華耀冰室 (已結業)

今朝叫咗个早餐等咗成15分钟，我睇住送错隔离枱，点知个客夹咗只蛋食，后尾伙计发现错咗，张𠮶碟早餐直接俾我，我同佢讲你个客夹过，佢话同我换过碟点知唔洗10秒即到仲分成两碟，系原本𠮶碟个三样嘢冇郁过只不过系换咗两只蛋就俾我食即时嬲到爆炸，啲衞生意识其差，以后都冇下次.…查看更多

其实工厂区茶记饭堂，我就无期待食质素嘅；但系工厂区最多系咩？系蓝领同写字楼人啊嘛。即系点？即系要快手快脚赶完lunch time、另外最好够大份啰。好意思lunch time 4,5个伙记做都冧档嘅，呢枱又话落漏单、个枱又话比错嘢食；叫个鱼香茄子饭等咗15分钟都未有，我咪问下啰（当下绝无粗口+脾气）。唔问「由字可」，一问「把几火」，居然走埋嚟问我「你有无落单㗎」「你同边个落㗎张单」。火都嚟，我指住枱面张47蚊嘅单「我自己落㗎？」嚟到个饭有5旧正常size嘅茄子，我个人觉得（代表唔到普世价值）应该要多啲先够送饭。唔好期望有相睇，食完嬲到即走不可一，不可再，完。…查看更多

香港其实真系好多工厦餐厅都好有心做！平时都真系唔识去，多数都系朋友带路。今晚我又非常好彩，仲要赶在6点无堂食前一晚食到。餐厅系工厦入面，走到最尽头（第一次可能真系会行过龙）事缘朋友火炭附近住，佢帮衬开呢间华耀冰室，食物同价钱抵外，就系餐厅充满人情味～员工事头都好有善。本来其实打算食碟头饭，竟然见到有一人前火锅🍲仲要个价钱抵到喊…最平$59已经食到🥺🥺 配菜仲有生菜、金菇、冬菇、炸鱼皮、南瓜、豆腐，再配米线/米粉/出前一丁。真系益街坊价！我同朋友各叫左自己喜欢既汤底，麻辣同沙嗲～朋友就简左滑鸡，我就简左豚肉～当然最后share食😛 另外今日lucky地，送左一客酱爆牛丸我地食～呢个牛丸真系超好味。「特级豚肉」又系推荐，食落好滑，我地以为食紧鱼，真系好想知啲猪肉系点整～ 鸡件都几多下。总之呢餐真系超满足之余，埋单时都真系总谂紧：真系咁平？离开时，店员都会讲「下次再来，bye bye」。 终于明白点解我朋友话成日来帮衬呢间冰室。😋…查看更多

火炭好多工厂大厦，无意中发现有间冰室，格局似旧式茶记，电视仲播紧跑马，配埋一份马经就perfect🤣旧式茶记嘅特色系有镬气同平靓正68蚊已经有一个一人前火锅/鸡煲首先鸡煲好够辣，而且好够黑椒同洋葱，紫洋葱仲好好咬口，鸡亦都滑，呢个价钱算好值回票价沙嗲火锅够惊喜，系好似食紧沙嗲牛肉面嘅汤底咁，好香！仲食到有粒粒花生🥜唔洗点鼓油都够味道另外仲跟埋出前一丁同配菜，好够饱老板仲私人送左两粒汕头空运牛丸比我地试，超弹牙…查看更多

火炭工厂区多就系人都知，通常都系附近返工就会穿来穿去揾野食，咁岩就系楼下揾到呢间，就快食一个晚饭。特级豚肉锅有别于一般的豚肉，肉感爽口弹牙，很有惊喜，未食只系望都已经流晒口水！特盛牛肉锅一大碟牛肉，碌一碌就食得！好有牛肉味，juicy牛~以上任何一个锅都可搭配六色拼盘：南瓜 + 唐生菜 + 冬菇 + 炸鱼皮 + 豆腐 + 金菇再配米线/米粉/出前一丁 (3选1)汤底今次我就试左沙爹同麻辣，沙爹系「阿叉」味甜甜地个种，好浓，有别于平时出面食个种味道~麻辣亦都辣得过瘾，如果怕好辣，就记住碌到咁上下就拎起晒D辣椒和椒粒啦！因为真系会越碌越辣！！！好入味！楼下仲会派发传单，只要凭券就可以免费换领饮品一杯啦～…查看更多