華星冰室 (克街)

营业中

休息中

好多年無黎華星冰室啦，想當年佢啱啱開，同啲同學仔黎食，成日想見到明星，但梗係見唔到😂😂當時啲茶餐廳仲未盛行呢啲炒蛋厚多士，宜家已經賣到周圍都係。講返個早餐先😋⭐️早餐⭐️炒蛋·厚多士·火腿通粉炒蛋又香又滑，多士烘底，口感一流！最正係佢嘅通粉，一望已經知佢嘅通粉同一般茶記唔同，好有咬口，好煙韌！一啲都唔會淋呀！而佢嘅火腿係金妹牌架！好味😋評分：8/10👍🏻價錢：$40⭐️老外套餐⭐️炒蛋·厚多士·煙肉·炸魚·茄汁焗豆炒蛋厚多士都係咁正！其他係正常水準。俾我都係揀早餐/常餐😂評分：7/10👌🏻價錢：$48

其實如果冇明星效應，華星好可能只係一間普通嘅茶記。。。本身只係想去食下午茶，咁啱路過所以試一試，入邊好多嘢食都同一般茶記無異，好彩價錢都冇特別貴。唯獨是校長多士都算佢哋嘅主打，所以叫嚟試試。究竟同譚詠麟有咩關係，定係純粹攞佢個名話比大家知咁多士係keep住$25 🤔，實在無從稽考，亦有請佢好鍾意食呢款多士。如果係後者，我覺得未免太㗎，雖然話係黑松露芝士多士，但黑松露味其實唔出，亦有可能因為烘得太燶，不論味覺定嗅覺都感受唔到黑松露。。。其他嘢食，就不過不失啦，但係唔會係一間令人好想再幫襯嘅餐廳。

從來都唔會特登寫食評，不過真係忍唔住，希望大家小心！同埋呢間鋪頭要注意下衛生！飲左幾啖發現左隻蟲，成個常餐即刻無心機再食！炒蛋個質素都下降左！曾經都會間唔中幫襯下，依家真心唔會再有下次祝大家好運！

難得假期的上午，當然就要去特別的地方去食一個好食的早餐。於是一早便出門去港島，一如以往香港人多車多，塞了一陣才到達灣仔。餐廳座落橫街，但都容易認出。由於平日過了上班時間，無需等位就可以入座。餐牌上有港式和外國早餐，但由於之後去做運動，我就點了一份公司三文治，另外一個朋友就點了港式早餐。上餐速度奇快，基本上一叫到入單就已經上菜。公司三文治入面有滑蛋鹹牛肉、番茄、青瓜、火腿同芝士等。味道有層次，而且口感不錯，我最欣賞滑蛋鹹牛肉加入三文治後令到口感提升。而朋友的港式早餐也很不錯，通粉味道可，而滑蛋都很出色。整體而言質素可以，值得一試。不過公司三文二治不是套餐，沒有餐飲附送。

這間明星效應店， 想試好耐了，今日就試試佢，叫了一份「常餐」，內在有腿蛋多士 （可揀炒蛋）過程中突然來了併炒蛋，當我告示來錯了，職員樂意的為我更換，叉燒通粉 （可揀意大利粉），通粉有點未熟，需要我再浸熟一點，凍檸檬茶，。再另柯打了「公司三文治」，色彩繽紛，而且每層均等，這個三文治特別在於加了酸瓜， 好少三文治會加這個，味道也相當唔錯 ，而且內裡還有免治牛肉，值得嘗試備註： 在結帳時，店員溫馨提示有否儲分，我說沒有，他主動的給我

成日覺得明星去得個d通常名過其實，但呢間真係好好食，外賣嘅速度簡直係光速，兩秒有得拎個外賣，多士牛油香，炒蛋滑，通粉唔水，杯奶茶亦係水準之上，仲有85折，recommend!

常餐係港式冰室嘅特色之一，因為喺幾十年前，冰室以提供飲品為主，只會提供簡便嘅食物俾客人選擇。.✨妹豬仔👧🏻💬: 我間唔中都會嚟呢度，食我最鍾意食嘅常餐😋！我嘅常餐組合係咁：「叉燒通粉+火腿+炒蛋🥚+多士🍞，加埋杯凍檸茶」❤️，我特別想講嘅係同，好滑👍🏻，主要因為係用加入咗北海道3.6牛奶嘅蛋去炒，而係搽咗牛油之後烘過，所以好香好脆🤤！就係咁，簡簡單單造就咗一個美味嘅常餐，味道簡直一流！唔知心理作用定點呢，我覺得灣仔呢間分店好似特別好食，值得推介😆👍🏻！

