華記小食店

营业中

休息中

位置偏僻，小巷入面網上見呢間有人推介，試下，不試也罷！朋友叫咗生菜魚肉碗仔翅同炸蘿蔔餅我系側邊都聽到佢有叫碗仔翅煮完發現好似唔係碗仔翅，問返店員男店員好惡咁話 淨係聽到叫咗生菜魚肉，冇講碗仔翅佢冇say sorry 亦冇問洗唔洗換一味話：你係叫生菜魚肉喎😠（超級大聲，兇我地）我哋廢事同佢嘈，亦怕佢加料，冇叫佢換蘿蔔餅味道都唔錯，咸咗少少不過咁嘅服務質素會再幫襯！！放假難得入坪洲，周圍行下食下食咗間coffee shop唔錯，蝦多士果間冇開就食呢間小食，點知伏了！

炸魷魚：我點了一份炸魷魚，它帶有咖喱的味道。首先，我注意到這道菜的外觀非常吸引人。炸魷魚外表金黃酥脆，看起來非常誘人。咬一口之後，我可以明顯感受到咖喱的香氣和味道。咖喱為這道菜增添了豐富的風味，讓人回味無窮。魷魚本身炸得很鮮嫩，口感彈牙，配上咖喱的調味，味道更加突出。整體而言，這道炸魷魚給我留下了深刻的印象，是一道非常美味的菜品。炸糯米球：我還點了一份炸糯米球，它帶有蔥的味道。這道菜的外觀和口感都非常吸引人。炸糯米球外皮金黃酥脆，咬下去時發出了脆脆的聲音。一口咬下，我能夠品嚐到糯米的軟糯口感，與外層的酥脆形成了很好的對比。而蔥的香氣也為這道菜增添了一層特別的風味。我特別喜歡這種蔥的味道與糯米的口感的結合，創造出了一種獨特而美味的味道體驗。這道炸糯米球絕對是一個不容錯過的小吃選擇。

喺坪洲呢個小島入面，有一間車仔麵小食店喺轉角小巷屹立咗好多年，最獨特嘅地方係有一樣小食叫做糯米球，主要係用糯米搓成一個球狀再沾上粉漿落入熱油一炸，外脆內軟，外層係充斥住一陣鹹香加油香，味道適中，少少嘅鹹味，咬落去煙煙韌韌，相信喺其他地方都好難再搵到呢一種炸物。另外出名嘅嘢食就係炸蝦餅，一年三隻鮮蝦沾上炸粉漿，連殼一齊炸，香脆到蝦頭都可以食到，其實額外蘿蔔餅都係好好食，不過就真係要睇運氣，蝦餅蘿蔔餅好多時候都會賣晒。而最後一樣要推介嘅就係腸仔沾粉漿，相信喺其他地方可能就係普通咁樣炸條腸仔就算，但係呢度就俾你揀會唔會加粉漿落去炸，加咗粉漿之後口感加強咗，外皮會更加脆，食落去會更有層次。

📍坪洲小小食想過黎食炸蘿蔔餅！但賣哂嚕🥲食唔到最想食既 隨心試下啊舖頭喺巷既近盡頭旁邊有洗衣舖～👉🏻炸糯米球 $11/4粒 糯米雞既變左圓波感覺熱辣辣 極飽肚😂試一次就好～👉🏻炸牛丸 $12📌想食炸蘿蔔餅記得早啲過去比較多人推介搶手啊

平日星期四入坪洲走走，很多食店都沒有開門，一直看到OpenRice推介這間小食店，但是剛到坪洲的時候是中午，食店還沒有開門，只好完成我們所有行程，到要午三點臨走的時候才回來光顧！因為是十五要食素關係，只點一個炸蘿蔔餅，餡料好好味，好多味，真的好食👍🏻但是那個女店員態度真的有待改善，不僅黑面，還語氣不帶友善！只想問一下有沒有竹籤，這樣也需要向我們發脾氣？令人費解令到第一次入坪洲的我們，對坪洲這個小島感覺扣分！

