影片
菠菜烟三文鱼吉士意粉好味道，烟三文鱼有啲咸咸地，加埋啲意粉入口就会好夹，好开胃，菠菜好林到健康，个意粉加咗个温泉蛋上去捞埋一齐食好正。个pizza饼底好薄好好味，好似饼干咁样，上面有啲菠萝好正。个忌廉蘑菇汤好好饮暖笠笠。
继续阅读
萨莉亚开到成行成市，几乎总有一间喺左近最近自己实行紧低碳饮食，但一般食店或茶餐厅总系离不开粉面饭面包，但谂到萨莉亚都有好多非碳水食物，而且价钱平，所以呢日做完运动就嚟食.今次因为系下午茶时间过嚟，所以唔想食太多，分别叫咗一个甜虾沙律菜（半份，走汁）同埋蒜蓉鸡扒首先，欣赏个沙律可以叫半份，等顾客有多啲选择。甜虾虽然唔大只，但都几多，同埋虽然系半份但份量我觉得唔会太少，沙律菜亦算新鲜铁板鸡扒，蒜蓉都好多，个皮有少少脆，肉质嫩滑多汁，亦都几大块。配菜的牛油粟米粒好香好甜，另外仲有少少薯仔粒亦都几好食😋.呢间分店都几大，坐得舒服，重点都系价钱平而且款式选择同配搭都几多，又可以满足到我低碳水饮食，唔错！😊
继续阅读
好耐无食过Saizeriya, 夜晚就去食吓啦！8:00左右去到，客人唔多，大约个场坐咗一半人。用QR Code落单叫嘢食，等咗一阵就送到。💛粟米忌廉汤$14👉🏻味道甜甜哋几好饮，不过好多渣，有啲杰❤️蒜香法包$12 👉🏻本来想叫芝士蒜香法包，但记得之前叫过，分别在于几粒我都睇唔到嘅芝士粉😂，所以悭返$2唔叫芝士🤣❤️肉酱多利亚$30 👉🏻正！每次嚟必叫，够juice，又好味😋❤️原味鸡翼$20👉🏻啲鸡翼外脆内软，yummy，$20/4只。❤️意大利布甸杯云呢拿雪糕$26👉🏻好食，甜得嚟又唔会好甜👍。❤️饮品吧$13 （小童$8）👉🏻任饮好抵，不过只饮咗一杯就饱喇！有冻/热即磨咖啡，有几款茶包，有汽水机，冻柠茶等……唔驶加一，全单盛惠$153。环境：大，有夹板服务：成个场得2-3个店员，服务态度一般餐具：🍴洁净度麻麻，有食物残存清洁：尚可CP值：⭐️⭐️⭐️⭐️
继续阅读
唔系特别钟意食西餐，所以唔会俾好贵去食，有事唔知挑起边条筋想食，去萨莉亚真系唔错嘅选择。- 中华沙律- 周打海鲜汤好好味呀，但最后用咗嚟捞菠菜- 蒜蓉包炸得唔错，香脆又冇㶶- 意式菠菜伴烟肉唔系话唔好食嘅不过淡啲，如果有啲白汁就正，所以我最后用咗个周打海鲜汤捞落去食，唔错- 原味鸡翼略嫌油左d，但味道都OK- 莎乐美肠薄饼加$6就可以加只温泉蛋，一定要加因为真系好食好多- 明太子海鲜意粉系我觉得萨莉亚最好食嘅意粉，成日觉得摆去高级餐厅可以卖到百零二百- 羊鞍焗炉烧羊架几淋，系好食嘅，但系茄汁要加一蚊，以为佢会比成支点知俾咗一包仔M记size最后埋单三旧水唔使，就食到咁多嘢，相信呢个都系萨莉亚嘅卖点。而天泽商场呢间舖都算系咁，环境卫生改善咗，起码饮品吧啲杯都干干净净。
继续阅读
今日好开心同屋企人去咗天水围天泽商场嘅一间西餐厅，叫萨莉亚，呢一间餐厅嘅食物好高质素，一定要推介俾朋友呀，住天水围嘅人一定要黎试吓。首先佢嘅地理位置非常之方便，只要响天恒轻铁站落车，行两至3分钟，就会见到呢一间餐厅，真系好方便大家啊，食物方面，都系有好多嘅选择，例如有薄饼，有意粉，饭类，小食类，扒类都有啊，而且佢系非常之快送上，所以唔需要花好多嘅时间等餐，而且我最钟意食嘅系佢个卡邦尼意粉，呢个意粉每次嚟嘅时候，都一定要叫呀，佢好好食，味道十足，好有料，而且饮品方面，只要加少少钱，就可以任饮，我觉得好抵同埋可以坐好耐都得，而且自然嘅服务得全部都会笑好热情好有礼貌，所以我觉得呢一间餐厅真系有宾至如归的感觉，住天水围嘅人一定要泥试呀
继续阅读
您可能会有兴趣的...