華苑茶餐廳

营业中

休息中

每星期的二人早餐例局，來來去去都不外乎是北帝街裡的茶記。今天決定從相反方向走去，到了馬坑涌道一帶，攪攪新意思....吃的雖仍是茶記式早晨全餐，但起碼是一間從來未到過的，叫做有點新意啦.....到茶記喝得多奶茶或茶走，間中小弟也會叫杯凍檸茶的。這裡的勝在夠大杯，茶味也不俗，看見顏色也對版的，便可得知....平常自己多愛吃炒蛋多些，但缺點就是會覺易"漏"了一點。轉一下風格要了太陽蛋。邊位煎得沒帶脆，是致命傷；加了少許錢將牛油包變了多士，怎知換來的只是求其在煎板上烘黃了的差勁貨色，吃起來還是淰的...好久沒吃罐頭五香肉丁了。想當年上中學，在飯堂吃一碗用發泡膠盒盛着的肉丁腸米，這就是一餐了。久違了的濃辣味道依舊不變，這裡更是十分慷慨的連罐頭內的辣油亦倒了很多進湯內。油膩是肯定的了，但卻換來一口香惹辣味；一丁麵很彈牙，亦不差....光是這一碗麵，已可力挽狂瀾了....

不論是前身的日本料理,到今日的茶餐廳,也從沒來過,是日在附近一帶找點吃,不想去之前去過的餐廳,便找一間未去過的,就是如此的情況下,便來到在炮仗街與馬坑涌道交界的"華苑茶餐廳".很少一個人上茶餐廳吃小菜,通常是吃炒粉麵,是次來一個快餐,有湯有碟頭飯,加杯凍檸賓,$29一客.名義上是快餐,但也要等一會.餐湯是牛尾湯,很少茶餐廳有牛尾湯供應,而且是近快餐上.這個牛尾湯,只是用罐頭湯開出來的味道,不過這個餐$30也不用,沒有什麼話可說.反正我一向喜歡喝金寶湯.快餐有三款,我選了白汁魚柳飯,碟頭夠大,白汁是典型的茶餐廳味道,魚柳肉質很粗,當然是用雪藏貨.同上一段對牛尾湯評價一樣,這個餐$30也不用,也是沒有話可說.最特別的是,此茶記更會做盤菜,有小,中,大份量,事前當然要預定.

呢期人懶,成日都唔想煮野食,呢間華苑已經成為我地晚餐外賣必叫之選,佢地d小菜好好食,又抵,有湯,餸,飯,連飲品,都係$40左右,真係仲平過自己煮~~我最愛o既餸有燒汁雜菇牛仔骨,雜菇豬頸肉,魚香茄子煲,蒸肉餅呢幾個都好好食,正~~!!

幫襯得多，同老闆熟絡了，才知道他擁有三十多年經驗，一直協助他父親打理生意；他父親從50年代尾在九龍城街市經營大排檔，80年代初轉型為街舖，開設 “源記茶餐廳”，有很多出名明星和歌星經常光顧。再追問下去，才知老闆於07年尾才頂咗呢個位，重新以佢的實力經營！呢間茶餐廳有兩點我幾欣赏:-首先係食物。我好鐘意 1)淨牛腩，因為夠味不黏牙，2)雲吞麵，因為d麵好彈牙無(簡水)味，3)炒飯，因為乾爽夠鑊氣，4)星洲炒米，因為夠辣唔太濕，5)下午茶餐的牛扒茨條，因為件牛扒大件新鮮夠黑椒味，6)特餐，因為湯底夠味夠清，d公仔麵浸左10分鐘都不會太林，7)蒸魚，因為新鮮又好味，8)乾炒豬扒公仔麵，因為爽口好味！其實早餐和晚飯小菜都幾好味幾抵食！唯獨是間中d魚香茄子飯太咸，下次我要事先要求淡d！第二係招呼。佢地d侍應對客態度真係幾好！後記，最特別係有盤菜，新年買左一盤，夠味又幾多料！

呢間餐廳個位，之前分別係「風之御日本料理」同埋「翠谷餐廳」其實我自己心諗呢三間都係同一個老細 (純粹個人感覺)之前佢仲係翠谷的時候，是以「西餐」做包裝，所以冇乜人幫襯家下佢用茶餐廳做包裝，晚晚都好多人幫襯我估佢呢個位真係只可以做茶餐廳…對呢間店的食物，我食得最多的就係佢的特餐配搭多任你揀，一份餐都係 25 蚊連凍飲真係好抵食but 我次次都會提佢個奄列要生 d 唔提的話，就會煮得太熟，冇蛋汁就唔好味了 其次食得多既就係佢 d 焗飯同埋炒飯我一定會推介佢既炒飯，我覺得係茶餐廳來說，係水準之作西炒飯，菠蘿雞粒炒飯，楊州炒飯唔乾又唔濕，真係岩岩好