萍姐美食 (已結業)

萍姐美食，好味又有人情味！十几年经验，由长沙湾过来大角咀，街坊有口福。食物order to make, 选料质素有挑选过的，真系唔错。好食又有功架，烧烤其实都讲功夫，要有经验同心机先会烧得恰到好处，用心之作。每个order系即叫即制，海鲜预定。下次可以试试。今次食扇贝都鲜味又厚肉。用心经营。牛舌，好爽又有口感，厚得来唔un… 好juicy鱼皮，爽，好食，不过对我来说有点辣。总括而言，真系算抵食，味道好，材料质素好，有得坐室内，整齐干净。…查看更多

今日我来介绍一家本身位于长沙湾，现已搬到现址的串烧店，萍姐我地都大大话话都食左差唔多十四年喇，食过附近其他串烧，唔系烧定有人叫就翻烧，就系腌得唔入味，或者系入货整定果只垃圾串烧，而家黎到新舖，我就梗系继续撑啦。萍姐呢度入左舖，光猛晒，有冷气又坐得唔迫，间房应该都可以坐十个人左右。萍姐呢度d野食腌得入味，冇雪味，全部自己人手串，而调味经过咁耐时间既意见洗礼已经冇起初咁咸，明炉烧串烧烧得刚刚好，一般唔会太㶶唔会生。呢度有各式串烧、韮菜、娃娃菜呢D系做串烧既基本啦，烧起唔会干仲好多汁。海鲜如果新鲜，实在系冇理由出事，烧生蚝系啱啱好熟，唔会干晒水，只蚝多汁又饱满又Creamy，但老板好有心机烧，冇一次黎食系唔掂嘅。串烧安格斯牛柳粒系呢度皇牌双雄之一、咁厚肉已经喺串烧界黎讲系甚少有，厚肉多汁牛味浓更加系难能可贵，黎得绝对要食。鸡皮除非太㶶，如果唔系唔会唔得。我个人黎讲钟意细中翼多d，冇咁大只可以食多d其他野，鸡翼皮脆香口，正!还有值得一提既系，另一皇牌双雄呀，今次唔记得影烧，出黎皮脆肉嫩多汁香口，自己一个宵夜可以叫老板免剪，肉汁锁得仲好，又系另一种享受，而剪开亦方便一口口慢慢食，都系点都要叫。combo set 系鸡髀皇扒加串烧安格斯牛柳，搭串烧娃娃菜消消滞，再用条蓝妹作结下下火。今次记得点，原条原汁原味，葱蒜比例唔会太抢味，有烧香亦有汁甜。烧秋刀唔腥，有调味，不过我本身唔太好，所以麻麻，但对比起多卵鱼，我会比较推荐，不过我自己会比较钟意烧鲜鱼多d烧豆卜，烧吊片，食完主力多水多汁，就系时候吹吓水，食吓呢d佐酒小食，豆卜真系会食落卜卜声，仲有好强烈烤豆味。烧吊片就吹水饮酒绝对唔可以冇既野今次就食左呢d，因为餐牌都多左野食，冇叫晒新加既，今次食住咁多先啦!新搬黎可能未有咁多人识，同埋厨房唔同左，冇咁大烟，反而搞到萍姐佢地冇左最有效既宣传方法，希望行过既人唔知系咩都上一上OPENRICE呢度，望一望食评睇睇， 咁就知冇几正喇。…查看更多

位于大角咀嘅萍姐美食平时经过都唔系好觉眼🧐因为其实佢系一间深宵食堂 营业时间为19:30至清晨04:00🦉喺附近玩夜咗 可以过嚟食个宵夜😋而且价钱仲几平几抵食🤑 ✨️原条蒜香茄子 $31身为茄子爱好者 烧茄子系串烧舖必点嘅野食🍆餐厅嘅茄子嘅蒜末算好多 主要靠孜然粉带出浓浓嘅香味😍茄子烧得啱啱好 轻松拉到一条条茄子肉 又唔会烧得过老干晒👍 ✨️锡纸牛油金菇 $30牛油金菇用锡纸盒装住 好大份🤩同样有葱蒜同孜然粉调味 不过牛油味都好重 好香好满足😆 ✨️烧菠萝 $18虽然菠萝唔算大大旧 果肉属于皮边位置 但系食落好鲜甜🍍食件烧菠萝 成件事refreshing同解腻好多😄 ✨️粉丝大扇贝 $35我同朋友嗌咗一人一只扇贝 扇贝好大只 连埋壳有一只拳头咁大👊扇贝肉嘅厚度目测都有2cm 食落啖啖肉 好满足🤪而且蒜末比得超多 配埋粉丝一流 ✨️烧鸡肶扒皇 $31鸡肶扒皇系餐厅嘅畅销商品🌟大大件啖啖肉 但系就略嫌鸡肶扒有点干 调味都系普通孜然粉 令我有少少期望落差🤏 ✨️鸡软骨 $15鸡软骨系餐厅出品嘅唯一败笔🥲一上碟嘅时候令我同朋友都呆咗 因为得好细一串6粒嘅鸡软骨🤣而且食落都十分普通 总结：餐厅大部份出品其实都唔错 而且价钱都几抵同埋老板娘好热情😄有一间开到咁晏嘅深夜食堂 住喺附近嘅居民应该好幸福吧🥹…查看更多