想食早餐，喺灣仔都有好多茶餐廳選擇，不過最愛還是華星冰室嘅早餐！有港式風味，仲有外國人口味嘅老外早餐！近年將老早餐正式加入全日嘅餐單叫做老外套餐！唔駛11點前衝落街食！大家有口福了！🍳老外套餐 $48  （蛋，茄汁豆，煙肉，脆薯餅，粟米，厚多士）就好似好多西餐廳食嘅巨型早餐一樣， 但價錢平一半，親民而且好味！一定要跟滑蛋，因為真係好滑！脆薯餅真係好脆 （有D餐廳真係唔脆架）！加埋厚多士簡直一流！而我每次都點凍檸茶！有香濃茶味！絕對係一般茶餐廳飲唔倒！加$2都抵！🍔常餐 $48 （蛋，厚多士，通粉） 千變萬化嘅常餐你懂的！我通常點牛肉通粉，通粉個湯頭唔會太淡，味道適中，仲可以揀配搭叉燒/牛肉或火腿，蛋可以點煎蛋或炒蛋，我又係會點炒蛋，咁滑又有蛋香梗係要點，加埋厚多士！好飽！香滑冰奶茶會係我飲品第二選擇！ 呢度除左食物滿意，港式茶餐廳嘅人情味都係我鐘意嘅原因之一！ 

This is my favourite place to have a traditional HK style breakkie with scrambled egg with toast, macaroni with ham and milk tea with condensed milk. It’s simple yet so yummy! My fuel of the day! I love to put chilli sauce to my macaroni, it added spicy flavour which made the macaroni even better taste! Their scrambled egg is very smooth, buttery and creamy! I just couldn’t get enough of their scrambled egg! And eating it with the perfectly toasted bread! The red bean ice was decent, adzuki red

今日食左個速食午餐，去左華星冰室度食，點左個非常簡單噶常餐，叉燒通粉加個西多士，再加多個火腿炒蛋，炒蛋一如既往甘好食，好滑炒得好靚，搭配埋滴火腿，好味！叉燒通粉滴叉燒偏瘦，我就好中意食哩種叉燒，加多個西多士，夠曬飽肚！

華星一直喺香港嘅明星冰室，除咗真係多明星光顧之外，亦係遊客嚟香港數一數二嘅必去餐廳。口碑之好，相信大部份人都心郁郁想試下，當然我亦唔例外。一拎起餐牌，就被老外早餐呢個名吸引到，我都諗咗一諗，先醒起原來係講緊老外最愛食嘅All Day Breakfast😂有薯餅、粟米、炒滑蛋、焗茄汁豆、煙肉同多士，份量好多，滑蛋炒得又香又滑，多士好厚，亦烤得好香脆。至於飲品當然係揀佢最出名嘅奶茶 (凍飲加兩蚊)，果然名不虛傳，香濃細滑😋之前聽朋友講過佢嘅典故，留下深刻印象。話說點解佢要叫校長多士呢？原來唔係因為譚校長鍾意食，係因為佢嘅價錢好似譚校長一樣，年年廿五🤗真係估佢唔到！厚厚嘅多士配上香濃嘅黑松露同芝士，估唔到兩者唔單止冇互搶風頭，反而融洽配合，而且上枱嘅時候仲熱辣辣，咬一口，芝士能夠做到拉絲嘅效果，香氣充斥住成個口腔，令人覺得好滿足♥️

好可惜唔係太聞到黑松露嘅香味，我想強調，唔一定好貴嘅松露先有松露味嫁。去過其他非連鎖式經營嘅冰室，人地啲黑松露炒蛋都可以好香好入味。華星出品嘅，明顯只係靠明星效應，食物本身感覺只係牛油炒蛋，少膩，當然有咁多蛋係滿足嘅但以一份蛋治黎講$54就嫌略貴性價比低，所以黑松露好值得換其他牌子

有好多人都係一早要靠杯奶茶醒一醒神！嚟度既奶茶茶味好夠！good！今次食老外早餐，坐我隔離既老外都係食佢！有煙肉、炒蛋、粟米、茄汁豆、多士、薯餅，48蚊算係咁啦！

講真呢間野呢呀，係好多鬼港式茶餐廳。個餐牌，唔係複雜，全部都係港式食品。但係我想講佢，要將最簡單嘅嘢轉化到最高級，例如：佢用嘅雞蛋係好有蛋味，嗰個叉燒意粉，叉燒肥瘦適中，意粉亦都彈牙，嗰啲事又好鬼有性格。講真我去開，克街好多時候都幫襯佢。嗰個奶茶係黑白奶，飲落係正宗粗幼茶+4號茶+西冷茶的配方。香滑適中。好可惜今次去飲，師傅可能唔知道個茶都穿咗，因為私密奶茶絲襪好易穿，我都冇投訴，冇所謂啦下次留意番！

慕名来到明星店，地理位置不好找，但门面装修比较有辨识度。餐单只有2面，以主要以面为主，我点的是意面常食套餐，配以热咖啡和煎蛋。意面入口比较硬，但咀嚼后易化。煎蛋很棒，火腿也不错。