影片
成日经过都无食过，呢日心血来潮第一次入去食个lunch呢度比较先进 用qr code落单嘅，但咁啱我哋被安排系一个入啲嘅转角位，我由头到尾都收唔到讯号，然后餐厅入面又冇wi-fi, 呢个位有啲kik后尾我哋见隔离枱走咗，我哋就直接换位坐咗过去，d staff 由头到尾都好好人，全程好好招呼，都好有礼貌但我叫咗个葡国鸡饭 就真系伏到唔识讲佢个menu其实都好多嘢拣嘅但我见佢标榜系葡国餐厅所以就心郁叫咗个葡国鸡焗饭，谂住差极有限，点知上到黎 先知原来佢系分开咗只有葡国鸡拎去焗，饭就只系一碟白饭咁直接上，唔够热最惨系个葡国汁，从未食过咁难食，基本上只到淡咗嘅椰汁味，只鸡无味，叫做唔算好鞋/好肥，但真系一啲鸡味都无，我自问要求算低，但呢个葡国鸡真系不可一不可再......另外因为佢内部装修可能为咗靓，用咗好多磁砖砌啲蓝色雀出嚟，啲声系咁反弹，成餐饭都嘈到不得了，虽则啲人讲嘢唔系特别大声，但下次都系去返对面静静哋食个安乐茶饭好过
继续阅读
平日约左屋企人喺沙田食饭，由于新城市D餐厅价位较高，所以行远少少去禾𪨶商场，呢边较多平民餐厅。今次试葡式餐厅，晚餐包汤或餐饮、无加一、自助落单同斟水。上菜快，食物份量大，性价比几高。马介休炸薯球$58/6件话明葡式餐厅，又点少得呢款经典小食呢?!😏 马介休球新鲜炸出嚟，外脆内有一丝丝鳕鱼同薯蓉，食落味道唔错。东望洋芝士鲜茄焗猪扒饭$60炒饭底，猪扒厚薄适中，肉质唔韧，屋企人好中意。不过，个茄汁偏甜，所以整体我麻麻地😅。脆皮咸猪手配薯条$108猪手如其名，猪皮食落似食紧薯片咁脆!! 😋胶质好高，好痴嘴唇😆 猪手本身唔系好咸，唔点酱汁可以食到原味。薯条系热辣辣炸出嚟，整体唔错。BBQ酱烤猪肋骨配薯条$82猪肋骨份量唔少，有两排骨!! 如果喺其他餐厅食，一定过百蚊!! 不过BBQ酱唔系英式/美式口味，味道偏向中式烧味。肋骨无煮到骨肉分离，食落依然有肉嘅口感。香煎纽西兰牛扒配薯菜$68本身对呢个价位嘅牛扒无期望，切落要用少少力度，加上见到全熟，已经做好心理准备。点知，食落又唔差㖞!!?😮 牛扒居然食得到牛味之余，入口唔会好韧，亦无梳打粉怪味!! 食得过㖞!!😏系个薯差D，普通烚薯仔😅餐汤有红或忌廉汤供选择，不过自助落单无得拣口味，职员话如果要红汤就同佢地讲，如果自助落单嘅话会系忌廉汤。我地四个人，四款主菜加一款小食，无加一，合共$382，非常抵食!!🤓 不过商场冷气较弱，天气再热D嘅话，应该唔会嚟呢个商场住。🙈
继续阅读
上次黎呢个商场食过其他野，今次就试下呢间葡国平民餐厅啦。葡汁吉列炸鱼柳意大利面 $59吉列鱼柳超大条，而且金黄外层炸粉薄脆，鱼肉肉质嫩滑Juicy🐟配埋葡汁都几滋味💛意粉本身有少少蒜香味，几香口露丝玛莉慢烤羊架 配 意粉 $136烤羊架都几大块有3件，羊味十足，煎得表面焦香，煎得偏熟不过肉质都几软腍，羊脂和羊肉比例刚好，唔会太油腻🐏 酱汁有得拣黑椒汁、牛骨汁同咖喱汁，今次拣左黑椒汁，香而不辣，好惹味👍🏻 海盐烧沙甸鱼 $63叫左一道葡国特色小食，沙甸鱼原条用盐烧，将鱼油同鱼香紧紧保留系鱼身中，鱼味浓郁，洒上柠檬汁令味道提鲜，去除腥味🐟📌蓝鸟葡国餐厅 (沙田)沙田德厚街3号禾𪨶广场2楼251-252号舖评语食物多选择，性价比高环境舒适宽敞🐵推介🍌🍌🍌🍌🍌（5🍌为满分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去处 #吃货 #吃货人生 #香港美食指南 #相机食先 #香港旅行 #香港餐厅 #香港生活 #foodblogger #foodiegram #hongkong #禾𪨶 #性价比高 #抵食 #经济实惠 #葡国菜 #慢烤羊架 #沙甸鱼 #蓝鸟葡国餐厅 #沙田
继续阅读
估唔到禾𪨶商场都会葡国菜！之前路过叫咗个午餐红酒牛面肉饭个牛肉超林超香！晚餐落去继续encore 仲叫多咗个马介休薯球上枱已经香喷喷点埋个甜酸汁 match到爆！仲要炸到外脆内软超级好食咁啱呢两次都系一个人去食，叫唔到太多𩠌下次叫埋朋友仔一齐去就可以嗌多啲小食😆餐厅员工态度好好一入到去坐咗个风口位已经善意提醒令一边有个冇咁大风嘅位置即刻拎埋水帮我换位10分推介呢间餐厅价钱中等座位都好宽敞舒适下次一定带埋朋友仔去叫多啲嘢食！
继续阅读
今次约朋友沙田行街， 因为谂唔到食乜嘢就沿住条天桥行下行下跟住就行到去禾𪨶 ，印象中好似第一次去禾𪨶。 见到呢个商场入面原来都好多嘢食见到有间食葡国菜所以就入去试下。餐厅都几大同阔落，因为我哋早去所以入面其实都好多位，职员就请我哋去角落 坐得舒服啲。马介休炸薯球，$58炸得好香好好味, 再配埋个酱汁， 啱啱炸起所以都系外脆内暖。里斯本大虾海鲜煲配饭，$65呢个系set dinner，性价比高,已有餐汤同饮品个海鲜煲入面都好多海鲜有炸鱼虾青口 墨鱼， 个汁好特别好似系奶再加一啲creamy嘅酱， 但系食落去唔会好流喉。牛扒意粉呢个超级大碟，有两块大牛扒好似手掌咁大。个牛扒个汁唔会好咸，健康，个牛扒好淋。我哋要咗两个罗宋汤，酸尾尾入面都好多料 好多蔬菜。间餐厅性价比高，下次来禾𪨶可以在系度食多次。
继续阅读