華嫂冰室 (皇廷廣場)

营业中

休息中

去觀塘工廠區行，行行下又差唔多時間食野😋就沿路睇下有邊間岩心水，見到呢間，好似聽過，但又好似未食過，就入去食下下午茶😆😆咗我睇個餐牌，來來去去都係嗰啲，都求其叫個咸牛肉加午餐肉公仔麵，配杯凍奶茶。可能我比較靚仔啦🤣🤣🤣🤣侍應姐姐特登走埋黎，然後佢就話我碗麵啲午餐肉薄喎，跟住特登拎多一塊黎加比我😝😝😝呢樣我覺得絕對加分👍👍👍除咗講佢哋服務好之外，仲對自己交食物比客人有啲要求👍呢樣真係要讚

觀塘華嫂冰室是一家香港著名的茶餐廳，以其招牌菠蘿油奶茶和茶走蕃茄湯底三餸麵而聞名。我有幸品嚐了這兩道招牌菜，以下是我對它們的評論。首先，奶茶。這款飲品是華嫂冰室的招牌之一，而且在香港茶餐廳界也非常有名。它的味道非常濃郁，奶香十足，而且茶味也很濃。特別是這家店的菠蘿油，外皮酥脆，內裏鬆軟，餡料豐富，配上這杯茶，味道真是絕妙。接下來是茶走蕃茄湯底三餸麵。這款麵食的湯底非常獨特，是用蕃茄熬製而成的。湯底濃郁多了，味道非常好。三餸麵也非常豐富，有牛肉和雞翼三種餡料，每一種都很美味。麵條也很有嚼勁，整體來說是一道非常好吃的麵食。不過，這家店的午市時間非常繁忙，排隊的人很多，需要等待一段時間才能入座。如果你想避免人潮，建議在下午三點後到訪，這時候可以享受舒適的下午茶時光，同時品嚐到美味的菠蘿油和茶走蕃茄湯底三餸麵。總體來說，觀塘華嫂冰室的菠蘿油奶茶和茶走蕃茄湯底三餸麵都是非常值得一試的美食。如果你來到香港，不妨到這家店品嚐一下它們的招牌菜，相信你一定會喜歡上這裏獨特的味道。

遠近馳名的華嫂豬扒菠蘿包，絕對是一道讓人食指大動，讓人垂涎三尺!!豬扒菠蘿包的外皮酥脆，內裡柔軟，夾著一塊塊肥美多汁的豬扒，入口即化，配上新鮮生菜和番茄，讓人回味無窮。

上次小編食完佢既秘製撈米線都幾特別幾好食，今次又再返黎試下食佢其他人氣食品！【招牌菠蘿包】$21淨係睇menu既圖都真係覺得佢好搶fo幾吸引！顏色配搭同好多層次感令人垂涎三尺🤤食起都同樣覺得好滿足！夾住煎蛋好香口，不過小編覺得加啲沙律醬濕潤返少少咁應該會更好味！❤️【香熟豬扒米線】$35純粹想叫個澱粉質可以飽肚d, 佢既豬扒原來勁大塊，味道就好似平時食開既常餐咁中規中矩合情合理😂咁樣食都真係幾抵食！

鲜油奶多厚片吐司烤到焦香淋上炼奶再夹上冰凉的牛油看似简单但却有意想不到的美味招牌菠萝包外皮烤的很酥脆里面夹着半熟荷包蛋、番茄、牛油吃起来咸甜咸甜的 清爽不腻口汤面类可以自己的喜好选择"面、汤底、配料”我们选择通粉和原味汤底吃起来不死咸 肉的部分也都很入味个人比较推荐秘制鸡翼

久唔久都會諗起華嫂既喇沙湯底灣仔同尖沙咀都經常幫襯觀塘就第一次但感覺上 湯底同豬扒都唔及灣仔店好味最慘既係 米線一送到 夾起啲米線 份量少得可憐 我諗10啖左右已經食完 平時灣仔店 一定食淨1/3 碗米線 今次食完 完全覺得唔飽發生咩事搞到下次都唔知仲黎唔黎好

小編呢排晏就都要黎到老母地段-觀塘區搵食，day 1呢日就黎左呢間華嫂冰室試試佢。 哇！條堂食隊勁長！小編諗緊究竟係因為到左老母區既繁忙既中午時段定係因為好好食？🤔 由於時間既關係，所以決定叫外賣😂😂 點左佢其中一個大熱門：秘製撈米線！【秘製撈米線】$51呢個食法真係未試過，無論配搭定賣相都真係未曾接觸過。😂 入面配料有秘制豬扒、紅腸、青瓜和午餐肉，加埋個米線撈埋獨家醬汁同大量芫茜，食落又幾清新特別。不過個青瓜小編略嫌佢酸得濟，整體就其實都唔錯值得一試👍🏻

