華嫂冰室 (皇廷廣場) (已搬遷) 新店位置

呢幾日凍到不得了，得幾度的香港都算少有。寒風襲人的一早專程來到這間在觀塘新開的華嫂冰室食個正早餐。又凍又早所以難得不用排隊就可以坐下食。 點了一個招牌菠蘿包($17)，豬扒雞翼蕃茄湯通粉($43)和觀塘店限定的忌廉湯通粉($32)。 招牌菠蘿包先到，至愛的蕃茄見不到，見到一大塊邪惡牛油。唔理邪惡不邪惡，狠狠先咬下一大口。咬開先見到原來蕃茄太細片，被煎蛋擋住了。一入口感覺有點失望。夾著蕃茄煎蛋的菠蘿包吃不太出菠蘿包外層那酥脆的口感，蛋不會太燶很香口，不過蕃茄片不夠新鮮多汁鮮甜，包中夾著滿滿的饀料突顯不出麵包的鬆軟和菠蘿包的香甜，略感可惜。 再試蕃茄通，湯底最重要，所以先喝一口湯底試一試。頗濃郁的蕃茄味！不過不夠蕃茄那特有酸酸甜甜的酸味。雞翼和雞排都普通而已，難得也有兩條菜。雞翼嫌被湯底浸得太腍太軟了。不會不好吃，也不會特別好吃。 最後試觀塘限定的忌廉通配香腸和煎蛋。原以為會很膩很rich，吃下去又不會！濃濃的甜忌廉還ok，頗特別。香腸麻麻地，是那種很幼的不彈牙，不好吃。名氣很大一直想來試試，不過今次的食物質素普通，有機會再試一試屯門的總店。

說到近期本地最火熱最具人氣的冰室或茶記，又怎能不提到這兒 ?食物聽聞有水準再加上明星效應，故此就算位處隔涉至屏山亦大排長龍。不等個一至兩小時都休想可以坐下來點東西....對我而言，屏山實在是太遠了，所以一直只聞樓梯響而沒的起心肝攀山涉水去試.....及至得知她竟在觀塘工廈區內插旗，自己當然喜不自勝了。不過歡喜過後，立時便想到那人潮就怕怕。此刻心念 : "橫豎等了那麼久，也不急於一時啦。還是等熱潮過後才算吧"....於是一等就是好幾月。最終卒之等到沒那麼多人，又碰巧放假才能前赴....九時許來到門前，基本上完全不用等就直行直入。挑了一個近窗的位置，是日陽光普照，溫暖的光線邊照著邊嘆著杯鴛鴦，不羨仙也....但可惜的是，眼前的這杯鴛鴦，回甘味尚可但卻有太over太濃的茶酸，有點不太對勁....有點詫異這杯作為評估茶記水平的飲料是沒如預料中出色。那另外好幾味的招牌又如何呢 ?鮮油多士烘得外脆內綿且最重要是相當厚身 (好說也應有多至吋厚吧)；夾於多士中除有一大片的全脂牛油外還加有不少的煉奶，味道甘香豐厚但亦十分的膩。這樣的組合弄出來的滋味固之然令人極滿足但吃後卻讓人充滿罪咎感....店內最為人

閒日2:30pm左右諗住少啲人等位，點知都多人！ 不過等左半個中就入到去，都算快。其實裡面都算幾大，有好多張檯，但都幾逼，所以大部分人食完都會急急腳走。兩個人叫左餐蛋麵、冬陰公雞翼米線同菠蘿包，都食得晒！招牌菠蘿包真係好好味！個包好鬆化，又係即烘熱，已經好好味。再加上夾住一片牛油同蕃茄蛋，完全加晒分!食落口無覺得肥膩，反而好夾！ 太正啦~~~！好後悔無試埋佢個咸牛肉包添啊！ 冬陰公雞翼米線有驚喜嘅冬陰公雞翼米線！同個冬陰公同我想像有出入，因為絕對唔係泰國舖個種冬陰公，食落口又唔算太辣，亦唔會太酸，味道岩岩好！ 加埋夠晒濃味嘅鹵水雞翼，食得好過癮 華嫂冰室，絕對有下次！

假期早上十點，襯未有人排隊就試下啦。三個人叫左兩碗粉、兩份三文治食、晨早流流就食咁多嘢。 蕃茄湯底牛肉通粉，湯底濃郁，食得出真材實料，牛肉係鮮牛肉，食落無咩味（牛味都冇），感覺健康。而兩份三文治，係蛋沙律同鹼牛肉，熱烘烘的特別好味，咬落好脆口，唔會太鹼，味道啱啱好，比起一般茶餐廳優勝，價錢又同一般茶餐廳差唔多，如果無人排隊嘅話都會再食多一次，但係如果要排一個鐘隊先可以再食嘅話，咁應該唔會再去啦

