蒸廬

营业中

休息中

呢間食咗都有三次以上次次都會叫《紅棗杞子，蒸陳村粉》唔係講笑，清清地得來有幾好味而且紅棗杞子都係養生食品，佢仲有好多件雞分量算多，我自己就食唔晒🤣本身想食限量金錢肚，但係已經售罄🥹🥹🥹唯有試吓，佢個《薑蔥牛柏葉》都係即叫即蒸，唔會好油膩再叫咗《潮州粉果-》都係好好味$18-有三件大大粒佢嘅皮，好滑最後值得一讚嘅係《抹茶紅豆煎餅》$26/3 好似係一餐圓滿嘅。最鍾意佢熱辣辣咁樣上枱💕💁🏼‍♀️雖然次次都要等幾個字，不過都值得等嘅

鋪頭樓面較細，繁忙時間通常都要等待至少30分鐘🤨，即叫即蒸要點代價啦～不過好彩商場入邊都幾多野行，可以一路行一路等位👌點心拼盤9件基本上全部點心都高汁，燒賣夠大粒，咬落亦彈牙✅馬拉糕又鬆軟非常，1個價錢可以滿足多個願望😆😆宇治抹茶豆沙餅有點太多油，抹茶味欠奉，可以將quota留返比其它選擇🙏今次試咗拼盤及豆沙餅，其實佢出名的應該係盅湯、點心及腸粉，會再搵機會試埋佢！

年初三，朋友就話呢間蒸廬都幾出名，大份又抵食，於是上去朋友拜年之前去左呢間到食。可能年初三先啟市，啲野就未準備好，十一點半開門，但十一點半先見到有樓面返工執枱櫈。位置唔算好多，大約容納到30人，最後十一點四十五分終於坐到入去。一入到去就諗住試下燉湯，但一開市就話未有燉湯，煎腸粉，奶黃包，一心諗住試嘅野都無。最後就叫左晶瑩蝦餃皇、蟹籽燒賣皇、鮮蝦菜苗餃、荷葉蒸飯、薑蔥牛栢葉。啲野食係抵食嘅，普通點心水準。

啲包點嘅餡幾好食芝麻包好似放大版嘅湯圓🤣🤣流沙包嘅奶黄偏液體，我會希望蛋黄味再重啲，但要小心一撕墊底紙就開始流出黎🙈🙈包體就行鬆軟路線其他點心就係average 啦，無話特別好食但應該算幾抵食？同埋啲姐姐好盞鬼🤣🤣

一行３人點了７款點心甜點及１盅湯是日精選燉湯—猴頭菇茶樹菇燉上肉湯$58温度只是微温，應該是從不太保温的保温爐內取出但湯是清甜，料也算足晶瑩蝦餃皇（頂）$34蝦餃算是大粒， 晶瑩剔透蝦餃鬆散也沒有荀， 蝦則夠彈牙皮算薄也煙韌蟹籽燒賣皇(特)$30燒賣也大粒飽滿肉餡結實，但偏肥鮮蝦菜苗餃（特）$30外皮應該是粉果皮，也飽滿，滿滿的餡菠菜新鮮，蝦也爽彈奈何皮太淋爛，大大扣分黑椒金錢肚（頂）$34沒有黑椒味，金錢肚也蒸得太淋爛可取是不會太鹹瑤柱蝦米煎腸粉(特)$30令非常失望，沒米香不在話下腸粉並不是香脆，而是乾硬，偏油蝦米寥寥可數，瑤柱更是失了蹤雲石芝麻包(大)$26外皮也做到雲石的樣子，麵包鬆軟，不會太乾但芝麻餡卻令人失望，芝麻餡雖然流心，但芝麻味不足，而且偏甜蔗糖馬蹄糕(中)$22雖然我沒有吃，但同行友人，對其評語是太甜不算難吃，但不值特意前往吃，又是吃支持小店

石門不嬲都多嘢食😋蒸廬出名啲點心即叫即做又抵食叫左個肉餅飯😚肉餅好食飯好食而且又大份可以同人分🤩仲有各款燉湯飲熱辣辣好暖胃😙🤙🏻雲石芝麻包內餡豐富又好味甜品抹茶紅豆餅都好足料香口😋

#石門黃店 💛💛好少黎石門 知道呢度有間食點心嘅黃店😛所以順便試試 石門啲商場好似葵廣重點係超級多黃店! 同埋d小店都勁多文宣等左15分鐘左右就有位了——————————————————-全日套餐- 流心蛋牛肉飯 $50 配罐裝汽水) 個飯超級多肉同埋菜好抵食 但係因為冇諗過佢會咁大所以我哋仲嗌左幾樣野差啲食唔晒🤣蟹子燒賣皇$26 勁大粒過平時茶樓勁多🤤咖喱土魷蒸豆卜$30鮮竹牛肉球$18瑤柱蝦米煎腸粉$26 茶芥@$4total $158

