葫蘆館

营业中

休息中

上年2月尾宣布結業嘅葫蘆館，經過有人接手終於開返啦，可以再食返細個食開嘅薑汁撞奶😍🥛薑汁撞奶超鐘意佢哋嘅薑汁撞奶，勁辣超正，食完暖晒，啱晒我勁鐘意食薑嘅人🫚🫚🫚同埋䲪來可以叫多薑，咁就會辣啲，仲正😋🫘紅豆沙真材實料，煲到好沙，不太甜都好好食👍🏻 🚩葫蘆館 (觀塘) @woolokoon.hk📍觀塘宜安街2-4號地下2A號舖

同朋友晚飯完想食甜品，黎到觀塘多年老字號既葫蘆館。唔想諗就點左呢度既招牌薑汁撞奶。有得簡原味，黑糖，椰子，杏仁，伯爵茶等等，今次試左椰子味，同行朋友就簡左多薑少甜。淡淡既椰子味剛剛好，唔會搶左薑汁既風頭。冬天食完暖笠笠好舒服。鍾意經典既朋友就推介返食原味喇。坐左一排舖頭就見到越來越多食客，佢地都係嗌啲招牌甜品例如雪糕牛角包，合桃糊，杏仁糊，紅豆色喳喳咁樣。如果有朋友外國黎香港，都可以推介佢哋黎試試，

知道葫蘆館結業重開，真係好開心！之前食過佢哋嘅薑汁撞奶已經覺得好好食，問咗店員，依家嘅薑汁撞奶都係同創辦人董生學習，保證客人食到嘅都係同樣嘅味道。🌟薑汁撞奶 $32👉🏻一坐底都聽到好幾枱客人不約而同都叫薑汁撞奶xd枱面上餐牌都有提示，薑汁撞奶要趁熱食，唔好攪唔好搖。第一啖食落薑汁味真係超突出！同埋真係超滑，薑味濃之餘仲有奶香，真係好正！🌟芒果紫米小丸子 $38👉🏻紫米好軟熟，芒果切到好大粒，加埋煙韌軟糯嘅小丸子，真係好滿足🌟芝麻湯圓 $7👉🏻咬開入面真係流沙㗎，好好食！

1. 燒焦糖雪糕配爆珠西米椰果仙草小丸子 $32有d期望落差，因為想像中應該係有d糖水襯底，估唔到係咁"乾身"，不過餐牌寫嘅所有配料都有，所以只係自己估錯左😂雪糕可以揀椰子/芒果/榴槤味，上面燒焦糖幾得意，不過雪糕有d硬，用厚身匙羹有啲難𢳂.2. 原味薑汁撞奶 $32好薑但又唔會辣喉嚨，冬天食落暖笠笠

今日下午去試葫蘆館，整體價錢實惠及水準唔錯1.薑汁撞奶(味道及性價比高😚，一定要叫)2.魚肉燒賣(以$13蚊8粒係抵食及性價比，加埋辣椒豉油冇得輸🤣🤣)3.糖不甩，可能已飽飽地，就正常發揮整體裝修及坐得舒服，老店翻新後又有一好去處(特別街坊/學生)

一間開咗好多年的糖水鋪，咁啱經過見到竟然重新開返，即刻搵時間同frd去試吓叫咗佢最招牌的薑汁撞奶，比上手唔同嘅係佢用埋日本明治奶，入口好滑，食落有明顯薑味但唔會太辣搶左個奶香味朋友叫咗冰花燉蛋，食落濃蛋味，比撞奶挺身啲我哋仲試咗佢個特色甜品，脆脆芝麻湯圓，佢啲脆脆係粟米脆片，啲湯丸面灑咗阿華田粉，咬落係黑芝麻湯圓，都會食到粟米脆脆同阿華田，咬落煙煙韌韌。鐘意食甜啲可以點埋煉奶，不過我覺得就咁食已經好夠味見佢仲有雪糕牛角酥，下次天氣冇咁凍一定要試試！

薑汁撞奶伯爵茶味，平時食薑汁撞奶就食得多，第一次食伯爵茶味嘅薑汁撞奶！口感香醇爽滑，薑味好濃郁，好暖胃！食落口仲帶有淡淡嘅伯爵茶香味，幾特別！紅豆沙拼芝麻糊，紅豆沙紅豆夠哂軟淋，仲食到濃濃嘅陳皮香味，配埋芝麻糊一齊食，味道好夾，鍾意佢唔會好甜！！正！！魚肉燒賣外皮煙韌，口感彈牙！味道都唔錯呢！餐廳舒適，裝修都有懷舊氣息，牆上面仲印有公雞碗嘅糖水！呢間老字號糖水店嘅糖水真係幾唔錯！下次會再同朋友黎食！

