華龍咖啡屋餅店 (已結業)

實驗了（至少）三次才出的食評。第一次是邊走邊吃：點解個墨西哥包咁「彈牙」既…？莫非自己食得太「琴青」，嚇自己一驚？第二次是在堂上吃：點解呢個包熱辣辣，但無上次o個個少少凍既墨西哥包咁彈牙…今次，即係第三次，都係堂食：點解個包…同上次一樣- 雖然無第一次咁彈牙，但都幾彈牙。似乎個麵團發得唔錯，筋性十足- 至少從未用過「彈牙」二字來形容麵包。[ 後記：看看餐牌-「橙花艷形」、「風流貴婦」、「菠蘿遊艇」…定會回頭看看這些名字怪裡怪氣的新地，又是甚麼葫蘆賣甚麼藥。]

真係估唔到openrice有呢間茶餐廰，我一心試下search撞下有冇，點知第一個食評仲係KC寫tim。間茶餐廳唔係位於大街裡，但次次去都full house好旺場。我每星期都有一至兩日o黎呢度食早餐，我最鐘意食就係佢d麵包，可能係一朝早關係，個個都新鮮熱辣，而且多數客人都係食麵包，好少人食佢d早餐。奶茶都ok，不好時好時壞，而且正常size太細杯，通常都要加大。

初出來做野是在尖沙咀返工，果陣時個市旺到不得了，做artwork好多時都要通頂，果陣時唔係而家咁多食肆開通宵，所以朝早六點幾都幾難搵野食，因為呢度開得早，自然做不少司機大佬同我的生意。通常都係食早餐，仲要係最typical果隻，即係腿通、腸蛋加牛油餐包，果杯茶走梗唔少得。前一排在附近wet又光特地去食過，味道是咁多年都無變，價錢由當年的十四個半變了而家的十八個半，價錢OK，但唔知點解硬是要收五毫子而唔收齊頭，平添找贖的麻煩。除左一般茶餐廳食品外，亦有各式麵包、蛋糕等，但質數麻麻，食番奶油多好過。仲有一樣得意就係佢門口寫明全店禁煙，但每次來都好多人食煙，情況比一般茶餐廳更嚴重，都幾諷刺。