萬發食館 (已結業)

行完山搵地方開飯, 平平地就呢度啦! 4個人叫咗5個餸: 黑椒牛柳粒 - 正! 有牛柳有西芹. 好惹味! 牛柳粒仲好有牛味~ 椒鹽鱔球 - 都正! 炸得好脆! 好乾身! 琵琶豆腐 - 菜心底, 味道幾好. 炸花枝丸 - 好味呀! 好彈牙有好多墨魚粒!! 豆豉鯪魚油麥菜幾樣野都好好味! 真係平價開飯之選呀!!!

一行5人, 9點左右搵平平地炒小菜地方開飯. 有朋友提議呢間, 姑且一試. 去到唔駛等位. 叫咗:炸大腸 - 外表都幾好, 食落只係一般, 唔夠脆!椒鹽九肚魚 - 都幾大碟, 味道唔錯! 中式牛柳 - 不過不失菜甫煎蛋 - 正!! 唔油~!!! 椒絲腐乳通菜 黃金蝦 - 蝦都幾大隻, 蛋黃味夠~ 見好多枱都打邊爐, 聞到隔離枱醉雞窩都幾香呀! 下次去試下先!

昨天晚上一行三人走去萬發打邊爐, 8點半到達門口已經見到10幾個人排隊, 心諗咁多人係咪真係咁掂先, 終於等咗半個鐘有多先等到張要搭枱的大枱, 係樓上環境都唔係差, 樓底高, 抽風系統良好, 光猛的燈光, 有電視睇, 地方乾淨.環顧四周, 大多數都係一班後生仔女又或者一家大細客人居多, 而且員工上下都用免提做內部通訊, 所以維持啲食客埋單入枱秩序都算井井有條.一坐底就叫咗個番茄豬骨湯底, 佢地都好快手, 個底好快就送上, 我覺得佢地個湯底最特別係有好多骨頭係入面, 夠晒份量. 跟住我地叫咗雪花肥牛, 魚皮餃, 大魚頭, 豆腐, 竹笙, 西洋菜呢啲生料, 又叫咗雞軟骨同小炒王兩味餸. 基本上我認為佢地呢啲每樣料族樣計錢方式的打邊爐舖頭黎講, 其實係無甚特別的, 無話有邊種特別賣點的特式菜做綽頭, 不過如果純以食得開心又放心黎講, 都覺得呢度都可以介紹朋友黎o既.

同行朋友上次來過和老闆談過, 原來他們最不喜歡同力奇比較, 就因為他這句說話, 自不然心裡會暗中比較著豬骨煲 - 賣相當場沒有力奇那樣成座山的豐富, 但豬骨等其實也不少, 當中以筒骨比較多, 沒什麼肉可吃, 但連帶骨髓更令人喜愛. 豬骨味不太濃, 反而黑椒味卻很搶. 湯底本人嫌太淡, 但吃下卻沒力奇般口乾手切肥牛 - 牛味不重, 肉質亦帶韌筒蠔 - 肥大肉厚, 可惜蠔味不濃鵝腸 - 肥美的鵝腸, 望賣相已對路, 肥膏滿滿的黏著, 入口豐腴爽脆手打三寶丸 - 蝦丸, 鯪魚球和墨魚丸各四粒, 過腍不夠彈牙桂花蚌拼珊瑚蚌 - 爽口是有的, 但總欠了份鮮甜雞子 - 飽滿有光澤, 咬開那酥味依然吸引吃後見門外滿是排隊的人, 但內裡卻仍有很多空檯, 真是奇怪. 而這裡是容許吸煙的, 在這區禁煙真的是那麼難嗎?