今天我和朋友一齊去左一家新開的甜品店，品嚐左佢地招牌甜品：薑汁撞奶和冰花燉蛋。而家好難係香港食到薑汁撞奶，一定要去試下。薑汁撞奶 - 熱騰騰的牛奶搭配生薑汁，散發著濃郁的香氣。舀了一口，奶香滑嫩。微微的薑辣和奶香完美融合，既暖心又舒適，真的讓人一口接一口，完全停不下來！朋友一邊吃一邊讚不絕口，說這是她吃過最好吃的薑汁撞奶。冰花燉蛋 - 好有蛋香味，又唔太甜，  外觀晶瑩剔透，讓人一看就想拍照。薑汁撞奶和冰花燉蛋各具特色，下次一定要黎再試其他甜品。

經過重重波折~經過開業⏩結業⏩開業⏩結業...到今日~終於有第3️⃣任接手啦😳😳作為街坊既我真係好感動🥹🥹🥹老闆好有心❤️❤️招牌同室內裝修都重新設計過由舊式設計⏩文青壁畫設計但唯獨人情味無變到🥰🥰糖水都仲係以前既味道就算轉咗手都仲KEEP到水準👍呢度好多糖水選擇基本上大部分港式糖水都可以喺呢度叫到而呢度最出名係食🫚薑汁撞奶🥣好足料~薑夠辣~奶夠滑👍又濃又好味🤤🤤另外可選口味同辣度，如果怕太辣既可以叫少辣😜而且仲新增咗多款新穎甜品~例如🍦燒焦糖雪糕配爆珠西米椰果仙草小丸子/🍧伯爵茶沙冰/🥐雪糕牛角酥我食咗🥐雪糕牛角酥🍦雪糕球可以選芒果味/椰子味/榴槤味我就選芒果味，濃郁芒果香好好味😋而🥐牛角包即叫即整，上枱仲好酥脆，牛油味濃配埋濃濃🍫朱古力醬，無得彈😍😍

觀塘隱世街坊糖水舖⭐️⭐️古法石磨合桃糊合桃糊質感細膩綿柔，入口後瞬間彌漫出天然核桃的香氣，沒有多餘的人工添加與化學感，非常有口感。香濃的果仁香與甜度掌控得剛剛好，十分細膩。椰汁芒果紫米小丸子濃郁的椰奶搭配香甜的芒果，再加上紫米的微微咀嚼感，形成了豐富而不失平衡的層次。紫米顆顆分明但又足夠柔軟，與滑順的椰汁結合，帶來一種「粗中有細」的完美搭配。而小丸子的加入更增加了趣味性，丸子嚼起來軟糯Q彈，完全不會過於沉重。薑汁撞奶奶液細滑如絲、濃厚。一口下去，立即湧上一陣微辣的薑香，清新提神又不刺激，隨即被牛奶的濃郁柔滑所中和，形成一種微妙的平衡感。甜度適中，薑汁的辛辣和奶味的甘甜相輔相成，層層分明。

今日一行3人，我地見到葫蘆館重開，就即管入黎試下。我地分別嗌咗三款甜品，包括《古法⽯磨合桃糊》、《伯爵茶沙冰》及《雪糕牛角酥》。《古法石磨合桃糊》近排個friend話用腦用得多又記憶力爭啲所以就建議咗佢食合桃糊呢度啲合桃糊唔係好甜但好彩合桃味夠香濃同質地夠厚夠滑真心，推薦大家試下本身都唔鍾意食合桃，但每啖都有合桃精華下次一定要食佢個雙拼，即係《古法石磨合桃糊拼古法石磨芝麻糊》《伯爵茶沙冰》口感香濃細滑飲完都唔覺得好漏可以值得一試《雪糕牛角酥》牛角酥好鬆脆雪糕味道可以選擇：椰子味、芒果果同另加$3配榴槤味。而我地今次就揀咗綿滑嘅《椰子味》雪糕兩種夾埋簡直perfect match原來牛角酥同椰子味咁夾真心，真係一試😛😛😛

觀塘開左間新野，同朋友經見到， 就行入去試下。 裝修幾光猛，牆上的畫好得意，雖然天氣涼涼地，但好想食雪糕於是 叫左一個雪糕牛角酥賣相幾吸引，牛角酥夠脆口， 加埋雪糕， 冷熱交替，好好味。

40年歷史甜品館《葫蘆館 》主打經典風味甜品 - 推介甜品薑汁撞奶，薑味真係好正😋😋真係食到當年港式懷舊甜品風味喎！我地仲叫咗楊枝甘露 及 紫米露糖水🥣🥣兩種經典糖水好有驚喜❤️用料新鮮所以食落特別滋味😋😋一定會帶屋企人再去encore🎉🎉

冰花燉蛋，蛋味香濃薑汁撞奶，薑味夠，傳統味十足不過唔記得影相，淨係影咗燉蛋相咋。我見餐牌上仲有好多唔同款式嘅甜品，下次再去試完，影相俾大家睇。我相信住附近啲街坊一定好開心，因為能夠保留傳統味道的小店越來越少。