上一次星期六下午來要等30張枱，所以放棄左，揀平日九點半來終於不用等位。熱奶茶味道好一般。出面普通茶餐廳質素.招牌菠蘿包，有厚厚既鲜牛油,煎蛋,蕃茄,好吹料,食一個都好飽,雖然唔太健康,但個包的確係脆，好味既！芫荽皮蛋鲮魚球魚片頭米線，足料，魚片頭太咸，不過芫茜可以再多D更好,其他料都新鮮。可能我叫錯佢地唔係招牌既菜式,唔覺得好好食.如果要等半小時以上,我唔覺得太值得.

觀塘區，想要以稍高質的三文治多士配香滑奶茶作一天的開始，我暫時找不到華嫂之外的選擇。 華嫂的多士是即烘的，所以製作需時。今朝的賣相有點失手，但香脆依然。 饀料不是以量取勝，上下兩層薄薄的蛋沙律，蛋和沙津醬的配搭份量剛好，吃著蛋不會覺得太淡，沙律醬味亦無太濃。鮮甜的番茄和生菜放在中央，清新得很。顧及儀態的女士應會暗喜，因多士不會厚得張大嘴都咬不下。 華嫂的早餐沒有設A、B、C餐，全部都是散叫的。

某日因為有野做,經過觀塘,離遠見咁多人等位,原來發現係華嫂於是搵埋朋友,趁放假一齊去試下lunch時間,門外已經好多人等位,好在都唔算等好耐可能啲人等外賣多餐廳有啲西斜,夏天應該會熱死黎之前都做左少少資料搜集既,睇到啲人食奶油多,好吸引咁所以點都叫一份多士幾脆身,而且啲奶油多到漏哂出黎再叫左一碗新鮮牛肉米線,加雞翼,再配蕃茄湯底其實咁就$43,有啲貴,但一場黎到點都要試牛肉幾腍,唔鞋口,雞翼話就話秘製,但只係一般豉油雞翼,冇咩特別蕃茄湯底都幾杰身,都幾濃郁,幸好唔太咸味道還可以整體就係冇人地講到咁好食,亦冇咩特別或者係我期望過高卦

華嫂熱潮似乎稍有收斂。如果不是星期六，一個人去食早餐，基本上可不用等位了。華嫂除了名物菠蘿油和咸牛豬外，餐蛋丁亦做得相當不錯。不知為何無人推薦。 一擺上枱，賣相已先聲奪人。嬌艷欲滴的太陽蛋，肥厚的兩大塊餐肉，怎能不令人食慾大振。丁麵湯底所發出的香氣，絕對可喚醒味蕾。不愛太淋麵底的我，趕快用日本人吃拉麵方式，𠽌𠽌有聲地把麵送進肚裏。丁麵的滋味無須多費筆墨形容。喜歡把最好的留到最後的我，夾起餐肉，慢慢品嚐。兩片厚餐肉絕不是普通貨色，美味盡在不言中。不想排隊的華嫂粉𢇁，不妨平日早上就來拜訪，除了品嚐名物外，也給餐疍丁一個機會。

華嫂開到觀塘對於我地呢啲為食鬼黎講係福音，唔洗去到元朗先有得食得。 芝士鹹牛肉蛋豬仔包 ($19)鹹牛肉同蛋真係天作之合。蛋煎得好嫩，蛋黃有少少流心。鹹牛肉本身好香，仲要加埋半溶芝士邊有得輸。豬仔包烘得微微脆身，裡面好鬆軟。整體配搭唔錯，做早餐一流。 秘製撈米線 ($42)觀塘分店獨有既撈米線。醬汁好香麻油、醬油、莞茜味，仲有脆蒜粒粒。配上火腿絲、紅腸 、午餐肉、豬排，香口惹味。 不過講真唔算太特別，係屋企都整到。但如果想飽肚呢碗秘製撈米線就都係一個唔錯既選擇。

專程去，等左一個鐘。。付出太多了吧。。？米線無想像o甘多芫茜o甘香; 豬潤過熟，有點靭。凍花奶茶太甜。。不過，算滑嘅。這個，外貌極吸引。皮夠胞，可惜飽不夠軟。。亦欠牛油香味。以組合來説，很喜歡那片蕃茄。紅色點綴吓~靚得黎使整個飽清新啲。

本著好奇俱使去試吓咁多人排隊的華嫂, 唔知是否香港人對食物要求抵咗, 咁的茶餐廳一點都不值得去光顧. 收費一點也不平, 餐牌早餐全是散叫, 咁第一次光顧, 例牌ORDER招牌的咸牛肉三文治, 波蘿包及奶茶. 先講杯奶茶簡直衺到無朋友, 無茶味, 番沖多次所以好"苦", 另外個二件招牌菜, 咸牛肉應該係用罐頭貨色, 不值咁的收費, 個波蘿包怪怪放D蕃茄煎蛋, 又甜又咸. 最慘地方又迫, 坐得好辛苦.以後請我都唔會光顧.