Score 總分: 60至65講到坪洲出名小食，一定要講下這間傳說中嘅小食店，華記小食。這間同不少特色小店一樣，都係有個老人家做店長，係一個好有特色嘅地方。正所謂，家有一老如有一寶! 一家店又點可以無老人家呢？薑都係越老越辣，所以整d傳統手藝都有保持住一份 “情”嘅味道.....咁講真，唔難食，又未至於必食推薦羅~總結: 有空也有胃酸可一試

出去玩最怕同人迫，所以選擇咗閒日去坪洲郊遊，坪洲面積雖然唔係好大，不過都有唔少景點同美食。落船之後沿住左邊海邊一直行，大概二十分鐘就去到第一個景點 🏝️ 大利迷你沙灘，順路睇埋 🐢 烏龜石，影完相之後就沿路折返碼頭係市中心周圍行吓順便搵嘢食。周圍行期間見到呢間小食店有唔少人排隊，所以就排埋一份 😋 小食種類都幾多，見到有炸蝦餅，鍾意食蝦嘅我當然要幫襯吓。炸蝦餅 ($15) : 賣相好似江之島嘅仙貝餅，不過係迷你版 🍤 估唔到細細嘅蝦餅就已經有三隻蝦，餅皮脆口之餘蝦味濃郁，性價比非常高。😋碗仔翅 ($22) : 碗仔翅幾足料，味道唔錯之餘價錢亦相當親民。

星期六下午3點4嚟到，由於炸物即叫即炸，所以門外有一條長隊。而另一邊，就有位伯伯不停煎緊夾餅，餡料同格仔餅一樣，都係牛油、花生醬、煉奶、砂糖，不過用熱香餅做餅皮，售價$11，我自己無試，但當日唔少原居民都買佢。炸蝦餅 $15呢款蝦餅幾特別，面頭有4隻完整連頭、基圍蝦SIZE嘅蝦。不過，最最最特別就係連蝦殼!!!😂 即係個蝦頭都有殼同內臟🙉 外圍麵皮炸到好脆，不過少左D鹽調味，有蝦嘅位置會好D，但就食到咬唔爛嘅蝦殼….😂炸蘿蔔餅 $12內餡有白蘿蔔絲同甘筍絲，但偏生，外型同味道都似炸油糍。炸物有特色，但唔係我杯茶。😅

同朋友入坪洲玩，冇做research下，撞左入一條小巷就見到華記小食。好耐冇食生菜魚肉，一見到有即買黎試，一試即上癮。魚肉唔腥又彈牙，生菜切嘅大細適中，唔會太碎，食落feel到新鮮有口感，加埋熱湯同少少麻油，真係此等美食只應天上有。可能我overreact，但係好耐冇食過咁好食嘅生菜魚肉，我同朋友本身share 1碗，食完都頂唔順，即刻再加多碗！之後睇番其他review先知，原來佢出名係其他炸物，不過如果唔想食炸野，真係推介試下生菜魚肉！

人生第一次嚟到坪洲，原來呢個小島行三粒鐘就已經可以完結成個旅程加食嘢。當然這個小食店喺必去之一，完全係因為佢嘅🦐蝦餅係出邊食唔到！當你order呢個蝦餅，係即炸，我地好好彩係唔使等，做第二位客人。炸左幾分鐘時間，就比客人。中間兩隻，仲要係原隻嘅蝦乾，但一啲都唔柴，好香脆。蝦乾旁邊嘅餅做到個味道好似日本買到嘅一包大塊既蝦餅一樣味，呢個真係香港原味道。大家嚟到坪洲記得去試吓。十幾蚊既小食仲要有兩隻蝦，香港係邊度搵？一定係坪洲😂

坪洲呢間小食店亦都多人推薦 是串燒外賣店 有多款特色串燒 例如炸蘿蔔糕、炸蝦餅等等 價錢雖然便宜 但食落很普通 甚至有部分係不好吃 -✨炸蝦餅 ($13)賣相其實幾精緻 咁樣既蝦餅好少見 有2隻原蝦係入邊🍤蝦肉夠爽而不腥 餅身幾脆 味道則正正常常✨炸蘿蔔糕 ($11)蒸同煎就見得多 炸就第一次見 食落炸粉吾算厚 惟蘿蔔糕既醃料較重胡椒味 令整體感覺吾太似食緊蘿蔔糕✨雞腎 ($11)、魚皮角 ($11)雞腎係比較好食既🥺咬落爽口 調味岩岩好 而後者食落似軟身既魚片 味道不過不失