7點左右去到,等左一陣就入得.應該係老闆娘都幾好笑容~估計係老闆就表現得有d躁狂..叫左蕃茄薯仔豬骨湯底,幾碟雪花肥牛,手打三寶丸,一蘿時菜,沙魚丸,蟹籽丸,象拔蚌,另加小菜生蠔煲+豉椒象拔蚌..仲有6支野飲左右..一行四人, 每人145.感覺上湯底好多料, 材料算新鮮!但份量感覺上好少..汽水如是..生蠔煲味道麻麻,好un.豉椒象拔蚌好食,但成碟得10小條左右.睇完之前既食評, 打左個底以為服務好差,其實都可接受既!環境都未至於惡劣, 樓下有2台電視,坐邊都睇到~

上過星期二 , 可能是平日兼且6pm , 我哋兩大三小去到時只有一枱客 , 肥老闆好好招呼仲得閒到同我哋講仔經.建議坐樓下, 冇咁嘈, 聽到電視.order左以下食物:1. 黑椒豬骨鍋 - 好多配料:粟米, 白紅蘿蔔, 芹菜, 好多豬骨, 越食越辣, 好正.2. 九菜餃, 魚皮餃, 蟹子丸OK.3. 肥牛普通.4. 豬肉片OK4. 雜菜乾淨新鮮5. 炸大腸, 一定要食, 又鬆化又脆, yummy1枝黑啤, 2枝加士伯, 6枝下火飲品埋單$480

一流收費九流服務〈不屑一顧〉咪埋單慢慢坐閒時上Openrice見到好評如潮兼「萬人空巷」o既萬發，約埋班老死擦番餐，一心Print定張餐單去，跟足各位指引，諗住$100點都有得落樓。埋單一睇，承惠百六蚊位，係＄１６０位，仲要趕客走，個個都抱住「遺憾」咁走。平庸o既野食，中高檔次收費。＄１６０位都唔係食得好架喇，個心已經有被搵笨o既感覺，但唔最開心o既係伙計阿姐仲要扮晒「萬人空巷」幾十人等緊位。咁當然唔好阻人發達，即埋單。正值中國奧運跳水，唔想走都睇多陣，各國選手跳最後一板之際，點知伙計話有「好多人」等緊位，大家仲唔急急步走咩，全部都係奧運粉絲，無緣睇最緊張o既一跳，咁點都諗閃人後食飛煙，仲要係o係門口食埋先走，但眼見門口「毛都無條」，但個肥老坑仲話：「埋左單就趕佢走，未埋單就尢佢坐多陣。」咁o既態度，想唔寫俾大家都唔得，我真係睇唔過眼。大叔呀，收我百六蚊位，睇多五分鐘都唔得，「無客扮萬人空巷」。個個食完都背脊骨落。個個都 Ｏ 晒咀。再次再次〈不屑一顧〉‧‧‧‧‧‧一路食，一路睇奧運(波)就記住睇埋先好埋單

萬發係小弟的飯堂, 食到連老闆都認得, 但係每次去食都有驚喜, 好似上個星期咁, 同幾個朋友叫左幾個小菜, 特別要一題就係當日叫左個"雜菌炒扎肉", D扎肉勁多, 勁好食, 仲有個蒸鱔, D鱔都幾肥, 好夠味。開車仲可以泊門口, 唔使怕抄牌。

見天口無咁熱, 建議晚飯打邊爐. 有人想去旺角行行先, 稻香/小肥羊啦, no way, 我有更好建議.小店位置之難找, 真係好幾次連的士大佬都投降, 你話鼓油街間酒店隔一條街啦, 個個都識行. 成條街都係車房, 對面係教堂, 就係一間食店咁大把. 零裝修, 企理有冷氣電視, 同事們"啊"一聲坐低.職工頭圍(五人)用饍, 菜單如下:1. 蘿白豬骨煲 : 蘿白絕對無渣, 滾返一個鐘咁上下就夠哂淋. 豬骨唔係桶骨, 無得啜, 只有咬肉同軟骨. 2. 本地肥牛 : 收得68蚊碟當然唔係街市貨色, 有牛味, 唔會一灼即散.3. 羊肉片 : 冰鮮貨色, 質素合格, 唔會滾成碎肉, 但個人嫌羶味不足.4. 四寶丸 : 不是上品, 但粒粒俾足料, 夠咬口. 算合格.5. 鯇魚片 : 唔係脆肉鯇, 要小心灼, 否則變魚肉碎, 幾鮮, 亦是合格.6. 貴花蚌 : 爽脆甜, 上乘. 價錢近百, 與酒樓相約, 但物有所值.7. 美國桶蠔 : 個人覺得大大隻鮮味不足的蠔該炸不該烚.8. 菜蔬類 : 無過失, 全部食得.9. 鼓椒炒蜆 : 呢個比較一般, 份量同蜆既大小鮮度都可以, 就係吐沙吐唔清潔, 食蜆最苦

