿意!唯一認為食品定價較貴!希望下次再來，會有些特價小食，就比較合理!

三月五日(星期三)同老公放假!去左360同大澳!本身黎呢度試下d新既野食(即係秘度冇分店),eg 饌..不過睇完佢地個menu覺得比較頹,所以都係試下呢度,因為得番euro gogo,不過第度有分店!呢度食拉麵,烏冬!!好!就試下啦!我地叫左:1)煎餃子烏冬,個烏冬好似o係屋企主果d,個湯底冇咩特別,而餃子都係超市買到果d!...加上粟米同紫菜...好一般wor!2)大阪牛肉拉麵,係老公食,不過見到d"麵"既色,都知道....白色既!而牛肉係街市肥牛wor...真係好一般呀,冇咩心機整咁!下次都係食番euro gogo好!

新春大吉，去昂坪行番個大運！當日昂坪得6度，緊係要食番D熱嘢，見D湯麵出哂煙，價錢同市區差不多，所以幫襯，店內客人不多，但落完單都無給茶，吹了兩次才給，但是清水，沒有茶，追問下表示茶要$8一杯，仲係同茶餐廳的一樣貨色。新年流流個個侍應都好似口黑面黑咁，木無表情無D笑容，但都有禮貌，還有放在近門口的自助無門汽水櫃，不知者走往取汽水便會即時被喝停，還說自己囉要雙計，咁都得，好心就貼個牌出來提示客人！食物非常一般，拉麵超淋......，好在有昂坪360的優待券幫埔下！希望服務能夠改善！

見有重暘假，所以來左呢度睇大佛。叫豬軟骨拉麵同雞扒烏冬。佢地份量好小，拉麵嘅質地仲好淋，食落好似滾油麵咁。雞扒烏冬嘅質地ok, 都幾chewy，可惜湯底味道較甜，而湯底味道亦似曾相識。想了好內，終於知道呢個味道係邊度食過。答案係平時病左攞來送白粥嘅味全花瓜或波浪小菜心。簡直一無一樣。雖然佢地價錢同出面市區差唔多，但係份量小幾倍。鬼叫呢度係遊客區咩。

兩個人，點了客午餐（$60）和一客煎餃子（$28）。座位侷促，除卻男經理，所有女侍應招呼和服務都麻麻。午餐（$60）：包麵豉湯（較為正常）、豚肉拉麵（拉麵份量奇少，僅五啖份量）、照燒雞飯（雞肉雪味甚濃，質地既乾且「鞋」，幸而有珍珠米還算可以），熱綠茶。炸餃子（$28）：炸得油膩，體積縮水，比廉價food court 所販賣的更不濟！味道方面，連港式和食還談不上！下次，情願去Starbucks ，都唔會再幫趁呢間野！