三點幾諗住去嘆杯咖啡，經過呢間舖，咦仲咁多人食嘅，一定有原因，即時轉軚食點心，地方細細，掃QR code落單，𥄫吓menu，價錢唔貴，落單坐咗一陣，點心陸陸續續上枱蝦餃 皮薄餡靚，一口咬落去，嘩……D🦐好大隻鮮甜又爽，分三啖食先吞得哂燒賣 呢個堅得，彈牙又大粒，個餡冇D大大嚿又難𡁻嘅🐷肉，連一向唔like燒賣嘅我，都啪咗兩粒叉燒包 冇倒汗水淋濕包面情況包身軟熟，叉燒甘香，醬汁濃郁鮮蝦菜苗餃 又係大大隻，餡料豐富🥬🦐，配辣椒油食牛肉球 有彈性，配喼汁絕魚湯蟲草花鮮竹卷 味道淡，水汪汪，都係舊式做法好食得多流心蛋牛肉飯 餡料同牛肉球一樣，只係多咗個飯底同隻蛋，冇特別，嗌多個點心好過，失策大阪風蘿蔔糕 日式做法幾新穎，淋上蛋黃醬加柴魚片，味道即時升呢，如再煎得香脆些，口感會更好原來呢度唔收加一，只收茶芥每位$5，三條友除返開每人唔使一舊水，抵食

💛#黃店依間良心點心店近排好hit，好多人介紹亦都好多人幫襯！雖然石門好多美食，但我夜晚去咗食點心都要排隊等位呀，店舖唔算好大比我想像中細。好多食客氣氛熱鬧，點心款式好多夠熱辣辣、足料，但其實價錢唔算平😅👓紅棗杞子雞粒陳村粉 $50係其中一個招牌點心，如果唔想食排骨飯蒸飯都可以食呢個填飽肚！份量好大兩個人share都未必食得晒😂陳村粉質地似冇咁淋嘅腸粉，唔爽，其實整體唔算好濃郁香，都係食紅棗嘅時候先有點甜味。雞件好多反而好嫩滑幾好食。溫馨提示：如果叫陳村粉就唔好叫煎腸粉/棉花雞，因為兩者加埋等於陳村粉會重複咗！評分：7/10👓 雲石芝麻包 $27推介必食嘅點心！好少見到有芝麻包，而佢整得非常出色餡料嘅芝麻蓉起沙、濃郁、流心，好香芝麻味，以為自己食緊芝麻湯圓，簡直係擺咗粒芝麻湯圓係個包入面😂評分：8.5/10👓晶瑩蝦餃皇 $35👓鮮蝦菜苗餃 $31👓鮑菇蟲草棉花雞 $31👓魚湯蟲草花鮮竹卷 $23👓瑤柱蝦米煎腸粉 $31整體來講點心真材實料，夠熱辣辣，味道就普通不過不失，價錢唔算好經濟，小店梗係冇大茶樓咁抵食。

好鍾意食點心嘅我想試蒸籚好耐架喇，但石門太多選擇，想試多啲嘢所以多數都係掃街好少坐低食。今次終於的起心肝嚟到圓一圓願哈哈。整體感覺好好，員工氣氛好好食得開心，舖面唔大會坐得親密啲。食物即叫即蒸，肚餓嘅記得一坐低即刻QRcode手機落單，飲住茶等兩三個字有得食。兩個人午餐叫左六個點心真係飽到捧住個肚走🤭鮑菇蟲草雞超正！雞件嫩滑又入味、魚肚索晒個雞湯汁入口又好香，得兩個人都要爭住食啲魚肚。唯一係舊杏鮑菇嘅外皮有啲韌，可能要處理過先蒸會易咬啲啦其餘食咗燒賣、南瓜排骨、牛肉球、菜苗餃、馬拉糕，質素中上👍🏻比起富東閣嗰啲老牌酒樓仲係爭啲，但計埋價位鍾意飲茶嘅都非常值得去食！除左私心推薦嘅蒸雞之外，下次都會再試佢嘅招牌菜荷葉蒸飯同燉湯，希望有驚喜！順帶一提，臨走先見到原來佢有daily special嘅糕點同甜品，係限量同埋款式都幾特別架。

蒸爐 - 石門今晚去到石門想試下蒸爐，不過見到都坐滿哂又有人排緊隊，又餓餓地，所以決定買外賣返屋企食。南瓜鳳爪排骨飯 $48蒸廬拼美點（9件）$60首先，講講個荷葉南瓜鳳爪排骨飯，這個價錢來說，真係非常抵食，滿滿的荷葉飯，加上南瓜鳳爪排骨的組合非常香甜。表面有一點菜的粒粒，撈勻後再食落口感更加豐富。至於，蒸廬拼美點共有9件點心，包括燒賣2粒、蝦餃1粒、馬拉糕1舊、叉燒包1個、菠菜蝦餃1粒、薑汁紅棗糕1個、粉果1個、馬蹄糕1舊。外賣放哂落一個盒內，沒有玩場食的那個蒸籠，的確欠缺左一種次個豐富嘅感覺。不過每個點心味道都不錯，個人覺得燒賣特別大粒幾飽滿彈牙總結，其實非常抵食，下次都係要去現場食，有埋視覺感覺會更開心

