萬豪咖啡室 (已結業)

3月17日食dinner buffet，平日都full晒，價錢唔係平黎講竟然咁多人食...確實係有佢既優點。講真! 我覺得款唔夠多，不過...quality真係高水準，佢每一樣都有佢既水準同質素，本人確實欣賞佢既生蠔，其實我怕生蠔煋，但係佢真係一d都唔會...食得出佢係好fresh! 其實都係ok既...至於甜品我就覺得ok only! 不過呢d各人唔同口味，好似我個friend就狂讚d cake。最後埋單兩個人670...唔算貴，我冇問價錢黎食，...點知都唔係好貴，都去得過!! 不過至於個排場就俾我想像中唔夠高級。

Lunch buffet：星期一至五（$228）星期六、日及公眾假期（$278）Dinner buffet：星期一至四（$308）星期五至日，公眾假前夕及公眾假期（$338）Tea buffet：星期六、日及公眾假期（$168）順便勞煩editor update番「開飯介紹」D資料，唔該晒！若果想食宵夜buffet，請移玉步到樓下lobby lounge；Marriott Cafe冇宵夜buffet食o嫁！

要大約$1600~1800,食16次...咁就每次去食收少一位的錢!

我想問宜家係Marriot 食buffet要幾多錢一位呢?(lunch buffet,tea buffet, dinner buffet同宵夜buffet)

我都食過一次cafe too，等我又比較下先。正如其他食家所講，cafe too 多d選擇，點心，印度燒烤、咖喱、即煮pasta都有，甜品的的骰骰好多款。不過marriott較多「矜貴」野食，cafe too 冇龍蝦、琵琶蝦、蟹腳、燒牛肉都冇。但我聽聞後者用料講究，譬如沙律用料地道，材料由原產地運黎，成本唔平，佢個印度counter都幾impressive，亦都好好味。凍海鮮只得蟹同蝦，但非常新鮮，有中菜水準，魚生都好新鮮，熱盤同甜品就一般。裝修cafe too 時尚d，但始終係餐廳，冇marriott 咁開揚。橫掂我食唔出d料有咩分別，所以覺得係marriott食得開心d。個membership好似要二千幾，仲限次數。其實lunch buffet 同dinner 野食唔爭好遠，而且有幾種價錢，可淨食甜品、粉麵、沙律等，再唔係可以試tea 或supper buffet。

唔好意思﹗我都唔知，因為我都係問同事借架咋…我諗係俾錢買呱，佢一年可以有16次俾你free一位，當然兩個人食最抵啦﹗

金鐘三間酒店的BUFFET，我覺得萬豪最好，好多人認為香格里拉至正，但係應該係最初既時候，大家只係被CAFE TOO 既裝修吸引了。

點樣申請到VIP卡架,我都好想試呀!不過太貴,實在唔捨得....>.<Thanks!

期待已久，終於一嚐佢0既自助晚餐喇﹗六點正去到，無乜人，但唔夠半個鐘就坐滿晒囉﹗冷盤真係有好多野食，長蟹腳，生蠔都好新鮮，我都一口氣食左八隻，嘻﹗刺身選擇唔算多，但都好鮮味，幾好﹗熱葷都唔算多，但有燒味食，好特別，仲有好正0既海南雞飯，D雞好滑啊﹗淥淥檔可以自己任揀野食，揀左碗什菌，好好味啊﹗最後甜品當然勁好味，又多款式，不過個班戟就麻麻地﹗我至愛0既雪糕反而令我失望，四隻味，都無一隻我至愛- 士多啤梨，唔制呀﹗所以只係食左士多啤梨芝士餅同咖啡味五個球左右，太唔開心喇﹗不過好彩我係問朋友借VIP咭，FREE一位，兩個人都係四百蚊埋單，勁抵﹗