黎到坪洲食左唔同小食之後去左坪洲人氣之一既華記小食店！小食店位置十分隱秘，不過都係上兩個po介紹過既坪洲永安街附近既一條小巷入面行上少少就見到😤 小食店主打炸嘢同懷舊小食薄餅，大部分價錢都好貼地只係11蚊左右！本來今次係沖住佢傳說中既炸蝦餅，不過當日四點左右排左半粒鐘以上之後已經沽清，冇緣食到😭想食既朋友記得早d開始排隊啦！.雞腎 HKD11炸豬大腸 HKD11炸魷魚 HKD13炸豬扒 HKD11碗仔翅 HKD21小食即叫即炸所以排到都需要等陣，炸物炸到好香口，雞腎同魷魚都好爽口，雖然唔係話超特出但性價比高都可以過下口癮😛希望下次可以食到炸蝦餅🥺.華記小食店地址 ｜坪洲志仁里2B 號地下

華記小食店，係坪洲一間外賣小食店。好多人為左一嘗佢既人氣名物----炸蝦餅，就算幾長龍都要排呀！炸蝦餅Deep Fried Prawn Pizza$13熱辣辣，脆卜卜，香噴噴，呢啲形容詞岩晒佢！完整兩隻蝦一齊炸，美味可口。平時就有食過蝦多士之類既食物，炸蝦餅就真係第一次食。原本諗住買埋炸蘿蔔餅，可惜當日話無，希望下次有機會食到。小店外道路比較窄，人多會無位企，所以大家可以行去附近沙灘，欣賞坪洲海景，慢慢食慢慢嘆。

上網睇坪洲美食，見到有一間小食店多人推介。但見地址搵極都搵唔到，正準備放棄，行去碼頭等上船😞 竟然俾我見到一條巷仔入面有一班人，見到華記小食店⁉️ 原來係呢度… 店面絕對唔起眼，小食種類都算多，但我最想食既炸蝦餅無貨，無得食😢😢 於是就點左💕雞腎 $11 💕魚肉碗仔翅 $24雞腎食落好爽口，醬汁調味好惹味🤤 推介✨✨魚肉碗仔翅夠哂足料！魚肉食極都有👍🏻 仲有好多炸物選擇，不過距離上船時間唔夠半個鐘，而且人多制作需時，我地只係匆匆食2樣就算😞 仲想試炸蘿蔔餅、炸糯米球…下次再來坪洲，一定要再買黎食先😎

📍華記小食店 @ 坪洲ღ 雞腎 $10 炸豬大腸 $10ღ 炸蝦餅 $12ღ 炸蘿蔔餅 $12ღ 炸魷魚 $12 炸燒賣 $10ღ 糯米球 $9/4pcsღ 夾餅 $10呢間小食店大家嚟坪洲一定唔可以錯過😭又平又好食 真係嚟坪洲先食到㗎🥲就係喺新寶馬茶餐廳左手邊條巷仔！呢度嘅串燒唔係出面食開一樣嘅孜然粉味咁普通全部都唔會話好鹹 而家人情味濃濃嗰日去都見到好多街坊買(・∀・)我最推薦就係雞腎 好入味又爽口多汁！！！炸蝦餅都好特別 係真係一塊餅夾住隻蝦🤣本身以為會麻麻好油膩 但食落又出乎意料地好食塊餅鹹鹹地 蝦肉爽又彈 幾夾😌其他嘢食就正正常常 但抵食係真嘅(⁎⁍̴̛ᴗ⁍̴̛⁎)反而作為燒賣愛好者嘅我就覺得呢度燒賣麻麻無乜魚肉味質地偏粉～唔太推薦🤣回頭指數😼5/5（呢間就真係坪洲必食喇^_−☆