(❍ᴥ❍ʋ)JANEJEN心聲(❍ᴥ❍ʋ)♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎間鋪細細地，座位最多坐到十幾張2人枱？但係中午去食，等位都算快喎～等咗5分鐘就有位啦😍🤪♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎ ☘︎︎ 紅棗杞子雞粒陳村粉 $48➪咁多款籠仔荷葉蒸飯，唯一一款籠仔荷葉陳村粉🤪今次我試吓😂我認為蒸飯可以吸收嘅荷葉味更加重，但陳村粉都有佢嘅特色^_^陳村粉又薄又滑，係另一種風味。➪好多雞粒出哂雞油好香☺️呢一個真係好食的靈魂，絕不能缺少。紅棗我望落以為係臘腸😂紅棗味道清淡，滋潤補血呀，啱晒女仔們🧍‍♀️☘︎︎ ☘︎︎ 蒸爐拼美點9件 $60➪一次過食到咁多點心好爽。🔥🉐😙特別推介😙🉐🔥1️⃣蝦餃：超級多蝦、爽滑2️⃣馬拉糕：異常鬆軟🤩3️⃣薑汁椰糕：薑汁味夠重4️⃣叉燒包：大件多餡☘︎︎ ☘︎︎ 宇治抹茶豆沙餅 $25➪ 油不是八十年代，2022的愛？🥹 個面皮太多油🤮冇乜食到抹茶味🍵正常啦🤡≡≡≡≡≡≡≡≡≡≡≡≡≡≡≡≡≡≡≡≡💰價格參考💰Total $133 = 人均$67≡≡≡≡≡≡≡≡≡≡≡≡≡≡≡≡≡≡≡≡▼・ᴥ・▼

見到同事午餐食完點心，搞到心郁郁好想食，之後收工去咗蒸廬呢間餐廳，舖頭係用ar code落單好方便。 晶瑩蝦餃皇粒粒都好大粒，要分幾啖先食得晒，啲蝦餃皮好薄一啲都唔厚，蝦肉餡料飽滿。雲石芝麻包無諗到個包咁出色，一搣開啲芝麻餡流晒出嚟，好濃郁嘅芝麻味，超正！忍唔住食咗兩個🤣，好值得一試👍🏻，推薦推薦！牛肉球牛肉肉質嫩滑，食落帶點爽口彈牙。秘醬蒸鳳爪好入味同夠淋身，而且味道啱啱好，唔會太鹹。鮑菇蟲草花綿花雞魚肚吸晒啲汁好入味，雞肉幾嫩滑，菇好大舊，雖然份量唔算多，但幾好食，唔錯！蟹籽燒賣皇同蝦餃一樣整得好大粒，肉味幾鮮甜，而且裏面嘅蝦好足料，鍾意食點心嘅你一定試試。

良心小店好少有主打中菜點心呢間店位於石門舖頭面積有啲細如果唔想等位就要早啲嚟啦紅棗杞子雞粒陳村粉馮係蒸粉麵都係用荷葉竹籠嚟到一開已經食指大動雞肉嘅味道非常嫩滑鮮美陳村粉就索晒啲汁淨係食一個都唔夠要再 encore薑蔥牛柏葉嗰份量簡直係塞爆咗嗰碟薑蔥嘅味道非常香呢個食極都唔夠喉蝦餃一籠蝦餃啖啖肉飽滿到一粒食幾啖先食得晒咖喱士魷蒸豆卜同樣個份量都係好大咖哩味道鮮而不辣土魷好爽口最後叫本日甜品法式咖啡焦糖燉蛋估唔到佢嘅外皮係豆腐花嘅紅糖燒完之後卜卜脆燉蛋老實講唔夠滑但係勝在咖啡味足夠必食！

放工同同事去石門搵食, 佢地話之前食過一間叫蒸廬, 啱晒追求健康飲食既我去到感恩不用等位, 仲有最後一枱比我地坐, 之後就見到開始有人排隊啦. 最鐘意飲湯, 難得有燉湯飲, 二話不說, 每人叫左一盅試下蒸廬標榜原盅燉最少5小時, 無添加味精及調味, 好養生. 3盎湯都好多料: 紅菜頭粟米腰果燉瘦肉的味道最大眾化, 鮮甜好味; 同事覺得花膠蟲草花栗子燉土雞湯都幾好味，惜雞味唔夠. 我就叫左猴頭菇茶樹菇燉上肉湯, 好有期望, 惜飲落有點苦澀, 起初唔係好慣, 可能是菇的份量比較多, 肉味唔夠, 加左少少鹽較易入口, 但仍有點苦😅我最LIKE 係籠仔荷葉蒸肉餅飯, 上面蓋滿柴魚, 飯粒有嚼口, 簡簡單單食原味，難得出街食可以揀唔食煎炸肥膩野另外叫了一籠拼盤點心, 共9件, 每人可分3件, 鐘意佢即叫即蒸, 有誠意亦有水準得閒經過我會再去的😋