影片
食家推介
招牌菜
一间唔起眼既泰菜好多泰国菜都好多味精 次次食完都好口渴反而依间就冇咁既情况发生仲有屋企既感觉 清淡d 唔洗太多味精地方唔太大但就可以同三五知己慢慢食慢慢倾值得再去多次
继续阅读
This place has a long history, Chef auntie Ping originally from Thailand, she and her lovely son run this restaurant with very authentic cooking skill. Reasonable price and surprising taste. Wonderful place! Really highly recommend! 👍👍😋😋Sashimi Thai Style Prawns with Thai Chili Sauce
继续阅读
今日约左姐姐，妹妹，一起去 龙脊行完山，姐姐年纪有点大 ，行得非常之慢，我同妹妹 慢慢行等佢，姐姐话终于上到山顶了，风景好优美啊，非常之开心，休息了一会，再行去大浪湾，看见大浪湾海滩，大浪一个接一个，好多人在玩滑浪，听到好多欢笑的声音，又在大浪湾欣赏海浪，好舒服不想回家，最后我们一齐坐小巴回到筲箕湾，再坐地铁去西环 ，萍姐泰国菜食晚餐，点了一个生菜包，串烧牛肉，串烧鸡肉，明炉乌鱼，马拉盏通菜，虽然店舖细小，好有特色 ，有人情味，这里的泰国菜，非常之好食，食饱要送姐姐回家去。
继续阅读
又有得食串烧又有泰国🇹🇭嘢食2020第一餐收工想揾间附近收得晏小小嘅餐厅系OP见到萍姐呢间收12点 🥳生虾同炸虾饼系must !佢条烧鱼🐟🐟真系好有feel基本上佢身上所有鱼肉都比我地食晒 😋😋😋真系好赞 串烧我地9点几去到已经无晒所有丸类🍢🍢🍢叫左牛脷 鸡软骨牛仔骨肉松烧茄子🍆司华力肠 鸡翼 🥬🥬炒菜苖又系一赞 个汁好入味 串烧都系！order左2round 佢杯Lime soda!系比晒成支泰国soda水妳㗎 一d都唔会hea妳🧊🧊萍姐仲好好service又会出嚟同客倾吓计小店值得一赞呀！🥰🥰🥰
继续阅读
作为西环街坊，我谂我帮衬过超过10次，我可以讲咁多年嚟个味道都无变，而且我觉得佢冇加过价。间铺坐到廿几人到，都几企理，干净。串烧就会喺出边烧，菜啊炒野就会喺入边厨房整。佢哋应该系一家人经营，萍姐就系煮𠮶个，串烧就系佢个仔整，楼面就系萍姐老公。个Menu有泰文，同埋记得佢哋讲过会返泰国庆祝泼水节，所以估呢到啲野食都几正宗。其实个Menu都几多选择，但我叫嚟叫去都系叫𠮶啲嘢食，因为真系觉得好好食，价钱就OK啦其实都几抵，咁多野好似都只系三百蚊左右，而且冇加一就非常好！我其实唔知泰国菜点先叫正宗，但佢呢度唔系一味得个辣字，重口味。首先，嘢饮叫咗青柠梳打，佢呢个味道同出边完全唔同。系饮唔到嘅味道，个颜色同平日都唔同，超级正，而且超级大杯，我谂个份量系平日嘅1.5倍。嗌咗一堆小食，包括炸虾饼、猪颈肉同牛仔骨串烧。我觉得个猪颈肉就普通啲，但牛仔骨非常惹味，佢本身已经切到一嚿嚿，方便食。个虾饼就非常不得了，炸到出边脆脆地，入边啲虾胶就好弹牙而且好大块。推介呀👍🏻另外叫咗碟炒菜，都好食但就冇乜话特别嘅地方。但碟香叶炒蚬真系100个赞，佢啲蚬好肥美好大只，无沙，个量都OK多下我谂有20几只。最重要佢系用咗啲香叶嚟炒，有少少辣，但唔系平日豆豉𠮶种，系真系会食到你流口水，而且最最最最好味系伴碟嘅粉丝，但次次我都唔记得叫佢俾多啲，因为好好食所以次次都觉得唔够食。🤣🤣🤣最后就系个咖喱牛肉檬粉，佢次次上碟个造型都唔同，但个味都一样咁好食。佢次次上碟个造型都唔同，但个味都一样咁好食。佢啲牛肉好多，咖喱就椰香味重，但都不失辣味，佢啲檬粉比较似幼身嘅米线，唔易断，所以好容易挂到啲汁好入味。个汁配白饭应该都好正！本身仲叫咗个pad thai，但佢落漏单，不过我已经好饱所以都无所谓啦！我强烈推介呢间餐厅，佢啲泰国菜嘅味道我真系冇喺其他餐厅食过，佢仲有好多其他菜式例如生虾、烧鱼同埋冬阴公等等。但我估下次我都系会叫返上面嘅菜式！😎😎⭐️
继续阅读