Very near my home and I asked H and T to try here. I want to try both their 小菜and hotpot. We ordered deep fried chicken (ok, crispy and juicy) and fried clam (ok but with sand inside). For hotpot, we have beef, eel, 貴花蚌, oyster, 鵝腸, 黑拍葉and mixed mushroom. Total $770 included beer and coke. Overall not bad but I won't go again as there are many choices with better quality and environment.

我地16個人，星期日到萬發食小菜，好飽。我地叫左咸水雞同炸子雞，我個人覺得就麻麻，咸雞唔夠滑，炸子雞唔脆。是晚人多關係，叫多左好多菜，上湯西洋菜好吃，菇竹笙菜都好食，沙拉骨好食，牛仔骨都好食，菜脯蛋一般，肥牛粉絲煲ok，蜆芥堎魚球，豉椒炒蜆(怕辣的人可能食唔到，要叫佢走或減辣)。起碼15碟野，加汽水啤酒，一人都係95蚊。食完朋友話打邊爐仲正，下次試下先。整體上，唔係特別好食，但ok囉，又平，又大碟，用黎做飯堂都抵過你煮。

味道未錯, d野都幾大碟~多數也是食海鮮, 也可以$100蚊在旺角落樓~~如果不是大半是女仔, 我想平均應該要$150...不過, 基本上也是不錯的~不介紹位置, 真是個不錯的選擇~

最近來過兩次，每次都是兩個人來，每次都滿足的離開。最近的一次，叫一個沙嗲拼芫茜皮蛋湯底、豬肝拼鱔片、花甲、西洋菜、大石斑(九兩)、手切牛肉、珠江純生、綠茶、芬達。湯底一般，事實上亦沒有期望，不過今天的皮蛋就幾好食。豬肝、鱔片都新鮮好味。西洋菜當造，無渣，亦嫩，好味。花甲鮮甜，是火鍋料的好選擇。其實牛肉有幾款，名字其實忘記了，總之是第二貴的；有鮮味，雖然不夠軟滑，但仍有可取之處。當晚最好的是大石斑，看見有魚尾、魚柳等可選，今次選擇了魚鰭位，貪其肉滑有膠質，果然魚肉味重，膠質滑'漏'，記得火力不要太猛，否則膠質會較硬。不過魚要$12-$14一兩，雖不是很便宜，但值得。之前試過該食肆最好的牛肉，煮得過火亦夠'林'，不會硬，不錯。南非鮑魚低食，$20-$25一隻，鮮甜肉厚又夠爽。花甲、小象拔蚌$48一份，鮮甜，值得一試。

鍋貼小棠菜- 炸得幾好，鐘意中間多菜o的，不過就無咁實咕嚕肉- 肉好新鮮，汁o既酸度o岩o岩好，good勁辣水魷- 辣度剛剛好，不至於死辣，碟底o的粉絲先係精華帶子蒸豆腐- okay，不過豆豉好硬兩個人，四個，兩支coke，二百二，唔貴，又好味，覆桌之選

呢間野睇落好似細細間咁,但係d野食絕對ok呀!我通常都係叫外賣既,因為我呀婆唔方便落街.我就打電話落去叫,之後過1陣就落去拎.真係幾ok架d野食,好味道!!而且個價錢又抵呀!我就最欣賞佢地個咕嚕班塊,次次都會叫架!!另外,雞煲,勝瓜雲耳炒鮮魷都好正架~4-5個"送"都係二百零蚊!講真..真係食得過架!