我點係豬扒鷄翼番茄米粉，係推薦餐牌上面其中一款。我覺得一般，就是罐頭番茄味，沒有什麽特別。不是新鮮番茄整出來的湯底，沒有番茄味。豬扒鷄翼腌製得入味，又唔會over咗，係好食嘅。野飲就正常茶餐廳的味道，無咪好推薦。

已經第三次幫襯，只因就腳！食物普通、價錢正常，純粹地點方便朋友公司附近，同埋食飯時間唔使點等位….但職員態度惡劣，加單加咗好耐都未到，追問下職員同我講壞咗機所以落唔到單，其實只係加杯飲品，之後我問佢可唔可以出咗杯飲品俾我飲左先再落單，佢話唔得叫我等吓，我話你部機一直未整返咁我係咪唔使飲，佢話咁你唔好飲啦🙄🙄咁嘅態度真係以後唔會再幫襯！埋單又要排長龍因為個收銀收得勁慢🤦🏼‍♀️成間鋪頭運作都係一片混亂…..

假期路過，見冇嘛人，就入去試下原來菠蘿包係交貨來，叮咗粘口，漿糊咁同傳說中不同!認真嘛嘛！ 奶油多就幾好，滿意呀！牛油夠厚身！嘢飲凍鴛鴦也好味！齋啡就差哋啦！服務好一般，態度嘛嘛！環境衛生強差人意，望見廚房有哋怕怕😨!整體水平一般，相對性價比低，唔會再去！

觀塘工廠區好多舖頭都好有心做，食物質素唔錯👍🏻👍🏻👍🏻難得放假，就黎左觀塘華嫂食個靚早餐🥣豬膶牛肉莞茜皮蛋米線 $48豬膶同牛肉都好新鮮，肉嫩又唔會有陣豬「騷」味，仲好足料👍🏻👍🏻👍🏻仲有成大半粒皮蛋，一啲都無揸流攤👍🏻秘制撈米線 $49賣相差啲，但味道唔錯😋😋豬扒好香😋😋😋煎魚餅真係好好食，用鯪魚肉煎，材料簡單，但十分惹味😋😋仲有鮮奶油多士，十分飽足👍🏻烘埋底，真係無得輸

網民推介沙嗲牛肉麵，真人實測特餐 沙嗲牛肉麵+火腿奄列+餐包沙嗲味不足，牛肉尚可接受沒有筋滑身，麵（大光麵）有驚喜，爽彈爽彈（師傅一定係煮麵高手），火腿奄列蛋味不足，餐包不夠鬆軟。但值得一讚服務態度好，地方乾淨，保留90年代裝修。值得一試食回憶

去到觀塘拎野得自己一個嘅時候行到有少少肚餓諗起華嫂冰室雖然都唔係最繁忙時間去都要等一陣位裹面職員👩‍💼真係好忙下午茶時間～～由於唔想食到好飽所以只係叫左個菠蘿油同飲枝奶茶一路而往咁好食尤其係奶茶🧋濃茶味 但唔會澀又滑又香招牌菠蘿油多配料 蕃茄🍎 煎蛋🍳唔搶到菠蘿包鬆軟質感食完都已經飽了

見係米線就諗住試下，好多人都講到好好食咁豬扒無豬肉味，又硬又實好難咬，喇沙又無咩味，米線又林又碎，成個餐63蚊，係觀塘大把野可以簡，呢碗野以為觀塘店嘅特色專登去食，點知令人極度失望，服務態度又差。回頭率係零

好掛住華嫂冰室的鮮油奶多， 所以專程過來吃午餐，位於觀塘敬業街55號皇廷廣場1號舖。午餐 ～ 秘製撈米線$49、 所向無敵餐蛋$31改出前一丁$3、 鮮油奶多$17、 樽裝凍奶茶兩支$38。 📍秘製撈米線🍝 ～ 有豬扒、紅腸、餐肉和青瓜， 大大碗，份量好多， 秘製醬都幾惹味，帶點微辣，但豬扒和餐肉口感太硬帶點乾， 米線太碎， 如果青瓜多啲就更好。 📍所向無敵餐蛋$31改出前一丁🍜 ～ 餐蛋公仔麵絕對是港式風味， 間中食下就 ok。 📍鮮油奶多🧇 ～ 非常邪惡， 厚切的鮮油奶多， 很好吃。 📍樽裝凍奶茶🥤 ～ 奶茶味道香濃，口感順滑。 每次都是為鮮油奶多而來，真是不錯，但麵類就普普通通吧！🏷️溫馨提示～ 整個用餐體驗均屬個人分享意見， 只作參考😊。