葵線軒

今日晏晝整咗個酸辣米線，成兜都好香好好味雞扒煎到好香，有好多舊酸菜份量都幾多，酸菜好脆仲加多個餸揀菜通菜，超級多通菜食完都幾飽，米線水準算係保持住，所以經常都幫襯食米線…查看更多

呢間舖頭專做街坊生意啲米線係OK嘅某啲飯都幾好食上次點咗呢個白切雞幾好味而且份量好多今日又再點返 食物份量依然係好多但味道完全係兩碼事啲雞好唔新鮮而且好韌 好難咬 希望餐廳關注吓食物嘅質素可以保持水準啦…查看更多

去到大隴街，多數都係食牛什河，今次就特登唔食，食其他嘢，行前啲就見呢間，舖面傳統，唔靚仔，但都車水馬龍，食客大都係麻甩佬只得返個近門口位，客觀認為應該唔係伏店，就大膽啲入去坐。除咗米線，仲有炒粉麵飯粥，碟頭飯，非常麻甩嘅嘢食。諗住簡簡單單又一餐，就叫咗豬潤米線$26(因為夠平又少食)，比想像中好食，豬潤厚身鮮甜有咬口夠粉，魔鬼美食炸蠔餅$48，脆到不得了，蠔仔比較大隻，夠新鮮，not bad，見廚師只係用煎pan煎，應該唔係用萬年油，所以食後喉嚨冇唔c服，好過廟街嗰啲，有時食嘢真係唔好睇外表。…查看更多

曾叫過葵扇軒的外賣幾次，夥計態度不錯，亦很親切，在交易方面也很信任客人。但是幾乎次次都漏湯，又放錯配料，叫上湯又給了酸辣湯底，又經常遲到，曾經試過等了接近15分鐘，影響到之後的安排，做事馬虎，希望改善。…查看更多

今晚2點15分無端端有少少肚餓，行過去買個時菜腩肉豆腐飯擰返屋企食，一打開直頭嚇親我，青菜白灼，腩肉又係白灼，豆腐亦都係同白灼冇乜分別，就咁。色香味全部都冇，仲衰過我自己煮,已經唔可以用難食來形容，直頭唔係人食，豬潲都冇佢差，使唔使咁求其呀。，諗起都火…都唔知係咪夜得濟唔想做，咁你咪出聲咯，咁求其出d咁核突嘅餐俾人食，真系做衰曬自己個招牌，咁大個仔第一次俾人差評，但係實在忍唔住，本來都肚餓啊嘛，搞到我又走返落去轉食麥當勞.總之唔係冇得揀都千祈唔好去..end …查看更多

夜麻麻11:30 葵涌周圍嘅食肆除咗麥當勞都閂晒唯有去咗葵扇軒食晚飯點咗個豬扒麵拼牛腩 大辣所有嘢食都幾足料嘅不過不失湯底方面就冇咩特別好似普通嘅清湯加左大辣不過真係幾抵食另外重點左大大支嘅男妹啤酒飲…查看更多

晚上不知吃什麼好又不想花費太多錢可以選擇吃這間的酸辣米線和全日兩餸快餐。腩肉酸辣米線 酸酸辣辣很開胃腩肉份量很多，夠飽肚兩餸飯我選了雞扒紅腸飯配豉油汁。略嫌豉油不夠多下次會選擇黑椒汁。正正常常不過不失，價錢便宜。兩個晚餐加起來$100都不用。…查看更多

住石籬好耐都冇行黎呢邊 今曰路過呢間聽朋友講話d米線唔錯既鋪頭 以前好細間 而家大左仲有埋小菜同碟頭飯食望望下有少少口痕 入去坐低叫左個雲吞扎肉河 加杯凍咖啡 食落有少少驚喜 唔錯 雲吞隻蝦夠大夠爽口 皮又夠薄個湯夠味扎肉中規中矩啦 好難會唔好食既 河粉係幼河粉而且最緊要係夾起唔會碎晒 唔知係咪事頭婆係到 師傅落重手左個河粉 杯凍啡又滿 本來諗住當下午茶點知食到好飽 同事頭婆傾下計原來呢到最出名係蠔仔粥 蠔餅 同埋米線 佢同我介紹話係潮州人係潮州粥叫我下次一定要試下 比佢講講下 下次真係要試下佢地d招牌野價錢合理 街坊生意唔貴 環境正正常常啦 茶記黎講算ok …查看更多