睇番D食評，原來小妹對上果次去Cafe Too已經係兩年前o既事～;p 若果將Marriott Cafe同果陣o既Cafe Too比，我會有以下comments：食物種類：一定係Cafe Too多款色過Marriott。海鮮冷盤：兩間o既種類都差不多；但Marriott有法國蠔，當然正過Cafe Too！沙律：差不多～燒味：冇得講，淨係Marriott個海南雞已經贏晒～日式魚生：兩間都麻麻。熱盤：Cafe Too多o野食好多，pasta款色又多，即叫即煮，檔咖喱都唔錯～Marriott呢泛就唔掂喇！甜品：Cafe Too出名款式多，樣樣細細碟好靚咁樣；Marriott就少好多款(連souffle都冇)～但若講味道，我覺得Marriott正好多，絕對稱得上「實而不華」！價錢：好似一樣，dinner $338 (weekend價)。Service：兩間都okay。環境：Cafe Too裝修靚D～但Marriott有DD海景。俾我揀，會prefer Marriott多D！p.s.我係McWing，唔係McMing呀！\(@^o^@)/

我試過萬豪的幾款不同時段的BUFFET...每款都有佢的特色其中的宵夜BUFFET最為抵食! 百幾蚊就可以去五星級酒店~~最值得推介的係那兒的粥任揀材料,即賣由廚師煮...有多款不同的海鮮,十分鮮味!!而且也有多款十分有名的甜品任君選擇.....我最喜歡就是那兒的tiramisu同芒果布甸!!!

純綷八卦想問下你覺得依度好D;定係隔離cafe too好D﹖因以你所述，呢度好似同cafe too差唔多，而我只係試過cafe too

今年annual dinner抽中兩張Marriott Cafe既dinner buffet voucher，咁胃食o既我又有借口去擦番餐喇～當我一眼望埋張buffet檯度，見到好似冇乜o野食咁，但因為呢餐唔使錢，也冇乜失望。不過當我食落去o既時候，驚喜簡直係一浪接一浪。(冷盤)─有齊龍蝦仔，蟹腳，蝦，青口，生蠔。龍蝦仔等都係係咁二食o左一件，冇乜驚喜。生蠔有兩盤：一盤係肥仔D既美國蠔，另一盤係細細隻o既法國蠔。美國蠔冇乜特別～不過D法國蠔就好新鮮！唔算好甜，但食落口好鮮味，仲隱約有陣海水味，好正！不過問開蠔果個都竟然唔知呢隻乜蠔o黎～(沙律、湯)─一般啦；cherry tomato係圓身果隻，雖然甜，但唔夠紅。湯試o左冬陰功，聞落去就好香，但飲落唔夠辣。最impressed反而係有cheese platter～(燒味部)─有叉燒，乳豬，油雞，燒肉等等，即叫即切，仲可指定要邊個部位，好似嚮街市斬料咁。旁邊放o左一碟海南雞；見仲有兩舊上脾，又有黑醬油同酸辣醬，就整兩件試下啦～一試之下，正！雞肉滑一滑，雞皮與雞肉之間仲片雞湯o者喱，好味！(日式魚生)─有三文魚，maguro，甜蝦同帶子。M

真係好啦，又有人請食buffet，但有d改動要抗議﹕-- 蠔轉左美國蠔，雖然肥d、大隻d，仍然爽脆新鮮，食後口腔留有甘味，但比起以前愛爾蘭種，明顯降級，連亞哥都話唔駛專登再黎食。抗議抗議!!-- 燒牛肉，轉左批角式切，唔係成塊，變左唔夠軟熟，「姑寒」左。-- 冇左填鴨，轉左乳豬雖然咁，仍然精彩，我每次都主力海鮮同甜品，海鮮品種尤多，但凍既質數好過熱既，值得一提﹕-- 龍蝦最掂，帶甜味，膏仍係流質。另有隻類似亞拉斯加甜蝦大隻爽脆鮮甜，蟹腳有進步，算係咁，一枝係sogo買都百幾蚊。-- ha，d 沙律原來都幾新鮮好味，有隻蕃茄仔酸酸甜甜，幾醒胃。-- 雪糕真係ben & jerry，食落好似比haagen dazs滑，但味道冇咁豐富，街賣要廿幾蚊球，我都唔捨得試，咖啡最香。-- 咖啡非常香濃，掂，亞妹話係機製，個晚成天光至訓到。-- cheese cake 好香濃，好似食緊芝士咁。tiramisu 重芝士味，冇乜酒味、唔濕。有隻無糖朱古力mousse，都甜架喎，唔知點解。-- 熱盤中有花膠桂花蚌螺片，螺片自然少d，花膠好多，但唔夠淋。d魚由班片轉龍利，差左喎。唔該轉返d生蠔呀!

我都想知呀~~~~~