影片
营业时间
今日营业
07:00 - 22:15
星期一至日
07:00 - 22:15
*最后营业时间 21:45
以上资料只供参考，请与餐厅确认详情
睇openrice见咁多劣评，本身预左服务态度差，但无谂过职员落错单，会尾落个客度，搅到一肚气！话说今晚一行四人，叫左三个餐+一个净𩠌，但职员张单打错左净𩠌做套餐，上菜时得一个𩠌冇跟饭和汤，所以无留意职员打错单做套餐，后来见到张单无端端多左$16套餐钱，埋单同职员讲返，佢竟然话我地食左个菜，就要收套餐钱，最多补返一碗糖水比我地，而我地根本就唔想食糖水，夹硬屈我地要。真系无良，大家去食饭要小心，职员落错单要食客自己受！加上食物质素每况愈下，价钱牌就识不停加价，以后不会再帮衬。
继续阅读
呢间餐厅我成日都去, 因为钟意佢煮𠮶啲小菜系有屋企煮嘅感觉, 同埋佢都系比较sell健康同埋唔落味精, 呢样听落去都令我觉得会食得安心啲.同埋佢价钱都唔贵, 个餐又大份, 一定会食得饱, 佢由朝到晚都唔少人㗎, 因为我谂佢始终系喺大马路隔离, 同埋系抵嘅. 尤其是系佢午餐啲小菜set.
继续阅读
营乐香葱霸王鸡午餐跟老火汤，饮落唔会好咸，亦都有粟米嘅甜，比起其他茶记个汤无咁油。而主食一上枱个下其实有啲吓亲，因为份量真系好多😂我谂应该有半只鸡嘅份量。整体鸡处理得唔错，毛已尽量清晒。鸡髀都几嫩，但其他部位就比较干身啲，同埋可能因为只鸡本身都有啲肥，加埋香葱油令整体有啲过于油腻。
继续阅读
比目鱼一如既往蒸得岩岩好虽然餐厅推出咗藤椒鲈鱼，酸菜鱼等等，我见都好多人食，不过我仲系钟情于呢款清蒸比目鱼屋k试过自己蒸，不过唔知系买嘅比目鱼牌子问题定系自己得唔好，失败告终(腥)表姐就钟意呢款石锅姜葱广岛蚝，上台啫啫声㗎😆不过千万千万要小心手，如果碰到个石锅就大件事啦D蚝大大只，浓郁嘅酱汁包裹住只蚝，姜葱盖过腥味，几正晚市套餐送无味精汤水，白饭🍚或者玉米粥，是日糖水。我好怀念个海底椰腐竹白果杏仁露，不过好耐冇出啦！
继续阅读
10月1日晚，我打电话叫一份外卖自取菜脯肉碎煎蛋。去到门口就知大镬！餐厅内坐满人，餐厅外亦有人等紧。我天真地以为只系一份外卖，等15分钟点都有。在一个热到30度的晚上好慢地45分钟过去，见到其他大张的外卖平台单好快咁出嚟，我知我张细单冻过水。立即同个服务好到不得了的侍应讲取消张单及回水，佢好冇表情地话俾我听要对返张单先可以俾返钱我，咁又要等多5分钟。钱其实系其次，餐厅唔重视我这些小顾客，我也不需要再返黎受气。
继续阅读