放假喺屋企無所事事到一個程度，懶到連街都唔想落，本來想食壽司，打開外賣Apps偏偏俾我發現外賣速遞餐單價錢同自己落去買外賣價錢差好遠！有乜理由差百幾蚊，重點係用Apps叫已經要俾速遞費，都仲要食差價，嬲咗😕唔用外賣Apps，唯有搵搵附近有咩餐廳有外賣服務，最後揀咗呢間，打去問話叫滿$60可以送貨👍🏻湯底都幾香，配菜亦多，有酸菜、蔥、芽菜、肉碎同花生，我揀咗雞扒，幾香口，雞皮好正，但太邪惡我淨係食一半🙈可惜米線份量偏少，如果多少少就更好。為咗嗌滿$60只好嗌多個菜，老實講有少少後悔，因為我見人哋叫個十幾蚊嘅烚菜都係差唔多份量，但轉咗蒜蓉炒就貴咗兩倍有多，仲貴過個米線，不過一個人食要嗌夠數都冇辦法😢至於味道就中規中矩，不過不失。總體嚟講，懶惰症發作嘅時候真係一個唔錯嘅選擇，但最好都係兩個人或以上先叫😅…查看更多

一向秉承隱惡揚善既精神，好少寫劣評，但今次真係要破戒！用$46買左呢碟炸大腸，剩係睇樣都知有幾過份！🤬🤬🤬乾不在話下，擺明就係賣唔出再翻炸，真心建議大家唔好幫襯😡😡作為一個支持小店既邨民，今次真係好嬲好憤怒！…查看更多

收工就決定買外賣番屋企慢慢嘆。簡簡單單買左個腐皮酸辣米線。腐皮份量都多，同埋預先切左小片，食起上黎都方便。不過個酸辣湯馬馬地，食落有d單調，辣得黎唔香，調味做得一般。呢個米線叫做平平地，一個餸$28。整體普普通通可接受啦。…查看更多

家住葵涌, 冇乜大品牌食店, 但就有好多平民小食店, 呢間米線係先生非常鍾意食嘅麵店之一, 印象中好多年前食過, 印象真係麻麻, 覺得唔太好食, 之後一直冇再試, 直到有次佢買咗一碗返屋企, 由於好肚餓, 一試之下令我印象改觀😬雖然同石蔭嘅雲南小鍋米線比較, 係有少少不足, 但佢嘅湯底都富有自己嘅特色👍🏻我哋每次都會叫雞扒米線小辣, 雞扒係成塊雞扒煎香切件, 然後放上米線上面, 非常足料! 😋湯底入邊有肉碎, 酸菜同芽菜, 其實用料都唔差加上價錢只係$27真係平到笑😁最重點係佢哋提供外賣服務, 打個電話去15分鐘左右就有香噴噴嘅米線送上門, 只要買滿$60就可以送貨通常我哋叫兩個米線+一個$12嘅腐乳通菜就已經可以送上門, 非常抵食👍🏻已經成為我哋嘅宵夜首選…查看更多

今日經過石籬，見天黑隨便入間快餐店食個晚飯。因隔離就無馬會，所以鋪內都比較多大叔。所以入面就想試試男人的浪漫，石腐火腩飯。但鋪內好似無豆腐火腩飯，只好點枝竹牛肚牛腩飯，大大碟。 火氣十足，唯牛肚味道唔夠突出。但五十蚊個晚餐，連中湯凍飲，算交足功課。…查看更多

大大碗「鮮蝦雲吞小窩米線🍜($28)」(可轉薯粉丶河粉等）湯底清甜唔油膩 帶有微微酸味 鍾意嘅可以叫辣 仲可以另外加辣油🌶花生香口 薯粉爽口彈牙🤤❤️ 總共有5隻鮮蝦雲吞 隻隻人手包 仲有原隻蝦蝦🦐-The shrimp wontons rice noodles🍜 ($28) (rice noodles can be changed to tapioca noodles, flat rice noodles, etc.) is in large portion. It is served with a flavoured soup with sourness and spiciness. If you like spicy food, you can add the chilli sauce too🌶. The fried peanuts are savory and crispy. The tapioca noodles are al dente.🤤❤️ There are 5 handmade shrimp wontons. There is a shrimp 🦐 as the filling of each wonton.-價錢price：$28 - $50（-$2 for students)地址address：葵涌大隴街153號怡勝花園1A號舖 Shop 1A, Victory Garden, 153 Tai Long St., Shek Lei, Kwai Chung性價比CP value：🤤🤤🤤🤤🤤飽肚fullness：🤤🤤🤤🤤🤤味道taste：🤤🤤🤤🤤⚪️環境environment：🤤🤤⚪️⚪️⚪️服務service：🤤🤤🤤⚪️⚪️Score：85/100…查看更多

講真食杯麵都好過食呢間垃圾 價錢又貴又唔好食 環境又污糟態度好惡劣 離哂大譜 仲話做街坊生意 真係無良店黎 我只好講大家食呢間野要小心 成日話佢地好多客人多你一個唔少你一個 招呼唔到 咁樣做生意幾離譜 態度幾咁乞人憎 真係不知所謂 …查看更多