蒙自壹品云南过桥米綫

听日休息,太太话不如上深圳行吓街街,跟著去按摩啦,搭火车上深圳,过埋关成12点,食少少嘢至去行街街,行完先去按摩,由地铁行过去香格里拉𠮶边,有很多食店,有茶餐厅、印度菜、上海菜、Pizza、过桥米线、肠粉店…等等,太多选择啦我地行左一圈,样样都好似几好食,左拣右拣,见舖面干干净净,就决定入呢间叫蒙自壹品,食云南过桥米线:) 叫左过桥米线套餐加个窝贴26元服务员已经倒晒D材料落过锅先至上台,啖汤好清甜,米线又爽又滑,真正又平又好食窝贴皮脆肉嫩,要趁热食,都系几好食太太叫左酸辣粉,个汤酸酸辣辣几好饮㖞,酸辣粉烟烟韧韧,太太越食越热,到最后个嘴唇肿左另外叫左小食,凉拌青瓜加酸辣,青瓜爽脆好好食太太爱吃南瓜饼,叫左一客试试,外香脆内软,不会太甜几好食,不过几多油呀食食吓,见隔离台食薄饼,太太话叫个食啰,我话食唔晒㖞,太太话食唔晒咪打包咁又叫个葱油薄饼,热辣辣,酥酥脆脆,外皮好脆,一咬就溶化晒好好味,好彩有张纸索走D油,唔喺都几肥架 …查看更多