難得放假就是要去吃平時吃不到的東西自從知道華嫂在觀塘開了分店,就一直很想去,但星期六去一定很多人最不喜歡排隊,所以趁著平日放假,一於去試下中午時間去到,門外已堆滿了人,幸好只是等十多張枱等位時,拿一張外賣紙看看大約等了15-20分鐘,終於有位了等位期間已一早點好餐,所以坐低不久食物就陸續送上了!招牌菠蘿包菠蘿包烘到非常脆身,中間夾住一塊厚厚既牛油,蕃茄同蛋不過蛋略嫌過熟,幸好有juicy既蕃茄同塊好邪惡既牛油雖然味道係唔錯,但實際上冇咩令人驚喜既感覺而後面杯奶茶,入口順滑,奶味幾重香煎豬扒通粉好足料,豬扒有兩大塊,豬扒腍身,醃得幾好,不會過咸湯底方面揀左蕃茄湯,湯非常濃郁同杰身令熱力無法散出,所以食到最尾通粉仲係保持熱辣辣不過感覺蕃茄湯全是用茄膏做

今日LUNCH 同事帶左我去華嫂冰室食野。同事力推菠蘿飽超好食，叫我一次要試下。華嫂冰室既菠蘿飽好特別，入面仲有蛋同蕃茄，成個漢堡咁大個。一般既菠蘿飽就甜既，呢個菠蘿油又甜又香又Fresh，菠蘿飽面好脆口配埋杯奶茶岩岩好，港式風味既LUNCH！我亦都叫左個最出名既蕃茄雞翼公仔面，有好濃既蕃茄味，肯定唔係CAN FOOD，雞翼就冇咩特別。

招牌菠蘿包 $17終於終於黎到華嫂試下啦之前好幾次都遇到長龍而放棄今次專登揀星期一臨收工前即係4:45PM去到 終於等10分鐘就有得食咁就梗係嗌個菠蘿包黎試下先啦菠蘿包烘得好脆好香 送上黎時仲熱辣辣招牌菠蘿包入面有牛油 煎蛋 同埋番茄但係我唔係好鍾意配埋番茄一齊食本身帶甜嘅菠蘿包 加埋蛋同番茄好似怪怪地令到蕃茄有啲搶左菠蘿包嘅香味都係比較鍾意普通嘅菠蘿油多啲搵日去番金華食番件補數先得芝士咸牛肉蛋多士 $20唔知係咪趕住收工嘅關係 件多士唔係好熱但可以睇得出係落足好多料嘅味道方面都比出面好多茶餐廳優勝尤其係咸牛肉 好夠味又夠碎 好易入口芝士同蛋就比較普通 無得點樣評論但成份三文治黎做下午茶都真係幾飽

久仰大名的華嫂終於衝出元朗區，到觀塘區開設分店。雖然華嫂冰室分店設於觀塘工廠區，但這麼出名依然引來不少食客的等候，輪候時間起碼要半小時，老在遠處已經看到人龍。 當天下大雨以為人潮也因而減弱，這想法絕對是大錯特錯。原來其他食客對華嫂依然相當堅定，值得與否那就見仁見智了。大概兩點到，號碼叫到五十號，而手拿的號碼為一百二十多，少點耐性也不行。記得華嫂冰室只從早上九點營業至下午五點，而星期日是休息的，做足準備以免碰門釘了。有人説華嫂出名了，人紅態度也變得囂張，不過在我那天的店員也是相當友善，絕對沒有「囂張」的狀況出現，所以整體的感覺也算不錯。分店由西廚出身，華嫂的兒子操刀，招牌菜依然會在分店照常供應，更加設觀塘限定，例如忌廉湯通粉、秘制撈米線及樽裝凍奶茶。不過這次我們還是先吃一些招牌菜式吧，發哥和余文樂也是華嫂的熟客，不知道有沒有機會見到他們呢？芝士咸牛肉蛋多士：這是我在華嫂冰室的至愛。咸牛肉的味道非常突出，配上邪惡的芝士，不過華嫂的芝士沒有太過火，但依舊充滿芝味！烘好的多士夠脆身，而蛋並不是完全熟透，因此吃下去的時候不少也有蛋黃流出來，非常美味。蕃茄豬扒雞翼通粉：當日挺肚餓的，所以各一點了一